جُمِّلْت... أخلاقها //باللهجة العراقية //

حلقة(12)

#جُمِّلْت أخلاقها
✍️كاتبة الجنوب

متقلب الودِّ لا يؤتمن
وفاضح السر لا يؤتمن
وناكر الجميل لا يؤتمن
وإن لم تحذر هؤلاء
فأنتَ على نفسكَ لا تؤتمن
______________________

_هي هاي لسانها طويل وميعجبها العجب مشوفينها شايلة خشمها عود شوفوني انا مرت دكتور هم ما ادري دكتورلو صيدلاني عوفيها لا تهتميلها، يلا امشي ترا راح خلصون حتى انحط الغدة رحت وياها الغرفتهم،

كملت شغلها ورحنة صلينة وبدو بتحضيرات الاكل وكامت الخبصة النسوان الكبار يحطن بالصحون وبنات يحضرن نفسهن انتبهت على حور وآمنه ما موجودات طلعت اشوفهن وين اباوعلهن لعبن ويه مجموعة من بنات جاي ارجع واشوف زهير صار عينة بعيني وصاح عليه

زهير:_هاا خايسة شلونج

قندة:_اووو هذا منو هاا كاطع بعد ما مريت النا كطعت وهل كطعة

زهير:_بيني وبينج اخلي العرسان ياخذون راحتهم

قندة:_ولك شلك بيها صارلهم شكد من عرسو يا عرسان قابل ابوي اول طيحة اله بزواج

زهير:_خرب والله ضحكين لا ان شاءلله منا ورايح اجيلكم بس ها ما اريد طبخين طبخج يلعب نفس

قندة:_اممم هسه صار طبخي يلعب نفس مو جنت تاكل اصابعك  ورا

زهير:_وين اكل اصابعي اشوفهن معضعضات اثاري من ورا اكلج، هو لو ما جنت مجبور اكل

صاحو عليه كال من رخصتج بت عمي

قندة:_مرخوص

راح زهير رحت كعدت يم البنات وبدو الزلم يصبون الغدا على ما خلصو حطو السفرة للنسوان صاحت علينا نرجس اجينا كعدنا يمها وهي توكل ب آمنه وهذن نسوان يباوعلها ويحجن بيناتهم وهي

مطنشتهن ولا كأنما،معرف شنو سالفتهن وهيج حاقدين علينا،

كملو الأكل وبدت هوسة اماعين كمت اعاونهم غسلت وياهم وقسم من بنات سون جاي بدينا نغسل على

سريع حتى نخلص وروح انبدل طبعاً احلى فقرة بلعرس هو وكت التبديل، وشوي ونسمعةصوت

صايح نسوان،عفت اماعين ورحت وشوفلك هاي مرت خال ابوي صيح ولازمة ايدها نرجس

_خيه مسحيها بوجهي طفلة ما تدري مو متقصدة

_خيه شنو ما شوف، اووووي عساج عمة

_ جاهلة لا دعين عليها

وهاي مفورة عصبية تريد ادكطع آمنه ادكطع لو ما عيب من نسوان،

آمنة عابرة من يمها وكلاص جاي واكع عليها وحتركت ايدها،

_ والله فرحت بگلبي من كثر ما شايلة خشمها الله عاقبها ولو ما العيبة الا اهلهل لأن انكسر