جُمِّلْت... أخلاقها //باللهجة العراقية //

الحلقة السادسة

#جُمِّلْت أخلاقها
✍️كاتبة الجنوب

وغشيم اليكضي عمره يعاكس الريح لأن ريحك شماته وما تحب خير فقير الأيده مدها ويشحذ الناس ولكن أشرف من اهل الدنانير على الفاد الدفاتر وابنة شبعان وجهالك بالفرص تاكل طباشير..
______________________

ابو سالم:_يلا هسه حضرو ملابسكم...

كل واحد بينا طفر يحضر لروحة
وجهزنه ملابس واحنه نودع هذا البيت (بيت عمتي) اللي اول ما مدخلنه كلنا مكسورين بفاجعة اليمه برغم جانت عمتي ويانه بكل خطوة ابد متركتنه ولا سمعنه منها كلمة مو حلوا وبناتها ذرة مات الله عتبرونه خواتهم

وبدت رحتنه بيت جديد ما نعرف هذا البيت شنو اللي مخبينه حملنه غراض وتجهنه بيتنه، بدت سيارة تمشي بينا طريق مو كلش،بعيد عن بيت عمتي بعد مسافات قليلة بنفس المدينه، بقو اخواني ينزلون الغراض ما عدنه واجد من كد ما يوميه النا شيله (نقله من بيت لبيت) ويوميه بيت جديد على كولت امي الله يرحمها احنه مثل ام لبزازين كل يوم النا

بيت اخذت خواتي ودخلنا للبيت نزلت اباوع على بيت شكله بيت عادي صغير وبي بستان بس متروك ماكو خضار قليل يطل على نهر جبير

باب خارجي ياخذكم للنهر غرفتين ممر وباقي مشتملات الولد كملو تنزيل الغراض وبدينا نرتب بيهن ونظف البيت وياي حور، الولد ما قصرو حسيت بفراغ امي برغم امي معلمتني على شغل حتى من جانت موجودة مرات ما نحس بوجودها بسبب مشاكلها ويه ابوي حالة ابوي ماديه يا دوب يكدر اجيبنا اكل حتى عيشنا جانت دائماً تحسس ابوي بنقص بعوز كل همها تكون ثريه

ابوي جان موظف بعدها خسر وظيفته، ابوي حيل فقير وكلبة طيب ويساعد الكل بس زمن وكف عكسة،

صفنات ابوي وهو شايل هموم الدنيا اكثر شي ضوجني بالحياة خصوصاً اذا كان بجيبة ولا فلس احمر مثل ما يكول، اتمنى لو اشيل ولو شوي من حمله..

وبدينا بحملة التنضيف وتعديل البيت وهوستنه كايمه بيت عمي قريب علينه ولدهم كله ويانا مقصرو تعبنه واحنه نظف خلصو ما بقت الا شغلات قليله تركوهم الولد علينا نكملهن ووبقو صيحون جوعانيين ولد عمي زهير وامين وسرمد وابنهم جبير رافد زهير وامين ما تركونه بكل خطوة ويانا..

زهير:_ترا والله حرام عليكم غير متنه جوع ما ناوين توكلونه

سالم:_بلى ليش ما تنجب احنه بحال كرشك ما شوف بعدين انت جاي ساعدنه لو تكبر كرشك

زهير:_ اوووو بجه بوجه الله هسه ما ادري شنو مكلينه اكول عوف الي بأيدك خلي روح جيبنه شي ناكله مو فحطت من الجوع عيييع شكد يابسين انتم

سالم:_بلى استاذ زهير مدكلي شنو تطلب للكرش مالتك

زهير:_ الفكر ادري بوجهك فكر ما راح يطلع منك شي
وراح اجيبلي،اكل وشغل ايدي احسلي