#البارون ....
وأمد شعري على چتافك
أطرز سوالفي بعينك
واحچيها بدفو النيـَّة
تعال وگلبي إلك مِحتام
أغنيلك دفو النواب
من تصيدة ترچيـَّة .كۣۗہرآر آلَعۣۗہرآقۣۗہيۣۗہ🐆.ۦ𓆩“̯🤞😐“̯𓆪.tt
# البارت ٣٥
********
درر
اصريت على عمتي إنه أروح للدكتورة مرة مرتين بلكي اتعالج واحبل رحت للدكتورة ونفس الكلام انطتني علاج وماكو ماصار عندي حمل
رحت لغيرها كالت ماما إنتي نظيفه مابيج شي لاتلعبين بنفسج ولاتاخذين بهالادوية شلون ماكان شوي صار عندي تفاؤل وكل شهر اسوي تحليل حمل بيتي
إلى أن فقدت الأمل الظاهر رب العالمين مايريد يرزقني بهالنعمه
حمدت الله وشكرته على كل حال
بس رفعت كال أريد أطفال اني عليمن اكد واتعب واشتغل
عمتي بجانبي ماتريده يتزوج وحتى عمي كال ماتدخل للبيت بنت غريبة مانعرف شبيها مابيها وتزعج درر
يعني يفكرون بيا أكثر مايفكرون برفعت
بس بقت السالفه معلقه براس رفعت
بيوم اجاني كال معزومين على عرس الدكتور محمد
رحت وياه وهناك انصدمت بالعروس
لأنها كانت مرام!!!
كنت معتقدة بعد مرور سنتين انطوت صفحه الماضي وانتهت بكل مابيها من زين او شين تقريباً نسيت حياتي القديمه وتأقلمت بالعيش مع أهل رفعت ناس عدهم أصول وشما اكول بحقهم أكون مقصرة احتووني مثل بنتهم وماتخلوني عني ومايوم سمعوني كلام موزين أو يجرح على عكس الي مني وبيا
مرت سنتين واني كل ظني بعد مااعرف اي معلومه عن بيت عمي او عن أي شخص من الماضي
بس فجأة وبدون مقدمات أشوف كل الناس الي اختفوا أو هربت منهم بحياتي
كلهم صاروا كدامي
مااريد أعيش الي عشته ومااريد اي شي يذكرني بيه
كلش كافي العذاب والألم الي دمر حياتي
شفت ضياء وعنود أهلها وام ضياء وزيدان وترانيم وعمي
الكل معزوم بهذا العرس
القاعه كانت مختلطه
رفعت نفس صدمتي بس هو كان يعرف بس ضياء وزيدان مايعرف الباقين
الكل كاعد على أعصابه محد نطق بكلمه وماسلمت على أحد
زيدان صاير عنده ولد يخبل عيونه خضر شكد تمنيت احضنه وابوسه ترانيم سلمت عليا عمي كان مقعد ومشلول مايحجي سلمت عليه بست ايده وراسه والظاهر هو مايشوف وماعرفني
زيدان حاقد عليا أخذ عائلته وراح تعارك وي ترانيم لأن رادت تبقى وي أختها
ام ترانيم سلمت عليا وسالتني عن حياتي
ضياء ماشال عينه مني والي فهمته متزوج عنود
مااكدر اوصف صدمه عنود من شافتني الحقد الي بعيونها نفسه هو وزايد بعد أكثر من شافت ضياء يباوعلي لزمته من أيده ههه عبالك راح ينهزم منها
الكل بعيونهم حجي وكل الحجي مسموع ومفهوم نظرات حقد ونظرات عتاب واشتياق بس الكل ملتزم الصمت والهدوء لأن المكان والزمان فرض عليهم احس رفعت كاعد على أعصابه وبينه وبين ضياء بس المخازر من أول مادخلنا عنود تحجي وي زوجها تكوله خلي نروح مايقبل
رفعت مااتحمل نظرات ضياء لزمني من أيدي وطلعنا
ضياء اجه ورانا بالشارع
ضياء-: درر بس لحظه
كنت لازمه كلبي بيدي بأي لحظه رفعت ينفجر ويتهور وتصير مشكلة كبيرة
رفعت-: لاتجييييب إسمها على لسانك
ضياء-: ههه شوف منو يحجي وخر من طريقي أريد احجي وياها
درر-: رفعت عوفها خلنروح الله يخليك
ضياء-: درر بس اسمعيني ليش باقية وي هذا ليش عفتيني
رفعت مااستحمل ضربه بالشارع وبقوا يتضاربون
اني صرخت طلعت عنود وأمها وكامن يغلطن عليا ويفشرن كدام الزلم حتى على رفعت غلطن
أخير شي رفعت جرني وردنا نروح وضياء هم راح لسيارته بس ماكان ناوي على خير طلع مسدس من سيارته واجه يقتل رفعت
اني مامستوعبه إنه اكو مدرس أجيال يكون بهالتهور هذا إذا هو هيج تصرفاته وتسرعه شنو راح تستفاد منه الطلبة بشنو حيكون قدوتهم ضياء كان من أكثر الشخصيات الغريبة إلي مرت بحياتي شخصيته أبد مامفهومه ردات فعله مامتوقعه مثل الإنسان المريض إنسان مهووس ويمشي ورى سراب راح يدمره شكد مايتققدم بيا العمر أبقى مامستوعبه هيج شخصيه بعمره وعنده قدرة أنه ينافس ولد شاب صغير علمود طالبة عنده وأصغر منه بهواي شنو الدافع ليش مايفكر بكرامته بشخصيته بسمعته الي تشوهت بهاي تصرفاته
يمكن لو كان شخص مراهق ماكنت انصدمت
بس صدمتي أنه كان مدرس يدرسني شلون كدر يسوي كل هذا وبعده مستعد يقتل ويتسبب بالقتل علمود شنو علمود حب
ياحب اني طالبته وهو استغل شغله واستغلني ماكو حب هيج هذا أنانية ومرض نفسي يخلي الإنسان مايراجع تصرفاته ولايفكر شنو سوى
همه الوحيد يحصل الي يريده بأي ثمن ومهما كان
بأخير لحظه كدروا الناس يلزموه ويأخذون منه المسدس أصلا هو يخاف لازم المسدس ويرجف رفعت استفزه بكلامه
تالي ام عنود طردتنه وبقت تدعي علينا
رفعت-: ها شفتيييه ارتاحيتي مو
طول الطريق بقى يكفخ بيا
درر-: اني شعلييا شعليا
رفعت-: بس خلنرجع للبيت اني أعرف شلون اربيج
درر-: أنت شبيك شسويت اني هو الي حجى وياية
ضربني على حلكي
رفعت-: فوكاها ترادديني مااشي اني الج
درر-: حلكي كله دم كافي لتضربني اني شنو ذنبي
وصلنا للبيت فتح باب السيارة ماقبلت انزل لأن شي أكيد راح يكتلني
رفعت-: انزليي
درر-: ماانزل
رفعت-: انزلييي لاتخليني اصيح واعلي صوتي مناه الناس
درر-: رفعت الله عليك لا تضربني
رفعت -: دتعاي
سحلني بالقوة
درر-" رفعت عوفني والله مامسوية شي شبيك ماتفهم أنت
دخلنا للبيت مثل العاصفه اني ابجي وهو يصيح عليا
عمتي تكول شكو شصاير
فلتت من ايده وصرت ورى عمتي كدر يجرني من شالي
درر-: عمه فدوة حاجيه والله مامسوية شي
ام رفعت-: عوفها رفعت شتريد منها
عمتي ماكدرت تحميني منه عمي يحجي وياه وهو الغضب عاميه هالة تباوع حاطه ايدها على حلكها وتضحك بالكوة كاتمه ضحكتها
اني ختلت بسد عمي رفعت بعد ماكدر يسوي شي عافني وراح للغرفه
بقيت يم عمتي هدأت شوي
بنص اليل صاحني خفت عمتي كالت روحي
درر-: عمه أخاف يكتلني
ام رفعت-: لا إبني واعرفه بسرعه يهدأ ولا كأنما صاير شي
درر-: مااروح
عمتي كالت لهالة كوليله درر تنام يمنا
الخبيثة راحت زودت كلام من عدها وخلته يصير عصبي
رفعت-: مو اصيحلج ليش ماتجييين
ام رفعت-: يمه علة كيفك هسة تجيك
درر-: عمه أخاف
ام رفعت-: امشي روحي وي رجلج
درر-: كوليله لا يضربني
ام رفعت-: عليك الله لا تحاجيها ولا تجيسها حلفتك
رحت لغرفتي بدلت مسحت المكياج
نمت عالجرباية بس دايرة ظهري عليه وغطيت حتى راسي بالبطانية
رفعت-: تدرين السبب إلي مخليج لحد الان على ذمتي شنو
درر-: شنو
رفعت-: ضميري لأن مااكدر اعوفج حايرة وين تعيشين تبقين أول وتالي البنت إلي حبيتها من كل كلبي بس صدكيني مو حبي الج الي شفعلج وخلاني صابر عليج ومااطلكج لا أبد السبب لانج يتيمه شفقت عليج إذا طلكتج وين تروحين كلها تخلت عنج رجولتي ماسمحتلي اخلي مرة محتاجه مساعده ومااساعدها ههه ومو أي مرة
درر-: تدري لو عندي أهل اني تركتك لأن ماكو وحده تبقى عايشة وي شخص يشك بيها ويتهمها بخيانه ماصايرة
رفعت-؛ من وراج صرت إنسان ميت إحساس ماعندي رجال غيري ويعرف مرته خاينه أو عدها علاقه سابقه من زمان طلكها بس اني دست على كرامتي وسكتت
درر-؛ إلى متى حتبقى عايش على اتهامي راح تدمرني وتدمر نفسك حتى علاقتنا تدمرت
رفعت-: إنتي السبب حتى أبسط حقوقي ماحصلتها منج
درر-: شنو قصدك
رفعت-: لحد الان ماعندي أطفال والسبب منج مو مني أمي كالتلي
درر-: هذا أمر مابيدي شي
رفعت -؛ والله حلل الزواج الثاني ومن أهم أسبابه الذرية
درر-: تريد تتزوج عليّ
رفعت-: هذا حقي من حقي يكون عندي أطفال واني شاب بعدني تريدني أنتظر تصير معجزة حتى تحبلين
درر-: ماتوقعت يجي يوم وتكولي راح أتزوج عليج
رفعت-: ولا اني توقعت يجي يوم تخونيني
درر-: أبقى عايش بالكذبة هاي لحد ماتخسرني وتخسر كل شي
رفعت-: ماراح اخسر إنتي راح تخسريني حتى تعرفين غلط خيانتج إلي وتحسين بحجم الخطأ السويتيه بحقي وبحق نفسج
درر-: رفعت تعبت منك بعد مااتحمل كافي الله يخليك لاتضغط عليا متت من الاتهامات الباطلة
رفعت-: اني تعبت من وجودج بحياتي ومليت
درر-: أوك اني راح اخلصك من هالهم
...يتبع
