جُمِّلْت... أخلاقها //باللهجة العراقية //

حلقة 3

                              (سويلفات عمة مها)

#جُمِّلت أخلاقها..
✍️كاتبة الجنوب

                               
____________________

مسيت العافيه عليكم يهلنه..

ونرجع ويه مكرود بندر  ..

بندر:_تعالي زهرة شبيج كاعدة تحوسين بالج حجي احجي نسمع

زهرة:_لا بس اكول شنو جبتنا من الكويت لأن كل اللي اجو جايبين ذهب لنسوانهم يلا طلع شنو جايبلي،

مدت ايدها زهرة تنتظر بندر

بندر:_ فريت ايدي اييي يزهرة تدرين بيه أمد ايدي على شي مو الي

زهرة:_غمت روحها وكالت هذا حظي ادري بيك كلشي ما وراك هو الفكر فكر وين ما يروح
عفتها مالي خلك اجاوبها وحطيت راسي على مخدة وكل شوي تجي بالي فكرة شلون طلعت سالم

عمه مها:_هاي زهرة بس موش زهرة هاي عكربة تخلي هل مسجين مرتاح لا لزوم طلعلها سالفة عاد لوليد جاي من الموت تخلي مستريح لا، جانت متأمله اجيبلها ذهيبات يا يمه نست رجلها بندر ابو كلب

الطيب مو هو اللي يمد ايده على حرام ويستغل هذول مساجين هما طايحين بمحنه اي يلوليدات حط راسة على مخدة يفكر لباجر شراح يجراله

ومحد بينا يعرف شنو مظمومله من الدنيا، عاد شوي وكامت العيطة فزز على صياح زهرة وهي حاطه سالم (ابن بندر جبير) وتكفخ بي (تضرب) وهو مت عيني مفرفح من بجي عاد عاط عليها وجر سالم منها وهي تغلط عليه اخذ ابنه وهي باقيه دردم بقى بندر سكت ب سالم ويريد يعرف السبب

بندر:_كافي بابا بسك عاد لا تبجي فهمني شبيها امك

وهو ساكت ويزيد صوته بلبجي

بندر:_لا حول الله غير تفهمني مناا والدرب تضربك امك غير عدها سبب

بقى يناشق بالبجي وبلكوا يطلع الكلمه

سالم:_ بوويه اجيت امي اريد اكل جوعان بقت تعيط عليه جان ادكول عليه بلابوش، كتلها اريد بلابوش وهي جان تكتلني بويه اريد بلابوش

بندر:_ الله لا ينطيج زهرة كاعدة تحجين عليهم وتعلميهم اغلاط هو طفل وين يفهم هل كلام وتالي وياج زهرة (طبعاً بلابوش كلمة تستخدم للسب)

عفت البيت وطلعت رحت بيت اخوي سامعين بيه اجيت وكلها تستقبلني وتتحمدلي السلامة وصلت يمهم

بقيت اسولف ويااا سألته على اولاد اخوي اللي انفقد من حرب ماله ذجر جان يصدمني اخوي ويكول

ابو رافد:_ ليش متدري سالفت مرت اخوك

بندر:_ لا شنو صاير مو تدري هسه نازل من الموت قلقتني يبو رافد متحجي بيهم شي

ابو رافد:_ والله يا ابو بندر سالفتها متسولف جا غير طلكت من اخوك وهسه خاطبها واحد وتريد تزوج