حلقة (31)
_جُمِّلْت أخلاقها
✍🏻كاتبة الجنوب
____________بسمه تعالى ____________
_هاي منوو زين والله تذكرين عندج أهل
_ياا يمه شلون أنسه اهلي خاب وحده بدون أهل ما تسوا شي
_هذا كريموو ميجيبج
_خايبه شكون اسوي هوا بيتنا بتلفان الدنيا الواحد يادوب يلحك على رويحته ويلملم شملهم ويوكلهم لكمه زينه
_ايبااه والله زمن يغير معقوله انتي قنده اختي
_يا حور يخيه قابل مبدليني انا قنده بدمي وشحمي، تعالو كلولي صدك سالم تزوج
_والله قديمه راح ايصير عنده جهال ادكلي زوج
_على كيفكم وياي وصلني خبر زواجه
_اي وليش ما اجيتي
_جاا غير عمتي صايرا مگرمه ومبتلين بيها وانا طحت مريضه جان بوكتها ومنا فلوس ماكو
وضليت بحسره يخواتي وأتخيله بقاط العرس كاعد عليه كعود وبالمغربيه ذكرت زفته وتخليته ومتت بواجي عليه
_اكلج آمنه هاي تعرفيها
_شكل شكل قندة بس الحجي حجي مو حجي قنده هذا لا اكيد مبدلها كرومي
_ياا خيه شمالجن ديرتنا تختلف وهاي صايرلي جم سنه يمهم اكيد اتعلم حجاياتهم، هسه عوفجن مني وكللي عروستكم وين
_الله انطاها والله خذاها
_لا آمنه لا دكوليها، ماتت يبوووي يخوي ما عندك حظ ويه نسوان
_صخام صخمج أمنوو ولج شموتها منطمرا بغرفتها هسه شوي وتجيلج غباض الأرواح
_جاا خوفيتني حسبالي ماتت
حطت ايدها على حلكها وتضحك انباوع بس جسدها يهتز صوت ضحك ماكو،
_شبيج
_جان خليتني اصرخ ولم وادم عليكم
_بس هاي عوزها حتى تذبحنا
وتدفنه واحنه عدلين..
وهي ميته ضحك ندك الباب هاي اكيد اجو الولد افتحلهم باب واجي،
دخل سالم ورا عماد تعالو شوفو اليوم منو عدنه تفاجئو بشوفت قندة
_يابه منو عدنا قنده ما غيرها كل عام وانتي بخير
_هلا، هلا
تلكتهم قنده بسلامها الحار مال اشتياق سنوات لا يوم ولا يومين
_يمه يسالم اعذرني ما كدرت احضر عرسك
_معذورا قنده صدك جذب، بس انتي مثل امي ردتج تكونين يمي بس الله مقاسم
_ونعم بالله اهم شي تكونيين بخير انتي وجهالج
_والله يخوي الحمدلله لو ما عمتي اخخخ يعمتي ومشاكلها ما تخلص، بس انت يسالم مو خوش
أنت تقرأ
جُمِّلْت... أخلاقها //باللهجة العراقية //
Детектив / Триллерهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
