(اكبر مشكلة بروحي لگيت عيونك تحلها)
وراها رجع گال :
چنت غلطان من گتلك قبل سنتين
هسة عيونك اكبر مشكلة بروحي 💔.
#البارت ٥٠
*********
... يحدث للحياة أن تهدي إليك الشيء الذي تحبه أكثر في المكان الذي تكرهه أكثر،
فلطالما اذهلتني الحياة بمنطقها غير المتوقع...
ضياء
ام عنود اتفقت وياي إتفاق
ضياء-: كولي شعندج
ام عنود-: قبل كل شي لازم تكون كد كلمتك وماتغدرنا حتى مانغدر بيك
ضياء-: هه شنو وراي هاي المقدمه
ام عنود-: من بعد هاي السنين مو بس اني فقدت الأمل منك تتعدل الكل امك واهلك كلهم وراح تبقى درر بعقلك مثل الجرس اني هاي الأمور كلها ماتهمني الشي الوحيد بهاي الدنيا الهامني بنتي شلون جاي تتعذب من وراك باليوم اموت ألف موته من أشوفها تبجي وتسوي المستحيل بس حتى ترضيك وأنت بالمقابل عايش دور مجنون ليلى العاشق الولهان مولع بهاي الساق،،ة
بنت الشو،،، وبنتي ضحيه لحبك السخيف والتافه
ولهذا راح أتفق وياك إتفاق وإذا صار أدنى خطأ ماتلوم غير نفسك وياضياء راح تشوف مني شي عمرك كله ماشايفه
ضياء-: احجي العندج
ام عنود-: أنت مو تريد هاي درر راح اجيبلك ياها تسوي التسويه وتخلصنا من قرفك وتالي اخفيها من وجود وأنت عادي ترجع لحياتك ولبنتي عنود وتكون الزوج المطيع والي تحب مرتك فهمتني لولا
ضياء-: أوك
ام عنود-: على نفس الإتفاق لاتخلف بيه وعنود إذا تعرف ماراح تقبل زوجها المحترم هه يشوف عشيقته
وخلي ببالك شغلة كل شي راح يكون سر بيناتنا
ضياء-: شنو تطلبين اني انفذ بس جيبيها
ام عنود-: يوم واحد وينتهي كل شي اني راح اجازف لخاطر عنود
ضياء-: اني وياج خطوة بخطوة لتخافين ووعد مااكول لأحد
ام عنود-: لو بس اكدر اوثق بيك بس أنت ثعلب ماتتأمن
ضياء-: لا لتزعليني منج اني ضياء زوج بنتج الغالية عنود
ام عنود-: المهم جاي ادز يومية واحد يراقبها وماكو مجال تبقى وحدها فرص طلعتها وحدها صعبه كلش
زوجها ٢٤ ساعه وياها وعملية الخطف صعبت علينا هاي الفترة إذا ماخطفناها بعد أنساها أحسن
ضياء-: لا لا شنو صعبه ماكو شي صعب اترجاج عمه ابوس ايدج ورجلج كل شي سوي واني بظهرج
ام عنود-: أوك نشوف هالفترة
من نظراتها حسيت أكو شي غلط يعني أعرفها مو من عوايدها تسوي أشياء لصالحي طول عمرها كارهتني
*******
درر
ماارتاحيت لطلعتي من البيت بهيج وقت
اجرنا تكسي والرجال ورانا بسيارته هالمرة ماراح تعدي سلامات
فتحت جنطتي لكيت بيها ورقه الدعاء نفسها الي جبتها من النجف
دعاء للذرية الصالحه من كد ماقريت هذا الدعاء واستمريت عليه الورقه صايرة قديمه بالكوات تنلزم
والدعاء كالاتي
تقولين في الصباح والمساء
( سبحان الله ) سبعين مرة
( أستغفر الله ) عشر مرات
( سبحان الله ) تسع مرات
ثم تقولين في العاشرة
( فقلت وقولك الحق... الحق...الحق )
( استغفروا ربكم إنه كان غفاراً يرسل السماء عليكم مدراراً ويمددكم بأموال وبنين ويجعل لكم جنات ويجعل لكم انهاراً)
حفظت هذا الدعاء مثل حفظي لاسمي واستمريت عليه بنية صادقه وإيمان قوي
وصلنا للعيادة ماكو معزلة
دنيا ظهر والناس كلش قليلين بالشارع
اني وعمتي انتظرنا بكراج السيارات
علمود تكسي نرجع بيه للبيت ماردت ابين لعمتي مدى انزعاجي حتى ماتنقهر
وهذا الرجال يحوم علينا بسيارته إلا إن
نزلوا من السيارة مالته ثنين رياجيل واحدهم بعرض الحايط مثل الدب
من شفتهم كل العلامات واضحه هم جايين علينا ويتلفتون
الرجال بالسيارة يخابر وذولي اجوي
عمتي لزمتني عود ردنا نتيهم بس مافاد لزموني وجروني من عمتي
جنت لازمه ايدها باثنين ايديا
من أقسى المشاعر المرعبه إلي حسيتها بكل حياتي
عمتي تصرخ ردنا بس واحد يفزعلنا ماكو
واحد منهم راح للسيارة جاب قطعه قماش بيضه وقنينه صغيره مبينه مالت مخدر حطها على خشمي وحلكي دفعته
ومجلبة بعباية عمتي وبس نصرخ
من كد ماصرخت انبح صوتي وصار ناصي كلش
عمتي حالها يكسر الخاطر بالتراب دفروها المايخافون الله
وبقندرته القذرة لطمها ودفرها على وجهها
ماكدرنا وماقاومنا هواي دقيقتين أو أقل كدروا يحطوني بالسيارة واني عيوني تجاه عمتي الي تكرض وتوكع على وجهها
أكثر من مرة ماكدرت تكوم على حيلها يمكن من الخوف رجليها ماحملنها
الوكعه الثانية على طابوكه وحلكها صار كله دم تمنيت لو الله ماخذني ولا شايفه حالتها هيج
أخير شي شفته منها كامت تلطم وتشمر تراب على راسها
هذا الموقف بالذات حطم قلبي
سدوا عيوني وبنص الطريق من وصلواللسيطرة يمكن
شالوني وحطوني بصندوق السيارة وأسمع يحجون بصوت ناصي
مااستسلمت للخوف
أغلب حالات الخطف الضحايا من الخوف يغمى عليهم ومايركزون عالادلة
حاولت اهدأ نفسي رغم ما كل ذرة بية منهزمه
وامل النجاه ضعيف
ماعندي غير الله هو اليساعدني ويمنحني القوة
بقت السيارة تمشي بية
وين؟ والمن؟ مااعرف شي
كل شي مجهول والخوف ماجاي يتركني
أتذكرت خطوة فيزيائية دايماً ينصحون بيها وهي الشهيق والزفير
غمضت عيوني حيل
وبديت أتنفس والمشكلة الصندوق مختنكه بيه كله روائح كريهه
راح فكري من الخطوة الي ممكن تهديني لفكرة ثانية تزيد الخوف
فكرت إنه معقولة هاي ريحه موت
كم شخص خاطفين
شراح يسوون بية
يغتصبوني
ويقتلوني
ويمكن قبلها ياخذون اعضائي
بعد البكاء والانهيار بسبب هاي الأفكار
تجاهلوا كل الأصوات الي صدرت مني
ومن هاي الفكرة غادر تفكيري إلى تفكير مخيف أكثر
انتبهت إنه الطريق طويل وبعدها السيارة تمشي
من فكرة لفكرة
وكلها سلبية تزاحمت وماكو ايجابية
بس لحظه
أول دليل الطريق طويل معناها المكان بعيد
اذا متت وفارقت الحياة الله ياخذ حقي
بس إذا الله انطاني العمر والله مااعوف حقي
مرت ساعات
فكرت أسوي نفسي مغمضة
فتحوا الصندوق
-: لك هاي ماطلع منها صوت بعد بس لا ماتت
_ هاا شو شو وخر المعصب من عيونها
-: ماعلينا إحنا الشيخه كالت حطوها بهذي العمارة وروحوا وبعدين تسلمنا فلوسنا
كل تركيزي على كلامهم
منو الشيخه
وعمارة!؟
نزلوني فتحت عيوني شوي شفت
الدنيا ضلمه والعمارة اليحجون عنها بمكان مهجورة وماكو اي ضوى مشتعل
-" شغل موبايلك كل شي مانشوف
_ يلا بسرعه حطوها وطلعوا اني خابرت الشيخه وكالت راح تجي
خلوني بغرفه من غرف العمارة والظلام
اوف لاحول ولا قوة الا بالله العلي العظيم
ظلام مخيف مرعب أقل كلمه بحقه
يمكن خوفي كان من العمارة وظلامها أكثر من خوف الخطف
قفلوا الباب وراحوا خلص شغلهم وبعد ماشفتهم
ولا كلمه توصف الخوف كل القصص المرعبة عن الجن والظلام الي كنت أسمعها من الصغر
اي كلها حظرت ببالي
نسيت الآيات القرآنية
يااربي شلون شلون
شلون نسيت
هيج الخوف خلاني انسى
بقت بلساني بس كلمه وحده ارددها
يارب يارب يارب
أصوات غريبة
عمارة مهجورة بس اني بيها
هاي الفكرة خبلتني
أريد أتذكر سورة وحده عالاقل
فقدان ذاكرة جزئي لمدة ١٥ دقيقه وهذا كان ناتج الخوف الشديد
كلمه يارب شوي شوي خلتني أتذكر سورة الفاتحه بس أول كلمتين
وأحاول أقرأ مااكدر
يارب يارب
بسم الله اففف يارب يارب
بسم الله الرحمن الرحيم
الحمد لله
ضليت اكرر بس ماكدرت أتذكر
مستحيل اكدر أنسى هالشي هذا بكل حياتي
شوي تذكرت وقريتها بس متقطعه أنسى
مااعرف شكد الوقت جنطتي وكعتمن أيدي بيها الموبايل وبيها كل شي
يمكن انقطع تواصلي بالعالم وهاي نهايتي
هنا وبهذا المكان
انشغل تفكيري بتذكر سورة الفاتحه
وهذا الشي خلاني انسى الخوف بدون مااحس
استذكرت كم كلمه ومن قريت السورة
مخربطه
وارجع أعيد عسى ولعل أتذكر
هذا الصراع أتعبني
مرت ساعات اليل
ومااعرف شلون نمت
كعدت على صوت جرذان يم رجلي
درر-: عااااااا
الشمس طالعه عبالك بمكان جديد مونفس الغرفه إلي البارحه جابوني بيها
بس تذكرت ما شفتها بالظلمه زين
الغرفه بيها تمن مطشر بالكاع وأشكال الحشرات فيران وجرذ
بالي مشغول باكتشاف المكان أو بالأحرى الغرفه إلي انخطفت بيها وحسيت بالتقزز الريحه كريهه فضلات
مالية الغرفة لعبت نفسي كلش
قطع حبل أفكاري المكروهه صوت خطوات
ومبينه كعب ولشخصين مو شخص
مع اقتراب كل خطوة دكه كلبي تقوة
لحد باب الغرفة اختفى الصوت
عنود-: ماما إنتي متأكدة من الشي الي راح نسويه
ام عنود-: اي طبعاً لأني امج وأفكر بمستقبلج
عنود-؛ لج ماما يامستقبل هذا إذا واحد عرفنا خاطفيها والله نروح بيها لا وفوكاهه تريدين تموتيها من كل عقلج
ام عنود-: أي من كل عقلي مااكدر أشوف بنتي يومية تبجي وتشكيلي من رجلها لأن يحب وحده ثانية لج ماما اني مستعده كل شي أسوي لو تطلبين روحي انطيج ياها
عنود-: يوم ابوس ايدج خلنروح عوفيها ختولي لاتقتليها والله إذا تموت كلنا نروح للسجن وحتى لو اوهمنا القانون أهلها ماراح يسكتون وضياء ماما ضياء يموت وراها ومايخليني عايشة يموتنا كلنا
ام عنود-: ماتوقعتج هيج غبية زوجج كلتله راح اخطفها الك واقنعته والي راح اسويه اقتلها بطريقه خفية لا الطب العدلي يعرف شلون ولااي أحد وبهاي الحالة نكول لضياء ماتت من وحدها هو راح يحزن يوم يومين تالي يمل وإنتي بجانبه واكفه راح يتعلق بيج وينساها للأبد وتختفي هاي العقدة من كل حياتكم ومحد راح يعرف بشي هذا السر راح يبقى بيناتنا
فهمتي يروح امج
عنود-؛ ماما مامتطمنه ولا مرتاحه لهالشي مو بهاي السهولة ضياء صعب محد يعرفه بكدي ماراح يفيدنا موتها راح يزيد الطين بلة اسمعي مني
ام عنود-: هسة انتي شنو ترديني أسوي مثلاً
خلص خطفناها ماكو تراجع لازم ننهي كل شي اليوم
من الأصوات عرفت هاي عنود وأمها ماانصدمت كل شي أتوقع منهن
دخلن علية
ولا عبالك بشر مثل الشياطين نسوان تحجي بالقتل شنو بقى للمجرمين
أول مافتحن الباب ركضت عالباب ولزمتني ام عنود ضربتني راشدي انضرب راسي بالحايط بقوة
ام عنود-: بت الخ،، انعل ابوج لأبو منين ماطلعتي دكعدي بنت الزماي،
عنود-: شكد أكرهها ومن أشوفها اتنرفز عبالي اجي أشوفها ميته المثلها وبايته بعمارة وحدها أقل شي تتخبل وهاي مثل البزونه إلها سبع أرواح
درر-: أريد أروح عوفنييييييي
ام عنود-: وقز القط اسكتي لج
درر-؛ انتن ماتخافن من الله أريد أروح لاهلي
عنود-: ماما سكتيها زعجتني
عنود بطنها جبيرة حامل جابت كرسي وكعدت عليه
درر-: عنود إنتي مو حامل حرام عليج الي جاي تسوينه إنتي وامج والله العظيم حررااام
ام عنود خابرت واحد كالتله تعال بسرعه
تقريب الساعه وصل مشعوذ
أعوذ بالله من الشيطان الرجيم
يمكن الشيطان بعيانه
شكله قبيح إلى درجه مو طبيعية
لابس كلايد بطوله كووومه ومثل العمامه حمرة وجواها بيضة وزي هندي أخضر ووجهه مثل الفحمه ونحييف إلى درجه مو طبيعية من كلامه عرفته بنغلاديش مااعرف هندي يعني مو عربي
نظراته مخزية
تشاورت وياه
واشرت باصبعها علية
عنود كاعده على الكرسي مخلية رأسها على ايدها ومن نظراتها مبين ماعاجبها الوضع
ام عنود لزمتني وربطت ايديا الاثنين بحبل ورى ظهري
ورجلية هم ربطتهن
اني خايفه وبس اباوع بعيوني مثل الشخص الي راح يعدموه
أكثر من مرة رن جهاز عنود طلعت جاوبت ورجعت كالت لامها ضياء يسأل علية
المشعوذ شعل نار وجاب من فضلات الجرذان وحطهن عالنار ومثل التراب هم حط وصارت الريحه تلعب الروح
اتقيأت وعنود طلعت ماتحملت الريحه ماتنطاق
بعيونه القبيحة أشر لام عنود
اجت تنزعني ملابسي وكمت ادفر بيها برجليا انطاها مثل شيشه دهن وكاللها شربيها وقرب النار يم رجلية
وحاولوا ينزعوني ملابسي بحركه مفاجأه كلبت عليه النار والجمر حرك ملابسه وبسرعه كب والنار صارت بيه من ورى وكدام كام يصيح وهج من الغرفه ام عنود حارت شتسوي
قفلت الغرفة وطلعت
سمعت صوت طلق ناري
أريد أستوعب شي شجاي يصير
عنود صرخت صرخه قوية وام عنود اختفى صوتها
ياترى شرطه لو واحد من أهلي بس ليش كل هذا الهدوء
على كيف انفتح باب الغرفه وانصدمت بشوفه ضياء
ذولي شبيهم تخبلوا عايشين بغابة لو شنو الموضوع شلون تجرأوا يخطفوني عبالهم تايهه
بداخلي اتوعد واكول بس كون الله يرجعني بخير وسلامه لأهلي الا أخذ حقي
ضياء-: حبيبتي خوما اذوج كوليلي تعاي نروح خلي اخذج لتخافين والله اني مو وياهم اني اجيت انقذج
اباوعله باستغراب
خلصت عمري أريد أفهم شنو تركيبة شخصيته شبيه ليش هيج يتصرف رغم كل شي اني احس بشوي إحترام تجاهه لأن بيوم من الأيام كان أستاذي وهو مامخلي أي احترام لا لعمره ولا لمهنته شنو من طينه هذا
حرفيا ً وبكل صدق نسيت كل شي وبقيت حايرة شلون يتصرف !!!؟
ضياء-؛ أدري بيهم خوفوج حقج علية اني آسف
المسدس بيده وهو يرجف قطرات دم على ملابسه
طلعني من الغرفة
ضياء-:: امشي وغمضي عيونج ادري بيج رقيقة ماتتحملين المنظر
درر-: يامنظر !؟
المشعوذ راسه متفجر وجسمه محترك
جفلت بمكاني بقيت واكفه
صرخت صرخه قوية
ضياء-؛ لا لا تخافين أمشي
جرني على كيف يتعامل وياي بهدوء
نزلني من الدرجه خطوة خطوة عبالك طفل توه يمشي ويخاف علية اوكع أو اتعثر
كل باية من الدرج بيه طبع حذائه بدم
من نزلت شفت عنود تنزف وعادي عايفها وهي مرته وفوكاها حامل
ام عنود بصفها رأسها بيه دم
اني مصدومه وببالي أقل حركه اسويها راح يقتلني مثل ماقتلهم
بيده مسدس وهو ماادري شبيه يرجف
صعدني بالسيارة ويدور عالمخدر
وهو جوة رجليا
مالازم اتخدر لازم أبقى بكامل وعيي طبكت رجلية حتى مايشوفه
ضياء-: تدرين شلون عرفت مكانج هههه الغبية عنود خابرتها ومن الموقع عرفت واجيت هههه
درر اني احبج تعرفين إنتي اني فرحان ماراح تعوفيني هالمرة
درر-: لا لا
ضياء-: تبقين وياي مو
درر-: اي
خدعته لأن مابيدي غير هالشي
درر-؛ بس توعدني ماتسوي شي مااريده يعني لاتجبرني على أي شي والمسدس وخره أخاف
ضياء-؛ اي خيولي عفته
يحجي وحجيه مثل المخبل
درر-: خليه يمي حباب
ضياء-: لا لا أخاف عليج
درر-: أريده اضمه يمي
ضياء-: بس موتلعبين بيه
درر-؛ لا
لزمت المسدس بيدي والمخدر جوة رجلية سيطرت بقيت منتظرة الوقت المناسب
بس كل جسمي متشنج من الخوف والصدمات
تحاملت على نفسي لحد ماحسيت بحرارة
وشفت بيدي الدم
ياربي إذا حامل لاتحرمني من ضناي البعدني ماشايفته
الطريق طويل ومااعرف وين يريد ياخذني
واني بدأت تنسلب طاقتي والدوخه سطرت راسي
عيوني الغواش سيطر عليهن
لحد ماوصلنا السيطرة هو متوتر
سويت روحي نايمه
ضياء-؛ نايمه يعمري
سكتت المسدس لازمته بيدي وببالي خطه
يا رب تنجح وماتفشل
...يتبع
سؤال البارت/ شنو الخطه ياترى وتنجح منوالهروب لو مصيرها الموت!؟
