#البارون
كل حچاية مكتوبة تجي بـ عيني
أفز بيها ، يتراوالي قريت اسمك
وارد اقراها واعرفها ولا يمك
شجاني وكل حچي الوادم يذكرني !
شجاني ومن يمر ذكراك ،
يرفض جفني يسترني
شجاني وأيست مني ؟
*********
ضياء
... كل ما استطيع قوله اني أحاول الإنتقام من نفسي فقط لأنني احببتكِ...
...هل أنا حقاً أنا
احاصر دائما شبحاً يحاصرني...
... هانحن اقتربنا من محطتنا الأخيرة فأستعدوا للنزول
نريد مابعد المحطه فأنطلق
ولكني تعبت من السفر فأنزلني...
... مقهى وأنت جالس
لالست وحدك
نصف كأسك فارغ والشمس تملأ نصفها
الثاني
ومن خلف زجاجي ترى المشاة مسرعين
ولاتُرى إحدى صفات الغيب
ترى ولا تُرى
كم أنت حرٌ أيها المنسي في المقهى
فلا أحد يرى أثر الفراشه فيك
لا أحد يحملق في ثيابك
أو يدقق في ضبابك إن نظرت إلى فتاة وانكسرت
أمامها كم أنت حرٌ في إدارة شأنك الشخصي
في هذا الزحام بلا رقيب منك أو من قارئ
فأنت منسي وحر ٌ في خيالك
ليس لأسمك أو لوجهك ها هنا عمل ضروري
تكون كما تكون
فلا صديق ولا عدو هنا يراقب ذكرياتك
فألتمس عذراً لمن تركتك في المقهى
والتمس عذراً لمن طلب اغتيالك ...
وافقت أتزوج عنود وحددنا موعد الخطوبة قنعت نفسي الدنيا ماتوكف على أحد وبما إنه امي وخوالي يعرفون أهل عنود شي أكيد هي الشريكه المناسبة إلي
مااكدر اكول نسيت درر ولا اني حبيت عنود بس عندي ثقة بالاخير ترجع درر إلي وماراح يتم زواجها
*********
... هذا البحر لي
هذا الهواء الرطب لي
ومحطه الباص القديمه لي
ولي شبحي وصاحبه وانية النحاس والمفتاح لي
والباب والحراس والاجراس لي
لي حفوة الفرس التي طارت عن الأسوار لي ماكان لي
وقصاصه الورق التي انتزعت من الإنجيل لي
والملح من أثر الدموع على جدار البيت لي
واسمي وإن أخطأت لفظ إسمي...
...شعر فصحى:
"قد كان في قلبي إليكَ مودّةً
لكنّ جفوكَ قد تجاوزَ حدّه
فأردتَ أن أنسى وحبّك ردّني
يا سالبًا منّي فؤاديَ، رُدّه!"
...أَوَلَسْتَ أَنْتَ وَعَدْتَنِي مَهْمَا حَصَلْ
سَتَكُونُ أنْتَ كَمَا وَثِقْتُ وَأَعْرِفكْ
يَا أيَّهَا الوَعْدُ الذي قَدْ ضَرَّنِي
لا أنْتَ أَنْتَ وَلَسْتَ حَتَّى تُشْبِهُكْ.
مَتَى يَجمَعُ الرَّحمَنُ شَمْلِي بِقُربِكُمْ
ويَصفُو لَنا مِنْ عَيشِنَا مَا تَكَدَّرَا
سَأَذكُرُ إحسَانًا تَقَدَّمَ مِنكُمُ
وَأترُكُ إكرامًا لَهُ مَا تَأَخَّرَا
مِنَ اليَومِ تَاريخُ المَحَبَّةِ بَينَنَا
عَفا اللهُ عَنْ ذاكَ العِتابِ الَّذي جَرَى
درر
زيد!!! رجع عمي حاول يفهمه بس هو طرد الناس وتعارك وي عمي
زيد- ماااتتتزوج الا على جثتي
- زيد إبني اهدأ
زيد-: السيد راح يعقدلنا اني ودرر
طرد رفعت واهله اني ابجي ومابيدي شي اسويه
رفعت تدخل واهله صارت مشكلة كبيرة كلش إلى أن تدخلت
درر- مااتزوج غير رفعت لو على قطع رقبتي ماراح أوافق اتزوج غيره والسيد راح يعقدلي اني ورفعت
تضارب رفعت وزيد والرياجيل يفاككوهم واجوي الجيران
سمعنا صوت طلق
رشيد- لك زيدددد لك جبااان والله مااخليك تتزوجها واحرمك منها مثل ماحرمتني
رشيد سكران وفاهم الموضوع غلط منو كاله شنو الي ديصير كل شي مدبر
دخل علينا رشيد بسلاح ومثل المخبل كل مرة يسكر بس هالمرة غير يرمي عشوائي انكسر الشباك ضرب طلقه بالبلازما عمي حاول ياخذ السلاح منه اجت الشرطه طلعوه برا بس هو مركز بس على زيد كرهه وحقده بس على زيد مو لأن اني راح أتزوج لا كان متحمل عليه من زمان كومه زلم ماكدروا يوخروه من زيد كسر ايده وبس يضرب بيه نايم عليه اني الطم وأصرخ عمي حاط أيده على كلبه وحلكه انعوج ضربته جلطه
درر:؛ عمي كوووم رشيد راح يقضي عليه الحك لزيد راح يموووت
الشرطه أخذته رادو يصعدوه بالسيارة بس اخذ السلاح وكام يرمي انضرب زيد ببطنه وكلبه وبنفس اللحظه مات واحد من الي اجو وي رفعت هم انصاب ردت أطلع اشوف رفعت وين ماااكو هم انصاب
دم بالبيت كل شي مكسر اني كاعدة زيد حاطه رأسه على رجليا مايتحرك ميت ولا نفس الدم بايديا وبكل ملابسي الدموع جفت الأصوات الشرطه الإسعاف الدنيا ظلمه الساعه ب٣ الفجر
زيد مات
كله مني
اني السبب ام غيداء وغيداء اجن يحجن وياي اني متجمده مانطقت ولاحرف عمي يمي ماركزت عليه
يومين بلا نطق ولا دموع ولا وعي لكل ماحدث ويحدث أخذوا جثة زيد وعمي اخذوه للمستشفى خليل اجه من شاف زيد حضنه وكام يصرخ شك فالينته وكام يصيح عليا يكولي كله منج ام غيداء اخذتني لبيتهم مثل الصنم تكولي بدلي وغسلي اديج من الدم اني ساكته يومين مانايمه خلصت الفاتحه اجاني زيدان سمعني كلام مثل السم وكالي بعد لانعرفج ولا تعرفينا وحملني ذنب موت زيد
الحدث البشع إلي صار جعل الناس تحجي بيه وماتمل واشاعات طلعت عليا كومه ومنها تقاتلوا الإخوان علمود مرة ومنهم اليكول هي الي حرضت رشيد يقتل أخوه...الخ حتى غيداء وأمها جانن منحرجات ومتضايقات من وجودي كل هاي الأحداث بس مانسيت رفعت السؤال عنه دمرني غيداء اسألها ماتدري اخابره ومايجاوب ناس تكول مات و ناس تكول متصوب واني بين الصوبين متمرمرة ومتعذبة عذاب بس الله عالم بيه
درر-فدوة اروحلج غيداء شوفيلي حل أريد اعرف رفعت شصار بيه حسي بيا
غيداء- إنتي حسي بينا يمعودة إحنا ماعايزنا مشاكل وتريدين الصراحه كعدتج ببيتنا هواي جاي تسببلنا مشاكل خليل يومية متعارك ويانا وهو حقه يشوف كتال صاحبه ببيته عايش
درر-: حتى انتي تشوفيني المذنبة
غيداء-: الناس إلها الظاهر وعلى حبيبج هذا فاني اكول الولد من شاف مشاكلج حتلو عايش صدكيني راح يعوفج من ورى النحس الي إنتي بيه شوفيه واحد غيره يلفيج الولد انهزم منج
درر-: الله يسامحج
اليل كله بقيت كاعدةواتصل برفعت تالي جاوبت بنية
هالة-: خيررر خير مامليتي يابة عوفينا مو كافي الشفناه من وراج
درر-: رفعت شلونه وينه فدوة جاوبيني الله يخليج احلفج بكل عزيز وغالي على كلبج ارحميني بس طمنيني وكولي مابيه شي هو زين وينه خلي يجاوبني بس أسمع صوته
هالة ": ماااات مااات
ماصدكت كذب والله العظيم كذب اني متأكده هو عايش رجعت خابرت ماردت تالي حظرتني فكرت باجر لازم أروح لمكان شغله وأسأل كل شخص يعرفه وبالذات راشد لأن أقرب صديق اله
ثاني يوم
درر-" خالة راح أطلع بشغله وبسرعه أرجع
ام غيداء-: وين عيني عود إنتي شكد صلفه إبن عمج ماصارله شهر وإنتي بعدج ورى صاحبج تفترين عالاقل احترمينا إحنا وكولي عيب الجاي اسويه بيتنا موتايه ونلفي ياهو الجانت ببيت عمج لعبتي لعب تدمرتي عائلة كاملة محد لزمج وطيح حظج خلوج بكيفج بس ماينلامون من تبروا منج
تحجي وياي بعصبية
درر-: خالة هاي إنتي تحجين عليا هيج
ام غيداء-؛ أي مع الأسف تربية ام رشيد وتعبها بيج ضاع عالخالي بلاش
عفتها تحجي وطلعت رحت للمطعم شفت راشد من شافني فك عيونه بعصبية
راشد -: خيرر؟ شكو
درر-: اسمعني بس خوية
راشد-: شتريدين
درر-: رفعت وينه ليش مايرد عليا
راشد-: عوفيه مايريدج
درر-: يعني ماميت إسم الله على طوله
راشد-: منو كالج مات
درر-: أخته
راشد-: لا بس انصاب بكتفه بالمستشفى
درر-: زين صحته خوما متاذي
راشد-: لا الحمد لله بخير
درر-: اريد احجي وياه بس موبايله عند أخته وماتقبل احاجيه
راشد-: هو بالمستشفى بعده ماطلعوه ومايكدر يحجي وياج
درر-: اكدر اطلب منك طلب
راشد-: شنو
درر'- من تروحله فدوة خليه يخابرني حتلو بس كلمه وحده اريد اسمع صوته
راشد-: أوك انطيني رقمج العصر اروحله واشوف يقبل يحجي وياج لولا
درر'- اي اكيد
انطيته رقمي ورجعت غلطت وردت ادخل بيت عمي شفته مقفول انكسر باب كلبي رحت لبيت ام غيداء
ام غيداء-: شرفت الهانم
سكتت حقهم يتضايقون بس شسوي وين أروح املي الوحيد بس رفعت بلكي العصر يخابرني ونعقد ونخلص واروح لبيته يايوم بس اففف
غيداء وأمها يحجن عليا
غيداء-: مع الأسف عليها خسرت أهلها وكل شي حتى شرف ماعدها من حضن لحضن تلعب عالحبلين ساعه يم المعلم وساعه يم هذا الولد الله أعلم احتمال حتى ولد عمها ضاحكه عليهم
ام غيداء-: تربية سز بزعت روحي هسة بلة شيطلعها من البيت خليل على أعصابه كاعد يريد يطردها
غيداء-: حرامات كنت صديقتها ومحترمتها طلعت بلا أخلاق مدريني مصادقه الله يكفينا شرها
دخلت عليهن مايريدني أسمع كلامهم
درر-: صرت بلا شرف وأخلاق مو !؟ غيداء انتي تكولين هيج هاي إنتي إذا صديقتي ومعرفه من الطفولة بس لأن سمعتي الناس تحجي عليا صرتي وياهم عليا بدل ماتوكفين وياي وتسانديني بمصيبتي كم مرة بمرة اساعدج واحفظ أسرارج ومشاكلج تذكرين منو يحلها لو مو اني اها مو اني صحيح اني وحده بلا شرف بس إنتي عندج شرف
غيداء-: ماحجينا شي غلط بس هو اليحجي الحق بهالوقت ينزعل منه
درر'- اممم صحيح لعد اني هم خليني احجي الحق تتذكرين لو اذكرج إنتي بعتي نفسج بشكم حجاية ودزيتي صور خلاعية لحبيبج خلال فترة قصيرة من تعارفكم بس لأن كالج راح اخطبج ترا مو عيب مايجونج خطابة ومحد داك بابج بس عيب تسوين هاي الأشياء بس علمود تتزوجين
ام غيداء-: غيدااااء صدك هذا الحجي
درر-: نصيحه لاتنزلين من مستواج بأي علاقه صدك اني حبيت ومو كم شهر صارلي سنين أحبه ويحبني ملتزمين بحدودنا ومايوم نزلت نفسي ودزيتله صورة مخلة بالأدب والأخلاق وها واني اعشقه ومو اي حب
خافوا الله حرام عليكم بس لأن ساكته وضامه أسرارج بقيتي تشوهين بسمعتي ليش مو عشرة عمر ولا سنه ولا سنتين عيب وحرام الي داتسونه غيداء إنتي مو على وجه زواج شلون تحجين عليا وانتي خالة من يوم يومي اشوفج مرة متدينه ومايوم حجيتي عالناس بالعاطل ليش تحجين عليا هسة كدام الرايح والجاي وفاضحتني يم الجيران بشنو اذيتكم اني بس أريد أفهم ليش اني هيج حظي
سكتن غيداء كامت تبجي أمها صارت عصبية هزيت أيدي
العصر خابرني راشد
...يتبع
