#البارون
كِل رسالة التكتب إسمي تنده إسمَك
بَس تريد تموت يَمك
ياحبيبي الدنيا مَشتولة عَليك
وروحي هايَّ مفرفحة تسولف بديك
گلبي مَذموم إعلة ناسَك
وإنتَ كُلشي البية بيك
يا حَبيبي عيوني ما تهوى الدَمع
تهواك إنتَ ..
ويَّ كُل گطرة ندة تطيح اعلة وردة
الگاگ إنتَ ..
********* كۣۗہرآر آلَعۣۗہرآقۣۗہيۣۗہ🐆.ۦ𓆩“̯🤞😐“̯𓆪.tt
أيّها القدر المكتوب رفقاً بقلب متعب أنهكه التّمني وأتعبه الانتظار.
مرام
من رحت لضياء للمطعم صدمني بحبه لطالبة عنده كنت متأملة يحبني أو عالاقل معجب بيا صار عندي إحباط يمكن لأن حبيته بسرعه شفت بيه الشخص المناسب إلي خابرني ماجاوبت دزلي مسج استحيت منه عباله استحقرته لأن يحب طالبة ماكدرت اجاوبه لأن بعدني مقهورة مامستوعبه عبالي محد بحياته خيبة أمل من دخلت للبيت شافتني زوجه أبوي ضايجه هي تحس بيا أكثر من امي دكت باب غرفتي ودخلت
- شبيج مريومه حبيبي اصبلج أكل جوعانه
= لاشكراً بس تعبانه أريد أنام
- أكيد؟
= أي
- أوك عمري براحتج بس خلي ببالج بأي وقت تردين تعالي نسولف عندي كومه أريد اسولفلج عليهن
= أوك
نمت بلكي أنسى الصار وياريت أنسى ضياء
*********
درر
خلص الدوام أول مطلعت شفت رفعت وبنفس الوقت سيارة زيدان طبكت بباب المدرسة بنظرات كدرت افهمه يروح
زيدان ": يلا
درر": ها أي
بقيت اباوع لرفعت اريد اروحله أوف شصاير بيه نحلان كلش وجهه اصفر وعيونه ذبلانه لو بس اكدر احجي وياه شوي عالاقل
زيدان ": شبيج صافنه
درر :: مابيا شي
زيدان ": اصعدي يلا
كعدت بالصدر مختنكه بالكوة حابسة دموعي من مراية السيارة اباوع لرفعت بعده مرايح واكف بعيد شوكت أرتاح
زيدان وصلني لباب البيت وراح اجاه إتصال محد موجود غسلت وتغديت اريد موبايل كلهم عدهم موبايلات وزيد كل ماينزل موبايل جديد يشتري زيدان إذا اطلب منه شيء أكيد راح يرفض ويتعارك وياي حضرت واجباتي بالكوة بالي يم رفعت انوب الشوك موتني باليل سمعت حركه يمكن واحد من الولد اجوي باوعت من فتحه الباب لكيته زيد وياه عمي سكران كالعادة لبست شال وطلعت
درر"" شبيه عمي
زيد"" شوفه عينج راح أخذه لغرفته
درر": لحظه أساعدك
نيمناه بغرفته نزعت جواريب عمي وغطيته
زيد": شلونج درر
درر": زينه
زيد": ليش متغيرة
درر": شلون يعني
زيد ": شكلج تعبان
درر": من الدراسة والامتحانات متعبه زيد اريد منك شغلة
زيد": عيوني الج تدللين
درر": اريد موبايل عادي اي موبايل حتلو نص عمر وحتلو مستعمل كل شي الجان
زيد": أحسن موبايل انطيج بس شسوين بيه موبايلج وين
درر:: انكسر واني عندي إمتحانات أغلب الدروس جنت ممداومه
انطاني جهاز بباكيته شكد استحيت
درر": شكرا زيد بس هذا جديد شكد.سعره خاف مالتك يعني ما ادري شلون
زيد ": هههه شبيج كمتي تسطرين حجي
درر": يعني ردت موبايل مستعمل خرابة
زيد": لا هذا الج حقج إنتي
درر": مو أخاف تحتاجه
زيد ": لا عندي كومه
درر"؛ أي من ذني الكومه انطيني واحد مستعمل وكون ماترجع تاخذه مني
زيد": هههه والله يادرر ولا تتغيرين إنتي
درر": بس انت تغيرت هواي
زيد": الضروف تغيرنا
درر": هسة شكد انطيك فلوس
زيد": فلوس شنو
درر": فلوس الموبايل
زيد:: هاي شبيج هو انتي منيلج منو يعرف شتاكلين شتشربين مصرف ماعندج انوب اخذ منج
درر": ان شاء الله انجح واحصل شهادة أشتغل واصرف على نفسي ومااحتاج لأحد
زيد": أي ومامفكرة تتزوجين
درر": لا
أخذت الموبايل ورحت لغرفتي همزين جديد الموبايل ولا مستعمل ركبت السيمكارت وفعلت النت سويته صامت حتى زيدان مايعرف بس شلون إذا زيد كاله لا مايكوله هم وين واحد شايف الثاني دزيت رسالة لرفعت
": ها حبيبي شلونك ":
بسرعه دك عليا
رفعت:؛ لج درر وينج ليش ممداومه
جان متلهف وعصبي بنفس الوقت
درر:: بس اهدأ راح افهمك وضعي موبايلي كسرته وماكدرت اخابرك لأن زيدان عرف عندي علاقه بس ماعرف أنت حبيبي
رفعت:: شسوالج خوما اذاج كال لعمج
درر": بس علة كيفك والله خاتلة بالزوية واحجي وياك أخاف أحد يسمعني
رفعت": لعد خلنحجي محادثة مااريد اسببلج مشاكل ولتخاطرين بأي شي حبيبي فدوة لعيونج
درر": أوك
سديت الخط وضلينا نتراسل
درر": من عرف ضربني وقفل عليا الغرفه وكالي ممنوعه حتى من المدرسة
رفعت:: لعد شلون قبل تداومين اليوم
درر": كل شي بشروط توسلت الا خلاني اداوم وهو يوصلني
رفعت": تاذيتي حبيبتي
درر": أي كلش وعبالي انت عفتني ونسيتني
رفعت": شنساج اني كل تعبي علموج
درر": مشتاقتلك اني كلش بحاجتك رفعت وآلله
رفعت ": هانت حبيبتي مابقى شي بس كوليلي إذا موبايلج انكسر هذا منين
درر ": من زيد
رفعت ": الغي كل البرامج مسيحها والسيمكارت طلعيه بسرعه
درر":ليش
رفعت؛ لأن إبن عمج حيشوف الواتساب والتلكرام نشط عنده ويجي يسالج
درر:: صحيح بس منين احاجيك
رفعت": راح انطيج حسابي الواتساب غير هذا ابد مامستخدمه وبس هذا إني وياج نحجي بيه لاتنطيه لأحد ماشي
درر": ماشي
بعد ماثبتت البرامج رجعت مسحتهن وفرمتت الجهاز من المحادثات قبل لا افرمت الجهاز رفعت انطاني رقمه سجلته بورقه هو والرمز ثبتت الواتساب وراسلت رفعت
درر": اريد أشوفك
رفعت:؛ وابن عمج ؟
درر": أوف
رفعت": اني بديت بشغلة جديدة وفلوسها خير من الله وان شاء الله خلال شهر أقل اجي اخطبج
درر:: منو كال عمي يوافق اي واحد يتقدملي يرفضوه
رفعت:: لعد شلون إلى متى إحنا هيج اني اريدج مااريد كل يوم واحد كاشفج وياذيج بضرب واهانات ليش محد يفهم اني وإنتي نريد بعض نريد نتزوج مانريد علاقه وبس
درر": اني غيرك مااتزوج لو أعرف اموت واكتل روحي هسة .ولا أتزوج غيرك
رفعت:: نجبي تكتل روحها هي
درر"؛ أي لعد شعبالك
رفعت": نجبي عفتج ٣أيام بس شبسرعه صرتي كتالة
درر": هههه اشتاقيت لسوالفك ولعركاتنا
رفعت ": اشتاقيت لطلعاتنا سوى كل يوم
درر": أريدك توعدني وعد
رفعت ": شنو؟
درر:؛ توعدني تتزوجني مهما يكون ومهما يصير ويانا من مشاكل ماتعوفني
رفعت:؛ ان شاء الله
درر": ماراح توعدني بس اني أوعدك بس انت رجالي وماراح أتزوج غيرك حتلو ماتريدني وحتلو افرض نفسي عليك مستعدة كل شي أسوي علمودك حتى اتوسل بيك
رفعت": كلبتيها دراما أكشن شنو هذا الحجي انجبي
درر؛، مانعرف شيصير ويانا شنو راح نواجه من تحديات ومشاكل
رفعت": هي ماطول انكشفتي وحصلتي كتلة مبينه راح تنلاص
درر": أي أي عفية اتشائم صارلي ساعه اكولك أبقى وياك ومااعوفك وانت تكول تنلاص
رفعت:؛ شوية غزل يمعودة
درر": ياغزل ماتتغزل لعد منو لازمك
رفعت:؛ صدك عود انتي ليش حلوة حتى من دكوج وتزوركتي بعدج حلوة
درر"؛ جاي تتشمت بيا حضرتك
رفعت"؛ نكدي نكدي مو كلتي غزل مو جاي نتغزل
درر؛، أحبك
رفعت؛، أموت عليج
درر "؛ يعني معقولة بعد مانلتقي
رفعت:؛ أريد اشوفج ترا نوم منايم مثل الاوادم
درر:؛ على اساس اني عيوني راحت
رفعت:؛ باجر اجيج
درر:؛ لا فدوة رفعت استر عليا
رفعت:؛ اجيج بالمدرسة
درر:؛ شلون؟
رفعت؛؛ مو اكو ورى مدرستكم حديقه محد يدخللها قليل
درر:؛ أي صحيح بس لاتسويها وتجي مسيجه والحارس انوب يشوفك ويسويلك مشكلة
رفعت:؛ الحارس اني أعرف شسويله
ضلينا للصبح ساعه نتعارك وساعه نتغازل ماحسينا بالوقت أبد ثاني يوم وصلني زيدان للمدرسة مع تحذيرات صارمه أول درسين خلصن منتظرة رفعت كال بحدود الدرس الثالث علمود الفرصة ياربي أخاف يشوفونه ضليت واكفه بالحديقه محد شافني لأن الحديقه تقريباً مهجورة محد مهتم بيها كلها حايرة بالامتحانات والعاملة مرة جبيرة وماخذة إجازة مرضية فجأة بدون مقدمات ايد صارت على حلكي فكيت عيوني
رفعت:؛ اش اني رفعت
درر:؛ رفعت
حضنته وكمت ابجي كلبي محترك من كد مامشتاقتله
رفعت:؛ لج على كيفج صوتج لايسمعونا
درر:؛ ليش ماتحس بيا مشتاقتلك والله واريدك أفهم
رفعت:؛ لعد اني مارايدج
درر:؛ شبيها ايدك تنزف
رفعت:؛ من السياج عادي
درر:؛ الله ياخذني حتى ترتاح
رفعت:؛ أستغفر الله
درر": لاتروح خليك
بقيت حاضنته وابجي
*********
زيدان
؛؛ ترانيم عندي ضروف ليش متفهمين
ترانيم:؛ شنو ضروفك بس كولي خالي انطاك شغل تحلم تحصل مثله
زيدان:؛ حبيبتي افهميني إني مشكلتي مو بالفلوس ولا الشغل مو بحاجه لهاي الأمور صدكيني واني سبق ووعدتج كلتلج نتزوج بعد ما كل أموري العائلية تنحل
ترانيم؛، شوكت تنحل زيدان
زيدان:؛ مااكدر اتزوجج واخليج تعيشين وأي أهلي ولا اكدر اعوفهم
ترانيم:؛ وتاليها شلون يعني نبقى هيج إحنا بابا كل مرة يسألني عن سبب رفضي لأحسن الشباب واكوله أريد أكمل دراستي وبنفس الوقت مالي واهس ادرس مستواي منخفض أمي بدأت تشك بيا
زيدان:؛ شسوي كوليلي ماااتزوج الا لمن يصير عندي بيت وحدي وأهلي مستقرين بلا مشاكل وغير هيج مااكدر اوعدج بشيء
ترانيم:؛ اني تعبت والله وبعد مااكدر اكذب على امي أكثر من هيج
زيدان:؛ اصبري بس هالفترة
ترانيم:؛ مااكدر افهمني طلعتي صعبة وياك بالكوات امي تخليني اطلع وتبقى تحقق وياي
زيدان:؛ أوك حبيبتي ان شاء الله أتصرف بس لتشغلين بالج
ترانيم:؛ وبعد مشكلة شلون بابا يقتنع بزواجنا مااعرف يوافق أو لا
زيدان:؛ يوافق ليش ميوافق
ترانيم:، مااريده يعرف بعلاقتنا
زيدان:؛ افاتح خوالج بالموضوع لأن هم يعرفوني وراح يقنعونه
ترانيم:؛آمين يارب
زيدان:؛ بس لتتوترين كل مشكلة إلها حل لتكبرين الموضوع واليوم احجي وي والدي
ترانيم:؛ شراح تكوله
زيدان :؛ بصراحه فكرت بكلامج وشفت المفروض أفكر بمستقبلي لأن أهلي مشكلتهم ووضعهم ما اله اي حل وياما حجيت وي أبوي بس ماكو فايدة رشيد مستقبله مجهول وزيد الله أعلم ويامن يطلع ويامن يروح أبوي مايجي للبيت الا صدف ولا عبالك ابو البيت وبنت عمي ضحيه ميؤؤس من وضعهم وإذا أحاول اصلح شي فمراح اكدر اسوي اي شي
ترانيم:؛ حبيبي اني ماقصدي احبطك بس هذا واقع حال كل شخص حاير بمستقبله اخوتك وابوك عدهم عقل ويعرفون الصح من الغلط وإذا يريدون يعيشون مرتاحين فكل شي متوفرلهم مال وبيت وشغل بس هم ماحابين يغيرون أنفسهم فأنت شلون تكدر تصلح احوالهم وإذا حاولت راح تتعب وتضيع وقتك والله سبحانه وتعالى " إن الله لايغير مابقوم حتى يغيروا ما بأنفسهم " صدق الله العلي العظيم
زيدان "؛ أوف ودرر منو يبقالها
ترانيم "؛ الله موجود
زيدان "؛ ونعم بالله الكريم يلا نروح لا تتاخرين وامج تتعارك وياج
ترانيم:؛ أوك
وصلتها ورحت لشغلي أفكر بكلامها خابرت زيد
زيدان = الو
محد رد أصوات غريبة رد عليا ولد
- الو منو
= أنت المنو زيد وين
- زيد نايم
= وين؟ بيا مكان أنتم
- اكولك بلة طلعت شرطي وانوب تسجنا
ماتفاجأت شيء أكيد بمكان موزين كعادته
= شوف من يكعد زيد خلي يحاجيني
اني فاقد الأمل من إخوتي خابرت رشيد لازم احجي وياهم اكوللهم بقراري أول وتالي هم أهلي رشيد ماجاوب صارله بالشهر ماجاي للبيت مناه لليل أبوي اجه جنت منتظره
زيدان " درر حضري العشا وخلنتعشى كلنا سوى
درر:؛ صار
كانت أخير جمعه النا جمعت أهلي خابرت زيد ورشيد وهم اجو
تعشينا وخلصنا الكل مستغرب صارسنين إحنا مكاعدين على سفرة وحده ولا مجتمعين مثل أي عائلة
زيدان": يابة اليوم اني جمعتكم علمود قرار اتخذته
- خير قرار شنو
زيدان:؛ يابة أريد أتزوج أنت كأي أب امنيتك تشوف ولدك متزوجين ومستقرين وإحنا كبرنا إلى متى نبقى متهجولين ومحد يدري بالثاني
- شنو تريدني ادورلك مرة يعني
زيدان "؛ لا يابة اني أحب بنية وعندي علاقة وياها من فترة أحبها وتحبني ومتفقين على زواج
- خوش بنية لو مثل صاحبات رشيد وربعه
رشيد ": يااابة خرب أكفر هسة
زيدان ": رشيد أهدأ بابا جاي يسأل لاتنفعل رجاءا خلينا نتفاهم
رشيد": من شوكت جايبلك بنية موزينه وكايلك اخطبها إلي خلصت عمرك كله حارمني من كل شي حتى البنية الحببتها أكثر من روحي انحرمت منها بسببك أنت وابنك
- رجعنا لعقدتك من جديد قحط نسوان اي وحده بس اشر عليها واني اخطبها الك من شنو حارمكم اني خلصت عمري كله اشتغل ليل ونهار بس علمود اامنلكم عيشة زينه يتحلم بيها اي شاب سيارات أرقى سيارات فلوس وشغل وبيت كل شي
رشيد ": هههه سيارات وفلوس أنت جاي تضحك على نفسك
زيدان ": يمعودين خلينا نرجع لموضوعنا الأساسي
رشيد ركع الباب وطلع
زيدان:؛ راح بعد مايلفي عالبيت
- للجهنم عسى مايرجع من طفولته شالع كلبي
زيدان":؛ يابة علة كيفك وياه
زيد:؛ إذا يحب حبيبته الماتت ليش يريد يتزوج درر
زيدان ": سد الموضوع مو وقته
زيد"؛ لا وقته يابة لو درر لو مااتزوج وشوفلك حل وي رشيد اني أعرفه يسوي هيج بس علمود يحرك كلبي يريد يحرمني من درر بس لأن هو انحرم من حبيبته
درر"؛ من رخصتكم
زيدان:؛ صدك جذب ساعه وحده ماكدرتوا تنجمعون بلا مشاكل شني سالفتكم درر اكعدي وزيد سد الموضوع حاليا جاي نحجي بموضوع زواجي رجاءا لاتخربون فرحتي
- شنو محتاج فلوس عندك
زيدان:؛ الشغلة مو شغلة فلوس اني الله رازقني وهسة اجاني شغل زين ومحترم والربح بيه ممتاز
- وين الشغل هذا
زيدان:؛ بالسليمانية
- بعيد ليش ماتبقى هنا شبيه شغلك ليش تروح هناك وتتبهذل بالمسافات
زيدان:؛ يابة أريد أستقر واتزوج هناك ماراح أواجه مشكلة بالبعد بس محتاج رضاك عليا
- وين رايح وعايفني
درر:؛ زيدان السليمانية بعيدة علينا يعني ماراح تتزوج هنا ليش منو يبقالنا
زيدان ": اني آسف بس أريد أعيش حياتي وأشوف مستقبلي أنتم كل شخص بيكم عنده مشكلة وعقدة أكبر من اللاخ خلال٥ دقايق بنقاش بسيط كل واحد راد يعوف المكان ويمشي محد طايق الثاني حاولت احل جزء من مشاكل البيت حاولت لو بس شخص واحد منكم احل مشكلته بس ماكدرت عجزت
درر - من تتزوج ان شاء الله يتغير كل شي اتفاءل لخاطرنا
زيدان": لو يتغير شي جان من زمان مو من أتزوج
- من تتزوج وين تعيش
زيدان": اني من زمان أشتغل وعندي فلوس بالبنك راح أشتري بيت هناك صديقي ساعدني
درر": بيتنا كبير ليش ماتتزوج هنا
زيدان ": يصير العرس هنا ان شاء الله وبعدين نروح نستقر هناك ببيتنا
درر"؛ ليش زيدان
- يعني انت مقرر كل شي على شنو جامعنا مختار البنية ومخطط لحياتك كلها وحتى بدون ماتاخذ رايي عفية عليك زيدان
زيدان ' يابة شتريدني أسوي مثلا اكعد وأسكت
درر:؛ زيدان والله هذا قرارك مامتوقعينه قرار مفاجىء
زيدان ": كلت العندي يابة أريدك هالاسبوع تخطبها الي من أبوها واريدك تلزم أعصابك لأن هو شوي معقد ومتعصب بس اني أعرف خوالها وهم راح يقنعونه
- شنو بقى بعد حتى خوالها هم راح يخطبوها الك من أبوها اني ما الي اي دور بس بالاسم أبوك شنو مستحي مني كول ماعندي مانع أخوك الكبير يزمخ ويصيح عليا عبالك كدامه جاهل وانت كل شي تسوي بلا علمي وكلكم ماحاسبيلي حساب هذا تالي التعب مع الأسف عليكم
زيدان": حشاك يابة بس اني أريدك تفتخر بيا مااريد أكون عالة عليك واتعبك بطلباتي اني كبرت مو صغير انت إلى متى تبقى دايملي
-بكيفك بابا سوي اليعجبك اني كبرت رجال مخرف ٢٤ساعه سكران مايعرف الصح من الغلط شتريد تسوي سوي
زيدان ": يابة اني قصدي افرحك كل ظني من تسمع بقراري تفرح وتفتخر بيا يابة صارلنا هواي مانعرف شنو فرح عالاقل خليك راضي عني
- اني راضي عليك لتخاف ومااكدر اعارضك بشي أنت مخطط مستقبلك مو اني اجي واخرب عليك كل شي والبنية من نصيبك واي شي تحتاجه اني موجود
بست رأسه وايده
زيدان:؛ أريدك سالم ومرتاح
أهم شي أبوي اقتنع خابرت ترانيم
زيدان:: هلو عمري
ترانيم: هلو حبيبي شلونك
زيدان ": محضرلج مفاجأة
ترانيم:؛شنو؟
زيدان:: حلمج راح احققه وأخيرا اليوم فاتحت أبوي بالموضوع وكلهم تقريبا اقتنعوا حضري نفسج حياتي
ترانيم ": الله عليك زيدان والله إذا تكذب عليا ازعل عليك
زيدان "؛ لج عليمن اكذب عليج
ترانيم ": صدك زيدان
زيدان:؛ هههه والله هاي شبيج شنو معندج ثقة بيا
ترانيم ": لك أحبك أحبك
زيدان:؛ عمري انتي هسة شنو بقى بس ابوج
ترانيم:: أي بس بابا
زيدان:؛ يوافق لتخافين
ترانيم:؛ خايفه
... يتبع
