#البارون
*********
...
نحن ناس تعساء لا نملك من الحظ الوفير كثيرا ولامن الفرص المتاحه الا قليلا فلا نقنع نفسنا بفرصة ثانية الفرصة تأتي مرة واحده فقط فأقتل الجميع في سبيل استغلالها جيدا وقبل كل شي ارتكب جريمه قتل نفسك قبل البدء بأي شيء...
...لم يكن حباً كان انتقاماً جهنمياً قضى عليّ...
... ضائعٌ إني بكِ وإنتي في ضياعي تمرحين...
ضياء
بعد إلي صار بالمدرسة امي خابرت صديقي واخذني للبيت أرتاح واهدأ بس أعصابي منهارة
- اهدأ شبيك يمعود صحتك موتمام شلون تروح للمدرسة بهذا وضعك
ضياء- عوفني وروح
- مااروح ضياء اكعد خلنتفاهم وكل شي اله حل
انطاني حبوب مهدأة شوي استرخيت
- كل شي توقعت بس ماتوقعت تحب طالبة وحتى مو ذاك الجمال
ضياء- لا تنرفزني إذا شي مافاهمين بيه شي الأفضل ماتحجون محد جاي يفهمني ولا بشر لا ام ولاصديق وحتى الإنسانه الحبيتها شبيييكم
- اني آسف بس جاي أحاول افهمك واتفهمك لأن بصراحه المشكلة الصارت اليوم ماجاي استوعبها
ضياء- ليش الكل مصمم يطلعني غلطان وكأنما مرتكب جريمه كل القصه ومابيها حبيت وإذا كانت طالبة عندي وشنو الصار
- ماصار شي بس انت ماجاي تفهم المشاكل والكلام إلي راح تجيك والكل راح يكول عنك انك انسان استغلالي متهور استغليت شغلك لرغباتك
ضياء- هذا كله مجرد كلام فااااضي
- مااعرف شنو اكولك بس الأفضل تصرف نظرك عن هاي البنت وتشوف غيرها لأن المشاكل الي راح تجيك من وراها ماتخلص
ضياء- مااعوووفها ولو شنو يصير اخذها غصب عن اليرضى والمايرضى
- لاتبالغ بحبك اني أعرفك إنسان ملول وشي اكيد حتمل منها ورى فترة قصيرة اني أقترح عليك سافر أو عيش علاقه حب بس مو وياها وي وحده تناسبك تناسب ستايلك اني الاعرفه ماتحب الطالبات وحتى هاي البنية مستغرب شلون حبيتها
ضياء-؛ اطلع برا عوفني أريد أرتاح تعبت منكم كلكم
- مااكدر اعوفك وانت بهاي الحالة ضياء اني صديقك وأي شيء يمسك يمسني أنت جاي تدمر حياتك بايدك فكر حاول لاتضيع نفسك أنت مو مراهق حتى هيج أمور تافهه تاخذ مساحه أكبر من حياتك اني متأكد راح تنساها
ضياء '- ماااكدررر ليش ماتفهمووون حاولللت مرة ومرتين بس ماكو فايدة
- زين اجي وياك بهاي البنية هم تبادلك نفس الشعور والأحاسيس
ضياء:: أي شي اكيد إذا اني أحبها هي هم تحبني
بقى صديقي وياي وكان مقهور لحالتي حاول يقنعني بس بدون هدف
العصر اجوي خطار عمامي وخوالي تعشوا وراحوا وباليل اجت ام عنود وعنود كنت بغرفتي ام عنود كعدت بالصالة وي امي وعنود اجت يمي وجابت هدية
ماكنت طايقها ومااعرف شنو السبب
عنود": الحمد لله على سلامتك ضياء ااا اسفه قصدي أستاذ ضياء
ضياء- الله يسلمج
عنود-: امي جابتلك جدر شوربة ودولمه ادري تحبها
هي تحجي واني ساكت حاولت تفتح وياي مواضيع بس بالي مو يمها
ضياء-: أريد أنام
عنود-؛ أستاذ ادري بيك ضايج بسبب هاي الي ماتتسمى درر ختولي هذا حال البنات الي مثلها تحاول تتقرب من الأستاذ بس علمود ينجحها
ضياء 'اياج تحجين عليها مااسمحلج وإذا ممكن تطلعين أريد أنام
عنود- أوك أخذ راحتك راح اعدلك المخدة
عدلت المخدة نظراتها تصرفاتها غريبة حاولت تتقرب بجسمها مني كاشخه ومتعطرة مكياج اوفر
عنود- محتاج شي بعد
ضياء- لا
من التعب والعصبية الزايدة نمت
تحلمت حلم بالبداية كان حلو درر وياي بس عنود وهواي أشخاص ماافتهمت شي بس فزيت منزعج
امي باليل سوتلي عشا من الأكل الجابته عنود وأمها
كان طيب بس بيه طعم غريب أكلت هواي
- الف عافية عجبك الأكل أم عنود وبنتها ابداً ماقصروا كل شوي تخابرني حتى أبو عنود الله يحفظهم ناس يعرفون الأصول
ضياء- علاقتج هالايام متطورة وياهم
- أبو عنود زميلي من كنت بالجامعه وام عنود أعرفها لأن دايماً أروح لمركز التجميل مالتها صارت بيناتنا مودة وبصراحه حتى عنود كلش أحبها البنية وردة
ضياء- امم حلو
- ليش ماما هيج ضايج وين ضياء الجان ٢٤ساعه يمازحني ومالي البيت ضحك علاقتك متغيرة وياي لاتخلق حواجز بيناتنا
بقيت ساكت امي مبين عليها التعب والضيق من حالتي
ضياء- ماعرفتي تفهميني أول مرة اكولج أحب بنية إنتي شسويتي تجاهلتي مشاعري وفكرتي بس بكلام الناس وشلون راح تواجهينه
- هسة الراح راح وصدكني مستعدة اعوضك درر حتتزوج أنساها واني اجيبلك الأحلى والاحسن منه
نظرتلها بعتب
مرت أيام قليلة التزمت بالعلاج وتشافيت بس نفسيتي متحطمه وماجاي اتقبل الخسارة لأن مو طبيعي خابرت صديقي ليث ضابط شرطة أخير فترة وكف وياي نصحني هواي بس تعاركت وياه وزعل مني صالحته وعزمته على مكان يحبه
ضياء- مو على أساس انت تنصحني أنسى ليش ماتنسى مرتك خلص أنساها تطلقتوا بعد والمرة تزوجت بعد شكو ٢٤ساعه شرب واقمار
- ههه احبها ياريتني ماخنتها
ضياء- كافي شرب أمشي نروح لغير مكان
- لااا عوفني
ضياء- راح تجبرني أشرب وياك
- هاك اشرب حتى تنسى
شربت هاي أول مرة وماكانت آخر مرة خطأ صغير يجر خطأ أكبر منه اجوي أصدقائنا نفس الحالة كلمن عنده مصيبته بس ليث عرفني على صديق اله هم ضابط وياه
ليث- هذا صديقي مرة رحتله لبيته وطردني هههههه
سكران مايعرف شنويحجي بيهم اليبجي وبيهم اليضحك الا اني بعدني شوي مركز
ليث- شايف هذا الولد كل مرة كنت اجيبه لبيتي هو وكح،،، من كانت مرتي تروح لأهلها وهسة بيتي فارغ وماخذين راحتنا هههههه
ضياء- امشي ليث اخذك لبيتك كافي شربت هواي
ليث- وبعدين مرتي كشفتني اجت فجأة شافتني اخونها وي بنت بالفراش كسرت كلبها حتى هو كان وياي وشاف كل شي
أخذته لبيته صاحبه هم وياه الظاهر يعيش وياه الولد شكله مو غريب شايفه بمكان إنسان بارد مايعرف يجامل وجهه ملامحه قاسية
رجعت للبيت لكيت عنود وأمها هاي شلون سالفة سلمت وصعدت لغرفتي اجت وراي عنود سويت روحي نايم لأن مالي خلكها تقربت من المخده
ضياء- شكو؟
عنود-: ها لا ماكو شي
كانت لازمه بيدها شي وضمته
ضياء-: من تطلعين سدي الباب وراج اريد أنام
عنود- مااطلع هسة
ضياء ' اريد انام!
فشلت وراحت ماجان ناقصني غيرها
دوامي بالمدرسة متقطع مااتحمل اشوف مكانها خالي فعلا كانت إلها روح خاصه ومميزة بس اختفت يمكن الكل من شاف هدوئي وتجاهلي لموضوع درر بالفترة الأخيرة فكر إنه نسيتها وخلص إنتهى الموضوع
هدوء هل هو نفسه الهدوء الذي يسبق العاصفه!؟
داومت اعتيادي ورجعت لحياتي الطبيعية الكل فرح بس محد عرف بشنو دا أحس وشنو شعوري كنت أعاني واتألم مثل طفل حرموه من أمه واخذوه لناس غيرها يربوه هيج حالتي باليل ابجي واني طبعي كان بارد حتى أقرب الناس يموتلي ماابجي اعتبره أمر مكتوب وعادي جدا اختبرت قدرتي عالنسيان بس باءت بالفشل بديت اشرب وادخن بس علمود أنسى بس رغم كل شي طلبت من ليث يجيبلي أخبارها حتى اتطمن عليها وماابقى بقلق مستمر وليث ماقصر كل يوم يجيبلي تقرير كامل عن كل شخص بحياتها وحتى عمها وأولاد عمها انطاني عنهم معلومات كثيرة حاولت اتقبل الأمر الواقع لأن البنت راح تتزوج امي خافت أسوي شي وااذي نفسي وعرضت عليا أتزوج عنود لأنها تشوفها المناسبة إلي
*********
... خذي النعاس
وخبئيني في الرواية والمساء العاطفي
وخبئيني تحت إحدى النخلتين
وعلميني الشعر
قد أتعلم التجوال في أنحاء هومير
قد أضيف إلى الحكاية وصف عكا
أقدم المدن الجميلة
أجمل المدن القديمه
...
... علبة حجرية يتحرك الأحياء والأموات
في صلصالها كخلية النحل السجين
ويضربون عن الزهور
ويسألون البحر عن باب الطوارئ
كلما اشتد الحصار
وعلميني الشعر
قد تحتاج بنت ما إلى أغنية لبعيدها:
خذيني ولو قسراً اليكِ
وضع منامي في يديك
ويذهبان إلى الصدى متعانقين
كأنني زوجت ظبياً شارداً لغزالة
وفتحت أبواب الكنيسه للحمام
وعلميني الشعر
من غزلت قميص الصوف
وانتظرت أمام الباب
أولى بالحديث عن المدى
وبخيبة الأمل
المحارب لم يعد، أو لن يعود
فلست أنت من انتظرت...
...يقول مسافر في الباص لا شيء يعجبني
لا الراديو ولا صحف الصباح ولا القلاع على التلال
أريد أن أبكي
يقول السائق
أنتظر الوصول إلى المحطه وأبكي وحدك مااستطعت...
درر
خوف قلق توتر رضيت بكل شي قبلت انحرم من أبسط حقوقي بالزواج والعرس وضحيت بفرحتي بس علمود مااسبب مشاكل بس ياريت بعد كل هذا الألم والتعب انول إلي الاريده وارتاح خوفي يزيد مع الأيام كل لحظه من لحظات حياتي تزداد مشاكلي رشيد دايما يجي مفاجأة ومحد يتوقع جيته زيد كل يوم يخابر عمي ويريد يجي بس عمو يقنعه انه يبقى يتونس وفوكاها أستاذ ضياء المحترم الي كل شوي يهددني اذا تزوجت يسوي كذا وكذا احظره مايفيد يطلعلي من غير رقم بس بعدين اختفى وماشفت اي إتصال منه
عمي كل يوم يخابر أبو رفعت علمود يجون ياخذوني وبالفعل اجوي باليل عمي متوتر ومستعجل الكل منتظر يجي السيد يعقدلي أي فرحه ماكو معدوم كل إحساس عندي
لبست فستان بسيط ومكياج هادئ وشال ومحظرة عباية البسها اجه السيد صاحولي
وفجأة سمعت عمي يكول زيد
... يتبع
