#البارون
.كۣۗہرآر آلَعۣۗہرآقۣۗہيۣۗہ🐆.ۦ𓆩“̯🤞😐“̯𓆪.tt
*********
... يقول لها
يوماً ما سيتحقق حلمي! فليس على
الله شيء مستحيل وسيتزين ذلك
الفستان الأبيض بكِ حينها سأشكر
الله حتى يهل الدمع فرحاً لأنكِ
اصبحتي حلالي 💍...
... أريد الانعزال منهم إليك🙊💗...
... # اضل
وياك حد مايوم تصبغ ايدنة الحنة ✈️❤...
... تجمعنا المزاجيه وغرابة الأطوار والموسيقى...
زيدان
اتفقنا على موعد معين علمود أروح اتقدم لترانيم بابا واصدقاؤه راحوا خوال ترانيم حاضرين كنت متوتر لا أبوها يرفض من أول مافتحنا الموضوع رفض وأعتذر من عدنا حاولنا نقنعه بس مااقتنع ومن شكله بين هو أصلا بالكوة مستقبلنا ببيته أصدقاء أبوي ناس اوادم يعرفون بهالامور حجوا وياه تناقشوا حتى كالوله هم المسؤؤلين عن أي خطأ يبدر مني بالمستقبل يعني كلامهم ذهب هو شوي ابو ترانيم استحى من كلامهم ومن ادبهم أبوي مااتحمل راد يكوم بس اصدقاءه كالوله علة كيفك اهدأ وبالاخير الرجال كال عمي انطونا مهلة أسبوع هم أخذ رأي البنية وهم نفكر شوي رجعلي الأمل
زيدان- يابة أنت ليش متضايق هسة هم كالو نفكر مارفضوا ولا طردونا
- بلة هم وين محصلين رجال مثلك حتى يتشرطون ويفكرون
زيدان- يابة هي لعب غير الرجال يسأل عليا يشوفني مناسب لا قابل من أول حجاية يكوللنا اخذوها بعبايتها لا تلوم الرجال مايعرفنا لو كرايبناويعرفها جان كولنا عاتبناه
- عفت بنات الناس كلها الا بنت هذا الشايف روحه يحجي ويانا عبالك جاي نجدي منه شنو قحط نسوان الف وحده وحده تتمنى تاخذها أصدقائي كل فترة واحد ينطيني بنته يتمنون بس يناسبونا وهم الممنونين رايحلي تركض ال هاي مانعرف أصلهم من فصلهم ناس ماشايفين وشافو
زيدان- يابة أحبها ولو هي لو مااتزوج
- اي هو أنتم كلمن راكب راسه تسمعون كلامي
= عمي استهدوا بالرحمن هسة الرجال بعده كاللكم أسبوع ونرد الجواب من هسة تعاركتوا شجاكم
- ماتشوفه شيحجي
زيدان ": عمي احجي وي أبوي فهمه
= ماعليك انت أبوك خليه عليا والبنيه تصيرلك يعني تصيرلك
زيدان- ان شاء الله يلا اني اروح عندي شغل
**********
...ﻓﻠﻮْ ﻛﻨﺖَ ﺗﺪﺭِﻱ ﻣﺎ ﺃُﻻﻗِﻲ ﻣﻦَ اﻟﻬﻮَﻯ
ﻟﺴﺎءَﻙَ ﻣﺎ ﺃﻟﻘَﻰ ﻓﻠﻴﺘﻚَ ﻻ ﺗﺪﺭِﻱ
ﻷﺷﻘَﻰ ﺑﻤﺎ ﺃﻟﻘَﻰ ﻭﺗﺒﻘَﻰ ﻣﻨﻌَّﻤﺎً
ﺧﻠﻴّﺎً ﻭﻧﺎﺭُ اﻟﺸَّﻮﻕِ ﺗُﺴﻌﺮُ ﻓﻲ ﺻـــﺪﺭِﻱ...
...سأَجْعَلُ نَفْسِي مِنْكَ حَيْثُ جَعَلْتَني
وَلِلدَّهْر أيامٌ لَهُنَّ عَواقِـــبُ
#روائع_الأمثال_الشعرية...
... اخبريهم إنك لي
واننا شخص واحد لا يمكن أن ينقسم إلى نصفين
✨✨✨🖇️🥺....
رفعت
اشتغلت ببيت الدكتور محمد وهم أبد ماقصروا كل يوم اكرامية الله يوفقهم ويرزقهم إمتحانات درر مابقالها شي واني مصمم بنهاية العام اخطبها على مااكون نفسي مو مثل أقبل التقي بيها وضالين بس عالمراسيل الحمد لله هاي ولا غيرها
هالة"" رفعت امي تريدك
رفعت ": هسة اجي
رحت لغرفة امي وابوي لكيت منتظر يمهم هو ومرته
رفعت": السلام عليكم
: وعليكم السلام
- تعال يمه اكعد عندي شغلة وياك
رفعت": خير ان شاء الله
- كل الخير أخوك منتظر يريد يشتري القطعه الي بصفنا ومحتاج فلوس اني بعت الذهب العندي وبعد هم عوزنا
منتظر": اعتبره دين لأن بيتنا صغير وبعد أنت هم تريد تتزوج واني عندي ولد وبنية والجاي عالطريق لازم كل واحد منا يكون نفسه
رفعت": أي تدلل هسة قطعه الأرض اشتريها واني هم راح أساعدك بالبناء
كنت مجمع ٣ ملايين انطيت قسم منها لاخوي منتظر ونقصن الفلوس ميخالف الفلوس تجي وتروح يدلل منتظر واستحيت اكوله رجعهن لو دين كلتله أخذهن هدية مني للطفل الجديد
*********
...دعنِي أُحبّك مثلما علّمتنِي
إن الحياة ملِيئةٌ بالحُب، والخيرِ النّدي
دعنِي أُحبّك مِثلما أحببتنِي
مِن دُون خوفٍ، مِن نهايات الغدِ
فضياعُ عُمري فِي سبِيلك هيّنٌ
لكننِي أخشى ضيَاعك من يـــدِي 👆👌🌹...
...إن غبت لم ألقَ إنسانًا يؤانسني
وإن حضرت فكل الناس قد حضـــرا☺️
ابن زيدون...
...لا عيبَ فِي الحُبِّ لو صُنّا طهارتَهُ
عَن عابثٍ مَا وعَىٰ للطُّهرِ إدراكَا
الحُبُّ وَردٌ مِن الرَّحمنِ نقطفُهُ
والعَابثونَ بهِ يجْنونَ أشواكَـــا...
ترانيم
- يوم فدوة اقنعي بابا يوافق الله عليج
= اني شعليا البنية الي تحب من ورى امها خليفيدها حبها
ترانيم- اني موكلتلج قبل لا يجي يخطبني
= يعني لازم أفرح بنتي تحب وتتمعشك من وراي اني لحد الان كلبي نار وحتى من كتلتج ماارتاحيت
ترانيم- هسة إنتي موكتلتيني وعاقبتيني يومين ماتحجين وياي كافي ماما الله يخليج يعني موزين حبيت واحد زين وجاب أهله وتقدملي
= ترانيم وخري مني مالي علاقة إنتي تصرفي ابوج مايقبل وماكو داعي تصير مشاكل
ترانيم- ماما لخاطري إني بنتج الوحيدة هذا مستقبلي زيدان حبي الوحيد وصدكيني لو يتقدملي أحسن واحد ماراح أقبل لو زيدان لو أموت روحي
امي ضربتني راجدي
= عفية برافو هاي تربيتي الج تموت روحها تريد الخاتون منين تعلمتي هاي السوالف
ترانيم- منج انتي من حبيت بابا شكد ضحيتي بقيتي منتظرته وشكد عانيتي وتأذيتي بس علمود تحصلين عليه حتى من أتزوج غيرج هم ماعفتيه
- وجاي هسة تقارنين نفسج بيا لج ماما اني أختلف زمانكم يختلف عن زماننا وإذا تقدملج منو يكول راح يعيشج أحسن عيشة
ترانيم " اي ومنتظرين تزوجوني لغيره يعني مااتزوج غيره لو شوف شيصير
مرام- هاي شكو أصواتكم طالعه شصاير
- تعالي شوفي اختج
مرام- لو ادري ماكايلتج
- لا همزين كلتيلي لو انتي تقبلين تضم عني كل شي
مرام ": لا طبعا حبيبتي بس بالتفاهم إنتي بعدني ماناطقه وشبعتيها كفخات موهيج يا عمري اني بالبداية هم كالتلي وعصبت بس تالي فهمت منها كل شي
ترانيم- مو هذا موضوعنا بابا ميقبل وأمي تكول مااتدخل بقرار ابوج
مرام ' اهدأو خلونا نعرف نتصرف قبل كل شي الولد اني شفته ومبين خوش ولد وطبعا خوال ترانيم يحمدون بيه وباخلاقه
ترانيم- أي ماما يعني إنتي ماعندج ثقة باخوانج
مرام- بصراحه اني من شفت اخوانج بصفه أرتاح كلبي
- عندي ثقة باخوتي لعد شلون بس ابوجن رأسه يابس وعنيد يعني الكل موافق بس هو لا
مرام- الله كريم نكعد وياه اني وانتي اليوم ونشوف شنو يحجي شنو المانع
ترانيم- أي مرام فدوة
مرام- نجبي إنتي اثكلي عيب الخفه
مر أسبوع امي ومرام يقنعون ببابا وهو معاند ورافض فكرة الزواج اني كعدت من المدرسة عناد ولا أكل ولا أشرب بابا خابرهم انطاهم الجواب كاللهم البنية مموافقه حبست نفسي بغرفتي مااطلع ٢٤ساعه نايمه اخابر زيدان وابجي قاطعت أهلي عايشين بنفس البيت وبالصدفه اشوفهم امي ومرام كلما يريدون يحجون وياي أسوي نفسي نايمه انعزلت عن الكل
*********
...وَحِيْدٌ مِنَ الْخلاّنِ في أَرْضِ غُرْبَةٍ
أَلاَ كُلُّ مَنْ يَبْغِي الْوَفَـاءَ وَحِيـــدُ!😔...
...اللهُ يَعلَمُ أَنّي بَعـــــــــــدكُم قَلِقٌ
أَسُحُّ دمعًا على الخدَّينِ مِـــدرارا 🍁...
...لَو أنَّ عُمرِي يَعُودُ الآنَ عُدتُ بهِ
كي لَا أحِبَّ وَلَا أُهدِي الهَوىٰ أحَـــدا
حُذيفة العَرجِي...
درر
اجت أيام إمتحانات نصف السنه مامتحمسة كلش المديرة كالتلي ماتمتحنين الا تدفعين الفلوس كلت لزيدان وهو دفع رفعت دايما يكولي شدي حيلج ويحفزني ضجت على زيدان لأن أبو حبيبته ماوافق خطية وعمي كاله ختولي إلا ازوجك أحسن وحده زيدان كام مايوصلني بس سوالي خط وي صديقه ولد متزوج وفقير كلش وحباب رفعت مايلحك يجي يشوفني بس أول يوم من الإمتحانات شفته من بعيد أستاذ ضياء مختفي وسمعت من الأساتذة جده ميت وحتى المديرة بس أول يوم من الإمتحانات اجت وبعدها سلمت أمور ومسؤؤلية المدرسة للمعاونة مرت الأيام بسرعه وعطلنا من المدرسة زيدان ضايج ومنعزل زيد مريض كلش وعمي يراجع بيه من مستشفى لمستشفى عنده قرحه بالمعده من ورى المشروب حتى عمي يعاني من هالمرض رشيد مانعرف عنه شي
- درر وينج
درر- ها عمو
- حضريلي الحمام بسرعه
درر- صار
عمي مااعرف وين يريد يروح لبس كشخ وتعطر وزيدان اجه من الشغل مستعجل شكو شو متحمسين
زيدان ' يلا يلا بسرعه
درر- شنو شصاير
زيدان-' ولج وافقوا
درر'منو
زيدان 'أبوها وافق وأخيرا
هلهلت فرحتله من كل كلبي يستاهل زيدان
زيدان ' امشي جهزي نفسج تروحين ويانا
درر " شلون المن نروح
زيدان ' نقرأ الفاتحه
درر : الله عليكم خلوني براحتي اتجهز أريد أطلع كشخه فدوة
زيدان:؛ الج نص ساعة
درر": وين الحك
زيدان ": أمشي ولج تأخرنا
اني رحت لبست أحلى لبس عندي انخبصنا بس فرحانين دزيت رسالة لرفعت" حبيبي راح أروح " لأن مستعجلة مالحكت اكتبله وين خليت مكياج خفيف حمرة ماسكارا كونتور ايلاينر باودر شكلي صار تحفه عمي طلع زعيم كشخه فد شي وزيدان لوزاوي هم بالسيارة صعدوا واني بعدني واكفه كدام المراية
- ولج يلااا تأخرنا درر يلاااا
درر- اجيت اجيت والله عمو
صعدت بالسيارة زيدان شغل أغاني كمت أهلهل واصفك
- عريسنا جكليته حامض حلو بباكيته وعريسنا جكليته حامض حلو بباكيته
واجتني كفخه من عمي شمر باكيت الكلنكس على وجههي هم زين ماخرب المكياج ولا يخلون الواحد يفرحله شوي
- ووجع حتى وجع شكو تجوعرين بالسيارة شنو زفه هي زفه
درر - عمو غير فرحانه شني حسرة واحد يفرح
- اش اسكتي عود بالعرس افرحي مو هسة
زيدان- هههههه والله إحنا عائلة مو طبيعية ٢٤ساعه نتناكر حتى بالسيارة واحد يريد يموت الثاني
درر- ههههه زين عريسنا المزيون كول عروستك شسمها
زيدان ": ترانيم
درر" عاشت الاسامي
وصلنا لبيتهم شوي بعيد انصدمت من شفت عنود هاي شعدها هنا استقبلتني بنية شابة عرفتني عن نفسها جان إسمها مرام وام العروس هم سلمت عليا وعنود لابسة فستان يعني من شكلها وكعدتها هي العروس لأن ماكو غيرها!!!
....يتبع
