#البارون
حطني حَدر رمشك كحل
داريني حيل بونّه
ولو غبت اركض للحلم
تتسابگ اجدامي ويه طيفك
چن عصافير الصبح ...
فرحانة وبفيّ النخل تتغنه،
ونتشاوف مرايات وبطعم العشگ نتهنه
ادريك ماتهوى البعد
يم گلبي حيل اتدّنه
خلي بضحكتك تنعجن نظراتي
ويصير الخجل ...
نفنوف يتطاير ضوه،
وزفه حجول ورّنه
نعناع نحرك ينشهگ
يارّيه تشبع منه ..؟
كۣۗہرآر آلَعۣۗہرآقۣۗہيۣۗہ🐆.ۦ𓆩“̯🤞😐“̯𓆪.tt
#البارت ٣٨
*********
غيداء
فكرت بالكلام الي كالته زوجه أيمن وكلت أشوف الولد وبعدين أقرر إذا يصير نصيب أو لا
امي بس تعايرني وتحجي عليّ كلام موزين وكالتلي غصباً ماعليج تتزوجيه وتوافقين عليه
أيمن حجى وي الولد اجن بالبداية نسوان مرة جبيرة أم الولد وأخته متزوجه من كلامهن مبينات هادئات ومثقفات سألني عن دراستي
- حبيبتي إحنا عدنا عادي البنت تكمل دراستها حتلو تتزوج مو مشكلة كدامج هاي بنتي تزوجت من الثاني متوسط وزوجها قبل وخلاها تكمل دراستها والحمد لله تخرجت قبل سنتين من الجامعه وزوجها عينها وياه
غيداء-: حلو بالتوفيق
- وإنتي إذا تردين تكملين وحابه الدراسة عادي اكول لميعاد وهو يفرح لهالشي
ام غيداء-" لا لا شتسوي بالدراسة البنية الها بيتها ورجالها أهم شي التتزوج بعد ماتكدر تدرس
- لا ام أيمن عادي حبي بالعكس ثنينهم يصرفون عالبيت وعلى اطفالهم وبالتالي يضمنون المستقبل
وهياتني كدامج لحد الان أشتغل وحتلو مااصرف على أحد بس يبقى مصرف الي وعلى أيدي
غيداء-: بعدين ان شاء الله نتفاهم على هذا الموضوع
- بكيفج حبيبتي وان شاء الله ميعاد هالايام يجي يشوفج وتشوفيه وتسولفون تتفاهمون على كل شي
غيداء-: ان شاء الله
مر كم يوم وكالو راح يجي ميعاد إسمه مااعرف عنه شي غير إسمه
لبست فستان وردي فاتح وشال أبيض
وبس كحل خليت وشوي باودر
اجت امه وأخته وياهم طفل صغير
كعدونا بغرفه وحدنا علمود نتفاهم
بقينا بالخمس دقايق ساكتين اني مدنكه راسي وساكته
مستحية
ميعاد-: إسمي ميعاد مدرس لغه عربية بصراحه امي مدحتج هواي وصفتلي جمالج لأن تعرف احب هيج مواصفات
غيداء-: شنو كالتلك
ميعاد-: هههه
غيداء-: هههه الله يستر
ميعاد-: أحب البنت السمرة يرهم عليها الشعر الفصحى
غيداء-: هههه حتتزوجني بس علمود الشعر الفصحى
ميعاد-: أحب الشعر
غيداء-: اني هم
ميعاد-: اتمنى نتفاهم ومايتكرر الماضي
غيداء-: أي ماضي؟
ميعاد-: ليش مااتعرفين
غيداء-:شنو أعرف
*********
ضياء( خلال السنتين )
كل يوم أقنع نفسي نسيت أو عسى ولعل أنسى
حاولت اشغل نفسي بعنود
بس هي استغلت وضعي لصالحها
عنود-: ليش ماتجي اليوم
ضياء-: مااكدر
عنود-: بس اشتاقيتلك كلش
ضياء-: الأفضل الج إنه تتعودين على غيابي
عنود-: بعد كل شي سويته الك
ضياء-: كل شي تسوينه برضاتج ماغاصبج على شي
عنود-: ليش ماتفهم اني أحبك ومستعدة اضحي بكل شي
ضياء-: بس اني مااكدر ومستحيل احبج جربت حاولت احبج بس ماكدرت احفظي الي تبقى من كرامتج كافي
عنود-: ميخالف لتحبني يكفي اني أحبك
ضياء-: ترا ما راح اتزوجج من البداية كلتلج لاتنتظرين وتمشين ورى سراب
عنود-: حبيبي عمري حياتي افهمني شبيك شنو قصرت وياك كولي
ضياء-: اوف خلص مااتحمل ضغط
سديت الخط بوجهها مليت منها كلما اخابرها لو تتوسل بيااتزوجها لو تبجي
امي محتاجه تسوي عملية بس ماعندي فلوس وتجاهلت الموضوع الدكتور كال إذا ماتصير العملية تبقى مقعدة شنو بيدي أسوي
خوالي من عرفوا تعاركوا وياي وانت اناني وانت وانت
مليت من كل شي إذا ماعندي فلوس منين اسويلها العملية اجدي لو أبوكَ
جمعوا بيناتهم فلوس العملية وسافروا بيها وكالولي لو ماامك ومعزتها جان من زمان طردناك
ماعدت اهتم
بقيت بالبيت وحدي إتصل بمرام ماترد وشوقي لدرر يزيد عندي بس صورة وحدها الها
صورتها من جانت بالفندق وهي نايمه شكد مشتاقلها
حتى ذكرياتنا البسيطه أحبها
نمت واني انظر لصورتها بالموبايل
يمكن يكون شي مضحك إنه ابوس صورة بالموبايل
حتى القميص الي كنت لابسه من شلتها وهي نايمه
احتفظت بيه ومالبسته بعد من يزيد حنيني أعجز وابجي واغضب يمكن ريحتها الي بقميصي هي الكفيلة بتهدأة أعصابي
...انني اقف عاجزاً أمام هذا الحب...
التدخين والشرب أحياناً كلها أخذت جزء واسع من دمار حياتي
قطعت كل علاقاتي بالناس
على صوت الموبايل المزعج
عنود تدك
ضياء-: تالي وياج إنتي
عنود-: فدوة اروحلك لتعوفني الله يخليك خلنرجع
ضياء-: على شنو نرجع انتي متفهمين اني مااحبج
عنود-: ادري تحب درر بس هي راحت تزوجت خلص أنساها شنو أنت متكولي لعد اني مو كدامك
ضياء-: يابة دروحي
من كثرة الإزعاج طلعت
مامهتم بشكلي ولا اشتهي أكل فلوس ماعندي
ومطلوب إلقاء القبض عليّ
بقيت أتمشى وبالطريق شفت مرام كاعده بكافيه وي رجال جبير
سلمت عليها من شافتني انزعجت والرجال زعل وكام
ضياء-: منو هذا وشعندج وياه
مرام-: أنت شعليك ضياء لاتدخل رجاءا
ضياء-: ليش تتصرفين وياي بهاي الطريقه ممكن أفهم إتصل بيج ماتجاوبين شنو السبب
مرام-: ليش تتصل ضياء أنت وين تريد توصل أنت مستوعب انانيتك هاي لولا يعني تريد تسوي وياي علاقة حب بلا زواج والغرض منها سد شهوتك وتعويض مكان درر وتريدني أوافق من رفضت كان لازم تحترم قراري وتستحي من نفسك مو تجيني تحاسبني كأنما رجلي بيا حق ماالك اي دخل بيا ولا عبالك اني مثل عنود
ضياء-: سبق وأن اعتذرتلج خلص إنتهى الموضوع
مرام -: إذا إنتهى ليش ماتكول لنفسك أتمنى تراجع نفسك ولا تبقى على وضعك هذا لأن فعلاً مخزي
أخذت جنطتها وراحت
كلامها خلاني أخجل من نفسي هزت ثقتي بنفسي
رجعت للبيت لكيت الشرطه واكفين ببابنا
اعتقلوني
بقيت بالسجن أخذوا اغراضي طلبوا مني إتصل بشخص من عائلتي أو أي قريب
اتصلت بخالي وكلتله وضعي كالي مالي علاقه
٢٠ يوم بالسجن محد من خوالي قبل يطلعني من السجن
النفسية تعبت لحيتي طالت ماطايق روحي
لحد ماطلعتني أم عنود بكفالة وكان شرطها أتزوج عنود
وافقت وكنت مجبور بس مابيدي حل ثاني
طلعت أول شخص لاكيته عنود وأمها
عنود حضنتني وكامت تبجي أبوها ماوافق على زواجنا بس هي وأمها قنعنه بطريقتهن
تزوجتها وكنت أكثر شخص تعيس وياها
رغم ما هي بكل شي حاولت تسعدني وتتمنى رضاي عليها
بعيد ميلادي اشترتلي سيارة
وأبوها توسطلي بشركه توظفت بيها
امي كامت على حيلها تقريباً خوالي رضوا عني من ناسبت ابو عنود لأن أغلب شراكاتهم وياه
عنود-: حبيبي لا تتأخر اليوم محظرتلك مفاجأة حياتي.
ضياء-: اتأخر ولا تلحين لأن مالي خلكج
حضنتني
عنود-: لاتشرب هواي موزين عليك حبيبي
وخرتها مني مااحب العطر إلي تستخدمه كلش مركز يزعجني
ضياء-: لا تتدخلين
عنود-: أوك
سهرت اليل كله لحد مادخت من المشروب ولمحت ليث
بس مااتأكدت
كعدت ثاني يوم العصر بلا ملابس وعنود نايمه بصفي سبحت ولبست البرنص
عنود حست بيا وكعدت
عنود-: صباح الخير حبيبي
ضياء-: شنو هذا المكياج
جان وجهها كله مكياج مخربط الحمرة صايرة على خدها والكحلة سايلة
عنود-: شنو شبيه ماعجبك
ضياء-؛ كم مرة اكولج لا تخلين مكياج وتنامين بيه محلو
عنود-: أوك حياتي
ضياء-: ليش فاتحه موبايلي ولاعبة بيه
عنود-: ما لازمه موبايلك
ضياء-: لتكذبيين
عنود ': أنت متكولي شوكت ناوي تنساها هاي الحقيرة يعني بجهازك وبعقلك وبقلبك حتى بفراشنا من أول يوم زواجنا أنت بكل لمسة تلمسني تتخيلها هي مو اني وتنطق إسمها ألف مرة وكل كلمه حلوة تكولها هي مو الي إلها واني أتجاهل واكول عادي ينسى مع الوقت بس تالي أيست فقدت الأمل منك أنت شنو من رجال لك حتى وأنت سكران هي على بالك ولا لحظه تنساها
ضياء-: كلتلج وشرحتلج ألف مرة بس إنتي الخلل بيج مو بيا
عنود-: أي بيا لأن حبيتك نفس ماانت تحب درر
بقت تبجي وتصرخ تملخ بشعرها
عفتلها البيت وطلعت أخذت جنسيتي ومستمسكات
اشتريت سيمكارت وضميته
سحبت فلوس من البنك
عنود اشترتلي بعيد زواجنا جداحه ذهب بعتها
بسيارتي رحت لمكان بغير محافظه كله زرع وأشجار بالشمال تقريباً بال١٠٠ متر أي بشر ماكو بس نباتات وأشجار مثل الجزيرة المتروكه وكلش حلوة وبنفس الوقت مخيفه لأن مهجورة
بهالمكان بيت واحد تصميمه روعه اتفقت وي مالكه على بيعه إلي عن طريق الإنترنت تعرفت على هذا الشخص خارج العراق عايش بروسيا
اشتريت البيت بدون مايعرف أي أحد
يتبع...
