#البارون
********* كۣۗہرآر آلَعۣۗہرآقۣۗہيۣۗہ🐆.ۦ𓆩"̯🤞😐"̯𓆪.tt
... الفراق
التقينا إذاً
اخطأوا..
والذين بنوا
بينها جسورا
لتتصافح
دون أن تلتقي
أو تتنازل
عن شموخها
لايفهمون شيئاً
في قوانين الطبيعه
الجبال
لاتلتقي..
إلا في الزلازل
والهزات الأرضية
الكبرى
وعندها لاتتصافح
وإنما تتحول
إلى ترابٍ واحد
أحلام مستغانمي...
... لعلنا
لم نفترق أبداً
_ اتعرفني؟
بكى الولد الذي ضيّعته
لم نفترق لكننا لن نلتقي ابداً
وأغلق موجتين صغيرتين على ذراعيه
وحلق عالياً
محمود درويش...
... لستِ حبيبتي
أنت مشروع
قصتي القادمه
وفرحي القادم
انتِ مشاريع
عمري الآخر
وافترقنا إذن
فما أجمل الذي
حدث بيننا
مااجمل الذي
لم يحدث
مااجمل الذي
لن يحدث...
درر
شنو من موقف انحطيت بيه اني شنو الخلاني اسكت ليش ماكلتله اني مرتبطه وعن قريب راح أتزوج بس يمكن لأن انصدمت من اعترافه الي بطريقه مباشرة كانت ردة فعلي الصمت تجاه حبه
عمي اجه الظهر كنت لازمه كلبي بيدي بأي وقت يجي لو رشيد لو زيد لو يبقى بس عمي موجود على مايجون أهل رفعت
حضرت الأكل لعمي فكرت إذا اجوي أهل رفعت فجأة شيء أكيد عمي راح يشك ليش مااختلق كذبة
درر:: عمو اريد اكولك شي
- شعندج احجي
درر- بصراحه عندي صديقتي بالمدرسة كالتلي راح يجون أهلي عليج
- منين هاي
درر- بالمدرسة وأمها مرة شافتني و
- وشنو
درر- يعني جايين يخطبوني منك
عمي سكت خفت من سكوته
العصر اجوي الناس جهزت الضيافه مااجت نسوان بس رياجيل
حسيت عمي دايفكر بشي وان شاء الله يكون لصالحي
وكفت يم الباب اتصنت
بعد السلام والكلام فتحوا الموضوع وياه هو وافق بس بشروط
والشروط كالتالي لا خطوبة ولا عرس ولاحنه مجرد اليوم قراية فاتحه واليوم الثاني يجون يجيبون السيد يعقد وينطيني الهم بعبايتي وبعد مااشوفه وجهي يعني لازم اختفي ومحد يشوفني وبالذات رشيد وزيد بإختصار زواج بالسر بس عمي يعرف وبشرط مانكول لأي شخص غيره اني اسمع كلامه ودموعي على خدودي مااعرف فرحانه لأن وافق وراح اتزوج الشخص الاريده لو ابجي حزناً لأن عمي رخصني وبسرعه تخلى عني كدام الناس وماتعب نفسه يسأل أو ياخذ رأيي فكر بانانية بس علمود ماتصير مشاكل من وراي راحوا الناس ناداني عمي
درر": ها عمو
- راح تتزوجين جهزي نفسج راح تنسين عندج عم وأولاد عم حتى زيدان انسيه وممنوع منعاً باتاً تتواصلين وياه اني وافقت على هذا الزواج بس علمود يكون حل لكل مشاكلنا لأن إذا رشيد وزيد موجودين مايوافقون الا بموت شخص واني مامستعد اخاطر بحياة اولادي علمودج
درر": أي عمو حقك
- كل المشاكل والتفرقة الي بين زيد ورشيد من وراج حتى زيدان من عاف البيت وانتقل للسليمانية انتي المسؤؤلة عن هالشي من ورى مشاكلج هسة عالعموم مااريد تكسرين كلامي بس يعقد عليج تروحين وياهم وماتشوفين نفسج لأي بشر حتى من يسألوني الناس اكوللهم ماتت وينتهي كل شي فهمتي لو اعيد
درر": أي
اني ابجي ومدنكه راسي مااريد اباوع لعيون عمي وأشوف القساوة انكسر خاطري والاختبار هذا صعب عليّ
رفعت جان فرحان خابرني باليل كلش مستحية منه هسة أكيد أهله راح يحجون عليه وهو نفسه منحرج ومقهور اني أحس بيه يحاول مايبينلي شي
داومت والأفكار ماراحمتني منها الإيجابية ومنها السلبية لكن السلبية ماخذة النصيب الأكبر شلون راح أتزوج بهاي الطريقه
بالمدرسة شفت أستاذ ضياء مداوم بعكازة وايده صابيها وكاعد بالحديقه تهربت منه وحاولت مااخليه يشوفني كل شوي تجيني طالبة تكولي أستاذ ضياء يريدج واني اكولها دقيقه واجي بس مااروح اطنش مالي خلك انفضح بالمدرسة وتطلعلي إشاعات أصلا احتمال بس هاليومين وبعد ماالفي عليها
بالدرس الأخير اجه أستاذ ضياء بنفسه المدرسة كالتلي روحي عيون البنات كلها صوبي وعنود لو بيدها تذبحني نظراتها تخوف
درر": نعم أستاذ
ضياء- ليش اطلبج من أول الدوام وماتجين
درر- عندي دروس وماكدرت اجي
ضياء -: لا مو صحيح
درر-: يعني تريدني اكولك الصدق
ضياء- أي كولي
درر-مااريد احجي وياك
ضياء ' بس اني أريد درر افهميني إنتي بنية ذكية وواعية
درر-: وهذا مو معناه أكون منفتحه وأجر علاقه وي استاذي كدام المكان الي هدفي منه ادرس وبس
ضياء-: احبج درر
درر:؛ اترجاك بعد لاتكول هيج أستاذ جاي تحرجني والله العظيم
ضياء-: عالاقل بس خليني اكولها لا تصيرين قاسية وتكتمين مشاعرج أعرف بيناتنا فروق هواي وشي اكيد نظرة المجتمع والناس راح تكون مختلفه و راح نسمع حجي
درر": ليش عندك أمل
ضياء": فكري درر انطي فرصه لمشاعرج
درر:: يامشاعر وليش افكر أستاذ ماعندي اي مشاعر تجاهك اني راح اتزوج وابتعد من كل شي وحتى المدرسة راح اعوفها
ضياء "؛؛ اني اعرف إنتي بنية شقية وتحبين تمزحين بس لاتلعبين باعصابي
درر": من شوكت أمزح وياك اني
ضياء ": كلامج مامقبول
درر:؛ جاي تحيرني عقلي ماجاي يستوعب شي
ضياء ": إنتي شتحجين مااسمحلج تروحين لأي مكان لو على جثتي
درر": انت أستاذي وغصب عني احترمك بس مومعناه تتمادى
اني احجي وارجف الكلمه بالكوة تطلع وكلبي يدك سريع هو يباوع عيوني ثبتت على عيوني توترت مااعرف شحجي
ضياء- شوفي يمكن اني كبرت برااااسج انت ماتعرفين اني منو
درر": رجاءا أستاذ إحنا بالمدرسة مو بالشارع
كام صار عصبي العكازة وكعت من ايده وجهه صار أحمر اجوي المدرسين لزموه بالكوة يريد يتهجم عليّ اني مصدومه
ضياء "" مو بكيييفج بسيييطه بعدج ماتعرفين منو ضياء
المديرة صارت عصبية وصاحتلي
درر": ست قبل لا تكولين أي شي اني بعد مااداوم بالمدرسة
- إنتي شعندج وي إبني انسي اني المديرة وانسي كل شي احجي وياي بصراحه بيناتكم علاقه من شوكت شصاير احجي
درر": أنتي شنو شايفه عليا علمود تحكمين انه أكو علاقه بيناتنا ست اني كل شي ماعندي وي الأستاذ علاقتي بيه بحدود الدراسة سؤال وجواب لاغير
ضياء": لعد ليش يحبج
درر:؛ يعني تعرفين ست رجاءا اعفيني من كل شي والله اني ماعندي غير سمعتي ليش الكل مصمم يشوها بشي اني مااعرف كل شي عنه
- لا تبجين وتتمسكنين إنتي مو أول وحده هواااي مرت عليا هيج نماذج
درر": شنو يعني
- إبني ضياء محبوب ولد شاب غني وكل بنت تتمناه بس محد تكدر توصله وانتي وحده منهن وشوف شنو سويتي حتى تخليه يتعلق بيج لهاي الدرجه
درر": ماراح أجاوب لأن أخلاقي متسمحلي والأهم احترامي الج أكبر من كل شي من رخصتج ست ومع السلامه لأن احتمال تكون هاي آخر مرة اشوفج بيها واسفه على كل شي سويته سواء بقصد مني او بغير قصد
- مع الف سلامه وياريت تكون فعلا آخر مرة
درر": وعد مني حتكون هاي آخر مرة تشوفيني بيها بهاي المدرسة
طلعت من المدرسة مسحت دموعي فوك ماابنها هو الغلطان تريد تحملتي مسؤؤلية تهوره أصلا مدرسة استغلالية المديرة من كانت عمتي عايشة وتنطيها هدايا تفرح بيا وتحبني هسة تغير تعاملها وصارت بجانب عنود لأن أمها تدفع ملايين ورشاوي بس علمود تنجح عنود اني بعيوني شفت هالشي و المديرة وصتني مااكول لأي شخص ولا كأنما شفت شي ههه خوش مدرسة ومنكم نتعلم على أساس كرهت كل شي يتعلق بالمدرسة بعد ماكنت حابة ذكرياتي وي عمتي بيها مع الأسف
رجعت للبيت من وقت نظفت البيت وغسلته من الطول للطول كلبي محترك نار أريد افرغ الطاقة إلي أحس بيها بأي شي غسلت الملابس كلهن والفراشات وكل شي حتى المواعين حرت شسوي راح أودع كل شي هذا البيت بكل ركن بيه ذكرى من مرت عمي ذكريات طفولتي لعباتي ضحكاتي تمنيتت يزفوني منه عروسة لابسة بدلتي البيضة والكل موجود وكلها على علم وفرحانه وتبقى الأمنيات مجرد أمنيات
موبايلي يدك وماسمعته رقم غريب!
درر- الو منو
ضياء:؛ آسف
درر:؛ منين جبت رقمي
ضياء ": مومهم المهم ماتسدين الخط بوجهي وتسمعين كلامي
درر:؛ ترا لكل شي حدود انت ماتكولي شبيك تركت المدرسة وكل علاقاتي بيها انتهت وخاف كنت محترمتك لأن مدرس فاسفه حاليا لا انت أستاذي ولا اني طالبتك ورجاءأ ابتعد عني شتريد مني
ضياء-: احبج إنتي ماتفهمين
درر'- شتريديني أفهم انت أفهم يمعود اني راح أتزوج ماتفهم شاحجي شكولك بعد شلون اوضحلك
ضياء ': مايهمني ماراح تتزوجين اني احبج واريدج إنتي هم تبادليني الشعور اني متأكد
درر": شنو هالثقة مااعرف اكول غباء جاي تجبرني وتنرفزني اتجاوز عليك أنت منين عرفتني أحبك بلة اني يوم من الأيام كلتله أحبك بصريح العبارة أو لمحتلك
ضياء-: بس جنتي بكل اهتمامي فرحانه ومامنعتيني لو متحبيني جان منعتيني وابتعدتي بكل شي اكولج توافقين
درر": فدوة أفهم اني جنت اتعامل وياك باحترام وشي أكيد من تكولي شي ماارفض لأن انت أستاذ بالمدرسة وتدرسني لعد شتريدني اكولك شلون تريدني أتصرف ليش تصعب عليا الأمور
ضياء ": هذا مواحترام هذا اهتمام وحب ليش تتهربين من مشاعرج
درر"؛ ملاحظ نفسك انت لولا جاي توهم نفسك بأشياء تافهه بس حتى ماتشعر بالرفض والإهانة لأن مامتعود بنية ترفضك احب اكولك أسفه اني مااقبل حب إنسان متهور وماعنده احترام لمهنته وشغله هنت عملك وتجاوزت الحدود واستغليت مكانتك واحترامي الك وحبيتني بكل جرأة ومافكرت بشي اني الاسمعه الطالبات إذا شافن المدرس شاب لأن مراهقات وصغار يسون حركات وامور والمدرس من واجبه يوجههن ويعلمهن انه الحب غلط بمكان الدراسة والشغل بس بوضعي وبالواقع الي شوفتني ياه شفت عكس السامعته تماما اني جاي أقنعك وافهمك بس ماكو فايدة
ضياء "؛ لج افهميييييني والله احبج مستعد كل شي أسوي إنتي اطلبي شنو تريدين فلوس سيارات سفر كل شي بس كولي والله اعيشج ملكه انسي كل شي إذا كلام الناس يزعجج والله اخذج ونسافر واخليج تكملين دراسة بأحسن المدارس والجامعات اعيشج عيشة ماجنتي متوقعتها بس كولي اي وافقي مستعد انتظرج محتاجه وقت عادي شكد شهر سنه براحتج بس لا تكولين لا وتكسرين كلبي
درر": اني مرتبطه واحب غيرك أفهم وراح نتزوج عن قريب
ضياء:: قسماً بذات الله ماراح تتزوجين واذا صار وتزوجتي فراح تعيشين شي تبقين طول عمرج تعانين منه ولاتكولين ماكلت
... يتبع
