#البارون
*********
...الى احدهم :
اعرف ان الفراق بات قريباً جداً
لا اعرف ماذا اصابنا قد كانت قلوبنا مليئة بالحب وقد تعاهدنا ان نحارب معاً الى آخر رمق ولكن فجأة وجدت نفسي احارب وحدي بحثت عنكَ ووجدتك انتَ والدنيا والظروف معاً ضدي !!
اعترف اني قد هُزمت رغم اني لا اؤمن بمقولة "الكثرةُ تغلب الشجاعة"...
...أستطيع نسيان كل شيء، عدا تلك الأشياء التي مسّت قلبي بضرر، أشعر بأني لازلت عالقًا في أثرها حتى مع مرور الأيام، نسيانها صعب، تخطيها أشبه بالمستحيل....
..."لن أنسى الأحداث والمواقف التي جبرتني على أن أعيش اليوم على غير طباعي اللينة، لن أنسى كيف تعلمت أن أقسو."...
..."الفراق الحقيقي بين المُحبّين لا يحدث في حين حدوث الخلاف، أو حتّى في الصمت الذي يليه.. بل عندما يصبح لكلٍ منهما حياةً كاملة، دون أن يعرف الآخر شيئًا عنها"...
درر
أعصابي تعبانه مابيا أفكر بشي والناس ماراحمتني بس يحجون عليا من خابرني راشد كان كل املي بهذا الإتصال رفعت راح ينقذني من كل هالتعب والمصايب
راشد- الو
درر-: ها خوية وين رفعت ليش مارد هو
راشد-: مايريد يخابرج
درر-: نايم مو لو تعبان وماكدر يحجي وياي موصحيح
راشد-: لا رفعت مايريدج اليوم رحتله وكال كوللها بعد كل شي بيناتنا إنتهى خلتنساني
درر-: لا شوف رفعت دايما يسوي بيا مقالب عادي بس انطيه الموبايل أريد احجي وياه حباب
راشد-: حاولي تستوعبين الولد وأهله مايريدوج هالمرة عدت سلامات ورفعت ماصار بيه شي بس هم بعد مايكدرون يخاطرون بحياة ابنهم وحتى رفعت يكول هيج أحسن شي تنسينه وتعيشين حياتج
درر-: واني شنو حياتي منيلي حياه حتى اعيشها خوية فدوة انت حاجيه والله ماعندي بس هو عمي تبرأ مني وين أروح كاعده ببيت الجيران اكوم واكعد يعيرون بيا شسوي وين أروح
راشد '- الله يكون بعونج بس رفعت راح يتزوج انسيه مثل ماهو نساج
درر-: اتوسلك بس خليه يحجي وياي أخير مرة بس أسمع صوته اريد اسمعها منه اريد استوعب معقولة بهالسهولة تخلى عني
راشد -: آسف
سد الخط بوجهي تعبت من البجي واللطم شسوي يا الله شسوي وين أروح
باليل سمعت صوت صراخ عمي !
هذا عمو اجه للبيت طلعت اركض أريد اشوفه لكيته بعتبه الباب يبجي على زيد وزيدان وياه عمي ضعفان
ردت احضنه دفعني
- كله مننننج
درر-: اني شنو ذنبي
- زيدددد ابني مات كداممم عيوني
صراخه يوجع الكلب زيدان يطرد بيا واني اتوسل بيهم
درر-: زيدان فدوة خليني أروح وياكم أخذني وين متروحون اخذوني حتلو خدامه أشتغل عدكم بس لا تعوفوني وحدي الناس ماراحمتني ابوس إيدك زيدان
زيدان-: وخررررري إنتي سبب موت زيد لو ماانتي جان هسة هو وياااانا الله لا يوفقج
درر-: والله ماسويت شي اخذوني وياكم وين عايفيني عمي أنت مو كل شي تعرف انت اتفقت وي الناس يجون بس
زيدان-: وخري منه
درر-: عمي لاتعوفني ليش محد يريدني ليش كلها تكرهني ليش كلكم تخليتوا عني
زيدان أخذ عمي بسيارته وراح توسلت بيهم وبجيت كمت أبوس بيد زيدان بس ياخذني وياه عافني وراح قفل البيت وكال راح يبيعه باجر الناس ينتقلون بيه علمود عمي مايجي للبيت وينقهر بقيت كاعده بعتبة الباب حقدت على نفسي وعلى حياتي اني ليش هيج حظي دخلت لبيت ام غيداء خليل طردني وتعارك هو وأيمن بقيت واكفه بالباب واسمع صياحهم وام غيداء تكول لايمن ختولي عليمن تتعاركون عليها إذا أهلها طردوها احنا ياهو مالتنا بيها وأيمن يكوللها خطية وين تروح مرت نص ساعة واني بالباب كاتلني البرد حافيه وبس بثوبي الأسود وشال غفيت على باب بيت عمي
أيمن-: خوية درر كومي
درر-: هاا
أيمن-: تعاي ببيتنا نامي وين نايمه بالشارع الخاطر الله اوف
من دخلت شافتني ام غيداء عصبية
أيمن-: يوم هاي درر اخذيها خلترتاح خطية وتنام
ام غيداء-: وين تنام فوك راسي بيتنا مثل القن مال الدجاج عايزة نفر زايد اني
أيمن-: يممه
درر-: بس هالفترة باجر استحملوني ان شاء الله اشوفلي مكان
ام غيداء-: اي من يبيض الديج صارلج شهور نايمه على كلبنا شوكت تفرج بلة
درر-: الله كريم مايضل حمل مطروح
دخلت لغرفه غيداء امها فرشلتي بطانية وكالتلي نامي بالكاع تخبث عليا حطيت راسي عالمخدة أفكر وين أروح لا اهل لا أخو لا سند ولا مستند فتحت فوني خابرت راشد حاظرني ودكيت على رقم رفعت هم حاظرني شفت بس رقم الأستاذ ضياء اني حاظرته شلت الحظر وأفكر اتصل بيه لو لا اليل كله سهرانه أفكر لحد ماصارت الصلاة صليت وخابرته
... ياطولَ شَوقِيَ إِن قالوا الرَحيلُ غَدا
لَا فَرَّقَ اللَهُ فيما بَينَنا أَبَدا
يامَن أُصافيهِ في قُربٍ وَفي بُعدٍ
وَمَن أُخالِصُهُ إِن غابَ أَو شَهِدا
لا يُبعِدِ اللَهُ شَخصاً لا أَرى أَنَسًا
وَلا تَطيبُ لِيَ الدُنيا إِذا بَعُدا...
..."لا تسخروا من أوجاع الآخرين، مهما كان ما يشعر به بنظرك سخيف فهو لا يملك نفس طبيعتك ولا فكرك ولا عواطفك، طريقة تعاطينا مع الأزمات والأوجاع تختلف من شخص لآخر، مايؤثر به بشدة قد لا يُحدث ذات التأثير فيك، الذي يبكيه ويجعله ممزقًا قد لا يحزنك، فدائمًا تعامل بجدية مع مايشعر به غيرك."...
..."لست ممَّن يحب الحزن على الإطلاق.. بل على العكس أملك روحًا تحب الضحك والمرح، لكن هناك أوقات تحدث فيها أمور تطفئ هذا الكون بأكمله في عيني."...
*********
ضياء
..."مَا ضرُكَ لو كُنت مَرهَمي يا مُرَّ هَمّي
فلتَقُل مَرّحباً أو مُرَّ حُباً وأحيِّيني"
حنايا قلبي...
...ولقد نويتُ الحُبَّ حينَ رَأيتُه
ولكلِّ قَلبٍ في المحبةِ ما نوى
أهواهُ عندَ القُربِ أو في بُعدِهِ
ما ضَلَّ قلبي في هواهُ وما غوى...
..."التقيتُ بكِ فتصالحت مع العالم وعفوّت عن الغائبين وعذرتُ كل أصدقائي الراحلين منذُ أن التقيتك وأنا أرى أن لا شيء يدعو للغضب إلا غيابك."...
حددنا موعد الخطوبة الكل فرحان إلا اني احسها خطوة فاشلة بس لأن أمي وخوالي ضغطوا عليا وافقت عنود دايما تحاول تتقرب مني بس اني مااحس اي شي تجاهها اما درر فخطوة خطوة وحركه حركه مراقبها أعرف كل شي عنها خسرت كل شي منتظرها ترجعلي لأن الكل تخلى عنها اريدها تجي وتشوف شلون خسرتني
الصبح يوم الخطوبة كنت سهران للصبح إتصال وي عنود ردت انام بس فوني دك
ضياء-" درر!؟
درر-: الو
ضياء-: الو شلونج
درر-: ممكن احجي وياك
ضياء-: اكيد شبيه صوتج بيج شي
درر-: اني موزينه
ضياء-: اكدر التقي بيج
درر-: انت كلتلي بكل وقت انتظرج بعدك تنتظرني مومثل الكل عفتني
ضياء-: مستحيللل اني وياج دايما بكل يوم ولحظه ماناسيج ولا راح انساج احبج
درر-: تحبني؟
ضياء-: ليش ممصدكه
درر-: مااصدك بأي بشر بس مجبورة اصدق بيك لأن ماعندي حل
ضياء-: إنتي بس ثقي بيا
أسعد يوم بحياتي وأخيرا كل شي خططتله صار بس مااكدر اجرحها واكولها اليوم خطوبتي عادي اهم شي مااخسرها مرة ثانية بالكوة حصلت على موافقتها مستحيل أضيع هاي الفرصة لأن بعد تخطيط حظيت بيها السعادة كانت ماواسعتني رحت اتناقش وي امي حتى نلغي الخطوبة
ام ضياء-: ماشاء الله فرحان عريسنا
ضياء-: يوم اريد احجي وياج بموضوع مهم
ام ضياء-: خير ان شاء الله كول امي شعندك
ضياء-: أريد الغي الخطوبة عادي خابريهم كوليلهم ماكو نصيب
ام ضياء-: شنو تضحك علياانت!!؟؟
ضياء-: اني كلت العندي وجهزي نفسج راح اخطب درر واتزوجها بأسرع وقت العاجبه عاجبه والي ماعاجبه هذا الموجود يلا أروح ماريد أحد يخربلي فرحتي عندي موعد مهم
عفت امي بحيرتها وعصبيتها وطلعت التقي بدرر
...يقول الحاجري :
وَلَمّا سَكنت القلبَ لم يبقَ مَوضِعٌ
بِجسمِيَ إِلّا وَدَّ لَو أَنَّه قَلبُ
أما الطغرائي فيقول :
تاللهِ ما قلبي بمُنفَرِدٍ
في الحبِّ ، كل جوارِحي قلبُ
ولآخر :
لَيْسَ الفؤادُ محلَّ شوقكَ وَحدَهُ
كُلُّ الجوارِحِ فِي هوَاك فُؤَادُ...
..."أُحَبكِ كيفما كُنتِ
أُحبُكِ أينَما أنتِ
فقلبي فيكِ مرتبطٌ
رباطَ الأرضِ بالنَبتِ
أحبُكِ في أحاديثي
أحبُكِ في صدى صَمتي
وفي شعري وقافيتي
وفي لحني وفي صَوتي
وإنْ لَم يَكفِني عُمري
أُحِبُكِ بَعدُ في مَوتي
فَما طابت نِساءُ الأرض
في عَيني إذا طِبتِ"...
..."يا فرحةَ القلبِ الصغيرِ تبسّمي
واهدي إليّ الوحيَ والإلهاما
ماذا تُسمّينَ الذي في داخلي
سِحراً يُذيبُ الروحَ أم أوهاما؟!
أنا مُذ عرفتُكِ والسرورُ يزورني
كالغيمِ ظلّلَ خاطري وأقاما
زيدي دلالكِ يا أميرةُ واغنجي
هذا فضاؤكِ فاملئيهِ غراما
ماجد عبدالله...
....يتبع
