#البارون
أبقى معي للأبد( أستاذي العاشق)
*********
درر
... نظرات غريبة استفهامية...
..."لا شيء في الداخل غير الرقّة،
الخارج هو الذي شوهني."
- أنسي الحاج...
..." الصادقون لا يحتملهم أحد ."...
...هناك من يشعر بتحسن لأنك موجود...
عنود خزرتني وماسلمت
مرام- تفضلي عمري اعرفج اني اخت العروسة وكذلك عنود
درر: اها تشرفت بيكم
همست بصوت ناصي همزين طمنتيني عبالي عنود العروسة
اكو مرة كبيرة لابسة فستان نفس فستان ام العروسه وعنود فستانها نفس فستان ترانيم نسخه طبق الأصل صدك جذب مبينه أثار التفكك الأسري عبالي بس ببيتنا مبالغات كلش بالمكياج إلي عرفته من مرام هاي المرة امها وام عنود المرة سلمت عليها هي شايلة خشمها عليا ومن كلتلها خالة صارت عصبية وخزرتني الحمد لله والشكر هو إنتي بيبي واني اكول عليمن طالعه عنود ورى شوي دخلت بنية تخبل هي ترانيم خجولة أدب وأخلاق وجمال سبحان الخالق سلمت عليا كعدنا عنود وأمها عبالك كاعدات بعزا بس ام ترانيم ومرام وردات بقينا نسولف ورى ساعه ونص دزولي ولد صغير علمود نروح قرو الفاتحه وقرروا الخطوبة الأسبوع الجاي زيدان طاير من الفرحه
درر": عريسنا جكليته حامض حلو بباكيته
عمي خزرني هههه سكتت زيدان كام يضحك وصلنا للبيت شفنا رشيد عادي نظرلنا نظرة باردة لازم مسدسه ينظف بيه
زيدان- الأسبوع الجاي الخطوبة
درر": بالبيت ؟؟
زيدان:: لعد وين كلت لابوي نسويها بقاعه بس ابو ترانيم ماقبل واني بصراحه أريد كل شي يمشي بسهولة حتى أبوها مايلكا سبب وتصير مشاكل
درر": أي حقك والله بس عيب من بيت أبو أيمن زهير ماصارله هواي من مات
زيدان ": مو هنا بيتهم مقفول
درر": وين راحو
زيدان ": ما ادري صايرة مشاكل وصراخ عدهم ذاك اليوم صديقي كالي اني ماجنت هنا
درر': ياساتر الله يساعدهم خطية
زيدان ": يلا خيتي شدي حيلج لأن الخطوبة بالبيت صديق والدي راح يجيب مرته وبناته حتى يساعدنج خوش
درر:خوش بس احم احم
زيدان:؛ خير
درر:؛ اريد ااجر فستان بخطوبتك خوما اطلع مبهذلة
زيدان ": هههه حقج وهاج ورقه واي شي تحتاجينه كولي
درر": شوكت تاخذني ااجر
زيدان ": والله ماالحك باجر تجي المرة هاي وروحي وياها لأن لازم تتسوكن للبيت ترا مابقى وقت درر
درر": ليضل بالك روح أنت وان شاء الله من باجر نبلش
زيدان:؛ يلا أروح اني
درر:؛ الله وياك
مر أيام رحت اني والبنات للمول أجرت فستان يخبل بس شكد حبيت بدلات العرس كل من شافني عباله اني العروسه صار بخاطري البس البدلة البيضة بقيت شكد اباوعلها وبالي يفكر بهواي أشياء يا اانحرم منها للأبد يا الله أعلم شيصير جهزنا كل شي رفعت زعل مني لأن طلعت وماكلتله لوين بس تصالحنا بيوم الخطوبة طلعت قشطه هههه فستاني قصير من فوك مخصر ومن جوة منفوش لونه وردي وبيه سواد والمكياج رحت للصالون المكياج صار روعه رحنا نخطب رشيد ماحضر بس زيد وهم جان شوي تعبان طبعا قبل لااطلع رفعت حلفني مااركص وبقيت بس اهلهل واصفك وبالكوة لازمه نفسي عنود من شافتني انصدمت ماتوقعت اكشخ هيج العروسة كيوت بس المخرب الحفلة عنود وأمها الكل فرحان ومتونس وهنة يتلاطمن ضايجات ومتكبرات على خلق الله صورنا وشبعنا تصوير جابو بنية تصورنا اجيت اصور وي العروسه وعنود دفعتني كلت ميخالف رعنه اخذها على كد عقلها مرة ثانية اجيت هي كالتلي
عنود- سويلي مجال اريد أصور
درر- مو هستوج صورتي شنو شبع هو
عنود": أي شبع
درر- استغفر الله
كعدت يم العروسة هي دمرتني بالكيكه وعثرت بقوطية الببسي وتدمرت حذائي الله لا يوفقج عنود مرام من شافتني خطية اخذتني للحمام هي مسحت الكيكه من فستاني ونشفته بالفير
درر- اختج شبيها شعجب ماطالعه عليج
مرام ' اعتذر منج نيابة عنها والله مستحية منج
درر:: يعني شفتي شسوت لزمت الكيكه بايديها ودمرتني وتكولي ماادري تأشر لامها وتضحك عليا مااعرف ليش هيج تسوي وياي حتى بالمدرسة
مرام- يعني انتي الطالبة الي عنود تتعارك وياج وأكثر من مرة ضياء شكالي
درر": أي
مرام": اها
درر: ماعندي شي وياها أكثر من مرة كلتلها خلنفتح صفحه جديده ونصير صديقات عيب إحنا كبار ماقبلت هواي سببت لي مشاكل
مرام': هي طبعها هيج تعالي يلا لا تضوجين
درر": أوك
دخل السيد يعقد وعقدوا وهلاهل كلها فرحانه بس عنود وأمها غمزتلها وانطتها مثل الحرز وجكليته طلعت ورها لأن الفضول لعب بيا لعب الحرز خلته بالحديقه والجكليته انطتها لترانيم واني حركت كلبها واخذتها من ايدها قبل لاتاخذها ترانيم
درر": شكرا هاي الي مو
عنود:؛ لا
العروس تباوع مصدومه
درر": شكرا حبي عنود تعالي نسولف قبل لااروح لزمتها من ايدها
ترانيم ": انتن صديقات؟؟
درر:؛ هههه إحنا أقرب صديقه الي عنود امووووت عليها اختج عسل تجنن أقوى علاقه علاقتنا بالمدرسة كلها تسولف بصداقتنا مانكدر نتفارك أبد إذا يوم اغيب عنود تضل تبجي تنط من البجي حبيبه كلبي
بست عنود هههه علمود يكمل التمثيل ومانخرب الحفلة حلكي انترس باودر خد لو مخبز
ترانيم "؛ فدوة الله يديم صداقتجن يعمري
درر:؛ تسلمين حياتي يلا عنوده تعالي نروح
اخذتها على صفحه
درر"؛ شنو هذا؟
عنود:؛ شنو عمية جكليته
درر:؛ ادري شبيها مساعه شفتج حطيتي حرز بالحديقه وأعرف كلش زين هو سحر مو اختج هي ليش تسوين هيج اني صحيح مالي علاقة أنتم عائلة بيناتكم تتصافون بس أي شي يمس ترانيم يمس زيدان وزيدان أخوي ومااتحمل يصيبه شر فأحترمي نفسج أحسن متكوليلي شنو من بشر انتي محد سالم منج
عنود:؛ هيييه شوفي لج شنو تهدديني إنتي ههههه والله يا الله زعاطيط ولج اني عنود بعدج متعرفيني والله إذا اخليج ببالي اخبلج واخليج تصيرين مخبلة اني راضعه وي إبليس
درر:؛ يعني اصفكلج تريدين هو إنتي نكرة شنو شايفه نفسج
عنود:؛ تاج راسج الس،،، ام الو،، الكح،، ووو
فشرت لمن ماملت وسبتني ماتحملت لزمت كفشتها وكعت الباروكه ملختها تمليخ
درر"؛ ام الباروكات حتى شعر ماعندج مثل البنات العوبة حرامات محسوبة علينا ام السحورة
عنود:؛ برب،،، بنت الخ،، ووو
وكعتني بالكاع ملختني تمليخ عضيتها من ايدها محترك كلبي فاير منها شكد صارلي متحملتها
النسوان كلها التمت يريدون يفاككونا ماكدرو
درر:؛ هلو هلو ياناس ياعالم شوفو حتى رموش ماعدها حاطه رموش اصطناعية
عنود:؛ اني اعلمج
كسرت موبايلي وعضتني من بطني تمالخنا والمكياج خرب ايديا تخرمشت من وراها هذا كله وبعدني ارجف من العصبية أمها ضربتني راجدي وجرتني من شعري واجت مرام وخرتها مني الزلم سمعوا بالعركه صاحولي علمود نروح لأن إذا نبقى بعد ابو ترانيم يستغل المشكلة هو بالكوات وافق كمت ابجي عنود عدها أم تدافعلها بس اني وحدي شكد انقهرت طول الطريق عمي وزيدان شبعوني رزايل بس من شافوني ابجي سكتوا
*********
...إنّي أغارُ فليتَ الناسَ مَا خُلِقوا
أو لَيتَهُم خُلِقوا مِن غيرِ أجفانِ
إنْ لَم يرُوكِ فصَوتٌ منكِ يَسْحرُهُم
يا لَيتهُم خُلِقوا مِن غَيـــرِ آذانِ...
...فتشت اوراقي وأرهقني التعب
وقرأت اشعار البلاغة والأدب
وبحثت في كل السطور فلم أجد
وصفآ يليق بمن فؤادي قد أحب
والناس عندي بعضهم من فضة
وانتم احبائي بقلبيَ من ذهـــب...
...يا ﻏﺎﺋﺒﻴﻦَ ﻭﻓﻲ ﻗَﻠﺒِﻲ ﺃُﺷَﺎﻫﺪﻫﻢ
ﻭﻛﻠّﻤﺎ ﺍﻧﻔَﺼَﻠﻮﺍ ﻋﻦْ ﻧﺎﻇِﺮﻱ ﺍﺗّﺼَﻠﻮﺍ
ﻗﺪ ﺟﺪّﺩَ ﺍﻟﺒُﻌﺪُ ﻗُﺮْﺑﺎً ﻓﻲ ﺍﻟﻔُﺆﺍﺩ ﻟﻬﻢْ
ﺣﺘّﻰ ﻛﺄﻧﻬﻢُ ﻳﻮﻡَ ﺍﻟﻨّﻮﻯ ﻭﺻﻠـــوا...
رفعت
رجعت العصر من المطعم هلكان من التعب اتعشى واصلي انام كم ساعه واروح احرس بيت الدكتور فتحت فوني لكيت رسالة من درر حتى ماكاتبة وين رايحه انزعجت أول مدخلت البيت سمعت صوت بجي ياستار هالة تلكتني وجهها أصفر
رفعت: شكو منو ديبجي
هالة؛: زينب رجلها مات
رفعت": زينب بنت عمي كاطع الله يرحمه؟
هالة": أي
رفعت:: شلون مات
هالة:: قتله أخوه
رفعت:: يارب سترك وشبيها تبجي
هالة:؛ تعال فوت اني ما ادري بالسالفة كلها
دخلت لكيت زينب خدودها مخرطه وكلها دم عينها مزوركه سلمت عليها عزيتها بالكوة تحجي بتها صغيره كاعده بصفها تاكل امي وابوي ومنتظر كاعدين يستفسرون منها من عرفت قصتها تحير لازم نتواصل وي أخوها ونشوف شيكول البنية لا حول ولا قوة الها
رفعت": هالة اخذيها خلترتاح
هالة": تعاي زينب
كعدنا وي أبوي علمود نشوف حل لمشكلتها خطية
- ماكو حل خلي تخلص عدتها والله كريم نشوف شنسوي
رفعت": عيالها مايكدرون يسوون شي بعد الصار صار بلكي نكدر نتواصل وي أخوها
- بنت أخوي تعيش يمي وواحد منكم يتزوجها
رفعت:؛ زواج شنو يابة منتظر ماتشوفه بالكوات كدر يشتري قطعه أرض
- ومنو كال اني احجي عن منتظر جاي احجي عنك انت مامتزوج وماعندك شي
رفعت ' شنو!!!؟؟؟
-
*********
...يا واسع الُّلطفِ إنَّ الحالَ تعلمُهُ
ربِّي لكَ الحمدُ في صفوٍ وفي كـــدرِ...
...لله صبري فكم قد ذقتُ من ألمٍ
و كم تجرّعــــــتُ آلام القراباتِ
هم العقارب أبدت من عداوتها
سمومها واستفاقت في مناماتي
قد أظهروا لي عداءً بائناً وعَدوا
عليَّ عـــــــــدْوَ ذئابٍ بينَ غاباتِ
يكابدونَ بإخمادي، وكـــم فشلوا
وما دروا قدْرَ إصراري وصولاتي
لا بارك الله في قربٍ على مضضٍ
ولا بقربةِ أصحـــــابِ العـــداواتِ
#المقداد_الحسن...
...عَسَىٰ الزَّمَانُ الَّذِي دَارَت دَوَائِرُه
إن كَانَ يَقتُلُنَا يَومًا سَيُحيِّينَـــا!...
زينب
أبوي وامي ماتو قبل كم سنه بسبب حادث سير وهم بطريقهم للنجف وعندي أخوي الكبير بالخارج يدرس بمصر وباخير فترة كل شي مااعرف عنه لأن ماعندي موبايل جنت بوقتها متزوجه وبالعمارة وعيالي ماقبلوا أروح للفاتحه ومنعوا زوجي ياخذني لأن طريق بعيد ويحتاج مصاريف وهم يموتون عالفلس وخافوازوجي ياخذني وتخلص فلوسه مصاريف وكراوي ينطي الواجب خابرت إبن عمي منتظر وهو اجاني تزوجت من عمري ١١سنة ونص كلش صغيرة وماافتهم أي شي أبوي حالته ضعيفه جانت وأول ماتقدمولي وافق ناس همج وكل شي مايعرفون لا صلاة ولا صوم وفوكاها جهلة كل إلي يعرفوه الفلوس عمتي تقفل الثلاجه بمفتاح حتى ماناكل والحصة تحطها بالمخزن وتقفل عليها الباب كل شي اقفالة ومسوية المفاتيح كلادة بركبتها وترجف إذا تشوفنا ناكل واالياكل هواي تضل تدعي عليه عدنا بستان وكل الشغل عليا مرت حماي تصير من كرايب عمتي وتحبها وماتخليها تشتغل متفقات يخلني بس اني أشتغل وجههي أسود مثل الفحمه اديا خشنات مثل ايد الرجال ورجليا مفطرة كلش تعبانه وضعيفه لدرجه عظام وجهي بارزة الوحيد إلي مصبرني زوجي كلش حنين ويحبني بنتي عمرها ٦ سنوات وجهال حماي بس يضربون بيها وإذا احجي يتعاركون وياي عمتي ومرت حماي يكتلني رجلي فقير مايحجي يكول مااكدر احاجي امي وعمي بس يعرف الفلوس عبد للفلوس لدرجه إذا يضوج يتنكب بالجفيه مالته ويطلع يجدي وهم بخيل نفس عمتي حماي سكير وابو نسوان عنده ٥ ولد أكبر واحد عمره ١٥سنة وكلهم اخلاقهم سز يتحرشون ببنتي وأكثر من مرة اشوفهم ياخذونا للغرفه ويعلمونها على شغلات موزينه وبالكوات حافظت عليها انوب حبلت وجنت ماهاوية احبل بهالوقت لأن وضعي تعبان وتناقشت وي زوجي لازم نعزل إلى متى نبقى هنا كاتلنا الجوع والحرمان وهو حجى وي أبوه اشترينا قطعه أرض نص الفلوس من حماي اني ماارتاحله لأن عينه كلش زايغه وبيوم باليل اجه سكران تهجم عليا من منعته زوركَ عيني من فزعولي عيالي عمتي كامت تلطم وتكول إنتي تريدين تورطين ابني ومرته ملخت شعري وموتتني كتل رجلي جان مو هنا بالشغل حبسني بالمخزن والصبح من اجه رجلي كالله الحقيقه المزيفه بس هو ماصدك لأن يعرف أخوه سافل ومن شافني مجروحه ووجهي كله دم تعارك وي أخوه غلطه مناه وغلطه مناه وصلت للسلاح رجلي لازم سجينه وحماي عنده بندقية تكاتلوا وثنينهم ماتوا عمي صار بعقله لزم عليا خنجر يريد يموتني اني أخذت بنتي وشردت لبيت عمي وهم هسة يدورون عليا ويريدون يموتوني لأن اني سبب قتل ولدهم الإثنين
*********
يتبع ................
