البارون

❤❤البارت الثاني❤❤

#البارون
قصه جديده بعنوان
♡♡♡أبقى معي للأبد( أستاذي العاشق )♡♡♡

...جَميع التَفاصيل مَعك تَبدو وكأنها حياة ♥️...
...اني بمهارة سوف احطم واهدم كل الأسوار المحاطه بي للهروب من عالمي ...
وصلنا للجامعه اول ماغيداء شافت حبيبها النذل اخذها اني ورفعت رحنا وراه بدون ميحس بينا
= اني خايفه
_ اش لتخافين اني وياج
= اكدر اثق بيك واعتمد عليك
_ ان شاء الله
رفعت خابر صديقه واجه لزم النذل واخذ موبايله وكسره كدام عينه سواه طحين وكتله كتلة معدلة والظاهر غيداء مواول وحده ضاحك عليها اكو بنات ماخذ منهن حتى فلوس اعتقلوه الشرطه اجت وارتاحيت راحه بس الله يعلم بيها
-مااعرف شلون اشكرك الله يخليك ويحفظك لأهلك
_ ولو أختي هذا واجبنا ماسوينا شي واجب على كل شخص شاف اوسمع بنية محتاجه مساعده يساعدها أول وتالي حيرجع معروفه بطريقه ما
- أشكرك هواي
= لعد واني بياعه فجل كدامكم شو محد شكرني
_ هو انتي التخافين لوغيرج
= اكولك انت شنو سالفتك من تعرفت عليك ولهسة بس تعير بيا مو ساعدتني ومنيت عليا لتصير مغرور
= إنتي المغرورة
- شبيكم يمعودين شو بس تتناكرون
= ماتحجين وياه شوفيه شيكول
- يلا نروح تأخرنا
_ اني هم أروح عندي شغل
= وين رايح
_ احجي كردي اني موكلت عندي شغل
= عابتلك شكد مكروه
_ يلا انتي على أساس محبوبة
- أبقى شوي خلنعزمك على غدا عالاقل رد لجميلك هذا
_ صار بيها اكل هههه
تغدينا واحس ماريده يروح اريده يبقى أريد اسولف وياه صدك سوالفي وياه بس مناكر بس اريده يبقى شعور قوي اففف خلصنا وكلمن راح وصلت للبيت باليل راسلني طرت من الفرح وبقينا ٤ اشهر نتراسل صرنا أصدقاء صدك نتناكر ونتعارك بس صرنا قريبين من بعض كلش وإذا يوم ميحاجيني اضل ابجي
وبيوم مكدرنا نتحمل بعد ماكدرنا نسيطر على مشاعرنا واعترفنا لبعض وكلتله خلنلتقي مشتاقتله موت والتقينا جانت عندي رغبة جبيرة أريد احضنه بكل قوتي من شفته دمعت عيني
= شلونك
_ زين وإنتي
= موزينه كلش مشتاقتلك وانت متحس بيا
_ انتي الي متحسين مواني
= لاانت ليش معترفتلي
_ انجبي يلا
= انحب انت
_ اروح أحسن
= لا الله عليك والله حسكت
_ إذا تناكرتي بعد اروح جاي اشوفك لأن مشتاقلج مو جاي نتعارك مامليتي علاقتنا بس مناكر
= يعني متحبني
_ أستغفر الله مبين عليج راح تعبيني
= كول اني وحده ماافهم شي زعطوطه وادور مشاكل
_ يابت الناس شوكت كلت هيج
= مبين من كلامك
_ كافي خليني اشبع منج شوف
= أحبك
لزم أيدي وباسها ابتسمت واستحيت
_ اني هم احبج
ضل يباوعلي
= عفية شبيك لتباوع
_ غير حبيبتي شلون اغمض عيوني
= معليا استحي
_ نجبي
= أحبك
_ اموت عليج
= فرحانه
_ اني هم
= نطلع نتمشى
_ اوك
تمشينا بمكان محد بيه جان لازم أيدي اني مستحية بس مرتاحتله
_ درر
= ها
_ أريد اتزوجج هههه أكو بنات بعدهن يستحن من هالطاري لج شوفي خدودج صارن حمر
= رفعت استحي غير الموضوع
_ أريد اتزوجج ونعيش سوى أريد ارتاح لأن مااكدر ارتاح وانتي ببيت عمج
اني سولفتله عن حياتي كلها كل شي يعرف
= الله كريم حبيبي
_ احبج
حضني وباس راسي خليت راسي بصدره وغمضت أحس ارتاحيت واتطمنت دوامه الخوف إلي عايشة بيها احس اختفت
= رفعت أحبك والله لتعوفني أبقى وياي اخاف
_ ان شاء الله اخلصج من عيشتج هاي بس خلي ادبر أموري واحضرلي كم فلس بأسرع وقت نتزوج اوعدج
بقينا نتمشى لحد ماكلتله
= رفعت أريد اكعد بمكان دافي متت من البرد
_ جيبي اديج حبيبتي
لزم اديا كام يفركهن باديه ودخلهن بجيوبه
= تحبني لولا
_ احبج
= شحاط بجيبك
_ معليج
= خلشوف شبيك
_ اممممح لهالايد الوكحه المتكعد راحه
= ههه
_ دفيتي
= أي
_ مرة ثانية إذا تجين لابسة لبس خفيف اطيح حظج فهمتي لولا مصيفه الخاتون والدنيا تكص كص عوبة
= لتحجي عليا
_حاجي شي غلط اني
= لا
_ هههههه حبيبتي بنيتي
= لتضحك عليا يلا نروح تأخرنا
رجعت للبيت متونسة وفرحانه البيت هدوء همزين رحت للمطبخ لكيت رواد
- درر اوكفي احجي وياج اني تعبان والله
= زيد شبيك عيونك حمر لحظه اخابر زيدان
رحت لغرفتي اجيب موبايلي اخابر زيدان لأن رواد عيونه حمر وكاعد بالكاع بس فجأه سمعت انطبكت باب غرفتي
= زيد؟
- اريدج اريدج اريدج
جان يحجي بهمس وهو دايخ ومو على بعضه شكله يخوف
= زيدالله يخليك اطلع
- اش اسكتي لتخافين والله اريدج شبيج احبج خلنتزوج ولله اعيشج ملكه تعاي تقربي لتخافين
= اطلع برا زيد
كمت اصرخ بصوت عالي وختلت جوة الجرباية فزعوا عليا بيت ابو غيداء واني تخربطت من الخوف
جنت خايفه احس نفسي ذليلة لااهل ولاشي بيد الغرب اجه زيدان وراحو جيرانا كمت ابجي وحابسة نفسي بالغرفه تعبت من حياتي شوكت تخلص
الصبح ب١٠ نايمه موبايلي صامت كعدت بالكوة فتحت عيوني احس تعبانه وجسمي مكسر شفت ٥٠ إتصال من رفعت نسيت احاجيه قبل لانام شفت رسايل كومه مكدرت اخابره لأن صوتي مبحوح
= ها حبيبي
_ وينج درر شسالفه ليش مخابرتيني البارحه ضل بالي يمج
= تعبانه ونمت من وقت
_ مو سبب هذا جان دزيتي رسالة عالاقل مو مخليتني هنا مااعرف أنام
= ملحكت رفعت
_ فتحي خط معاجبتني انتي شصاير وياج
= مصار شي
ضل يدك واني ماارد عليه لأن صوتي مبحوح كلش ومبيا حيل اشرحله الصار
= رفعت بعدين احاجيك
_ شبيج حبيبتي
= مابيا يلا باي
... لماذا تحبيني؟
أحبك وحسب لستُ بحاجه إلى أسباب كي أحبك
هل احتاج إلى سبب؟
أحبك لأنك أنت
أنت السبب
هذا كل ما في الأمر
...
قصة حبي اني ورفعت استمرت ٣ سنوات وبيها الحلو والمر بيها زعلات ومناكر حزن وكل شي بس رغم كل هاي الأمور جانت من أهم مراحل حياتي لأول مرة احس نفسي فرحانه ومستقرة وياه وهو شجعني أرجع اداوم وبالفعل رجعت لمدرستي وبقى رفعت مساندني بكل خطوة بحياتي وهو جاي يشتغل حتى يكون حياتنا ومستقبلنا ودايما يبشرني يكول قريبا يارب عمي يوافق وولد عمي ميعارضون لأن كلما يجي واحد يخطبني تصير مشكلة سلمت أمري لله والله أرحم الراحمين أول يوم بالمدرسة جان مختلف شوي طلعت بلا ريوك خابرت رفعت ب٧
= الو رفعت متوترة
_ لتتوترين كلبي اني جايج
=صدك حبيبي
_ والله
طلعت براس الشارع لكيته لزم إيدي
_ احبج
= اموت عليك همزين اجيت هسة ارتاحيت
_ خلنتمشى قبل لا تروحين للمدرسه
= أوك
رحنا للمكان الي دايما نروحله مكان هادئ مابيه ناس
= حلوة ملابسي
_ انتي محليتهن حبيبتي
باسني بكصتي
= متوترة رفعت
_ ليش ؟ ماكو داعي تتوترين عادي
=مادري بس استحي معندي صديقات كلهن أصغر مني صديقاتي كلهن راحن جامعات بس اني بعدني
_ ميخالف اريدج تصيرين شاطرة
= ان شاء الله
ضل يتلمس بوجهي باصابيعه
= شالي مرتب ؟
_ لحظه ارتبه شعرج طالع
= بيش الساعه
_ بعد وقت تعاي اشتريلج
= ماريد
_ نجبي
= ما
_ ممتريكه مو
= ماشتهي
_ تعاي
= ما أريد
أخذني للأسواق اشترالي ٣ ابطالة عصاير و٤ كيكات وككو وبطل حليب
_ بعد شتريدين
= بقى شي بعد ماشتريته حلويات مال أسبوع ذني
_ نجبي حجيبلج فستق وذبيب زين للعقل والذكاء
= ماريد كافي شنو اني طفلة تشتريلي حلويات
_ نجبي ذني تاكليهن بالفرصه مو تضلين بلا اكل موزين تدوخين
= رفعت كافي شوف الرجال شلون يباوعلنا
_ تعاي اشتريلج لفة هاي أول فرصه تاكليها لأن ممتريكه حبيبتي
= رفعت كافي حبي
_ أخاف عليج
= لتخاف
صديقه خابره
_ حبيبتي حروح تأخرت صديقي خابرني
= اوك عمري
حضنته من ركبته وبسته بخده
= دير بالك على نفسك
_ وإنتي هم مو تصيرين فاهية اطيح حظج
= انت الفاهي مواني
_ دنجبي نجبي يلا اني رايح وان شاء الله اذا الحك ورى متطلعين اجيج
= أوك حبي
_ احبج
= اموت عليك
راح اني دخلت الكافتيريا مالت مدرستنا محد بيها لابسة بايدي سوار ذهب بيه حرفين RD ردت انزعه حتى متاخذه مني المدرسة اني كلش معتزة بيه بس مقبل ينزع تأخرت وكمت أروح ماادري انصدمت بواحد وكعت موبايله بالكاع كلش انحرجت واستحيت داومت أول يوم سلمت عالمديرة لأن جانت صديقه عمتي الله يرحمها كالتلي شنو احتاج هي موجودة أغلب المدرسين والمدرسات أعرفهم وصرت مراقبه الصف وانصدمت من عرفت الي كسرت موبايله هو أستاذنا حسيت بيه شي مااعرف مشبه بيا بس يباوعلي حتى استحي اباوع بعيونه خلص الدوام كلما اكوله أستاذ خليني اصلح جهازك يضحك ويضل صافن عليا خلص الدوام جنت متونسة وغيرت جو كلش فرحانه متحمسة اكول كل شي لرفعت يارب الكاه موجود بباب المدرسة من طلعت شفته رحتله اركض
_ هههه لج عله كيفج عيب
= ليشوفنا أحد خلنروح
_ تعاي سولفيلي شصار وياج من الالف للياء
= يلا
رحنا لمطعم رفعت هو الشال جنطتي هههه
_ اكعدي واسكتي المكان مليان شباب اي ضحكه الطمج علة حلكج خوش
= توك جنت مدللني شبيك عابت
_ اش يلا اكلتي لولا
= لا
_ عوبه لأن وغبية شوف شلون ذبلانه حتى شفايفج متفطرة
= مااشتهي
_ شوف الجنطه بعدها مليانه ليش مااكلتي عوبه والله
= لتغلط عليا
_ احبج
= متحبني
_ احبج والله
= اموت بيك اني
طلبلنا دجاج سوالي لفتين ويريدني اكلهن
= مااكل
_ اكلي حبيبتي لازم تتقوين وراج امتحانات انتي داومتي متأخرة وهواي دروس فايتج
= أوك حاكل لفة وحده
_ درر
= ها
_ وين سوارج؟
شفت إيدي فارغه شلون نسيت
= يمكن بالجنطه
_ عوفيها هسة اكلي وبعدين دوري
= أخاف ضاعت شلون بيا
دمعت عيوني لأن رفعت جابها بتعب
_ شبيج حبيبتي لاتبجين
= مقهورة شلون ضيعتها أريدها
_ والله اجيبلج الأحسن منها بس لتبجين
= أريدها هي مالتي
_ متضيع ان شاء الله يلا كافي
كمت ابجي كلش ضجت والله اففف وصلني رفعت لمنطقتنا وراح
*******
...لقد ضعت في متاهات الحب والاشتياق ...
رفعت
عمري ٢٢سنة جسمي وسط لانحيف كلش ولاضعيف شوي مليان بشرتي حنطية اشتغل وي أصدقائي بمطعم عائلتي مكونه من امي وابوي واختي بعدها ممتزوجه واخوي الجبير متزوج وعنده ولد وبنيه حالتنا المادية وسط وادنى من حالة درر يعني لازم اشتغل على نفسي حتى عمها يوافق عليا ومااريدها تعيش وياي بفكر وهي بت عز وغنى ضغطت على نفسي حتى ماتضيع من أيدي رجعت من الشغل تعبان
_ السلام عليكم
= وعليكم السلام يمه الله يساعدك
_ شلونج يمه
بست ايدها وراسها
= هلا بيك يبعد روحي يلا روح غسل حتى اصبلك أكل
_ لايمه كعدي إنتي هالة تصبلي
= كاعده تدرس خليها
تغديت جانت ببالي ضحكه درر تذكرتها وابتسمت
= ماخذة عقلك درر هاي
_ نجبي واكلي تبن تاج راسج
= واني شكلت بس مبينه لاعبة باحوالك
كفختها على راسها
= يمه صيحي بيه
_ ولي مناه موجنتي تدرسين شكو اجيتي
= معليك اجيت لامي اشتاقيتلها
_ تشتاقلج جهنم
.... وفي كل لحظات الساعه انني اشتاقك ياعزيزتي وصغيرة قلبي....
تعبان امي كالتلي روح نام رحت لغرفتي شوفت فوني درر دازتلي صورة حب حزينه دزيتلها مقطع حلو ومن اكعد اخابرها هالايام بسرعه اشتاقلها
*******
ضياء
... لم تكن جميلة تماما ولكنها كانت تشبه الفن لايبغي أن يكون جميلاً على الدوام ولكن يجب أن يعطيك شعوراً جميلاً...
باليل رجعت للبيت امي كاعده بالصالة ماانتبهت لوجودها
= ضياء
- نعم
= شنو مشفتني
- لا بس تعبان ودايخ منتبهت والله
= شنو الي مدوخك
- ولا شي يلا تصبحين على خير
= متعشي امي
- أي اكلت شوي مااشتهي
= روح ماما نام زين لتفكر بشي يضوجك
صعدت لغرفتي واني عبالك بعالم وهمي ماادري شصابني نمت عالجرباية بملابسي ومانزعت شي صافن بيها واتصفن عبالك مراهق شنو سالفتي طلعت سوارها
حرفD إسمها بس R منو خاف تحب معقولة؟ لا لا
بس حتى لوتحب اني شعليا شنو علاقتي عيب باجر لازم أرجع السوار للبنية ضميت السوار بجيب البنطرون حتى ماانساه
..... ليت الصباح يبدأ بعبيرك فأطمن.....
كعدت على صوت الباب
- تفضلي يوم
= صباح الخير
- صباح الورد والياسمين
= صديقك خابرني علمود موبايلك تصلح ومبيه شي اشتغل
- ممتاز حروح اجيبه قبل الدوام
= أوك يلا كوم بسرعه أسبح وتعال تريك وياي
- صار دقايق واجي
تريكت ورحت جبت فوني دخلت الكافتيريا متعمد أشوفها ظناً مني الكاها موجوده بس مالكيتها
اول درس بشعبتها حلو حتى انطيها السوار احس نفسي بمسلسل تركي هههه ومن دخلت للكلاس ماكو مكانها فارغ
- بنات وين درر ليش مجاية
= احتمال متأخرة
*******
درر
باليل متعودة كل يوم اسهر وي رفعت ماانام إلا هو ينيمني نفتح كام لحد مااغفى وانام خابرته همزين محد بالبيت بس زيدان وبغرفته واجو أصدقائه عازمهم
= الو ها حبيبي
_ شلونج حبيبتي
= شنو توك كاعد من النوم
_ اي الظهر نمت بصلاة المغرب كعدوني
= مالكيت سواري
_ ميخالف حبيبتي تلكيه قابل وين يروح
= لك رفعت ميته قهر عليه كلش معتزة بيه الله يأخذني على اهمالي هذا
_ نجبي درستي لولا
= أي
_ يلا نامي
= نومتيش هسة بعد وقت
_ نسيتي باجر وراج دوام بعد ماكو سهر تتعبين
= عادي وشنو يعني كلها تسهر
_ لج بابا موزين عليج إنتي ليش عنيدة الخاطر الله
= شبيك رفعت والله منعسانه
_حبيبتي ميخالف نامي حتى ترتاحين وجسمج يرتاح تكعدين الصبح نشيطه وتركزين عالدروس خوما تروحين مطفية
= لا
_ أستغفر الله العظيم تاليها وياج إنتي ترا تعبتيني كلش
= بسرعه مليت مني مو أصلا لوتحبني جان ماكلت هيج
سد الخط بوجهي اني بسرعه خنكتني العبرة وبجيت
*******
رفعت
_ اكولك رشيد اني عندي شغلة اخلصها وأرجع
- بس لاتتاخر انت وين رايح
_ يمعود جاي ادك على حبيبتي من البارحه ومتجاوب ضل بالي يمها
- ليش؟ متعاركين؟
_ صرت عصبي عليها وسديت الموبايل بوجها
- روح يلا حتى ترجع بسرعه قبل ليرجع المدير ويسويلك مشكلة
.... أحبكِ للمرة المليون....
إتصل عليها ومتجاوب دزيتلها رسالة تشوفها ومترد يعني زعلانه أخير شي كتبتلها اني بباب بيتكم فتحي الباب خابرتني
= الو شعندك شتريد مني
_ ممداومه مو كومي البسي بسرعه راح الوقت
= معليك أنت ماريد ادوام
_ إذا متداومين اليوم والله اجي لبيتكم هسة واضل اصيح بالمنطقه
= متخوفني جذاب
_ جذاب مو بسيطه فتحي الباب وشوفيني وين واكف
فتحت الباب وطلعت بكفشتها
_ لج غبية دخلي جوة شلون تطلعين بلا حجاب بسيطه اني اعلمج
= رووح منا
_ ألبسي منتظرج
= أوف يالله ماريد اداوم شنياا
.... كم إنتي عنيدة يامعشوقتي ...
طلعت عبالك كاتل أبوها مادة البوز مترين
= ها شكو تباوع اكو شي يلا روح اني اروح وحدي وبعد لااعرفك ولاتعرفني خوش
_ تعاي اوصلج
= أروح وحدي معليك بيا فهمت لولا
_ لامافهمت
= مشكلتك
عافتني وراحت جريتها من ايدها صارت عصبية وعاندت
_ درر إحنا بالشارع اسمعي الكلام
= عوفني انت منو حتى اسمع كلامك بلة
_ امشي كدامي بلا صوت
= ما وخر عوف أيدي
_ بلا صوت امشي ليطلعون الناس كلها نايمه
= عوفني معليك بيا شنو لزكه ماريدك بعد لتحجي وياي
_ مو بكيفج
= لعد بكيفمن
_ بكيفي اني وتضلين حبيبتي وغصبا ماعليج
= لك وخر عاد
_ اش يلا كدامي
= عوفني جاي اكولك
جريتها بالكوة صعدنا بكية بيها شباب مقبلت تكعد يمي
_ درر تعاي هنا يم الشباك واني اكعد بصفج
= مااكعد يمك
_ ماكو مكان تكعدين يم الولد تريدين
= بكيفي
كعدتها غصب وجريتها بهدوء
_ اش ولا كلمه
= حقيرر
الزم ايدها ادفيها متقبل صايره ثلج لابسةة بس قميص وبلا قمصلة أديها زرقه من البرد ووجها وردي شفايفها متفطرة وكامت تنزف
_ هاج كلنكس
=ماريد
_ شوف شفتج من العصبية ومن كد معضيتيها نزفت شبيج عصبية إنتي
= معليك
_ احبج
= أكرهك
_ هههه
وصلنا رادت تنزل قبلي
_ هوب هوب وين الولد ينزلون انوب اني وبعدين إنتي
= أنت شعليك
_ شلون شعليا موعيب تنزلين كدام الزلم
= أريد انزل قبلك
_ لا والله انتي شبيج خبلة بس فهميني مثل الجاهل
= أنت الخبل مواني
_ امشي راح الوقت تأخرنا
= إذا تجي من يخلص الدوام اكول للمديرة عليك والله
_ ميخالف كوليلها
= حقير الله يأخذك
_ ديري بالج على نفسج
رجعت للمطعم
- همزين اجيت تأخرت يمعود
_ شلعت كلبي
- متعوفها ختولي هسة انت المحصله منها شنو
_ احبها راشد شبيك
- ختولي هالنوع من البنات موراحه ومووفيات بعد كم يوم تستغلك وتكولك الله وياك بيباي
_ أحترم نفسك واحد غيرك لو حاجي هيج اتعارك وياه
- اني لمصلحتك لتنطيها مجال وتدللها كلش تضل تتمادى عليك
_ حبيبتي وادللها شعندي غيرها من شفتها اني شفت الراحه تتذكر قبل لاتجي شلون جانت حالتي النفسية لو نسيت درر الوحيده إلي خلتني احب الحياة خلت عندي هدف اني عايش علمودها تعبي وشغلي كله الها مستعد كل شي اسويلها راشد احبها تعرف شنو احبها اعشقها مااكدر بدونها
- الله يجمعكم وتعرس واركص بعرسك وافرح بيك
_ ان شاء الله
... ماالاحتلال الا حبكِ غزاني وماعدت أملك شيئا....
المدير واكف فوك راسنا إنسان بخيل كلش ويحاسبنا على اتفه الاشياء كام يصيح علينا علمود نشتغل بسرعه لأن المطعم انترس زباين اني من السرعه انجرح اصبعي والدم ترس ملابسي راشد ضمد اصبعي خلصت شغلي ورحت لدرر وكفت بباب المدرسة بنية وكفت يمي تباوعلي رادتني بس ابادر بشي هي حلوة عيونها خضر تباوع بنظرات إعجاب طلعت درر شافتني عوجت حلكها هههه من شافت البنية واكفه يمي نطن عيونها انصدمت واجتني
= شكو واكف هنا
_ شعليج
= تعال خلنروح منا
_ ماجاي علمودج
طبعا هي ميته غيرة من البنية واني اباوع لحركاتها ونظراتهاخربان ضحك عليها شوي جان بجت
= المن جاي لعد
_ إنتي الصبح شكلتي مو كلتي لاتحجي وياي ولاتجي لمدرستي كلتي لولا
= كلت
_ هسة الرايدته مني شنو
= أريدك
_ كلتي أكرهك لولا
= كلت
_ مو تكرهيني شكو بعد
= الله ياخذني لأن كلتلك هيج
_ انجبي ويلا تعاي
= عزا العزاني شبيها إيدك
_ مابيها شي
= شلون مابيها شي كله مني اني الصبح كلتلك الله يأخذك الله لايوفقني كون الله ياخذني احسن
_ شلون راح اكفخج على حلكج الا اورم شفتج كافي لتدعين على نفسج
= توجعك مو
_ لا
خابرني راشد علمود الشغل وصلت درر ورحتله
قراءة ممتعه
يتبع .....