#البارون
...يقولون: "خُلِقَ من الشبهِ أربعين".
وأنا أعلم أنّ تسعًة وثلاثين امرأةً اتخذن هذا القول ذريعة ليتشبهن بكِ.♥️...
..." قد كنت مغترباً ، فكنت خريطتي
وعلى يديك، رجعتُ نحو دياري "
..._ أرق ماقيل في الأبدية؛ قول
قيس بن الملوح لمحبوبته ليلى
يوم وداعها: عليكِ سلام الله
مني تحية إلى أن تغيب الشمس
من حيث تطلع.
❤❤❤🍃
ضياء
- ماما حبيبي اكل بعد لخاطري حتى تتشافى بسرعه
ضياء- مااريد
- أدري بيك زعلان بس وعد مني اي شي تريده اني مستعدة اسويه
ضياء: جيبيلي درر
- اوف يامشكلة درر شيحلها حاضر نجيبها
جسمي متكسر رجلي وايدي صبوها من غير حالتي النفسية الي صايرة صفر مااكدر اتحرك وبس أنام اتحلم بيها لو ميت ولا باقي بالعذاب هذا
امي كالت راح تجيبها بس مو بطريقه مباشرة أو درر تجي وحدها لان مراح ترهم اتفقت وي مدرس بالمدرسة انو يسأل الطالبات منو حابة تزور الأستاذ ضياء بالمستشفى وهو المدرس راح يكون مسؤؤل هو يجيبهم وياخذهم
حلوة الفكرة
زاروني أصدقائي خوالي هم ماقصروا مرام اجتني كامت تبجي امي من شافتها انعجبت بيها
ضياء- عليمن تبجين ترا مامتت يمعودة
مرام: اسم الله عليك لتكول هيج على تفسك وشلون ماابجي بلة صار بيك شي تريدني اضحك
ضياء ": ههه كافي مامتعود اشوفج هيج
مرام:؛ اوك سكتت
ضياء-: شلونج هسة من سويت حادث الا اجيتي ذيج الأيام اتصل بيج وماتردين
مرام "؛ عندي ضروف
ضياء ": اممم
مرام: ولله
ضياء:؛ أوك بس بعد لتعيديها
مرام ": لا والله ابد
دخلت امي جابت عصاير من شافتني اضحك وي مرام غمزتلي وضحكت عبالها احب مرام
ضياء "؛ يوم هاي مرام صديقتي لا تغمزين ولا تتعبين نفسج
مرام:؛ هههه عزاا
مرام ارتاحلها بس مايوم فكرت اتزوجها صحيح إحنا متفاهمين بس ماعندي مشاعر تجاهها
اجاها اتصال مفاجئ انخبصت
مرام ": اني حروح
ضياء ": شكو شبيج
مرام:؛ ععنود
تحجي وترجف من التوتر
ضياء:؛ شبيها
مرام "؛ حاولت تنتحر واخذوها للمستشفى
ضياء ": اوف
مرام "؛ يلا اجي بغير وقت ان شاء الله والحمد لله على سلامتك مرة ثانية ماتشوف شر
ضياء ": الله يسلمج ديري بالج على نفسج من تسوقين مرام:؛ اوك
عنود تنتحر ليش
مر اليوم عادي ثاني يوم كنت متحمس لأن درر راح تجي واشوفها وقررت اعترفلها بمشاعري وارتاح
*********
...قصائد شعرية فصحى:
و عانِقْ فؤادي بِلُطفٍ و لينٍ
فقلبي يحبُّ العناقَ الطويـــلْ 🌸
لا عيبَ فِي الحُبِّ لو صُنّا طهارتَهُ
عَن عابثٍ مَا وعَىٰ للطُّهرِ إدراكَا
الحُبُّ وَردٌ مِن الرَّحمنِ نقطفُهُ
والعَابثونَ بهِ يجْنونَ أشواكَـــا
وأهفوا إلــى(الحوبانِ¹) وهي قريبة
وأشتاق داراً بالحبـــــــــيب يطيبُ☺️
الحوبان: منطقة في محافظة تعز...
رفعت
أبوي من كالي تتزوج زينب انصدمت
- يابة شجاي تحجي يازواج هذا قبل فترة حاجيتك على بنية احبها كلتلي جمع فلوس واخطبها الك
- إبني لعد شلون البنية منو الها لازم تتزوجها وتكون سند الها
رفعت ": احنا أهلنا انت عمهاحسبة والدها وإحنا ولد عمها أخوتها باعتبار ماكو داعي اتزوجها وهي حالتها تسمح بالزواج
اقتنع الحمد لله وامي هم وكفت بجانبي وتفاهمت وياه حجيتلهم عن درر وأريد اخطبها هالفترة أبوي كالي بأي وقت تريد نروح مشاية
رحت للمطعم وكالعادة سولفت كلشي لراشد
راشد ": ان شاء الله البنية عمها يوافق وتعرس ونفرح بيك
رفعت": ان شاء الله وانت ماتحب مناه مناه
راشد ": هههه ان شاء الله قريباً
رفعت": يعني عندك
راشد ": بعدين تعرف هسة مو وقتها
*********
...يَكيْلون القبيحَ إليّ ظُلْما
وأُغضي عنْهمُ قدْراً وحِلْما
وأعذُرُ كلّ خوّانٍ حسودٍ
يرى الإنجازَ إحراجاً وهضْما
يحيكون الدسائس لي وأمضي
مهيْباً في بلاط العِزّ شهْما
ويجتهدون في إطفاءِ شمسي
(ويأبى الله إلّا أنْ يُتِـــمَّ..)!🌹
#عبدالله_السعيدي...
...لله صبري فكم قد ذقتُ من ألمٍ
و كم تجرّعــــــتُ آلام القراباتِ
هم العقارب أبدت من عداوتها
سمومها واستفاقت في مناماتي
قد أظهروا لي عداءً بائناً وعَدوا
عليَّ عـــــــــدْوَ ذئابٍ بينَ غاباتِ
يكابدونَ بإخمادي، وكـــم فشلوا
وما دروا قدْرَ إصراري وصولاتي
لا بارك الله في قربٍ على مضضٍ
ولا بقربةِ أصحـــــابِ العـــداواتِ
#المقداد_الحسن...
...يا ﻏﺎﺋﺒﻴﻦَ ﻭﻓﻲ ﻗَﻠﺒِﻲ ﺃُﺷَﺎﻫﺪﻫﻢ
ﻭﻛﻠّﻤﺎ ﺍﻧﻔَﺼَﻠﻮﺍ ﻋﻦْ ﻧﺎﻇِﺮﻱ ﺍﺗّﺼَﻠﻮﺍ
ﻗﺪ ﺟﺪّﺩَ ﺍﻟﺒُﻌﺪُ ﻗُﺮْﺑﺎً ﻓﻲ ﺍﻟﻔُﺆﺍﺩ ﻟﻬﻢْ
ﺣﺘّﻰ ﻛﺄﻧﻬﻢُ ﻳﻮﻡَ ﺍﻟﻨّﻮﻯ ﻭﺻﻠـــوا...
درر
... ريت كلبي كلادة من واحد عزيز
وتلتف على عظام صدرك
ريت بس انة اشم شريان نحرك
...
من رفعت خبرني بموضوع بنت عمه انقهرت عليها وصدمني من كال ابوه يريده يتزوجها
درر'- شنووو
رفعت؛ لتخافين حليت الموضوع لتفكرين بيه أصلا
درر:؛ لعد ليش كلتلي
رفعت:؛ لأن سألتيني
درر": رفعت فهمني شنو معنى كلامك راح تعوفني وتتزوجها مو
رفعت ": لا والله حجيت وي أبوي وفهمته ولغى السالفة كلها
درر-: ولو اني كلبي ممرتاح أبد
رفعت ": هههه تغارين وتخافين أتزوج عليج
درر:؛ ترا انقهرت هي مو سالفة غيرة بس
رفعت": خلص انسي اليوم اجي اخطبج وادعي مناه لمن نتزوج
درر "؛ الله كريم كل شي كاتبه الله يصير تأخرت لازم اروح
رفعت"؛ أوك
بالمدرسة الجو كئيب وهادئ أستاذ ضياء بعده بالمستشفى وعنود ممداومه وسمعت من البنات على اساس محاولة تنتحر بس أهلها باخير لحظه ماخذيها للمستشفى الله يسامحها عالذنب الي سوته شكبره عند رب العالمين بس الظاهر عليها ضغوط نفسية تعبت ماكدرت تصبر
بالدرس الثالث اجانة أستاذ اللغة العربية عرض علينا نروح نزور أستاذ ضياء بالمستشفى اني ماكنت أريد أروح
- درر بابا انتي لازم تجين ويانة باجر لأن انتي من الطالبات المتميزات عند الأستاذ ضياء
درر:؛ أستاذ مااكدر
- لا بنتي تكدرين هي ساعه زمان اخذج واخذ البنات الي يريدون يروحون ونرجع عادي بمسؤؤليتي اني اخذكم
درر- أوك أستاذ
خلص الدوام واني تفكيري بزينب هاي بنت عم رفعت وجودها خوفني احسه تهديد لعلاقتي برفعت ومن غيرها عمي بس كون يوافق قبل لا يجي زيد وقبل لا يعرف رشيد حتى ماتصير مشاكل
رفعت واكفلي بالباب
درر: هلو
رفعت:؛ ياهلو شكو شبيج ضايجه
درر:: تعبانه
رفعت ": يلا تعالي اخذج للمطعم الي تحبيه
بالمطعم مااشتهي أكل لكمه
رفعت:؛ حبيبتي كافي تفكير ان شاء الله يوافق
درر:؛ ماتعرف عمي أنت أخاف ميوافق
رفعت ": عادي اجي مرة ومرتين وألف مناه لمن يوافق
درر:؛ يعمري راح اتعبك
رفعت"؛ تعبي كله انتي تستاهلينه
درر": العصر لا تجيب أهلك الا من اخابرك وانطيك خبر عمي موجود ماشي حبيبي
رفعت:؛ ماشي تدلل الحلوة مالتي
درر "؛ أريد اكولك شي قبل لا أنسى
رفعت": كولي
درر:؛ أستاذ ضياء سوى حادث
رفعت:؛ أي مات لو لا
درر"؛ اسم الله شبيك رفعت خطية هو الوحيد لامه لتكول هيج ماميت بس ايده ورجله مكسورة
رفعت:؛ واني شعليا شكو تكوليلي
درر:؛ باجر أروح أشوفه
رفعت:؛ لا والله شكو رايحه
درر:؛ مو بس اني كل الطالبات ترا عادي استاذنا ومامقصر وي اي طالبة
رفعت": ولو اني مااعرف ليش أكرهه ومااطيقه هالبشر هذا ماارتاحله
درر:؛ بالعكس خوش أستاذ
رفعت": مااريد اكولج روحي بس ادري تزعلين
درر": لا تحرجني
رفعت "؛ اوك تروحين بس بسرعه مو تبقين هناك ضحك وسوالف
درر'- صار
رجعت للبيت انتظرت عمي يجي حتى أخبر رفعت بس ماكو مااجه صارت دنيا ليل خابرت رفعت كلتله لاتجون بلكي باجر
مااعرف اليل شلون مر عليا بس افكر وكل شي احسبله الف حساب شوكت تخلص
نمت متأخرة
ثاني يوم كعدت لكيت عمي نايم عالقنفه مالت الصالة
درر"؛ عمو عمو كوم نام بغرفته ليش نايم هنا
نتر بيا وكام صعد لغرفته لكيت البيت كله وسخ الحمام والصالة بطل الخمر كاسره ومتبدي بالكاع متقيأ بالحمام هذا كله واني ما ادري نظفت بسرعه وعطرت البيت بس ريحته بعدها مو طيبة
داومت اعتيادي لكيت صايرة هوسة من تقربت شفت عنود لابسة كمامه وايديا الإثنين مضمدات الظاهر محاولة تكطع شرايينها سلمت عليها ماردت السلام شسويلها اخذنا درسين وتالي اخذونا للمستشفى مو كلنا بس هواي بنات راحن لأن أستاذ ضياء محبوب بالمدرسة
وصلنا للمستشفى طبعا المستشفى أهلية من شافو اعدادنا ماقبلو لأن حتصير ضجه بالمستشفى ونقلق المرضى المديرة من شافتنا تفاجأت كل المدرسة تقريبا جاية حتى العاملة اجت
قسم من البنات كعدوا بالكافتيريا المقابل المستشفى وقسم انتظروا بالصالة مو هواي كم وحده
المديرة كالتلي تعالي أنت ردت أدخل للغرفه الي بيها الأستاذ دفعتني عنود ودخلت قبلي
عنود- الحمد لله على سلامتك أستاذ
ضياء- الله يسلمج عنود ليش اجيتي مو انتي هم صحتج موتمام
عنود ": اجيتت أشوفك مشتاقتلك
اني واكفه اباوع على عنود ومصدومه لأن بس تبجي وكلما أريد اسلم عليه تقاطعني وانوب صوت بجيها مزعج لدرجه الدكتور اجه رزلنا وراح راد يطردنا الا شوية
ضياء- درر اكعدي ليش واكفه
درر:؛ الحمد لله على السلامه أستاذ ماتشوف شر
ضياء '- الله يسلمج
هو يحجي بلهفة وعيونه تلمع من نظراته خجلت عنود تحجي وياه وتبجي هو مامتنتبه عليها بس يباوعلي
ضياء-' درر شلونج
درر:؛ الحمد لله زينه
ابتسم وبقى مبتسم وفرحان أحيانا استغرب تصرفاته نظراته مامفهومه
الدكتور هههه كره عنود وكال إنتهت الزيارة موزين عالمريض هذا التوتر اني طلعت ووعنود بالكوة كامت
ضياء '- بس انتظري لحظه
عنود رجعت عبالها عليها بس طلع يريدني اني عنود من فشلتها خزرتني ومن رادت تطلع دفعتني بجسمها الحمد لله والشكر
بقيت بس اني يم الأستاذ
ضياء ': جيبي الكرسي وتعالي اكعدي قريب مني
انحرجت قربت الكرسي
ضياء:؛ مشتاقلج
كمت اكح حتى أغير الموضوع وبلكي نظراته شوي يصرفها عني
ضياء: اكولج مشتاقلج
درر:؛ تشتاقلك العافية
ضياء ": درر
درر؛؛ نعم أستاذ
ضياء ": أريد اعترفلج بشي
بقيت صافنه هو عيونه دمعت
ضياء": درر اني تعبت أول مرة بحياتي أمر بهيج حالة اتمنى تفهميني لأن اني ماجاي أفهم نفسي
اني ساكته هو دموعه بدأت تنزل عجيب!
وجهه صار أحمر نفسيته تعبانه يحجي متضايق
ضياء ": يمكن الله عاقبني بسبب ذنوبي لأن هواي كسرت قلوب بنات بعدهن بعمرج وأصغر منج كل وحده تعرفت عليها كانت بعمر الوردة منهن الي أهلها قتلوها ووحده جبروها تتزوج رجال كبير ومن غير زوجتي الي طلقتها بلا سبب بس لأني مليت منها حطمت ثقتها بنفسها وغيرهن هواي اني الله عاقبني بيج بكل نفس يصعد أفكر بيج لحد ماوصلت الموت بس انتي ببالي محتلة عقلي وقلبي ومخليتي كل شي بيا ماسيطرت على نفسي ولا على مشاعري
درر:: أستاذ ماجاي افهم شي منك ليش تبجي اني سويتلك شي وماادري بنفسي
ضياء ": درر احبج
انصدمت!! يحبني!؟؟ شلون؟
ضياء ': لاتنصدمين ولا تكولين اي شي إذا جان جوابج الرفض لحبي اترجاج درر لا اخذي وقتج فكري بأي وقت تردين اني موجود أسمع جوابج ومنتظرج اني متأكد راح توافقين
لزمت جنطتي ردت أطلع أعصابي متشنجه ماجاي استوعب شي انربط لساني مانطقت حرف
لزم أيدي وباسها
ضياء ": احبج
جريت أيدي وطلعت الكل سألني وين رايحه اني عفت كل شي وراي وماكلت راح أروح وحدي رجعت للبيت احس جسمي اشتعل نار من لزم ايدي بقيت ترجف إذا مدرس متعلم ودارس هيج يتصرف لعد شنو بقى للمراهقين اني ماجان ناقصني غيره حتى تكمل طبعا حقه رفعت مايرتاحله
...اللهُ يَعلَمُ أَنّي بَعـــــــــــدكُم قَلِقٌ
أَسُحُّ دمعًا على الخدَّينِ مِـــدرارا 🍁...
... يتبع
