#جُمِّلْت أخلاقها
✍️كاتبة الجنوب
____'''______________""""
أسد شباچ حسنك لو تعديت
وأضيف تراب جدمك وردة البيت
وأسألك لو طفح حسنك بالعيون
حلو بطبعك يا الغنج.... لو تحليت
وألمك لمة الخاطر بالعتاب
وأنشدك من عطشتك ليش ما جيت...
سمر:_ عمرج خسارة كلش حلو،بس كون زهير يقبل
قندة:_ هاا اي عادي اذا زهير ما قبل هذا ابو راس،
ناخذ سالم شدكول سلوم
سالم:_هاا شنو شبيج
قندة:_ اريد اروح بل بلم ولا مرة صاعدة بي كلت نجمع انا وسمر وباقي بنات وانت تاخذنه لو زهير
سالم:_هاا اي اخذ بلم من زهير اونسكم بعد شتردون
قندة:_ لك عاش اخوي
سالم:_ يدللون الحلوين
قندة:_ امممم من شوكت صرت انا حلوة
سالم:_ انتي منو حاجي وياج وين جمالج
قندة:_ هاا لعد قصدك على هذيج الصفحة
سالم:_اي يخبلون!!!
ويباوع على سمر اشوفها شلون خجلت ودنكت راسها
_اول مرة اشوف سلوم بوجه الفرح وعيونه يلمعن اول مرة اعرف هو كبر، سمر بت رافد الجبيرة يطلع عمرها ب 14 او 15 سنة طويله وضعيفة عيونها عسليه وبشرتها بيضة كلش حلوا ولطيفة
كملنه اكل وغسل اماعين،صار موعد انروح نتمشى بالبستان واكيد برفقة سلوم جمعنا احنه بنات وصعدنه وياا جنت كلش فرحانه واحنه نشوف روج يودينه وجيبنه ويه نسمات الهوا العالي ويه ضحك البنات وفرحتهن
ضحى:_ اكول سلوم بهل جو الحلو غنيلنه اغنيه بهل صوت حلو
قندة:_ هههه منو صوته حلو
ضحى:_ كل مرة يغني صوته حنون جنه مطرب
استغربت اخوي صوته حلو ويغني وانا ثوله ما ادري
بقى واكف وابن عمي صغير امين ويانه سلوم واكف بطرف البلم (مشحوف) وامين بنهاية البلم وكاضين عصا يقرفون بيها ساعدهم بسير البلم
سالم:_ صار ضحاوي تدلل
بدا سلوم يغني وصافن على سمر وهي مرة تبتسم ومرة دنك راسها
سالم:_ الفنان ياس خضر ايكول
عيونك زرازير البراري
بكل نشاط إجناحها .. بعالي السحر
والروح مني عوسجة بر
ما وصل ليها الندى ..و لا جاسها بگطرة المطر
** ** **
وصفولي عنك بالنباعي تفيض
و تعنيت ليلة ويَّه القمر
وصفولي عنك .. كل مسامة تفيض منك عطر.. يالحسنك نهر
تنزل بصدري ويَّه النفس.. و بدمي غصباً تنعجن
و أشهگ، و اصعدَّك للسِّما.. بحسرات، و بعَّنة حزن
حن.. حن بويَّه حن..
أنت تقرأ
جُمِّلْت... أخلاقها //باللهجة العراقية //
Mystery / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
