#جُمِّلْت أخلاقها
✍️كاتبة الجنوب
،_________________
ها يروحي..
لملمي شعدج محنة وغني لليسمع غناج
مسافرين..
وانطي للمايسوة مكفة شفاد من انطيتي
عين..
ابلا وداع بليل طلعي خاف منهم
تستحين..
هي ليلة وثاني ليلة وراح اوعدج
تنسين..
هاي وادم تفكد الشابعها ذلة
ابد ما تفكد الحنين..
الباب الشارع اندفع ودخلو علينا المسلحين لازمين السلاح جفتو علينه جفته وحدة لا دكو الباب ولا شي وصاحو صوت واحد
_ لك اطلع وين ضام روحك نلزمك نلزمك متخلص منه
جمدنه من مكانه واجت مرت ابوي تركض
نرجس: خير يا ستار شكو شصاير
_عدكم افراري من الجيش طلعوا لو اليوم كلكم ناخذكم وگبل للسجن طلعو وين ضامينه يلاااااا
نرجس: يمه اسم الله خرعت بنات
انا حاضنه بسه وتبجي خطيه اخترعت اريد اسكتها ماكو جمدت بمكاني وحور وآمنه وحدة حاضنه الثانيه
_بلا لغووو زايده طلعونه لو شلون يلا ولجن لو انشوف شغلنه
ههههه منو يكدر يهرب من القانون بوجودنه
نرجس: ما فهمت يا افراري تحجي عنه هو ابوهم مخلص خدمة وعندي ولد اثنين واحد اسرح قبل ايام والثاني توا اجه مجاز بعد منين عدنه افرار
_ههههه اكول جيبو ابو اجازة اجذب عليكم هو هارب
نرجس: عمي الولد توا اجه ونايم جفي علىطططط بطنه من تعب وصارله... هو عدكم شجابه فراري
_فراري ونص جيبي لو نجيبه احنه بأسلوبنه
نرجس: لا يمه تخرعونه انا اكعده واجيب
الكم الدفتر حتى صدكون !!!
راحت نرجس واحنه بقينا خايفين منهم واحد منهم يباوع على آمنه بنظرة حقيرة ويلف
بشواربه وهي تباوعله بنظرة غضب انا لازمه گلبي خاف تحجي عليه هاي ام لسان متكض لسانها بسه ابد ما سكتت من الصريخ واحد منهم صاح
_لججج اسكتي ذاناتنه راحن سكتيها شكو تباوعين
رجع باوع على آمنه وهاي حلوة شسمها تعاي عمو تعاي عمو تعاي شسمج
وهي خازرته وجان تدخل نرجس وراها عماد خطيه يمشي ويفرك بعيونه بعده منعس
نرجس: هذا عماد بس هذا عدنه توا نزل مجاز
_اي هذا هو لك تعال فراري
نرجس: جاي اكلك توا اجه شجابه افراري احجي عماد
عماد نعسان ومنصدم بنفس الوقت
نرجس:لك احجي كولون عنك افراري
عماد: شكو توني رجعت انطوني اجازة
أنت تقرأ
جُمِّلْت... أخلاقها //باللهجة العراقية //
Mystery / Thrillerهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
