#جُمِّلْت أخلاقها
✍️زينب الحوراء علي
____________
اذا بيت أنهدم وتساوى بالكاع
يردة احسن بناء بشيش تصليح
لجن بيت أخلاق شلون لو طاح
بعد لا سامح الله ايصير تصليح
حور: درت وجهي شفتها تباوعلي وجها متروس غضب وتخزر بعينها، سويت نفسي ما شايفتها وضحكت بصوت عالي وحجيت يلاانروح، بعد ما باوعت لوجها خفت من نظراتها ومريد اضوج ورافد يمي خليها تحترك بنار الغيرة
رافد: من يمتى انتي هنا
حور: قبل لا تجي بدقايق
رافد: رحت بشغلة سريعة ورجعت
حور: مكضيه، بس شبيك ضايج
رافد: شلون عرفتي
حور: باين من وجهك
رافد: الفاهيه طلعت هم تعرف الوجوه
حور: انت شوكت تبطل كلمة الفاهيه شايفني
رافد: تنكطين فهاوا وزعطوطه وكلشي ما تفتهمين
تردين ازيد بعد
حور: لا مو زغيرة ولا فاهيه
رافد: والله هاي وجهة نظري ست حور وغصباً عليج فاهيه ههههه
برطمت وخرت وجهي منه ومحجيت وياا
رافد: هم تزعل عود، عمي انتي اجمل وانتي احلى زينة بنات انتي بس هاي فاهيه معناتها دلع عاد كافي هل بوز هذا
حور: ماا ماا زعلت
رافد: انتي لمدللة ازعلج افااا اليوم احرك بيت عبيس اذا هيج
حور: عبيس منو
رافد: هذا واحد ويانه بالداوم واحد ملغوث عاد كل ما اضوج اكول احرك بيت عبيس، وهو يضل يلطم مثل نسوان حسباله صدك احركه، وبعد ركب لساني عاد كل ما اضوج واصيح على موظفين اكول اليوم اله احرك بيت عبيس وهذا نطط عيونه شبيك ويه بيتي،عاد هسه اذا تبقين زعلانه ترا والله اروح احرك بيت عبيس،،،
حور: هههه سويها
رافد: اي يباا راوينه هل ابتسامه متعلم عليج فاكة حلكج وسوين مصايب تعاي كوليلي هليام شخبار نرجسه ايكولون ماتت بتها
حور: اووو لاجيب طاريهم خليني مرتاحة عنهم بيتهم بس غث
رافد: انتي شوكت تبطلين وتحبين بيتكم
حور: هو شنو حلو بي يوميه مغثه ويوميه سالفة جديدة وشعندي وياهم احبهم كلهم والله بس مرت ابوي احسها تبالغ، بناتي وبناتي ليكول هي حملت بينه وجابتنه تسع تشهر، وهاي قندة ثوله مصدكتها
رافد: شوفي حور الام الي تربي ومو الي تحبل وتولد هواي حبلن ويذبن خلفتهن مو كل ام ام بس هي مو تبالغ تريد تعوضكم عن حنان امكم فقدتو بعدين هاي جزاتها ترى ماكو وحدة تتحمل هيج مسؤليه حمدي ربج
أنت تقرأ
جُمِّلْت... أخلاقها //باللهجة العراقية //
Misteri / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
