༺༺༺༺༺༺༻༻༻༻༻༻
_جُمِّلْت أخلاقها
حلقة (6)
✍🏻كاتبة الجنوب
____________بسمه تعالى __________
"لگينه الدنيا ما تنحب
حزن ودروب ما تنطب
درب مكتوب بي نبچي
ودرب مكتوب بي نتعب"
قندة: فزيت احس بثگل على عيوني حاولت
افتحهم شوي شوي اتضحت الي رؤيا بس بصورة
مو واضحه(مغوشه) الى إن صفت كدامي صورتهم
نرجس وام احمد وياها، باوعت للمكان مو بيتنا
صاحت نرجس
واخيراً فتحت عيونها!!
ام احمد: بنيتي حمدالله على السلامة خوفتينا عليج
رجعت نرجس لزمت ايدي
_ما عندج غير العافيه
هزيت براسي بمعنى اي مابيه احجي اكو ثگل
براسي ومدري شنو صاير وليش انا هنا
نرجس: لازم اكول لدكتور صحت حتى يشوفها
واشوف سالم وين راح!
ام احمد: روحي انا ابقى يمها
راحت وام احمد بقت تحجي وياي
_بنيتي عين مصلت على النبي بس الحمدلله من
طلعتي منها سالمه ولا تخافين هسه يطلعوج مابيج
بس العافيه تغذي زين ليش هيج صاير وجهج
أصفر بعد منا ورايح لازم تاكلين مال نفرين خو
متبقين بدون أكل يحتاجلج تغذيه بنيتي
قندة: معرفتها عليمن تحجي وليش انا شبيه
حتى جابوني هناا كل هل تساؤلات براسي بس
مابيه احجي
شوي دخل دكتور وياا نرجس
_شلونها مريضتنا
_ابتسمت ابتسامه صغيرة
_لا لا زينة
ام احمد: حمدالله والشكر، الله حماها
نرجس: اي والله ونعم بالله ماقصر
دكتور شال مغذي من ايدي وكتب على ورقه
مجموعه من أدويه كال هاي اخذوهم من صيدليه
وهسه صار ادكدرون طلعونها ودربالكم على
صحتها
ام احمد: زين دكتور ليش ما جاي تحجي
_مابيها شي لأن تعبانه وصارلها وقت نايمه
_هاا الحمدلله
طلع دكتور
أنت تقرأ
جُمِّلْت... أخلاقها //باللهجة العراقية //
Mistério / Suspenseهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
