البارون

❤❤البارت التاسع❤❤

#البارون
خوفي تارسني يَ حرمه
و انتي الـ اسم الله اعله كلمن زاد خوفه
وانتي عكازه لـ مشيبي
و انتي نظارة حبيبچ
لو كُبر و يضيع شوفه
انه احس راسي وسط حظنچ مكانه
و انه اكثر شغله تعجبني وحقچ
"شگد شجاعه بظهري و بزَعلي جبانه    "كۣۗہرآر آلَعۣۗہرآقۣۗہيۣۗہ🐆.ۦ𓆩“̯🤞😐“̯𓆪.tt  

*********
...الله لا يعطي أصعب المعارك إلا لأقوى جنوده
‏-مُواساة اليوم ، وكل يوم....
...• سنبقى معـآ إلى أن ننتهي...
... إنتي عرضة للحب لا تبتسمي...
رفعت
وضع درر مامطمني شوكت أحصل فلوس اخطبها وارتاح لحد الان جمعت مليون ونص مابقى شي لازم اتزوجها بأسرع وقت 
_ شلونج يمه
= هلا بيك يبعد روح أمك شبيك مهموم
_ أريد أتزوج
= تحبها؟
_ أموت عليها يايمه حنينه وكلبها طيب ماكو منها
= ولك انت عاشكها صدك هههه
_ بس متت دمرني عشكها يمه
= ان شاء الله تصير من نصيبك تتذكر من أول ماكلتلي عليها
_ أي
= صليت صلاة الاستخارة وطلعت زينه وتصيرلك لاتخاف
_ صدك يمه؟ هيج وتصير مرتي وجنتج اوف
= هسة اني هم أساعدك عندي ذهيباتي قديمات اطيهن الك وتجمعهن وي الفلوس الضامهن يمي ونروح نخطبها لا يضيك خلكك اني مااتحمل اشوفك ضايج
_ لايمه عوفي ذهبج لاتبيعيه
= معليك أنت لاتفكر بشي
بست ايدها وراسها
= يلا لاتتاخر على شغلك
_ أي يمه
صحت لهالة تجيبلي قميصي من الحبل
_ متكوليلي وين رحتي
= هاك قميصك شم ريحته عطر نسائي غسلته وبعده  مرايح شنو نايم وي المسعده
كفختها على حلكها
_ صدك ماتستحين إنتي أدب سز امشي ولي من وجهي
=أي بالخير إذا من هسة وتضربني علموده باجر عكبه من تتزوجها شتسوي يمكن تشردنا من البيت كل شي يصير
_ أستغفر الله العظيم راح اعتبرج عوبه وصغيرة ومتفهمين الكلمه الكلتيها شكد عيب روحي وكفي الشر مالي خلك مشاكل
شميت قميصي هاي ريحه درر هذا عطرها مميز وحلو من التلامس صار بملابسي ومايروح شكد حلو شكلي تعلقت بيها لدرجه ماجنت بيوم راح اتعلق هيج ببنية خابرني راشد
- الو ها وينك
= بعدني ماطالع شكو
- تعال اكو بنيه تريدك
=بنيه؟
- أي
= درر انت تعرفها لو ناسيها
- لا هاي البنيه ام الطفل الضايع بالمطعم أول مادخلت سألت عليك
= شتريد ماسالتها
- ماادري بس هي مستعجلة وياها رجال كبير
= منين طلعولي ذولي أوك دقايق واجيك بس شلون أريد أوصل درر لمدرستها
- يابة هسه هي جاهل تروح وحدها ذاك اليوم من تخربط أبوك موكلت رايحه للمدرسة وحدها وجانت عود تعرج والضيم ياحالها
= شلون  يمعود اريد اروحلها مشتاقلها هالايام من ورى الضروف مجاي اشوفها
- من تخلص شغلك وهي تحل من مدرستها عود روح واشبع منها يلا استعجل بعد أخوك الناس متانينك وكل ساعه يكلولي خابره
= يمكن البنيه عدها رقمي
- يلا يلا موتتاخر
ضجت خابرت درر
- الو ها حبيبتي
= ها حبيبي ثواني وحطلع من البيت بس أنت وين واكفلي يعمري
- ماراح اكدر اجيج
= ليش؟ زعلان مني مو والله اسفه شبيك رفعت
- ياواش ياواش علة كيفج انطيني مجال والله طلعلي شغل مفاجأ بالمطعم وتوه خابرني راشد يريدني اجيه بسرعه
= أوك حبيبي أخذ راحتك
- لاتضوجين من أخلص اجيج
= اي
- احبج يبت الناس
= أحبك
رحت للمطعم شفت البنيه وابنها وياها رجال كبير بس مبين غني يعني شكلهم ناس واصلين مراحل الرجال لابس نظارة ويشرب قهوة سلمت عليهم الرجال
- هذا معروفك ماراح أنساه لأن حفيدي لوضايع بذاك اليوم مااكدر اوصفلك شنو حيصير بينا
= الحمد لله كدرت اساعدكم
- واني على مساعدتك هذي لازم تقبل من عدنا عالاقل هدية بسيطه  وسوزان كالت ميقبل يأخذ أي مبلغ مالي وهذا مومبرر انو متاخذ هدية أو تكدر تكول إحنا نريد منك شغلة
= اني بالخدمه تفضلوا
- شغلك هنا متعب ورغم التعب الراتب قليل وأنت شاب بمقتبل عمرك شي أكيد تريد شغلة زينه
= الحمد لله على كل حال
- اني أريدك تشتغل عندي هذا رقمي والعنوان وهذا كارت المستشفى شوف منو الأقرب الك وتعال علمود نتفق على هواي أمور تفيدك
= يعني بصراحه ما ادري شكولك اني حتى شهادة ماعندي شنو راح تشغلني
- شكد تحصيلك الدراسي
= نجحت من السادس داومت معهد تمريض سنه وحده وتركت بسبب الضروف
- اها حلو بس الشغل الي راح اوكلك بيه مايحتاج شهادة أنت تعال ومالك علاقة بشي وحاليا إحنا نترخص تأخرنا
= اتشرفت بمعرفتك دكتور
- النا الشرف عزيزي في امان الله
= الله وياكم
وصلتهم للباب الدكتور صعد بسيارته والبنيه طلعت هدية وصاحتلي انحرجت
= الهديه ميصير ترجعها ترا خالي يزعل
_ ماكان اكو داعي للهدية
= لا أنت تستاهل
_ مشكورة
مثل ضربة حظ ابتسمت يمكن الله راح يفتحها بوجهي لأن امي دايما تدعيلي يارب ياكريم مابقى شي راح اتزوج درر هانت مستعد اشتغل ليل مع نهار بس كون اكدر اخذها تأخر الوقت الساعه ب١٠ داومت هسة اجو  ناس هواي وماانتبهت للوقت عابر وقت طلعتها من المدرسه رحت اركض للمدرسة قافلين الباب بس لا تزعل هسة كلت أروح لمنطقتهم أشوفها بلكي حتلو من بعيد من وصلت جان أشوفها تتمشى واحاجيها مترد بقينا نتناقش اني انصدمت تكولي خاين لزمت ايده وفجأة اجتني ضربةعلى وجهي طلع دم من حلكي الولد هذا سمعتها تكوله زيدان يعني إبن عمها حاولت اتصرف بتفاهم وعقلانية أقل خطأ تنلاص وتزداد الأمور سوء فوك ماهي سيئة لزمني من ياختي وكام يهدد بيا يضربني اني مااحجي درر تبجي وتتوسل بيه علمود يعوفني إذا هذا أفقر وأحسن واحد من ولد عمها هيج تهديده لعد الباقين شلون اشرلي على مسدسه كلتله مشتبه بالكوات عافني خفت لايسوي شي بيها رجعت راشد شافني القلق دمرني انتظرت تتصل بيا وتطمني راشد كام يلح عليا ليش متعور ووجهي مجروح تعاركت وياه يتدخل بأمور ماتعنيه
*********
درر
خابرني رفعت كالي مايكدر يجي ضجت بس خطرت ببالي ليش مااسويله مفاجئة واروح للمطعم أشوفه هناك انطيه علبة الحلاوة واروح شي أكيد حيفرح بس فرحتي من وصلت للمطعم تحولت إلى حزن وخيبة شفت رفعت واكف يم بنية بباب المطعم انطته هدية مغلفة وراقية كلش منو هاي البنية بس بكل الأحوال هي هديتها أحسن من هديتي مومثلي فرحانه بعلبة حلاوى نزلت دموعي كالعادة حسيت بفشلة وإحباط البنية حلوة ولبسها حلو انطته الهدية وصعدت بسيارتها 
... خطوات إلى الخلف فلأعد من حيث أتيت...
الحلاوة انطيتها لرجال يبيع لبلبي حتى ماكمل كلامه الرجال اني رحت وصلت للمدرسة أول مشافتني عنود ضحكتلي باستفزاز فاتت من يمي كالتلي وين حبيب القلب اليوم الله يصبرج ياروحي شلون وياها هاي
= عنود إنتي شتردين مني
- كل شي مااريد حبي
= أي لعد شكو جاية  وراي وتسمعيني كلام
- ماكلنا شي اعصابج عيني الظاهر متزاعلين كشف علاقتج وي أستاذ ضياء لوبعده
فتحت عيوني من الصدمه هاي شجاي تمسلت يا الله
= عيد شنو تحجين إنتي
- لتسوين روحج بريئة وتغلسين المدرسة كلها تعرف بعلاقاتكم الخيالية الأستاذ وطالبته أول مرة أشوف مسلسل تركي على أرض الواقع
= عنود احترمي نفسج لا والله
- أي كملي لو كادرة بس عليا وحتى لو لنفرض سكتيني وباقي البنات وأغلب الناس إلي شاكين والي متيقنين واكو مااعرف إذا إشاعات أو صدك انو الأستاذ  خطبج من اهلج
عافتني بصدمتي ليش مطلعين عليا هيج إشاعات بدت أفكاري تتصادم معقولة لا كله منه هو  اني من وين الكاها من المدرسة من رفعت من بيت عمي أول درس اجه أستاذ ضياء وكعادته كل اهتمامه وتركيزه عليا عبالك بس اني الوحيدة الي بالصف بعد ماخلص الدرس ناداني أروح وياه للادارة ماقبلت هو كل يوم يصيحلي علمود أساعده بس هالمرة رفضت ثاني بالبريك هم دم عليا طالبة  ورفضت ثالث درس اجه جنت متوقعه مراح يتحمل استأذن من أستاذ العربي وحجى وياي
- ليش مااجيتي
= ماعندي وقت جنت احضر واجباتي
- استأذنت من الأستاذ تعالي اشرحلج درس الإنكليزي
= لحظه بس أستاذ ترا لاعبالك اني باقية بس على شرحك اني طول عمري معتمده على نفسي ماكو داعي تتعب نفسك
- ضروري اشرحلج
= لا مو ضروري أخذ درجات بال٧٠ اشوف النتيجه ١٠٠ شلون وليش اني مامحتاجه ال١٠٠ ولا اكو اي داعي لهذا الشي ساعدتني بشرح الدروس إلي عادي قبلت بس ابدا ماجنت منتظرة درجات مزيفه ولا عبالك راح أفرح بيها
- موزين اساعدج
= ليش متساعد غيري ليش اني بالذات إذا انت أستاذ حريص وتحب المساعده ساعد كل طلبتك مو تقتصر على طالبة وحده
- بدل لاتشكريني إنتي المفروض تكونين ممنونه
= اها ثبتت شنو الجابرك تساعدني طلبت منك مساعده انطيتك رشوة وكلتلك أستاذ نجحني لا بس انت من ذات نفسك
- احجي بطريقة لائقة وياي ماكو داعي للسانج الطويل هذا تستخدميه وي عنود مو وياي فهمتي لولا
= احجي الحقيقة وإذا انت تخلي درجات على  مزاجك فعادي مو مشكلة بس لاتساعدني عوفني بحالي
- الظاهر إبن عمج نقلج عدوى خباثته
= من رخصتك أستاذ عندي دروسي أهم من كل شي ومامحتاجه عطف أو غش
- انتظري لحظه كل هذا السويته علمودج مافاد المفروض انتي أكثر وحده فرحانه لأن مساعدج و
= كمل أستاذ لعلمك اهتمامك ومساعدتك جابتلي السمعه السيئة أنت  أستاذ أو بمجتمعنا أنت رجال وشايل عيبك بجيبك مثل ميكولون بس اني بنية حتلو كلت عادي كلام الناس ميهمني بس يكدر يدمر حياتي وانت مايوصلك أي كلام على عكسي
- ماكو هيج حجي
= لا اكو المدرسة كلها تسولف بيا ميكولون هو يكولون هي عدها علاقة وي أستاذها إني لحد الان مامستوعبه أنت ليش تتصرف هيج
- كوليلي منو كال
= الكل الناس كلها
- لتخافين راح احل الموضوع احتمال هالشي مدبر من عنود لأن تكرهج وتغار منج
= اوفف
- اهدئي
راد يلزم أيدي هذا شبيه من كل عقله نظرتله نظرة غضب وعفت المكان وطلعت كاعده على نار طول الدوام صوب أفكر برفعت وصوب عنود إلي مجمعه صديقاتها وتألف إشاعات عليا مااعرف شنو من بشرية بقيت اكل بروحي من التفكير شلون هسة شراح اسوي حاولت اشغل تفكيري بدروسي كعدت  أراجع بس ماكو فايدة رفعت احتل تفكيري معقولة خاني لا لا ميسويها يا رب تطلع كل ظنوني غلط بس هو ليش ميخوني اني بشنو فايدته اففف ياربي عقلي حيوكف من التفكير خلص الدوام طلعت مالكيته موجود زعلت وأخذت بخاطري هو مو وعدني يجيني شي أكيد انشغل بيها بحبيبته الجديدة كنت متنرفزة إلى حد الانهيار رحت وحدي من كد مااختنكت نزلت بنص الطريق كلت امشي بلكي شوي اهدأ رايح يصير بيا شي من ورى عصبيتي و تفكيري الزايد بناس متسوى
_ درر درر
هذا صوت رفعت عزاا وصلت لمنطقتنا شعنده اجه هسة
= شعندك روح مااريد أشوفك
_ لحظه بس والله انشغلت وتاخرت عليج آسف حبيبتي
= انشغلت بحبيبتك الجديدة مو حقك معذور
_ شتحجين إنتي
= روح لايشوفك أحد
_ لحظه تعاي فهميني
= رفعت روح وصلت لبيتنا لايشوفك أحد وتصير مصيبة
_ احجي وياج جاوبيني
= بعدين روح لتلحكني راح يشوفك إبن عمي الخاطر الله امشي
_ مااروح لازم نحجي بهدوء الظاهر صاير سوء تفاهم
= لا مو سوء تفاهم وبعد لاتجيني اقطع علاقتك بيا أوك؟
_ أستغفر الله العظيم يارب صبرني
مشيت وعبالي راح بس بعده لاحكني لحد موصلت للبيت وشفت من بعيد زيدان
_ درر
=بعدك؟ رفعت روح إبن عمي ديباوع
_ مااروح إلا تفهميني شبيج اليوم اعوفج يوم واحد ينكلب كيانج
= عزااا لك روح
زيدان شاف رفعت واجه عيونه ضاكت
= فدوة اروحلك امشي
مشيت عبالي من اعوفه يعوفني بس بقى وراي لزمني من أيدي واجه زيدان ضربه على وجهه
= عزا العزاني زيدان  بس خلي افهمك الله يخليك اهدأ
- منو هذا احجييييي
= عيب منا الناس نروح للبيت افهمك عوفه
لزمه من ياخته
- اذا شفتك جاي يم صوب بت عمي اكسرك تكسير فهمت لو افهمك
  الحمد لله رفعت بقى ساكت وماسوى شي بس يبقى يباوعلي
= زيدان عوفه خليه يروح
- انتي حسابج بعدين اني اعلمج
_ أخي آسف شبهت بيها أعتذر
- أضحك على غيري بكلامك هذا شوف لك إذا شفتك بالمنطقه ماتلوم غير نفسك
جوة حزام زيدان مسدس ولد عمي كلمن سلاحه بيده لأن عدهم اعداء هواي زيدان هدد رفعت بالسلاح
= زيدان عوفه مو جاي يكولك مشبه بيا
- موعليا هالسوالف
_ شرايد مني هسة
- دير بالك تشوفني وجهك مرة ثانية
راح رفعت بس بنظراته خوف عليا زيدان ضل يجرجر بيا كدام أهل المنطقه فتح الباب ودفعني
- شفتي محد يحاسبج وكلنا مشغولين عنج كلتي العب بكيفي اطلع وي هذا وهذا منو راح يحاسبني
= لا والله العظيم ماعندي شي
احجي وياه ببجي هو عصبي ضربني راجدي دخلني بغرفتي وقفل الباب عليا من برا
- لا تجبريني أوصل الخبر لعمج ورشيد
= والله مامسوية شي
- صوت مااريد اسمع وبعد مدرسة واسم مدرسة ماكو أدب،،
= زيدان افهمني الله يخليك بس انت عالاقل والله ماعندي امل بالدنيا غير المدرسة باجر انت واخوانك تتزوجون وعمي من هسة مامهتملي اني منو يبقالي عالاقل بس خلي أحصل على شهادة أضمن مستقبلي بيها
- اششش
عافني وطلع كله مني اني السبب انهاريت كمت الطم على رجليا ليش أهلي مااخذوني وياهم ليش مخليني هنا
... عند وفاة الأهل ورحيلهم إلى عالم آخر يبقى يتيمهم في حيرة من أمره وحتى وإن زاد عدد الاعمام والاخوال ومهما كبر صيت الأقارب هذه الذلة والضعف لايشعر بها الا من فقد أحد والديه أو كلاهما ولو دققنا التعمق في حياة اليتيم لراينا ان الولد في كل الأحوال سيعتمد على نفسه ويعمل سواء بشهادة أو بلا ويبقى النقص هو وجود سند حقيقي لكن الفتاة ستعاني أكثر وأول ماستفكر فيه هو الزواج فكيف يكون إذا كل العوائق تصادمت لإيقافه
*********
غيداء
ثاني يوم الفاتحه الحزن مغيم علينا مانعرف شنو شلون ليش مات زهير لا إعتراض على أمر الله اجت زوجته هي وأمها دمعه مانزلت من عيونهن  امي  انهارت من شافتهن تهسترت وكامت تعيط عليهن وتكول  أنتم قتلتو إبني حسبي الله ونعم الوكيل تخربطت من البجي والتعب لا تأكل ولاتشرب نيمتها بغرفتها أبوي ماشفته أخوي الكبير حاير  بقضية قتل زهير الشرطه تحقق والي تبين من كاميرات المراقبه انو ماكو أي شخص دخل للبيت والكاميرا إلي ورى البيت عطلانه ماتشتغل هواي تعقدت أمور ومن خلصت الفاتحه زوجه زهير قررت تسافر هي وأمها زين هي حامل شلون كالت اجيب الولد واسلمه الكم شنو هذا القرار المفاجئ هي بالشهر ال٦ والظاهر مستعجلة عالسفر أبوي مااهتم لوضع امي ولا لأي شخص من عدنا بس أخوي أيمن بقى حاير بينا ومن شاف وضعنا موتمام قرر يبيع بيته ويجي يعيش ويانا
....يتبع