البارون

❤❤البارت الثالث❤❤

#البارون
♡♡♡أبقى معي للأبد( أستاذي العاشق )♡♡♡
*******
ضياء
وصلت متأخرة
= ممكن أدخل
- ليش متأخرة
= ازدحامات
- بعد لتتاخرين وطلعي من وقت فاتج موضوع بالفرصه تجين اشرحه الج
= لا أستاذ ماكو داعي عادي اراجعه وافهمه وحدي
- ميخالف يلا فوتي وركزي زين
= صار أستاذ
- بعد لتجين بلا قمصلة الجو بارد
= أوك أستاذ
اشرح الدرس وعيني عليها حركاتها طفولية مميزة تخبل عبالك شمعه بنص البنات احتلت كلبي بسرعه وبدون مااوعى لشي جنت اريد الدرس يطول حتى ابقى متمتع بالنظر إلها دك الجرس
= أستاذ نمتحن باجر بهالموضوع
- أي تعاي وياي
= وين؟
- اشرحلج
= لا أستاذ ماكو داعي
- تعالي
كرسيين بالممر ورحلة وكعدت اشرحلها جانت مستغربة هي الإهتمام والإصرار اني ممنتبه للجاي اسويه بس كلها مستغربة
=أستاذ كلش منحرجه منك ولله
- ليش
= جهازك كسرته
بعدها ممكملة كلامها طلعت جهازي خليته كدامها
= اوه صلحته ليش ماخليتني اصلحه اني او على الأقل انطيك فلوس تصليحه
- عادي أخذت مقابل الفلوس شي ثاني
= شنو
طلعت السوار من شافته عيونه لمعت تلهفت حتى دمعت عيونه ماانسى ردة فعلها أبد من هاي النظرة عرفت شكد عزيز عليها السوار هذا وكلت اسوي بيها مقلب أشوفها شتسوي
- سوار ذهب عجبني كلت ليش اخذ فلوس ابيعه أحسن ها شكلتي
= لا أستاذ انطيك فلوس والسوار أريده
- لا حبيت السوار
= مالتي والله
- ادري مالتج وإذا
= معتزة بيه أكثر من روحي
- ههه لعد انتي شكد وفيه جنت امزح وياج من البارحه كلت انطيج ياه قبل لاانساه ويضيع
= مااعرف شلون اشكرك أستاذ
- تدللين إنتي
...تشبه ضحكات طفلٍ صغير وأفراح عرس وبهجه الأعياد....
طول مااني اشرحلها اباوع لملامحها عرفت أصغر تفصيلة بيها هي انحرجت من كد ركزت بوجهها ضلت تعدل بنفسها وبشالها عبالها بيها شي ههه
= أستاذ فهمت اريد اروح
- بعد اكو كم ملاحظه وين رايحه
= جوعانه
- هههه
دك الجرس هي ضاجت لأن مالحكت تاكل
= شكرا أستاذ
- ولو على شنو
= أي علة شنو خليتني اموت جوع
حجت بصوت ناصي بس سمعتها هههه
********
درر
... أنظر إلى عيوبك ونواقصك على إنها ثقوب يدخل منها الضوء إلى عتمتك المخيفة...
رفعت خابره صديقه وراح جنت اريد اسولف وياه بس ملحكت فرحت من أستاذ ضياء انطاني السوار مااعرف أحسه غريب تصرفاته غريبة وياي بس مومهم أهم شي السوار ماضاع رجعت من المدرسه تعبانه وجوعانه دخلت للمطبخ اسويلي بيتنا عبالك مهجور كل شي مابيه وناسه ٢٤ ساعه مموجودين سمعت صوت زيدان
- درر
طلعت عمي طلع من السجن سلمت عليه جان منتهي من التعب ضعفان كلش بالكوات يمشي بست أيده وراسه ماحجى شي زيدان اخذاه لغرفته شوي وسمعته يبجي بالغرفه
= زيدان لو ممدخله بالغرفه كل ذكرياته وي عمتي بيها عالاقل لو كايلي جان غيرت الديكور
- شمدريني خابرني ورحت من الفرحه نسيت كل شي
= الله يساعد عمي تدري هو مجان متعمد يموتها عباله مثل كل مرة يكتلها كتلة عادية وميصير بيها شي الله يرحمها
- ريحتيني من كلتي هيج
= شيفيد يمعود يبقى الغلط بعمي من راسه لساسه
- راح أجيب أكل اذبح دجاج واطبخي نوزع للجيران بمناسبه طلعه أبوي من السجن
= ليش المفروض عزيمه
- يمعودة الوضعيه متسمح أخاف يجي واحد ويغث أبوي بحجاية
= أي والله زين اكولك خابرت زيد ترا كلش تعبان ليضيع من ادينا
- هسة اخابره
= ماكو أخبار عن رشيد
- خابرني صديقه يكول زين مابيه شي بس نفسيته تعبانه من تتحسن حالته يرجع
= ان شاء الله
راح زيدان جابلي مسواك هواي مكدر اطبخه وحدي خابرت غيداء
= الو
- ها عمري شلونج
= الحمد لله إنتي شخبارج
- بخير حبي
= اكولج عيني متكدرين تجيني عندي كومه شغل
- أوك اكول لماما واجي بس شغليش عندج إذا خطار مكدر اجي
=لا عمي اليوم طلع من السجن وحنسوي اكل نوزعه عالمنطقه
- اها ليش ماامي تجي وياي أحسن
= خاف زحمه
- لاعادي طبخها طيب وبسرعه تخلص
= أوك
اجت غيداء وأمها لليل خلصنا طبخ دخل علينا زيدان
- السلام عليكم
= وعليكم السلام
- شلونج خالة
= هلا بيك خالة شلونك انت
- الحمد لله
= حضرنا الاكل وخليناه بسفري
- تعبناج ويانا
= تعبكم راحه
وزع الأكل زيدان وصديقه لأن كومه صار الطبخ وزاد
ورى شوي اجانا زيد تعبان سلم وصعد لغرفته زيدان كاله سلم على أبوك ماقبل
*******
زيدان
عمري ٢٣سنة طويل أسمر ضعيف البنية حياتي مثل ماهي مبينه عندي حبيبه من غير طائفه ومنطقتهم بعيده كلش متعلقين ببعض وان شاء الله أخذها ونتزوج بعد ماوزعنا الأكل اني وصديقي هو راح واني خابرت حبيبتي
- الو ها حبي
= هلو حبيبي شلونك طلع ابوك
- أي
= شبيك ضايج
- مابيا شي بس تعبان
= نام كلبي وارتاح
- خلنفتح كاميرا اشتاقيتلج
= أوك
- بس أسبح واجيج
سبحت وشسورت شعري نمت عالجرباية فتحت كام من اللابتوب
- وخري شعرج من وجههج خلشوفه
= خلطفي الكلوب حتى ننام سوى
- يلا
= أحبك
- أموت عليج اعشقج
= صاير حلو
- انتي هم
= حبك محليني
- اعشقج
= اني هم
ضلينا نتغزل من نعسنا بقينا ساكتين واحد يباوع للثاني لحد ما غفت قبلي بقيت الكامرا مفتوحه اباوعلها
*********
رفعت
مدير المطعم تعارك وياي يريدله بس حجه عليا اني عالجت الموقف بالكوات صابر مرات توصل بيا مرحلة أريد اضربه حتى أرتاح يتجاوز ويغلط يريدني اعوف الشغل بس اني صبرت والله كريم باليل طلعت وي جماعتي سوالف ضحك ب١ رجعت للبيت نسيت اخابر درر خابرته بس مفاتحه نت كلت يمكن نامت اني هم نمت الصبح كعدتني امي
= رفعت اكعد راح الوقت تأخرت يمه كوم
- شوي بس
= موبايلك مساعه دك لمن مامل
- ها
= ولله يلا كوم اسويلك ريوك وتروح
- هسة
خابرت درر
_ الو ها حبيبتي متصلة الصبح نايم مادري
= أي اتصلت بيك
_ شلونج عمري
= زينه بس تعبانه
_ شبيج
= اشتغلت كومه البارحه وعندي هواي دروس أريد أبطل مليت من المدرسة
_ بسم الله الرحمن الرحيم مصارلج أسبوع شسالفه
= تعال أريد اشوفك
_ اني هم بارحه ماشفتج زين
= تريكت بالبيت انت هم اتريك علمود منروح لمطعم
_ أوك شوي واجيج
التقينا بمكاننا الي دايما نلتقي بيه مكان هادئ مابيه ناس كعدنا وحدنا
= اشتاقيتلك
_ اني هم
نامت على جتفي وبقينا نسولف
= نايمه بس ٤ ساعات كعدت من الصبح ادرس البارحه ملحكت
_ من ترجعين نامي
= أي
_ تكرزين حب وياي
طلعت حب من جيبي وانطيتها
= مااعرف افلس حب
_ لا والله
= ولله
_ لعد شتعرفين وبعدين إسمها اكرز حب مو افلس حب
= أي عادي المعنى في قلب الشاعر
_ عوبه موبيدج
= حتاكل وتعوفني
_ لعد شسويلج
كامت تطلع لب الحب باثنين أديها ههههه
_ ولج شتسوين هههه
= لاتضحك كبر أكو واحد يفلس حب من غبشة الله
_ دنجبي لعد شنسوي ضوجه
= معليا علمني
_ شلون اعلمج ينرادلها تعلوم بلة
= ليش مجبتلي حب مفلس
_ يلا عالجايات
عوجت حلكها متحملت لزمتهها من حنجها وبستها شوي جان اختنكت مخليتها تتنفس بقيت هواي هي تدفع بيا وتضرب على صدري واني مستمر دخلت عالم ثاني هي شوي شوي رخت وكامت متضرب بقينا إحنا الثنين مندمجين أخير شي كامت تبجي بهدوء اني وخرت
_ ليش تبجين
= وخر مني كلب حقير
_شسوي متحملت احبج متفهمين إنتي
= لوتحبني متسوي هيج
_ ماسويت شي
= موعيب عليك
_ تعاي اريد بعد
= أنجب حروح وحدي للمدرسة لتجي وياي
راحت ورحت وراها كامت تبجي معبالي تزعل لهالدرجه
_ درر شبيج ليش تبجين
= عوفني رفعت
_ شكو تبجين مصار شي شسالفه
= عوفني
_ هو شنو اعوفج كلما صار شي وكلتي عوفني
= وخر مني صوجي أني خليتك تتمادى
جريتها من ايدها حيل صرت عصبي
_ ترا حيل متحمل عليج وهذا موطبعي اني أقل غلطه من أي شخص اعوفه بس إنتي تغلطين وتتزعلين ومتحمل كل تصرفاتج لأن احبج ومايوم زعلت منج وكلتلج خلعوفج إنتي اول شي تكولينه خلنتفارك شبيج متكوليلي
= لتلزم أيدي عوفها
_ شبيج ها
= عوفني رفعت أريد أروح تأخرت
_ مااعوفج أريد افتهم شبيج
هي تبجي واني طار عقلي صرت عصبي ماكو داعي للبجي هو شصار حتى تبالغ هيج أقل شي وسوتلها مشكلة لازم اخلي حد
= عوفني تأخرت
_ احجي شبيج
اني من العصبيه أجر بايدها حيل حتى لويتها شوي هي تتوجع اني ماانتبهت عليها دكمه قميصهها طفرت
= شبيك عوفني
_ لااله الا الله والله العظيم تعبتيني
هي تبجي وصلتها للمدرسة وبس ساكته وضايجه حتى وجهت صار اصفر خفت لايصير بيها شي رحت للشغل وبالي مشغول ليش هالمشاكل التافهه بيناتنا حتى ماتسوى مرت الساعات بسرعه راشد عرفني متزاعل وياها رحت للمدرسة ضايج وطافرة روحي هي طلعت
= انت ممجبور تأخذني وتجيبني
_ لا مجبور اخاف عليج تروحين وحدج لاصديقات لا خط وماكو واحد من اهلج كلف نفسه يسأل عنج وعن مدرستج شنو وضعها
= أي عادي وشنو قابل هي بمحافظه
_ بلا لغوة زايده وبعدين كم مرة كلتلج البسي قمصلة مثل أمه محمد شيصير بلة
= ماعندي
_ ليش ماكلتي
= ترا إحنا لا مخطوبين لامتزوجين مجرد أحبك وتحبني
_ أي بس لو ما الظروف هسة انتي مرتي
= حتلو روح أرتاح اني حروح للسوك
_ اني اخذج
= أنت بتصرفاتك هاي تسوي مشاكل بيناتنا
_ طلعت اني الي اسوي مشاكل
= اوف شني كافي
_ يلا كدامي
= مغرور
رحنا للسوك واحد ضايج بوجه الثاني
= ليش اجيت وياي أريد اشتري براحتي
_ اني شمسويلج
= اوف متفهمني
_ ليش مارحتي وي صديقتج
= أهلها ميقبلون ومرة رحت وي امها اشتريت ملابس بيت وملابس للمدرسة ونسيت اشتري قمصلة وبصراحه استحي اكوللها أريد أروح وياج للسوك
_ عادي اني اروح وياج
= رفعت لتعودني هيج جاي اتضايق احس نفسي مقصرة بكل شي
_ كافي تمسلت
ضلينا نفتر بالمحلات لحد ماعجبها كوت حلو
= هذا حلو خلجربه
_ أوك جيبي الجنطه
لبسته يخبل عليها
= حلو؟
_ يخبل عليج
= صدك؟
_ ولله
= حلبسه هسة
_ أي أحسن
= أريد أشتري كم شغلة انتظرني هنا
_ وين حتروحين
= هسة دقايق وأرجع
_ بسرعه
خلصنا وطلعنا
= رفعت
_ ها
= لكيت السوار
_ صدك؟
= ولله شوف
_ وين لكيتيه
= أستاذ ضياء جان ضامه عنده
_ ؟؟
= نسيت اكولك عليه
_ منين هذا
= أستاذ ضياء مدرس جديد أول يوم انصدمت بيه وكسرت جهازه وسواري طاح عنده ونسيته
_ اها شكد عمره هذا
= مااعرف بس هو صغير بعده شاب تقريبا بالثلاثينات
_ اشمعنى مو مدرس جبير مثل الباقين
= عادي حبيبي شنو يعني
_ يلا نروح
= لحظه
طلعت حمرة مدري شني من جنطتها وحطت لحلكها
= يلا
_ شنو يلا شحطيتي لحلكج
=مرطب شبيك لتخزرني هيج عفيه
_ مسحيه لاكسر سنونج
= أنت شبيك على أتفه شي تصير عصبي
_ أستغفر الله العظيم
= راح امسحه لتضوج
_ اي هيج أحسن شبيج ضجتي
= مابيا شي
زعلت بس مجانت تريد تبينلي شي مرت أيام يمكن لأن زاد حبي وتعلقي بدرر صرت اتحكم بيها واغار كلش مرات نتزاعل بس منكدر نبتعد عن بعض زعلنا ميطول أبد ورى المشكلة بدقايق نتصالح هي حساسة ورقيقة بسرعه تبجي واني من اشوف دموعها اتخبل مااتحمل أريدها قوية أريد أكون إلها الأب والأم والأخ والصديق وكل شي مااريدها تحتاج شي ولاتحتاج شخص
*******
... وفي الليلة التالية من عمري إني أحبك يامن جعلتني استشعر الأمان من حياتي...
غيداء
عمري تقريبا بعمر درر إحنا صديقات من الطفولة جيران من زمان بينا عشرة عمر وهواي بيناتنا مواقف حلوة ومرة ساعدتني بمشاكلي وأكثر من مرة وجنت وياها بالمدرسة ومن مرحلة لمرحلة ننجح سوى بس من ماتت زوجه عمها انتكست وتركت المدرسة اني نجحت وتخرجت من الإعدادية وحاليا ادرس إدارة وإقتصاد بالجامعه مواصفاتي حنطاوية طولي متوسط وكذلك جمالي عيوني سود شوي تارسة مبينه أكبر من درر بس درر أكبر مني ب٧ أشهر عايشة وي امي وابوي وعندي ٤ أخوة واحد استشهد من ٥ سنوات والثاني متزوج( أيمن ) وعايش بمنطقه بعيدة عنا شوي والثالث( زهير) متزوج صارله سنتين ونص زوجته حامل وخبيثة كلش اما الرابع (خليل )من بنية لبنية وكل يوم مشكلة ويصير صديق زيدان إبن عم درر الروح بالروح هواي امي وابوي معانين من عنده وجاي يدوروله على مرة يتزوجها عسى ولعل يتعدل هذا تفكير أهلي واختي الكبيرة متزوجه عن حب والحمد الله الي حبته مو واحد غريب حبت ابن عمنا وتزوجته عائلتنا أغلب الأحيان مشاكل امي وبابا ممتفاهمين وجنتنا متكعد راحه ودايما تغث امي بحجيها ومتقبل تشتغل وشغل البيت كله عليا وعلى امي بابا يصير ابن عمها لامي جدي الله يرحمه زوجهم غصب عنهم هما الإثنين حسب عادات أجدادنا البنية متاخذ غير إبن عمها وانحكم على امي وابوي بهالشي الحمد لله على كل حال كلما أنظر لحياة درر أحمد الله ألف مرة عالاقل عندي أهل وعزوة مو مثلها مومستقرة من أول ماوعيت عالدنيا حياتهم مشاكل وبيتهم ميخلى من الصراخ والعياط عمها ٢٤ ساعه سكران وولده مثله معروفين بالمنطقه بمشاكلهم الناس تكرههم لأن كل شي يسوون ومحد يكدر يحاجيهم لأن الهم واسطات بالدولة والشرطه ولهذا السبب الناس تتجنبهم حتى بابا ميحبهم بالكوات يخلينا نتواصل وي درر امي تحب درر لأن ام درر ومرت عمها جانن صديقاتها كلش متعاطفه وياها وتنقهر عليها تتمنى لوعدها ولد زين وتخطبها اله بابا ميعترف بهالعواطف دايما يبين قاسي وعصبي وصلني للجامعه وراح هالايام متغير ومو على بعضه
- محتاجه شي بابا
= لا بابا
- يلا ديري بالج
= مع السلامة
- الله وياج
دوام عادي ممل كلش ضايجه من نفسي من حبيت أول حب بحياتي وطلع أكبر غلطه خسرت نفسي بطريقه غبية ماتسوى أتذكر لحظاتي وي الي مايتسمى حبيبي خلص الدوام بابا خابرني
- منتظرج
= جاية بابا
وصلت للسيارة شفته يخابر وفرحان يعني متونس بالإتصال لدرجه ماانتبه عليا من اجيت يحجي بصوت ناصي حاولت أسمع سمعته كال باليل اجي ان شاء الله محتاجه شي كولي تالي فتحت الباب
= هلو بابا
- اا غيداء ها بابا
توتر وبسرعه نهى الإتصال
- هذا واحد صاحبي
= أي
رحنا واني صافنه افكر ويامن جان ديحجي بابا اني متاكده سمعته يحجي وي مرة لأن كال محتاجه شي ليش جذب وكال صاحبي ليش توتر شنو السبب الي خلاه ينهي الإتصال ان شاء الله ميكون الي ببالي خلص باقي اليوم كالعادة مشاكل امي وي بابا ومشاكل مرت أخوي الظهر نمت للعصر كعدتني امي
- كومي غيداء دنيا مساية غروب
= تعبانه يمه
- ميصلح كعدي
كمت غسلت وجهي شفت امي لازمه موبايلها تتصل ببابا وهو ميجاوب
= خير يوم شكو متوترة
- ياخير ادك على ابوج وميجاوب
= ليش
- شمدريني بيه
= شتردين منه من طلع شكالج
- خلي يجي يشوف أبنه وين مرت ابنه هاي شالعه كلبي يطب ويطلع حتى حجي يحجي وياي من ورى خشمه
= يمه علة كيفج وياه هو يجي تعبان من الشغل اول ميدخل البيت تتلكينه بالمشاكل ميصير هيج ومن يروح للشغل هم تخابريه وساعه كامله تشكين شي اكيد ميجاوب هو شارد من البيت ومشاكله
- دفكينا يمعودة
باليل اجه بابا فرحان
- السلامه عليكم
= وعليكم السلام هلو بابا
- وين امج
= بالمطبخ اصيحها
- لايمعودة ابقي بالمطبخ لتخليها تطلع اني حاخذ شغلة من الغرفه واروح
= ليش يابة امي ظهريتها كلها تدك عليك ومتجاوب
- امج ممتصلة تطمن عليا كالعادة تشكي مشاكل وسوالفها الماتخلص
= اوف خاف تزعل
- ماعليها شي
= زين وين رايح هسة
- عندي شغل
= شوكت ترجع
- صايرة نفس امج هو شغل يعني أرجع من يخلص الشغل شكد تسالن
= علة كيفك اعصابك
- يلا رايح
= الله وياك
بهاليوم بابا بات برا البيت ومارجع ولا سأل علينا ضلت امي اليل كله تدك عليه وجهازه مغلق
- ابوج وين راح
= يمه عنده شغل هو كالي يتأخر
- حتى ماكال شبيه هالرجال هذا
= نامي ياعيني كافي توتر
...يتبع