#البارون
كۣۗہرآر آلَعۣۗہرآقۣۗہيۣۗہ🐆.ۦ𓆩“̯🤞😐“̯𓆪.tt
*********
... وشحجيلك؟
منك كل وجع كلبي واجي اشكيلك
وعن لايتوجع كلبك اغنيلك..💔
...بتُّ أحزن لفراقِ عينيكِ في كل رحيل، متمنياً أن تأتيني مرة أخرى ، لم أكن ابكي إلا على رحيل عينيكِ ، ومالعنت الفراق يوماً إلا لأجل عينيكِ لم يكن يعنيني رحيل أحدهم ، أو حتى غيابه للأبد...
... كنتُ افتقد وجودكِ إنتي ، اعميتُ قلبي عن كل الآخرين ، لا أعرف أي طفرةٍ أصابت قلبي حينها لم أعد اعير اهتماماً لأحد كنت اهلوس حضوركِ واشتم غيابكِ واستاء لحالي في كليهما ، لافتات حضوركِ يشبعني ، ولا لسعات غيابكِ تجفيني...
ضياء
خابرني ليث
ليث-: الو وينك ضياء
ضياء-" شكو سالمين
ليث-: رشيد بالسجن وأخاف يتذكر ويشتكي علينا انوب
ضياء-: هاي عود انت ضابط وتفتهم أكثر مني إحنا شعلينا هو قتل أخوه مو إحنا
ليث-: بس احنا ا
ضياء-: سد الموضوع وأنسى كانت اكو غاية من ورى من الي سويناه وخلص تحققت الغاية وكل شي مشى حسب ماخططتله لاتخاف أنت وتصرف طبيعي
ليث-: ماهاين عليا اعوفه بالسجن
ضياء-: أبوه ضابط وهو هم ضابط يطلعوه برشوة بكفالة شوف شلون يرهموها بس انت لا كل ساعه يصحى ضميرك النايم إحنا ماسوينا شي غلط
ليث-: أتمنى
ضياء-: لا تبقى تفكر انوب تسكر وتفضحنا انتبه لنفسك وكلامك لا توكعنا بمشاكل إحنا بغنى عنها
التقيت بدرر كلش متغيرة
ضياء-: شلونج حبيبتي اني آسف لأن تركتج بفترة صعبه وحدج بس وعد مني مااعوفج بعد
درر-: كلها تكول هيج ومن يصير الصدق كلها تتخلى عنك
ضياء-: الكل بس مو اني شفتيني أول ماخابرتي عفت خطوبتي وكل شي واجيت رغم ماانتي عذبتيني برفضج
درر-: خطوبتك؟
ضياء-: أي مو مهم انسي شوكت نتزوج اليوم هسة شوكت امريني
درر-: البنية عدها أهل لو يتيمه
ضياء-" عنود
درر-: ههه خاف جانت تكرهني هسة إذا تعرف اني السبب الا تذبحني وتشرب من دمي
ضياء-: ختولي ماتلوح ضفرج شحدها تسويلج شي الا تشوفني وحش
درر-: هو الصار وياها شوية انلغت خطوبتها عوفها مالي خلك مشاكل
ضياء-: هسة إنتي موافقة كولي اي وفرحيني
درر-: شلون اعرف أنت صدك تريد تتزوجني
ضياء-: شسوي أكثر من هيج بعد موجاي اكولج إذا تريدين هسة نتزوج نعقد واسويلج بعد كم يوم أحلى حفلة
درر-: مااريد تتزوجني بهالسرعه مااعرف يجوز تتزوجني يوم واحد وتعوفني
ضياء ': يوم واحد!
درر-: ماعندي ثقه بنفسي تريدني أثق بيك
ضياء-: كل شي تريديه راح اسويه انتي بس اطلبي واني انفذ احجي لا تسكتين مااتحمل برودج هذا كلش متغيرة
درر-: شتريدني لعد محد عاش الي عشته
ضياء-: والله الا اندم كل شخص اذاج بس كوليلي عليهم اني أعرف أتصرف وياهم
درر-؛ مومهم أعرف ادبر أموري وياهم
ضياء-: تجين وياي للبيت
درر-: لا شي أكيد أهلك وأمك ماراح يتقبلوني حل مشكلتك بالأول وشوف تكدر تتزوجني لولا مااكدر بعد امشي ورى امل كاذب ماعاد أتحمل
ضياء-: أوك أصلا راح اخذج ونستقر بعيد وإذا تريدين نسافر وانسيج كل شي عشتيه
درر-: بس بالأول أتأكد إذا اضمن عيشتي وياك لولا
ضياء -: شنو قصدج
درر-: أهلك ماراح يسكتون ولا أهل عنود بعدك ماتعرف عواقب الي سويته ببنتهم عنود عدها أهل وعزوة يعني مو هينه كلش كافي أمها مومثلي يعني تكدر تعوفني مثل ماعفتها ومحد راح يطلع وراي احتاج وقت أتأكد
ضياء-؛ حقج
درر-: راح أروح
ضياء': لحظه ابقي شوي
درر-: اتأخرت
ضياء-: ليش تبجين
درر-: ماابجي
عافتني وراحت
رجعت للبيت ببابنا سيارات هواي من دخلت خالي الكبير ضربني راجدي
- نزلت راسنا وفشلتنا كدام الناس
امي عصبية أهل عنود موجودين سمعوني كلام واهانات بنتهم من سمعت خبر رفضي الها وانه الخطوبة انلغت تخربطت وبالمستشفى الكل انصدم من برودة أعصابي أبو عنود تهجم عليا وضربني
ضياء-: عجيب أنتم صدك ناس ماتفهم جاي اكول مااريدها افهموا عاد ليش ماعدكم كرامه اوف
الكل يغلط ويحجي ناس تقنع بيا بهدوء وناس تنهرني كمت أضحك عليهم استفزيتهم كلش خوالي كالو بعد مانعتب باب بيتك إذا ماتتزوج عنود امي ساكته ومدنكه رأسها تالي صارت وي خوالي ضدي وطردتني من البيت الكل حكم عليا ممنوع دخول البيت الا بحالة قبولي أتزوج عنود تركت البيت عادي ماعندي مشكلة بقت بس السيارة عندي
يوم ورى يوم بدأت امي تسلب مني كل شي انطته إلي
وطردتني حتى من المدرسة وبقيت بلا شغل عشت فترة يم صديقي ليث ومستمر كل يوم التقي بدرر وكان شرطها انه أشتري بيت واسجله باسمها حتى تضمن مستقبلها وياي اني وافقت بس فلوس ماعندي تداينت من ليث وأجرت غرفة لمدة أسبوع بفندق واحد صديقه حتى أخذ راحتي مرت أيام هواي ولانظرة حب شفت من درر بعد كل شي سويته علمودها هي ماتحركت مشاعرها تجاهي
ضياء-: حبيبتي شبيج ضايجه
درر-: مابيا شي بس أريد أرجع
ضياء-: يضايقونج مو؟
درر-: أي
ضياء-: تروحين وياي للفندق
درر-: فندق؟
كمت أتلمس بخدودها واباوع بعيونها
ضياء-: ترتاحين هناك نرتاح سوى كلش حلو المكان الغرفة حتعجبج
بقت صافنه وساكته يعني وافقت مابيده قرار غيره
وأخيرا......
*********
....قرأتُ في عينِها ما ليس تنطقُهُ
إن العيونَ لما في القلب مرآةُ
- د.محمد المقرن...
...شعر فصحى:
لا تشكُ جرحَكَ للخلائق كُلِّهِمْ
وارفع يدَيكَ إلىٰ إلَٰهِكَ.. شاكيا
واسكبْ دموعَكَ في سجودكَ خشيةً
إنَّ الإلَٰهَ يُجيبُ عبدًا باكيا
ماذا أقول ومهجتي تتألم؟
والشوق يجرح خافقي لا يسأمُ
أفنيت عمري في هواك ضحيةً
والله أدرى بالنفوس وأعلمُ
أشقيت قلبي والهيام يقول لي
من أجل عينٍ ألف عين تكرمُ
لو كنت تخشى الله ما أشقيتني
لا يرحم الرحمن من لا يرحمُ
شرع المتيم قد تبين حكمهُ
الوصل فرضٌ والفراق محرمُ...
هالة
أخوي رفعت من أول ماانصاب هو يهذي بهاي درر بالمستشفى بالبنج يكول جيبولي درر وينها ويبجي هنيالها عالحب هذا امي وابوي ناس فقرة وعلى نياتهم مقهورين عليها ويريدون يجيبوها يمنا اني تعاركت وياهم
هالة-: أنتم ماتخافون الله شبيكم الولد جا مات من وراها وانتم تريدون تجيبونها من كل عقلكم يابة هاي إذا تجي تموتنا واحد ورى الثاني يومية مشكلة ويومية طلابة ذولي ناس مشاكلهم ماتخلص وانتم الا إذا تريدون ابنكم ينقتل فبعد بكيفكم هالمرة الله ستر وعدت سلامات بس المرة الثانية حظروا توابيت
أخذت موبايله شفتها متصلة الخاتون جاوبتها لأن حركت الموبايل تعاركت وياها وحظرتها من كل البرامج ثاني يوم خابرني راشد
راشد -: الو حبيبتي
هالة-: هلو
راشد '-: شلونج يعمري
هالة-: اوف زينه زينه فكني شتريد مالي خلك غزل وسوالف ماصخه
راشد-: اليوم اجتني حبيبة رفعت للمطعم قهرتني كلش
هالة-: ختولي إذا تجي بعد اطردها ماعايزين دوخه راس
راشد-: شلون رفعت كل مااشوفه يكولي وينها واني مااتحمل اشوفهم هيج انقهر عليهم
هالة-: شوف اكولك لا تصيرلي ابو كلب رهيف كوللها مايريدج إذا صدك انت تحب صاحبك تسوي هيج
راشد-: وإذا عرف اخاف يزعل
هالة-: مايعرف هي بس هالفترة وداعتك تنساه وتتزوج هو بس يشوفها هيج هم ينقهر شوي وينساها
راشد-: أوك
راشد نفذ كلامي بالحرف الواحد وطبق نفس الكلام وكاله لرفعت كلناله تزوجت أنساها وهو أنهار بالمستشفى وابر مهدئة الا هدأ وانتكست صحته تالي طلع من المستشفى بس نايم بالفراش مايكدر يكوم جسمه ومناعته ضعيفه من غير الحالة النفسية الطلقه صابت كتفه والحمد لله عدت أهلي متأذين على أخوي كلش
راشد بيوم فاجأني بخبر التقيت بيه وكالي
هالة-: متأكد أنت؟!
راشد -: بلة شنو مصلحتي اكذب عليج
هالة-: عزاا هاي عود صدك يعني إحنا بهالحالة ماكذبنا على رفعت كذبتنا تحولت حقيقة بس كولي أنت شفتهم أخاف مشتبه بيها
راشد-: اكولج شفتها بعيني دخلت للمطعم بس هي ماشافتني وياها معلمها مرة شفناه اني ورفعت بالطريق وكالي عليه
هالة-: معقولة
راشد-: مااعرف بس الفضول موتني
هالة-: شوف شتسوي تراقبهم ولازم تصورهم سوى فهمت علمود من رفعت يسأل عليها أو يروح يشوفها ماتقشمره بكم حجاية لا لازم يكون عدنا دليل اني من البداية مامرتاحتلها
ثاني يوم خابرني
*********
درر
... لا أدري ماحدث بيننا
لكن كل مااعرفه أن هناك شيئاً انكسر لن يعود كما كان
💔...
... _ اين سنعيش؟
= سيكون لنا بيتنا الخاص
_كيف سيكون؟
= صغير لكن دافىء
_ماذا إن تشاجرنا ؟
= نتصالح
_ إن كسرت قلبك، هل ستسامحني؟
= سأسامحكِ، ماذا عنكِ؟
_ سأسامحك، لكن لاتكسر قلبي.. 🖤
...شعر فصحى:
لِماذا تَدُوسُ حَشَايَ الجَرِيحْ
وَفيهِ الحَنَان الذي دَلّلكْ.
- البردوني
قَد ذلّني ولهي في من ولهت بِهِ
إن الأعزّاء إذا اشتاقوا .. أذلاءُ
- الحلاج
رجعت لبيت ام أيمن ختلت بالزوية مثل الطفل الخايف خليت راسي بين ركبي وضليت ابجي أريد رفعت مااريد أتزوج ضياء مااحبه يا الله
مرت أيام استمرت علاقتي بضياء بس مامرتاحتله ام غيداء كل يوم تطردني لحد ما طلعت روحي طفح الكيل بعد مااتحمل خابرت ضياء والتقينا بمطعم بعد الكلام قنعني نروح لفندق صاحبه وافقت! وكانت نظرات الإنتصار والفوز بيا ظاهرة بعيونه بس لأني استسلمت
...يتبع
