#البارون
كل فترة سيئة سيأتي بعدها فترات رائعة،
وكل لحظة حزن خلفها لحظات من الفرح
والمسرة إياك أن تحزن ما دام الله هو المدبر لحياتك.
# البارت ٣٢
*********
رفعت
مر كم يوم على زواجي من درر وكلش اتعب بالشغل الصبح أروح للمطعم أرجع الظهر أنام شوي وباليل أروح للحراسة أخير أيام ماكدرت أروح وتعذرت من الدكتور
لأن عندي ضغط الدم واكلي صار كله شوي خابرتني أنغام كالتلي الدكتور محمد يريدك
رحتلهم والدكتور من شاف حالتي تعبانه عرض عليا
اشتغل وياه بالمستشفى وظيفه بسيطه وطلب مني أدخل كورسات تمريض حتى اكدر اتعين وتثبت وظيفتي
تذكرت قبل شكد كنت محتاج هيج فرصه وهيج شغلة
وافقت وهو هم كالي تعال لبيتي اعلمك على بعض الأمور
ومع مرور الوقت اني كدرت اتعلم بسرعه وبذكاء لأن كان عندي طموح كبير تعينت
رجعت وكلت لأمي درر تباوعلي
ام رفعت-: الله يوفقك يايمه ويدليك على درب العدل
رفعت-: أي يمه كثريلي من دعاويج
ام رفعت-: خلي درة تدعيلك دعائها بالمكان
رفعت-: ههه
سوتلي درر غدا وتحير شنو تحط كدامي مي وعصير حتى اللحم تقطعه قطع صغيرة اهتمامها واضح من كل كلبها شكد أحاول أقنع نفسي أنه هي تتصنع بس لا
باليل طلعت وي جماعتي اغير جو ضايج
امي كالتلي مو تتأخر
صارت تقريباً بال١١ ماحسيت بالوقت
أهلي هسة الكاهم نايمين لأن ب٩ كلها تنام محد يسهر
طفرت من الباب لكيت درر
رفعت-: شعندج برا بهاليل
درر-: منتظرتك ليش تأخرت قلقت عليك
رفعت-: أمي كاعده
درر-: لا الكل نايم بس اني
رفعت-: أمشي طبي جوا ومعليج بعد شوكت ماارجع للبيت أرجع
درر-: جوعان اصبلك أكل تاكل
رفعت-: لا شنو مو تعشيت قبل لا اطلع
درر-: عبالي جعت
رفعت-: كافي تمثيل لعبتيها لنفسي
ردت أنام شفت موبايلها يرن هي بالحمام كانت لزمته وشفت الي شفته
********
... كأن الأرض ضيقه
على المرضى الغنائيين
أحفاد الشياطين المساكين الشياطين
شعر الحب، وانفتحت أمامهم الخدود
...محمود درويش
... سأبقى بإنتظار يوم جميل صنعته في مخيلتي 🖤...
..." لاتتمادى في إغلاق عينيك من الحزن
فربما تمر من أمامك فرحه ولا تراها...
... وددت الابتعاد والانعزال أو ربما الاختفاء
فقد بات كل شي يرهقني ...
... لاتغفر ضع النهاية للقصص الفاشلة واعبر..'
... مليان كركبه من جوا، بس بهمش. 🖤...
درر
اجه رفعت باليل متأخر كنت بثوبي مال الشغل دخلت للحمام ولبست سيت نوم حتلو مايريدني عالاقل أكون جاهزتله بكل وقت وأهم شي مايشوف مني قصور
طلعت شفت رفعت لازم موبايلي وعصبي
رفعت-: شنو هذا احجييي
درر-: شنو من الصبح مالازمه موبايلي والله ولاادري بيه حتى
رفعت-: وانتي على ذمتيييي تخونينيييي اليوم اموتج
خنكني من ركبتي باثنين اديه كدرت بالكوة أدفعه
ركضت أفتح الباب وهو جرني من شعري طاحت خصلة بيده
اني كمت أصرخ نزع حزامه وكام يضرب بيا اكو حديده بالحزام ثكيلة ضربني بقوة زلغت ظهري
درر.: رفعت عليك الله عوفني
لف الحزام على ركبتي
على صوت الصراخ اجت هالة لأن بس هي تبقى سهرانه
هالة-: رفعت شكو شبيكم شهالصراخ راح اصيح لأمي
كانت نبرتها بيها بجي ورجفه لأن صراخي كان مرعب كلش
رفعت مو هو تحول إلى وحش كام يضغط بالحزام على ركبتي
هالة صاحت لعمتي ويدكون بالباب يصيحون لرفعت ماكدروا يفتحون الباب ورفعت مويمهم أصلا
مناه لمن منتظر خلع الباب ووخره مني عمتي كبل شمرت عليا البطانية رفعت راد ينطق الطلاق وعمتي سدت حلكه عمي ضربه راجدي وطلعوه من الغرفه
طفر عليا سحلني من شعري وضربني راجدي
بقى يضرب بيا أهله يريدون يوخروه مني مايكدرون موتني من الضرب على وجهي وظهري
كمت اشهق رفعت طرد أهله من الغرفه هم يكولوله شكو شصاير وهو ساكت بس يصيح عليهم حتى دفع منتظر وطرده
منتظر زعل وراح لبيته عمتي لفت عليا البطانية واخذتني وياها بقى رفعت بالغرفه يدخن
ام رفعت-: يايمه اني شكم مرة اكولج رفعت عصبي لا تعاندينه شيريد سويله اخذي على كد عقله
اني ابجي بصوت مسموع
درر-: والله عمه مامسويتله شي هو من وحده
ام رفعت-: هسة حتى عمج صعد عنده السكر
امشي هالة جيبيلها ثوب خلتلبس
هالة-: شعليا اني والله
ام رفعت-: كومييي
هالة-: أهووو رفعت بالغرفه واني أروح اجيبلها جفن تلبسه بلة حصلتلي راجدي ماتشوفينه شلون هجم عليها وزركها
عمتي صارت عصبيه عليها راحت هي جابتلي ثوب
ام رفعت-: هاج لبسي اليوم نامي بغرفه هالة لا تروحيله مناه لمن يهدأ
هالة-: لا والله عيني اني اريد اقرا آخذ راحتي
ام رفعت-: وسم هي شراح تسوي هي حتنام يمج بس اليوم
هالة-: لا ماتنام تخلصها تنوح للصبح ماتشوفينها صارلها ساعه تبجي عبالك ميتلها أحد
ام رفعت-: هاللة شلون راح اكوم اخنكج خنك البنية جسمها كله مزلغ ودم وإنتي ماترديها تبجي عبالج صلفه مثلج لا إحساس ولا ضمير مدري عليمن طالعتلي
هالة-: خليني صلفه ولاغير شي
نظرتلي باستحقار
ام رفعت-: لو ماتستحي من عمها جان نامت هنا
درر-: عادي عمه هو مثل أبوي
نمت يمهم وعمتي كل ساعه تسألني عن سبب المشكلة واني حتى مااعرف شنو رفعت شاف بموبايلي
بقيت خمس ايام انام يم عمي وعمتي ومتجنبته
بس أغسل ملابسه احضرله الأكل وعمتي توديه وإذا انجمعنا كلنا عالسفرة اكوم بالمطبخ أكل حتى ماتصير مشاكل
من يروح للشغل أدخل للغرفه ارتبها وارتب أغراضه
هالة متشمته بيا وام مصطفى عادي حتى ماسألتني ماتحب تدخل منتظر مايدخل لبيتنا زعلان بس بعدين رفعت راح أعتذر منه عمتي تكولي تصالحي إنتي ورجلج حتى تعبت من المحاولات وكمت اضوج منه عقدني وعقد كل حياتنا علاقتنا صارت معقدة إلى أبعد الحدود ماعندي طاقه أصلح كل شي
عايشة شلون ماكان أريد العمر يخلص حتى أرتاح
موبايلي عنده مافاهمه شنو الصار أو شنو الي راح يصير
باليل ورى العشا غسلت المواعين وبقيت كاعده يم عمتي صبيتلها جاي هي وعمي وبقوا يسولفون فجأة دخل علينا رفعت
ام رفعت ': ها يمه تعال اكعد خلي درر تصبلك جاي
رفعت-: لايمه اريد أنام بس اجيت لأن مساعه كلتيلي تعال قبل لتنام عندي شغلة وياك
ام رفعت-: دتعال اكعد
ردت اكوم بس عمتي ماخلتني وعمي صار عصبي
ابو رفعت-: اكعدوا لاتصيرون جهال نكعد واحد يكوم الثاني ماتستحون أنتم
كعدنا عمتي كالت صبيله جاي صبيتله يخازرني مخازر
ابو رفعت-: رفعت اني زعلان منك ومو بس اني البيت كله لاتحترم ولامسوي اعتبار لأي أحد بينا لا احترمت امك ولا أخوك ولاكلت أبوي رجال مريض لايصير بيه شي إحنا نحترم خصوصيتكم وماتدخلنا بسبب المشكلة لأن درة كالت مشكلة شخصية بيناتنا
بوية أنتم عرسان جدد ووراكم عمر لاسنه ولاسنتين والزواج كل شي بيه الحلو والمر وانتم حاولو تضبطون أعصابكم وبالذات أنت رفعت علة كيفك وي مرتك بعدها صغيرة غلطت ميخالف احتويها وعلمها الشي المايعجبك كوللها عنه اكعد وياها وسولفوا تناقشوا بكل شي حتى لاتصير حواجز بينكم
رفعت-: يابة أنت ماتعرف
ام رفعت-: خلي أبوك يكمل كلامه
رفعت-: تفضل يابة
ابو رفعت-: خلو كلام الله بين عيونكم لا يخدعكم الشيطان وأنت رفعت ممنوع منعاً باتاً تمد ايدك على درة ترا مكانتها من مكانه هالة عندي معزتها بمعزة بنتي وإذا ماعدها ابو اني أبوها
من سمعته كال هيج بجيت
ابو رفعت-: لاتبجين بابا وأريد اوصيج برجلج رفعت زين وكلبه طيب بس إنتي أصبري عليه ومو يغرج كلام الإنترنت والتلفزيون إذا عندج كرامه عوفي رجلج ومن هذآ الحجي إنتي بنية واعيه ومتعلمه هذا رجلج ادري بيج تحبينه وتعزينه وميخالف اتحملي لأن رفعت يستاهل التعب والصبر كل انسان يمر بمرحلة متعبه وتتغير شخصيته ويصير عصبي بسبب ضروف الحياه لازم توكفين وياه وتساندينه بعقد الزواج كالولكم على الحلو والمر وهذا المر إنتي إذا صبرتي عليه باجر من تخلص راح يكول وكفت وياي وماعافتني وتزيد المحبه واليكولج عوفيه أو الشيطان يوسوسلج لاسامح الله بالطلاق وهاي الأمور لا يا بنتي هاي عمتج عاشت وياي عالحلوة والمر والحمد لله عشنا العمر وكونا عائلة
مااريد الصار ذاك اليوم يصير بعد ترا راح يكون تصرفي غير تصرف
درر-: ان شاء الله عمي
ام رفعت-: يلا أخذ مرتك وروح
رفعت-: يلا تعاي
درر-: أي
ابو رفعت-: مو باليل ووتتكامشون من الروس
درر-: هههه
عمي وعمتي تشاقوا ويانا
ام رفعت-: شني درر نايمه يمنا هم أريد أنام ارتاح شني خلفتها ونسيتها
ابو رفعت-: جنها طفل استوه صاير نايمه بنصنا
درر-: هههه حلوة النومه يمكم
ام رفعت-: روحي لرجلج
درر-: أي
رحت وراه لكيته نايم عالجرباية ماحجيت وياه
فرشت فراشي ونمت
باليل كلش كعدني
درر-: ها
رفعت": تعاي اريدج
كنت نايمه بثوبي استحيت منه لأن مبهذلة
درر-: انتظرني بس اغير ملابسي
رفعت-: لا
كلامنا وتواصلنا كان بس بهالامور ومااتجرأ امنعه هو شاب ويحتاج
درر-: بسرعه البس ثواني
رفعت-: لااا لتلحين اكولج أريد هسة متفهمين إنتي
شالني وخلاني عالجرباية
يرجف ومتوتر كلبه يدك سريع
هو بالفراش ينسى روحه يفقد كل شي بكلبه يحجيه
رفعت-: ليش درر ليش تخونيني
درر-: ماخنتك والله العظيم أحبك بس أنت بكلبي
رفعت-: اريد اصدك كلامج أريد أرتاح درر أريد أرتاح
درر-: لاتفكر حبيبي
حضنته كام يبجي
رفعت-: ليش هيج مو اني احبج سويت كل شي بس علمود اتزوجج هيج تجازيني
درر-: اشش أهدأ لاتفكر بشي
بديت أهمس بأذنه
درر-: ولا واحد غيرك لامسني ولا واحد متقربلي بس أنت أرتاح وادري بيك مصدك كل كلامي لاتخلي أحد يفرقنا إحنا شكد حاربنا حتى ننجمع
رفعت-: احبج بس كرهوني بيج ماخلوني اتهنى
درر-: كلهم ضدنا كلها هدفها تفرقنا لاتخليهم أوثق بيا
رفعت-: مااكدر كل شي ضدج
ضل يحجي بصوت ناصي لحد مانام بحضني وبقى حاضني ماكدرت اكوم وبقيت وياه عالجرباية
غطيته ونمت اباوع لوجهه كلش تعبان هالات سودا
شعره بيه شيب
هو نايم واني بقيت اباوعله يمكن هاي اللحظه من اللحظات الي تمنيتها يكون نايم بحضني
...يتبع
# البارت ٣٣
