البارون

❤❤البارت الخامس ❤❤

#البارون
♡♡♡
...‏في عمق هذا الخراب تظهرين لي، كضحكةٍ طاهرة تُنبتُ زهرةً في روحي♥️...
...‏حُلوةٌ للحدِّ الذي يؤسِفُك حُزنها♥️...
...أنتِ الوحيده المسموح لها بتجاوز حدودي.♥️...
*********
رفعت
خابرت درر باليل
- الو حبيبتي شلونج
= هلو حبيبي
- ليش صوتج ناصي كلش
= إبن عمي صار وياه حادث ويمنا شرطه وناس كومه
- ياستار  يعني باجر متداومين
= لا مااكدر إبن عمي وجيرانا قاتلين واحد مااعرف شمسوين وأهله جايين يهددون والهم ايد بالشرطه
- ديري بالج
= راح اشتاقلك
- اني هم جنت محضرلج مفاجئة بس خربت بعد
= شنو هي حبيبي
- جنت ناوي اجيب أختي وتتعرفون على بعض
= يحياتي أنت جد اسفه والله
- على شنو تتاسفين مابيدج شي حبي
= هسة أروح زيدان يصيحلي
- أوك حبيبتي انتبهي لنفسج
ثاني يوم جنت شايل هم الدنيا كله على رأسي ضايج وطافرة روحي أريدها
- خير شكو ضايج شبيك هم  تزاعلتو
= لا
- لعد شصاير ليش اليوم مطلعت من المطعم وصلت حبيبتك
= ممداومه
- اها لهيج ماد بوزك وضايج
= انت شعرفك
- لعد شكد تحبها
= هو بس احبها صرت إذا يوم تختفي أصير طفل أريد ابجي
- الله يروميو
= راشد جد أحبها واريدها اليوم قبل باجر إذا متصير إلي شوف شراح يصير بيا لو أموت لو اقتل نفسي
- كول يا الله هي الك البنية هم تحبك لو ماتحبك مجان بقت ٣ سنوات وياك
= مشتاقلها
- اصبر هالفترة والله كريم
خلصت شغلي بالكوة انوب اختنكت كلش طلعت برا أدخن عبالك واحد خانكني شسوت بيا درر قلبي ملهوف عليها شوكت أشوفها خابرتها ماترد شي أكيد مشغولة جان يوم صعب عليا
*********
ضياء
لأول مرة  تغيب من داومت لحد الان مغايبة ولا يوم بقت عيني عالباب احتمال متأخرة مثل ذاك اليوم ماانتبهت عالمحاضرة قدمت الدرس شلون ماكان بس أريد أخلص سألت الطالبات محد تعرف أخبارها نار صارت بقلبي شنو من مرحلة وصلت اني مر درسين واني بالي مو يم الطالبات ماشرحت زين حتى أي طالبة تسألني أأجل بالإدارة محد موجود بس الوالدة
- شلونج ست
= هلو عيني تعال ماما اكعد شبيك
- مابيا شي
= شوف وجهك عبالك واحد ميتلك شنو شبيك ضايج
- اجيت اسالج عن طالبة تعرفيها
= منو؟
- درر
= شبيها
- ممداومه اليوم
= أي عادي احتمال عدها ضرف صار وشنو يعني
- ملتزمه بدوامها هاي أول مرة تغيب
= ماشاء الله مركز عليها
- يعني قصدي هي طالبة ذكية عندي اعرفها
= أي والمطلوب
- إنتي تعرفين أهلها وشي أكيد  رقمها عندج صح لو اني غلطان
= أي صح
- خابريها وشوفي شكو
= مو هسة عندي شغل أريد أخلصه
- انطيني الرقم اني اخابرها
= أوك
أخذت رقمها وبقيت إتصل أكثر من مرة بس محد جاوب حفظت رقمها بموبايلي كلت بعدين اخابرها وافهم من خلص الدوام ماحبيت أرجع للبيت رحت لصديقي وبس صافن و ضايج
- شبيك؟
= تعبان
- هالايام مختفي مانشوفك
= مالي خلك
- شصاير وياك تعال نروح نتونس لو شنو رأيك نسويلنا سفرة السليمانية
= أوك أفكر
- من هسة كولي علمود هالفترة نروح الجو عاجبني نغير جو من الضغوط نرتاح
= باجر ادزلك الجواب وهسة أروح للبيت أرتاح
رجعت نمت الظهر كعدت باليل مامنتبه للوقت لكيت بصفي رسالة من امي مكتوب
" حروح لزوجه زميلي بغير مدرسة الله رزقهم بطفل ورايحه اؤدي الواجب"
دخلت للحمام سبحت جوعان لكيت بالمطبخ أكل جاهز سخنته واكلت خابرني صديقي كال تعال عازمينك على حنه واحد من الربع جنت بحاجه لشي يخليني اصرف نظر عن موضوع درر عسى ولعل ماافكر بيها بعد لبست أحلى لبس عندي أريد أرجع ضياء القديم الي مايعرف حزن وكآبه وحياته كلها ونسه وبنات خابرت واحد صديقي هذا يعحبني بسوالف البنات أي شخص يريد يتونس يروحله هو يجيبله البنية الي تناسب ذوقه بال١٠ طلعت من البيت دزيت لامي مسج حتى ميضل بالها عليا الحنه جانت بقاعه مختلطه كلش حلوة العريس أعرفه معرفه سطحية شفت بنات هواي بس محد عجبتني كلما أشوف بنيه اكول بداخلي ياريت لو درر أكو بنيه من أول مادخلت للقاعه هي تباوعلي بصراحه حلوة كلت اجرب حظي وياها يجوز تعجبني صديقي غمزلي وكام يضحك
- هلو
= هلو بيك
بقينا ساكتين هي تباوعلي بإعجاب
= أخو العريس؟
- لا
= عبالي أخوه
- ليش؟
= لأن دايما أخو العريس يكون حلو ومرتب
- ههه
= مرتبط؟
- لا
= شعجب
- منفصل مااحب الالتزامات
= اها لعد إحنا حنتوالم بسرعه
- إشمعنى
= اني همات منفصلة
جنت مختصر الكلام وياها واجاوب على كد السؤال هي من كلامها مبين إعجابها ماكدرت تخفيه
= تدري أنت لحد الان ماعرفتني عليك
- مومهم
= ليش
- حروح
= بعد وقت
- صدعت من صوت الأغاني
= أوك تشرفت بمعرفتك
- إلي الشرف
صديقي ضل يلح عليا أخذ رقمها
= لتلح يمعود
- هاك رقمها أعرفها هاي البنية حتعجبك
= فك عني
- ليش انت مو جاي تتونس وتصادق
= بطلت
- لك عيش حياتك صادق بنات وحب لتصير معقد
= ماراح تعرف إلي جاي أحس بيه
عفت الحفلة وطلعت أتمشى جنت محتاج أبقى وحدي أفكر  ليش ماانهي عذابي واتزوجها عادي شنو المانع العمر! ماكو فرق كبير صارت ب٣ وثلث رجعت للبيت  وبقيت للصبح كاعد وكلت ليش مااخابرها
اتصلت عالخط مجاوبت خابرتها عالواتساب نفس الحالة دزيت مسج " اني أستاذ ضياء جاوبي"
فتحت خط بالكوة
= الو اسفه أستاذ مجنت أعرف هذا رقمك
- يكولون صباح الخير مو اسفه انتي معندج غير هاي الكلمه
= ههههه
- دوم يارب ليش ممداومه
= إبن عمي صار وياه حادث
- الحمد لله على سلامته متشوفون شر ان شاء الله
= الله يسلمك
- واليوم؟
= مااعتقد لأن اجونا خطار ومحد بالبيت غيري
- اها أوك راح أتواصل وياج علمود الدروس موبس ال English  حتى باقي الدروس
= أستاذ ماكو داعي أكو كروب لكل الأساتذة واني عرفت الي فايتني من الدروس لتتعب نفسك
- حتلو انتي طالبتي الشاطرة
= على بختك أستاذ منين اجتني الشطارة أكو الاشطر مني
- بس إنتي بنظري الاذكى والاحسن بكل شي
= شلون بكل شي!؟
- بكل شي
= من رخصتك أستاذ مشغولة شوي
- أوك انتبهي لنفسج
... لم يكن صوتا عاديا بالنسبة لي كان موسيقى وعزف كلاسيكي...
*********
درر
أول مشفت الشرطه والهوسة متت  من الخوف تقربت شفت زيدان هو شافني راسا كالي روحي طبي بسرعه اني ركضت  للبيت اجوي ناس سادة وشيوخ مااعرف  شنو السالفه عمي مخبوص ويخابر
= زيدان شصاير
- ماكو شي بس ادخلي بالمطبخ ولتطلعين سوي شاي هواي
= شسالفه غير تحجي شبيك
- كالعادة زيد  مسويله  مصيبة
= وليش أم غيداء تصرخ سمعت صوتها من دخلت للبيت
- أبنها بالمستشفى حالته خطرة 
= ياستار زين وزيد
- زيد موجود بغرفته  جبناه مابيه شي يلا همي ايدج بسرعه
سويت شاي وأمور الضيافه كل ساعه يجي زيدان والناس جاي تكثر ماتقل ناس تواصل وناس تهدد مااسمع غير الكلام مااشوف شي أصدقاء زيد اجوي ترسوا البيت وأصدقاء عمي ومن شافوا ناس تهدد بينا لزوا وياهم وهم ساعه كاملة صراخ مناه للعصر اني واكفه بالمطبخ بملابس المدرسه وزيدان كل ساعه يجيني بشغلة وانوب عمي ذبح طلي وجابه الي
- هاج سويه عشى عازم الناس كلها
= عمو مااعرف
- شلون لعد الناس كلها هنا عازمها من جبيرها لصغيرها
عمي صار عصبي انوب  اجه زيدان
- خير يابة شكو هسة اوديه للكصاب واجيب أكل جاهز لتضوج روح أنت أخذ راحتك
راح عمي كعد يم الزلم زيدان راح وقفل باب المطبخ عليا لأن البيت انترس زلم وشباب حتى بالصالة كعدوا واني على وكفتي من الظهر ورى نص ساعة جاب كومه أكل واللحم  هم جابه من الكصاب انشلع كلبي ومحد يساعدني بس اني اجه عمي كالي اشوي لزيد لحم لاتنطيه أكل جاهز  ضليت حايرة مااعرف شي صحت لزيدان
= زيدان فدوة شسوي
- لو ماعندي شي جان سسويت اني لو  عالاقل علمتج
= زين  جيبلي موبايلي اكنك واتعلم بسرعه
- هاج موبايلي  بس بسرعه استعجلي أبوي  كل ساعه  يكولي وين العشى
كنكت شلون اشوي لحم الطلي وشلون اسوي مركه سويته بعد مااصابيعي كلها  انجوت مناه ل١٢ باليل يلا كملت الأكل الجاهز حطيته بمواعين نصه  برد وعمي خبلني سخنيه يكولي وهم ساعه كامله لحد ماخلصت اني ولالكمه ماكلة حتى دخت ونعست كلش انوب وراي  مواعين خلصوا وجابولي المواعين لمحت رشيد معقولة اجه خفت اني خوفي من رشيد يختلف لأن جبير  شخصيته مخيفه كلما أريد اسأل زيدان أنسى
- عاشت ايدج المركه طيبة
= صدك عمي شكال
- هههه يكول ماسخه
= مايعجبه العجب اكولك شوكت يروحون
- ما ادري بس أهل الرجال الي طاعنه خليل شوي رخوا وباجر  يسحبون الدعوة لأن نسيبه يعرف الوالد وماكو شي
= الحمد لله عدت على خير زيد أكل
- أي أبوي وكله
=  خوش
بقيت ل٤ الصبح راحوا الزلم غسلت المواعين من التعب والدوخه نسيت الجوع رحت لغرفتي كلت اكعد عالكرسي أرتاح واكوم  اسبح وابدل وانام بس غفيت لثاني يوم الصبح الساعه ب١١ تقريبا كعدت الشمس صارت بعيني بالكوات فتحت عيوني يوجعني جسمي عبالك متكسر راسي يوجعني شسالفه نظري  مغوش نمت بملابسي وبدون أكل ركبتي متشنجه شوي شوي وضح النظر بس الدوخه موتتني اشوف كل شي ثنين شفت رشيد كبالي كلت يمكن لأن دايخه بس من حجى الا عرفت صدك هو موجود
- صباح الخير
= رشيد؟
- أي رشيد
= شعندك بغرفتي
- اجيت اشوفج مشتاقلج حليانه
= من شوكت أنت  بغرفتي
- من زمان جنت أتأمل حلالي
= أستغفر الله العظيم
- رشيد رجاءا أطلع صدقا تعبانه  ومالي خلك عمي هنا ومناقصين  مشاكل
اجه عمي خزره ماادري تعاركو اني طلعت غسلت وجهي بالكوة امشي ٣ مرات غسلت وجهي بمي بارد حتى اصحصح عمي ناداني اسويله جاي وريوك لزيد رحت لغرفتي سبحت بسرعه  وحضرت ريوك ورشيد يمي بالمطبخ يفتر يريدني احجي وياه لكيت عمو مشتري صمون حار وبيض كالي سلكي البيض علمود زيد سويتلهم الريوك وصعدته فوك بغرفه زيد اني اكلت بالمطبخ رشيد ماتريك اصلا ميحب زيد ولايحب يشوفه  وزيدان بعده نايم بعد ماخلصت رحت لغرفتي قفلت الباب وخابرت رفعت
= الو حبي مشتاقتلك
- شلونج حبيبتي اليوم الدنيا ظلمه يعيني كلش
= حتى اني بس يلا ان شاء الله باجر اداوم
- ان شاء الله حياتي
اندك الباب بين ماجاي احجي وي رفعت
= حبيبي حروح
- أوك قلبي بس طمنيني عنج كل شوي
= صار
فتحت الباب
= ها رشيد
- أريد احجي وياج
= أستغفر الله العظيم مابيناتنا حجي يمعود شتريد مني
- هو شنو شتريد مني اريدج اتزوجج إنتي متفهمين لخاطر الله
= يازواج كل مرة تصير مشكلة من ورى الطاري هذا أفهم إحنا  مولبعض أنتم إخوتي تربينا من الصغر شبيك متكولي
- زيد وزيدان اخوتج اي بس مواني
= وانت هم رشيد مايوم فكرت بهاي الطريقه الي أنت تفكر بيها ليش تتعبني وتتعب نفسك تتذكر من تعاركت وي زيد وهو أخوك  الصغير المفروض ماتتعارك وياه علمود أمور تافهه هو صغير وبحاجتك لازم تعلمه وتوعيه هذا موحب لا أنت تحبني ولا هو ليش هالتنافس ماكو داعي والله العظيم
- اني احبج قبله وهو دخل بيناتنا لو ماهو حبج جان هسة متزوجين
= أنت شتحجي شنو دخل بيناتنا
- لو زيد ماحبج جان هسة إحنا متزوجين أبوي  يوافق بس من عرف زيد يحبج وصارت هالمشاكل من وراه أبوي كالعادة وكف بصف زيد ومنتظرني أموت يصير بيا شي لو  اتنازل عنج حتى يخطبج اله أعرف أبوي بشنو يفكر بس والله مااتنازل عنج للموت اخذج يعني اخذج غصب عن زيد وأبوه
= صدك جذب شنو السالفه حجي هذا؟
- هذا العندي لو تتزوجيني لو تضلين عمرج كله بلا زواج وإذا صدك وصرتي لزيد طلقه براسج وبراسه
= أنت ليش تسوي هيج انت متحبني والله العظيم متحبني انت تسوي هيج بس حتى ترضي غرورك وحقدك على أخوك مجرد شي اني بالنسبه الك تحققه علمود تسد النقص الي بداخلك ليش تريد تدمر حياتك بشي غلط ومو  حقيقي روح شوف حياتك بعدك شاب كمل دراستك اي شي بس لا تنتظر مني شي ماراح يصير اني مايوم حبيتك ولاراح أحبك لاانت ولازيد
= حجي يفيدج هذا
- جاي تضغط عليا أنت شبيك ترا تعبت اني من هالمسخرة هاي
عافني احجي وحدي وراح  كمت ابجي شيخلصني يا الله والله تعبت باليل تعشيت وحدي بغرفتي وقفلت الباب أريد اخابر رفعت مشتاقتله دكيت عليه مجاوب رجعت مرة لخ جاوبتني بنيه
- الو خير شدعوة هاكد دكيتي
= إنتي منو رفعت وين
- أخته رفعت بالحمام
= اها
- ماكو داعي هالكد تدكين مو سحلتي نفسج سحل علينا
= لا و الله هو اني شايفتكم أصلا إنتي شتقصدين
- اهوو
سدت الموبايل بوحهي هاي شبيها الحمد لله والشكر لبست ملابس مريحه للنوم بجامه وفالينه نمت على جربايتي اكلب بالدفاتر والكتب سمعت صوت من باب بيتنا الخلفي اني شباك غرفتي يطل عالباب يعني اشوف الكراج مالت عمي للسيارات خاص  بس النا ومحد يفوت من الباب قليل كلش فتحت الشباك الضوة خفيف بس يعني أشوف اميز الأشكال شفت رشيد فتح الباب لولد وياه بنيه صوتهم ناصي بالبداية بس بعدين كمت  أسمع لأن رشيد صار عصبي
- شبيك رشيد دبرلي غرفة بس اليوم والله مرتي بالبيت
= ابن ال*** اني شعليا اروح الفيك والفي كح***
- بس اليوم مقصر وياك اني مو كلما تجيب بنية افرغلك بيتي
= تحجي صدك انت تفرغلي البيت انت نفسك كلتها يعني مكان مابيه اوادم أخوي مسوي حادث والكل بالبيت مو واحد ولا اثنين انت شتحجي تريد تفضحني روح لفندق روح لأي مكان
- مابجيبي ولافلس
= توازيت هسه انت
- تعبان رشيد
= هاك فلوس وروح
سمعت كل شي وضليت مغطية حلكي على إيدي من الصدمه مااحجيلكم على كمية الغلط والفشار والسب موبايلي يدك ومخليته عالصامت فتحت خط رفعت
- الو ها حبي
= هلو
- شنو شبيج
= مابيا شي بس مشتاقتلك
- أكيد؟
= أي
سولفنا شوي ونمت ماقبل اسهر وياه كالي نامي حتى ترتاحين جنت محتارة اداوم لولا هواي دروس فاتتني كعدت الصبح على صوت موبايلي يدك شفته رقم غريب وداك عليا من زمان مااعرفه منو بعدين وصلني مسج عالواتس أستاذ ضياء!؟ هذا شعنده وياي خابرته حجيه واهتمامه موعادي غريب هالرجال هذا اندك باب غرفتي زيدان يصيحلي اجوي خطار وبقيت من الصبح للظهر اكرب وطايحه رجليا من الوكفه بالمطبخ سويت غدا و ريحتي كلها زفر من شوي اللحم  خلصوا وزيدان جابلي المواعين بلشت أغسل وزيدان صاحلي رحت للصالة لكيت مديرة المدرسة مالتي شكد استحيت من شفتها جنت لابسه تراك ووسخ وبيه صخام وواكعه عليا مي مالت السلك طلعت وبيدي الجلافه سلمت عليها ماجنت متوقعه تجينا بس يمكن لأن جانت صديقه عمتي ومن سمعت أبنها سوى حادث حبت تأدي الواجب قدمتلها قهوة ماتشرب شاي ومن السوالف عرفت أستاذ ضياء كايللها وهو قانعها تجينا استغربت الأستاذ جان بالاستقبال ومن رادوا يروحون زيدان كالي استاذج يريد يسلم عليج وكالي  بسرعه حسيت زيدان ماعجبه هالشي طلعت ببهذالتي سلمت عليه أول مشافني  بالكوات كتم الضحكه لأن جنت صدك مبهذلة ووسخه شكول  عليكم بيت عمي بعد السلام راحوا ورجعت لغسل المواعين بقيت ادندن واغني اتذكرت رفعت اشتاقيتله اتذكرت سوالفه وكمت اضحك
يتبع ....