༺༺༺༺༺༺༻༻༻༻༻༻
حلقة (15)
#جُمِّلْت أخلاقها
✍🏻كاتبة الجنوب
_______________بسمه تعالى ____________
_هاي انتي هنا وأدور عليج
شبيج صرخين
أشرت بأصبعها على واحد من عمال
_شبي أذاج سوالج شي
_فرت راسها بمعنى لا
_جاا شبيج
_خفت منه، حسبالي يضربني
_وليش حتى يضربج
سوت حركة بشفايفها بمعنى ما ادري جريتها من ايدها متت رعب حسبالي صايرلج شي، تعاي هناا خلي نشوف شصاير للحجيه،
بعدهم مجمعين كوموها ثگيله ميكدرون عليها جم شخص وياها وهي اصيح اخخ واخخخ حطوها بسيارة وراحو للمستشفى،
كلها تتسائل شبيها الحجيه عرفنا هي متزحلكة بالماي، شوي وعاطت بتها منين اجه هذا ماي الكل التزم سكوت، باوعت آمنه شلون تباوعلهم،
اكص ايدي اذا مطلعت هي ورا السالفة، بقن يحجن وارتفع صوتهن وكلهن يحلفن مو احنة، جان بتها تضرب الباب حييييل وعاطت...
_مااريد اسمع ولا صوت رجعن اشغلجن من تجي الحجيه هي تصرف وياجن
صار هدوء ورجعن لشغل، جريت آمنه تعاي هنا والله اذا رحتي لغير مكان اموتج، رجعت تشتغل وعينها على باب وكل شوي كامزة خلصنا صناديك خيار وجابوا يمنه الجزر
مقسومين قسمين قسم لتقطيع وقسم ياخذونهن ل أحواض وقسم من عمال يصنعون الخل اباوع البيت مثل فندق شكد غرف بي بس احنه ما طلعنا خارج مكان كالت عليه الحجيه،
كملنا شوي سمعنا أذان صاح
_الله اكبر، الله أكبر
الكل وقف شغلة
واحنه باقيين نباوعلهم صاحت وحده علينا
_بعد كافي لا تشتغلين خلصن ساعات الشغل
_هاا يعني نروح بيتنا
_اي كافي ما تعبتن وتضحك
_يلا آمنه امشي اروح
عصرت ايدي حيل
_شبيج
_وين نروح ما نطونه فلوس!!
_امشي ايجوز ينطون ابوي
قندبت...
_جا انا اريد فلوس!!
_ينطوج، ينطوج، هسه انتي حايرة بلفلوس وانا حايرة وين اطيح ب ابوي شوو هاي كلها عمال تروش
_امشي حور نطلع مناا
_خاف نضيع
_وين نضيع
أنت تقرأ
جُمِّلْت... أخلاقها //باللهجة العراقية //
Mistério / Suspenseهناك من يتحمل كل اهات الزمن ويرضى بالذي مكتوب، وهناك من يمشي متفتحاً حتى ينال صاعقات الزمن ولا يرضى بلمكتوب.. بل يسيطر على عالمه بحقد، ويكبر ذلك حقد، فيظلم الصغير قبل الكبير.. ويسمى ذلك بالوجع، انه وجع يا سادة يملي عالماً... ويفتح ابواباً...
