ما بالي أرى طيفه يزورني
كل يوم..
وما بال نظراته تخطف قلبي
كل يوم
وما بال صوته يرن في مسمعي
هل ما زال يذكر اسمي ام يكره ذكره
اه والف اه على قلبي لئيم مات شوقاَ له
اه على تلك التي جُمِّلْت أخلاقها في عيون
أبناءها،اه على تلك التي سببت تعاسة قلبي
وفقدت نظر عيني حبيبي وملك روحي،
اه والف اه على لحضة لعينة مزقت انياط قلبي!
✍️كاتبة الجنوب
#جُمِّلْت أخلاقها
كل يوم انتظرة يمكن اليوم يجي اليوم اكيد يجي يحجي وياي يحبني ما يكدر يعوفني،ارجع اضرب على راسي غبية كل هذا سويتي تردينه يرجعلج وارجع مأيسه انسي سمر هذا مكانه مو يمج راح من ايدج ضيعتي من غبائج هو جان ايموت عليج بسببج راح
ابقى انتظر واسمع صوته واعرف موعدة من يرجع من الصيد ابقى اصنت اخخخخ صوته يرن براسي واموت قهر ضاع حبي، جنت متأمله ينسى الصار ويرجعلي بس بيوم عرفت قندة راح تزوج وصار زواجها مرا بمرا عرفت هاي هي راح مني سالم بس گلبي شي قنعة
جنت حيل شايله على حور، ردت بس تجي النا والله لخلي دمها من طول لطول، هي سبب جان اريد يحاجيني بس لو ما استفزتني ابد ما يطلع مني هل كلام اعلمج حور تصادف جيتها ويه ابوي وهو يحبها واجد ما اكدر احجي وياها، وبيوم شفت امي تمشي تحجي وحدها وحيل ضايجة تشجعت اكولها
_شبيج يمه
_ شوفي لج هاي حور ما اريدج تحجين وياها
_ليش شمسوية
_ اذا طلع لبراسي صح اله احركها هي واهلها
_ شغلكم كله بالحرك بس شنو لبراسج
_معليج بس ما اريدها توصل عتبة بابي بس شوفيها طرديها
_تحجين صدك بس ابوي يحبها ما يقبل عليها
_ حبتها حية هو وياها شنو ايحبها يا حب يا بطيخ، ولج مو طفلة هاي مرا صارت شكو هيج مهتم بيها،
_والله تدرين يمه شكد كارهتها هل مخلوقة بس ابوي
_ اششش من يوم ورايح انسويلها جارة مكافي تحوم ورا
_اي شكو مفضلها علينه
_انتي بس بعديها عن ابوج هاي حية شيطانة
_اكول يمه اليوم شجاب حور على بالج
_شجابها غير هي اجت واخذته وراحت الحقيرة مسويه روحها طفلة
صفنت على امي غيرانه من حور ههههه
_اكول يمه نار الغيرة تمشي بگلبج نوب منين من حور هههه
_ولي مناا ولي
سكتت وهي تمشي ودردم هههه معقوله تغار من حور هيج ابوي ما عندة عقل مدري امي ما عدها عقل اوووف شهل عائله اخخخخ يگلبي وينك انت...
أنت تقرأ
جُمِّلْت... أخلاقها //باللهجة العراقية //
غموض / إثارةهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
