جُمِّلْت... أخلاقها //باللهجة العراقية //

حلقة (33) جزء الثاني

حلقة (33)

#جُمِّلْت أخلاقها

✍🏻كاتبة الجنوب

_______________بسمه تعالى ____________

غمضت عيوني حتى لا اشوف شي حسيت بيد لزمتني باوعت عليه لكيته عماد باوعت بعيونه همس بصوت ناصي

_لا تخافين انا هناا، وسحب ايده مني

_اخاف اطيح واغرگ

_انا موجود اطلعج

ودار وجها مني، رجعت كتله بهمس!!

_انا آسفة

_على شنو

_على الي صار وبسببي دخلت سجن

_عادي!!

بقيت صافنه عليه ليش هيج تغيير وليش هيج عاملني ادري صارله مو شويه، بس انا شنو ذنبي معقوله هسه هو كارهني اكيد لأن حتى ما منتبه عليه ولا منتبه على وجودي يمه، اشوف بنات شلون فرحانات وغاطات ايديهم بالماي وبلم يمشي والهوا العذب وبرودته

الجو يجنن بمعنى كلمه، تجرأت وغطيت ايدي بالماي بااارد ويه برودت الجو،

احب هيج اجواء واعشق الطبيعة ندمجت وياا ماي وانا استمتع بقطرات الماي تبلل وجهي، حسيت بلم مال على جهتي كلت هاي هي راح اغرگ

صرخت بصووت

_يممه لحكيني راح اغرگ

اجالي صوته وهو ايكول لا تخافين ما تغركين وبنات يضحكن عليه، لزمت ملابسه وانا احتمي بي صاحت ضحى

_هاي جبانه معليك بيها امشي سريع

_يا طلابت اليوم الما تخلص بويه ما تغركين وهاي راح نرجع،

وهنن عاطن!!

_لا شنو نرجع واحنه بعدنه ما شبعنه

_جاا شلون ما شوفون وجه لبنيه اصفر

_معليك بيها

تجمعن يمي وهنن يسولفن ويضحكن نسيت روحي وياهم ونسيت بعدني لازمه عماد من ملابسه باوعتله خجلت منه

وهو نتبه عليه وأشرلي بمعنى عادي بقي، وبقيت لازمته حتى ما اخاف واحس بحنية!!

_عماد، عماد

_هاا ضحى

_غنينه نسمع صوتك

_ما احب الغنه

_هسه لو سالم جان غنه صوته كلش حلو مو مثلك

_كالو اخوي بس مو لازم بكلشي نتشابه!!

سكتت عنه وهي تهمس يم بنات هذا عكره نفسيه مو مثل اخوو

صفنت بس انا ما اشوفه، بلعكس شايل ترافه وحنيه ما عند احد، بس هي شوفه عقده لأن ميحب اغاني او ميحب يغني بصوته انتبهت عليه ما تحرك مكانه يمكن لأن لازمته من ملابسه تركت ملابسه، لا لتفتلي ولا حسسني هو منزعج من لزمتي بي احس جان متقيد تركته وندمجت ويه بنات وهنن يغنن.