༺༺༺༺༺༻༻༻༻༻༻༻
حلقة (36)
#جُمِّلْت أخلاقها
✍🏻كاتبة الجنوب
_____________بسمه تعالى ______________
تمشي بينا السيارة واحنه ندخل المكان الي حتضنه واحنه صغار الحد ما كبرنا أشرلي ابو رافد شوف هاي ديرتنا وهذاك جان بيتنا، صحت على سايق
_نازل، نازل
_وين بعد منااك بيتهم
_تعال أنزل نذكر أيامنا بيتنا القديم
نزلت من السيارة وأخذتني خطواتي، هاي ديرتنا وهذا بيتنا هناا لعبنا وهناا ننتضر جية ابوي، وهنا تنور طين ويه المغرب تفووح ريحة الخبز نجي نركض امي وهي تبدي تقسم علينا الخبز،
هناا اختي ام احمد تكنس وتوصل حد عتبة الباب تنضفها وبعدها ترش ماي قليل وتطلع ريحة التراب الله وانا احجي أتخيل صارت بخشمي ريحة
وبعدين تهددنه لا توصلون لهناا،
هنا حزنت وهنا اجيت والفرحة ما واسعتني هنا نسامر وهنا وكت العصريه نلتم،هنا ضحكات ابوي وعياط امي، هنا انزفيت بعروستي وهنا نولدت اول افراحي بشوفة ابني ايمن، هنا بقيت أعلمه
أول خطوات المشي هنا رحت وانا احمل السلاح على ظهري هنا ودعتني ودموعها تجري وتمسحهم بشيلتها هنا حضنتها آخر حضنة بس يبو رافد ما ادري بيها آخر حضنه
جان بقيت حاضنها اكثر جان بقيت أشمشم بشيلتها لازمه طاسة الماي وشمرتها وراي وهي ادكول توصل بسلامة اوليدي، وهذا وليدج وصل بالسلامه بس انتي ماكو
وصل هو مفرفح على شوفتج بس ما لكاج يمه اجيت متلهف بشوفتج بس ما ترجيت ما تستقبليني يمه اجيت ما لكيتكم لاانتي ولا ابوي يمه ارجعيلي بس حتى اودعج هاي ديرتنا جان ابوي يحبها وما يكدر يطلع منها وينك يباا ديرتنا مو نفسها ذيج لا حتى الهوا مونفسه..
مو بس هواك يختلف والماي والأيام
أتحدى عينك إذا تقدر بلحظة تنام
يا اللي مفارق أهلك ما تلقى مثل أهلك
إنت بوسطهم علم وبدونهم تهلك
بين أهلك شقد فرق، عن ديرة الغربة
بابك تدفعها دفع لو رايد الطبة
ساعة وتغيب الشمس، ساعة ويجيني الليل
وينراد حيل ودمع ومنين أجيب الحيل
روحي حمامة صفت وبيت أهل الدور
اشتاقيت لأمي أنا ولخبزة التنور
بديرة هلي بالطعم يختلف حتى الماي
وحتى الهواء يم هلي يختلف والله هواي... حاتم العراقي
_كول يا الله ابو ايمن شنو جاي وانت محمل دموع وهل ذبيتهم من امس لليوم عينك ما نشفت
_الغربة صعبة والأغرب من ترجع متلكى كلشي مثل ما جان
أنت تقرأ
جُمِّلْت... أخلاقها //باللهجة العراقية //
Gizem / Gerilimهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
