جُمِّلْت... أخلاقها //باللهجة العراقية //

حلقة 21

#جُمِّلْت أخلاقها

✍️كاتبة الجنوب

أرجوك فوگ الجرح
لتخلي بيدك ملح
ما بيه أحمل هجر هجرك ذبحني ذبح
محبوبي بس أفتهم
بعدك أحس باليتم
والنوم مابي طعم لو ما تمرني بحلم
والليل وحشه صدگ
صدگني من نفترگ
والدمع بعدك جمر بخدودي يحرگ حرگ
ليش أنته ما تقتنع
من أشرحلك أني الوضع
الگلك أكرهك چذب ولك أنته تحت الضلع
مليت من الصبر
ما بيه بعد أنتضر
أرجعلي عمري أنتهه وهو العمر چم عمر
________________________

سمر:  عيونه سولف ردته يحجي ينطق اعرف نظرته عتب كلمه طلعت مني زلت لسان عذرني ادري قسيت بس ردتك اد كول سامحتج سمر، اوووف يا سالم مترحم گلبي جانت نظرتي شوك حيل مشتاقتله، هو صافن كأن يحفظ ملامح وجهي نسيت انا وين نسيت انا بين مجموعة من بنات، عيوني بعيونه نسيت نفسي وانا يمه شفته دار وجها يريد يطلع ما حجه ولا حجاية، انتبهت على حور ادكول احممم نحن هنا دنكت وخجلت منهم

قندة وحور واكفات آمنه تروح وترجع وانا تيهت تهت من شفته، وكأن احاول ارسمه بخيالي،

حور: يابه سلوم عدنة خطار ههههي ممنوع دخول الى هنا

سمر: سالم حك راسه ومبتسم اموت على هاي حركة ايسويها من ايكون خجلان

سالم: خطارنه مو غريب منا وبينا،

حور: غير سلم على خطارنه

سالم: يابه بنت عم كل عام وانتي بخير

حور: ولا تبطل من معايداتك تمشي وتوزع

سالم: وانتي شكو هذا طبعي وهاي عادتي وهاي حياتي وهاي انا والكل تعرفني انا شنو وابن منو، مقتنع بنفسي واحب الي قدرني ويحبني بكل تفصيله ما يدور وراي وياخذ حجي العالم،ما يصدك الي سمعه عندة ثقة جبيرة بيه  بعدكم ما تعرفون منو سالم، مو سالم الي يسكت على ابو زلت لسان كلمه محلوة تطلع منه هذا لا اقدرة ولا اريده وها الي يمسني بكلمه ادوسه هيج برجلي وانعل ابو عاطفة  الي تخليك ادوس  كرامتك  هاي انا وهذا طبعي

عافنه وطلع وكلنا باقين جامدين هذا شبي شجاي يخربط الوحيدة  سمر الي ختلفن معاني وجها وعيونها نترسن دمع اكيد يقصدها بالحجي

سمر: كل كلمة كالها جانت طالعة من كل گلبه ويقصدني بيها اباوعلهم نظراتها عليه وكلها اتهام،اي عليه عليه ارتاحو بس سكتو، اكولها بگلبي ما نطقت،  كسر گلبي ليش هيج يسالم مو دكول عني جاهلة اعتبرني جاهلة ما افهم شي،دموعي ما سيطرت عليهن

رحت للحمام بحجة اغسل وبجيت لحد ما تعبت، وهمزين عدهم وفاة حتى امي ما تكول ليش باجيه

حيل ضجت وتمنيت اروح ما ابقى يمهم وكل شوي اكول يلا بيبي امي تنتظرني، وهي ماكو،
سالم بعد ما شفته ولا اريد اشوفة بعد ،بقيت كاعدة بصف بيبي شوي ودخلت مرة هي وبتها تمشي وتباوع على نسوان مستغربة كلها سلمت عليها وهي تتسائل شنو صاير عدكم، لطمت على خدها من سمعت طفله ميته