#البارون
*********
...ما نُسمّي ذلك الحُب الّذي يَدخُل كالسّكّين فينا؟
أنُسَمّيه صُداعاً؟
أم نُسمّيه جُنوناً؟
كَيف يغدو الكون في ثانية
واحة خضراء…أو رُكنا حنوناً
حِين نَغدو عَاشِقينا؟
#نزار_قبانی...
درر
بالغرفه الأفكار السودا مافارقتني ليش بعدني أحبه عافني وتزوج ليش ليش
لازم اني هم أتزوج حتى أنساه ضياء يحبني وما عافني حتلو مااحبه ماعندي غيره إذا بقيت انتظر رفعت شنو راح استفاد خلص هو بعد راح بغير طريق مناه وهيج أفكر بس بمصلحتي وبنفسي بس مثل مالكل يفكرون بنفسهم
كعدت ابجي لأن موبيدي أتخلى عنه اني متعلقه روحي برفعت كل حياتي مرتبطه بيه شلون راح اكدر أتزوج ضياء شلون أقنع نفسي بقيت كاعدة بالكاع لحد ماغفيت
على عطر غريب كعدت انصدمت من شفت ضياء شايلني وحاطني عالجرباية
درر-: شدتسوي هنا
ضياء-: قلقتيني عليج اخابرج ماتردين ودكيت الباب لمن مامليت لحد ما صديقي توسطلي وجاب نسخه من مفتاح غرفتج
درر-: ماادري ماحسيت بشي بيش الساعه الدنيا ليل وضلمه ليش انت هنا
ضياء-: ردت اودعج قبل لااروح
درر-: حتروح
ضياء-: أي
كاعد كبالي وعيونه تلمع مااعرف تدمع ماادري شبيه
درر-: شكو تباوعلي ممكن تطلع من غرفتي رجاءا
تقرب مني
ضياء-: احبج
باسني براسي شكد كرهت قربه مني غطاني بالبطانية
ضياء-: تغطي زين وانتبهي لنفسج
درر-: أعرف اني مو طفلة ولو سمحت كوم من الجرباية
ضياء-: هههه احبج
درر-: مامليت من كد ماكلت احبج اكره المبالغه لا تبقى ساكت ولا تباوع هيج مااحب
ضياء-: هههه مااريد احجي اي شي أريد استغل كل لحظه
درر-: اكره كلام الأفلام
ضياء-: ههههه
درر-: ماكو شي يضحك
ضياء-: عنود حقها من تتنرفز كلامج مستفز
درر-: هو اني بس أجمع أعداء الناس عدها معجبين ومحبين اني مكرهين مااعرف شيسمونه
ضياء-: ههههههه
درر-: أضحك أضحك
ضياء-: والله عمري ماضاحك هيج
درر-: أمسح دموعك كمت تبجي
ضياء-: اوف لو بس تعرفين شكد احبج
درر-: ههه كلها تكولي هيج وكله مجرد كلام ماعاد أصدق اي كلام ينكالي
ضياء-: ماراح تلكين بالدنيا كلها شخص يحبج مثلي مستحيل سويت أشياء ماكنت متوقع اسويها بعمري كله
درر-: احاول اصدق كلامك ولو هالشي ميفيدني كل إلي أريده مكان أعيش بيه وأخلص من شر رشيد
ضياء- ماجاي افتهم خوفج من رشيد
درر-: أوف رشيد ليش قتل أخوه لأن عباله راح يتزوجني يعني فاهم القصه غلط اني بس أريد أعرف منو حرض رشيد وكاله
ضياء-: شنو حرضوه رشيد من زمان يكره أخوه مو بحاجه واحد يحرضه وإذا حرضه شراح يستفاد
درر-: يعني معقولة هذا الكلام الي دتحجيه سمعته من الناس
ضياء-: أي اكيد
درر-: اهه
ضياء '-: ماعليج برشيد ماراح يكدر ينهزم مو سهلة طلعته من السجن ومصيره الإعدام
كمت ابجي مايهون عليا ولد عمي ثنينهم يموتون
ضياء-: على شنو تبجين
درر': يعني أفرح تريدني هو الصاير وياي هم صاير ببشر
ضياء-: اشش اني يمج ماراح اعوفج
راد يحضني ودفعته
ضياء-: آسف
درر-: أريد أنام
ضياء-: أوك حروح محتاجه شي
درر-: لا
ضياء-: انتبهي لنفسج ماراح اتأخر ان شاء الله بس أرجع نتزوج وننتقل لشقتنا وتتغير حياتنا وننسى الماضي بكل مافيه
درر-: أي
ضياء-: حاولي تغيرين تفكيرج وتتأقلمين مع الوضع إنتي تعرفين مصلحتج
راح واني نمت بس كلبي مامرتاح
مااعرف شكد مر وقت بس سمعت الباب يدك والشمس طالعه
من فتحت الباب انصدمت برفعت تصادمت كل مشاعري بين فرح كره حب ماميزت شي كل إلي فهمته هو كارهني ومستحقرني بين الكلام والنقاش الحاد تهجم عليا وخنكني من صراخي الناس اجوي ومن بينهم راشد أخذه وراح
ليش رفعت حاقد عليا شنو الي رجعه هو مو تزوج وقرر يعوفني بإرادته ليش هو الي متهمني بخيانته
صديق ضياء راد ياخذني للمستشفى بس ماقبلت اتصلت بضياء موبايله مغلق!
مااريد أبقى هنا أريد أهرب من كل شي
بقيت بالغرفه المغرب اندك الباب كنت خايفه بس لا رجع رفعت نظرت من فتحه الباب شفت ولد شكله مو غريب عني
درر-: منو؟
ليث-: خوية اني ليث صديق ضياء هو كالج عني
درر-: أي أتذكر
فتحت الباب الولد كان متوتر ووجهه يضرب ألوان
درر-: خيرك؟؟شصاير
ليث-: لازم تطلعين من هذا المكان بأسرع وقت رشيد انهزم من السجن ورايح لبيت عمج حاركه
درر-: عزاا العزاني
ليث-: خوية اني كلتلج لأن رشيد معزم يقتلج صاير مثل المخبل والشرطه ماكادرة تلزمه قاتل ٢ من السجن ومنهزم انهزمي وين ماعند الله كاع
درر-: وين ضياء
ليث-: يم عمامه مايرجع هسةخابرته
درر-: شنو مايرجع ليش هو كالي اجيب فلوسي وارجعلج
ليث-: خوية ترا حتى ضياء حياته بخطر منين ابديلج
درر-: احجي شضامين عليا
ليث-: ضياء مسؤؤل عن كل شي صار بحادثة موت إبن عمج
درر-: شنووو!؟؟ شلون والله العظيم عقلي ماعاد يستوعب شي
ليث-: ولو هو مو الوقت ولا المكان المناسب بس راح اكولج كل شي وارتاح لأن ضميري يأنبني كلش اني صديق رشيد من زمان طلعاتنا كلها سوى الزينه والموزينه حتى استحي اذكرلج
تذكرت هذا الولد نفسه الي مرة اجه لبيتنا وياه بنية حاير وين ينام لأن مرته بالبيت سولفلي كل شي من الألف للياء واني مصدومه وابجي ليش بيدي شي ثاني
ليث-: ضياء عرفته على رشيد وبعدين عرفه إبن عمج ومو بس هاي ضياء من كلتليله راح تتزوجين ماتركج طلب مني اجيب كل معلوماتج حاول يخرب عليج زواجج حتى هو يحصلج بالاخير واستخدم طرق ملتوية بيوم الحادثة كالي خابر زيد وكوله اني خابرته واجاكم ورشيد كان سكران ومايدري بشي بس ضياء انطاه حبوب قوية كلش اشتراها غالية وهاي ممنوعه ومو مرخصه لأن تعتبر من أخطر أنواع المخدرات تخلي الإنسان عقله موبيده شنو ينطلب منه يسويه ضياء استغل الموقف وضل يحجي براس رشيد انه زيد راح يتزوجج وذكره بالماضي حرض كل الحقد والكره رشيد مانعين منه السلاح لأن أكثر من مرة أستخدمه بأشياء خارج العمل بس ضياء اشترى سلاح وسلمه بيده وهو وصله لبيتكم بذاك اليوم لأن مستحيل رشيد يسوق سيارة وحده وهو شارب هاي الحبوب منعته بس ماسمع كلامي مااعرف إذا كان تخطيطه مقصود بقتل زيد أو فقط إيقاف العرس كل إلي عرفه كلتلج عنه لأن الله هداني اتوب
كعدت ابجي واون الطم على ولد عمي ثنينهم حياتهم تدمرت من وراي كله بسبب ضياء الله
درر-: حسبي الله ونعم الوكيل بيك ياضياء عسى حوبتي ماتعداك يارب ليش هيج دمر حياتي شلون كدر يسوي هيج شلون ينام ليله وهو السبب بقتل شاب الله لا يوفقه
ليث-: خوية كومي هسة روحي لأي مكان رشيد يريد يقتلج وضياء بس يرجع يتزوجج حتلو غصب عنج الولد الله أعلم شبيه تصرفاته شبه مجنونه
درر-: وييين أروح
ليث-: خوية الناس على صوت بجيج التمت علينا امشي خلاخذج لامي وأخواتي
درر-: اني بيمن اكدر اوثق بعد كلها تكذب عليا
ليث-: وروح مرتي ماعندي شي وياج تعاي اوصلج لأمي أحسن شي وضياء اني راح اخابره واكوله درر انهزمت بلكي ينساج ويصرف نظر عن الموضوع
اني كاعده بالكاع اون وابجي
مابقى عندي غير أروح وياه من طلعت من الفندق شفت رفعته عصبي تهجم عليا
رفعت-: يومية وي وااااحد لج سا،،،
ليث كالي اصعدي بالسيارة واني أتصرف اباوع لرفعت وابكي ليش هيج كارهني هو مو تزوج ليش بعده لاحكني ومتهمني اني الخاينته
ليث-: تعرفيه هذا الولد
درر-: أي
دنكت راسي طول الطريق ابجي وشهكاتي عالية مااكدر اكتمها وليث يباوعلي من مراية السيارة انطاني كلنكس
وصلنا لبيت جبير جنت خايفه اني منين أعرف ليث زين موزين سلمت امري لله فتحلي باب السيارة
شافني خايفه
ليث-: والله العظيم حقج بس انتظري لحظه اصيح لأمي هي تستقبلج
راح وجاب امه مرة وجهها رحماني
ليث-: يمه هاي ضيفتج
- هلا بيها أهلا وسهلا
نزلت من السيارة ورحت وياها بس ارجف مو من البرد ولا من الخوف ابجي من القهر جسمي ماعاد يتحمل الحزن والصدمات ليث راح كال لامه عندي شغل
أول مادخلت للبيت سلمن عليا بنات يمكن اخواته المرة ام ليث حضنتني وكمت أصرخ لأن من مات زيد واني محد حضني وعزاني
أم ليث-: البقية بحياتج الله يرحمه ترحميله موزين البجي عليه اني ليث كالي كل شي
درر-: خالة كله مني انييي السبب راح ولد بعمر الورد الله يرضاها محمد شنو ذنبه
...شعر فصحى:
العاشقون وإن ناموا، قلوبُهُمُ
يَقظىٰ، يؤرِّقُها الأشواقُ والألمُ
مِن شدَّةِ الوَجدِ لو أبصرتَ واحِدَهُمْ
أبصَرتَ جسمًا نحيلًا هَدَّهُ السَّقَمُ
قد يعلمون بأنَّ العشقَ مهلكةٌ
لٰكنَّهم رغم ما يَلقَون ما نَدِموا!
حسبُ المتيَّمِ أنَّ الموتَ أهونُ ما
يخشىٰ، وأدمعهُ بعد الفراق دَمُ!
أَحينَ دَنا مَن كُنتُ أَرجو دُنُوَّةُ
رَمَتني صُروفُ الدَهرِ مِن كُلِّ جانِبِ
فَأَصبَحتُ مَرحوماً وَكُنتُ مُحَسَّداً
فَصَبراً عَلى مَكروهِ مُرِّ العَواقِبِ
..
البحتري
حُبٌّ تَغَلْغَلَ فِيْ رُوحِيْ وَفِيْ كَبِديْ
لوْ شِئْتُ أنْسَاهُ لمْ تُسْعِفْنِيَ الحِيَلُ
- سعيد يعقوب...
سؤال البارت/ شنو تتوقعون دور ليث ؟
