❤❤❤
#البارون
♡♡♡أبقى معي للأبد( أستاذي العاشق )♡♡♡
كۣۗہرآر آلَعۣۗہرآقۣۗہيۣۗہ🐆.ۦ𓆩“̯🤞😐“̯𓆪.tt
*********
ضياء
من تعلق بغير الله هلك
هواي أخطاء ارتكبت بحق نفسي وبحق كل شخص بحياتي سواء إذا كان الشخص أحبه أو لا
بعد فوات الأوان اكتشفت إنه لكل شي بالحياة أثر
ولكل فعل رده فعل
العمر اله حوبة وانتقام
المهنه إلها حوبتها
والصداقه والإنسانية كل شي تلوثه بأفعالك الدنيئة
راح ينتقم منك
مهنتي الي استغليتها وعمري الي مااحترمته
وصداقتي الي خنتها
حتى امي الي تعبت علية سنين
ضيعت تعبها وتضحيتها
خسرت ثقة الجميع
وخسرت ثقتي بنفسي
وبقيت مستمر بالخطأ
وتحول الخطأ إلى ارتكابي المعاصي
سرقت عنود وأمها حتى اخطف درر
وببالي كنت ناوية اخطفها وحتى لو متزوجه عادي
مستعد ازني!!!
مااكدر الوم امي واكول هي السبب لأن دللتني وتغاضت عن اخطائي من أيام المراهقه
هذا الشي هم اله دور بشخصيتي
بس الإنسان هو المسؤؤل عن نفسه
تربيت بلا اب
وبقيت على تربية امي
تنطيني فلوس وتكولي روح اتونس
صادقت أصحاب السوء
علموني عالشرب وكالولي صادق بنات
ومشيت وراهم
زنيت محد حاسبني
وشفت إنه الموضوع عادي وهذا حقي
ولعبت اقمار وخسرت فلوس
امي نقذتني من الموقف
وماحاسبتني
لعبت على بنات الناس
عبالي الدنيا دايمتلي وماراح يصير بية شي
ورى ماخطفت درر والأحداث الي صارت
امي سوت كل شي وطلعتني من السجن
انضربت وانهانيت من زوج درر وابن عمها منعوني وعبالهم راح أتركها
من هدأت الأوضاع
عرفت مكان بيتهم كل فترة اجي بسيارتي اباوعلهم من بعيد
بقيت أشهر محد منتبه لوجودي
بس تالي زيدان عرف
وهم خطفني بليلة سودة وياه جماعته
ضربوني ومااحترموا عمري
هه إذا اني مامحترم عمري منو يحترمني
مانسيتها والتعلق يزيد
وبعد ماكدرت أروح اراقبها
صار عندي فراغ وحالة نفسية اكتئاب حاد
امي سوت كل شي بس حتى أرجع ضياء القديم
بس بلا فايدة
عنود طلقتها وكنت السبب بوفاة الجنين الي ببطنها
بكل دم بارد وبكل قسوة
امي بكل ماتملك حاولت
لكن لاحياة لمن تنادي
خسرت نفسي بمجرد حبي وتعلقي بطفلة أصغر مني
مرت الأيام ورى حادثة الخطف
ابو عنود هددني مااتقرب من بنته وإلا راح يقتلني
وهو مايعرف إنه بنته الي تلاحكني مو اني
سافر وعباله من يبعدها عني راح تنساني
عجيبة هالعنود قتلت الجنين ببطنها وبعدها تحبني
امي كالتلي من استلمت أوراق الطلاق صارت مثل المخبلة تلطم بالشارع
وتالي سمعنا إنها حاولت تنتحر
جارحه ايدها
بس ماماتت
ومن سافرت بقت وياي على تواصل الف مرة احظرها
وترجع تبجي وتتوسل
عنود-: الله يخليك ضياء أرجع تزوجني الله يخليك والله مااكدر اعوفك اصير خدامه جوى رجليك شتريد اسويلك بس رجعني يمك والله مشتاقتلك اترجاك
ضياء-: إنتي شتريدين مني ليش مصرة تدمرين حياتج وياي إنتي بالخارج ادرسي عيشي حياتج تزوجي
خلص أنسي اكو واحد بحياتج جان إسمه ضياء
عنود-: زين اسألك سؤال هسة أنت نسيت درر
ضياء-: ابداً
عنود-: شايف الوجع والألم الي تحسه هسة أنت لأن درر بعيدة عنك وبحضن غيرك هو نفسه احساسي إذا عندك حل تنسى بيه درر كولي بيه وساعدني
ضياء ': عنود شسويلج مااكدر افيدج بشي
عنود-: أريد ارجعلك ومااريد أتزوج غيرك اريد أرجع للعراق
ضياء ': اني شعليا
عنود-: أحبك ليش ماتفهمني والله حالتي موزينه مامرتاحه بس ابجي ويومية بالمستشفى
تمرضت كل حياتي صارت الام
ضياء-: انسيني
عنود-: ماانساك مستحيل
يومية نفس الكلام ومايفيد شكد مااحظرها ترجع وبس تبجي وتعاتب
رجعت بعلاقه وياها نفس قبل
وكل مرة تكولي راح أرجع للعراق واشوفك
إلى أن صدمتني!
عنود-: حبيبي محضرتلك مفاجأة تخبل احزر شنو هي
ضياء-: شنو
عنود-: اني بالعراق حالياً كلش متشوقه اشوفك يعمري
أوف مشتاقتلك
ضياء-: رجعتوا شعجب ابوج آخر مرة كال راح تستقرون بالخارج ومستحيل ترجعون
عنود-: ومنو كال أهلي وياي بس اني رجعت
ضياء-: بلا الغاز وكلام فاضي شلون بس إنتي
عنود-: حبيبي بصراحه تزوجت وشرطت عليهم كلهم مااتزوج الا إذا رجعني للعراق واوهمتهم إنه اني حابة أكمل دراستي هنا ومن شافوني تحسنت حالتي وصحتي عبالهم نسيتك هههه كذبتهم عليهم وصدكوني كدرت اجيك
ضياء-: إنتي تحجين صدك لو داتكذبين شلون متزوجه وتحاجيني إنتي مستوعبة إلي جاي تسوينه متزوجه بس علمود ترجعين هنا
عنود-: مستعدة كل شي أسوي أنت بس اامرني حياتي شوكت حاب نلتقي والله مشتاقتلك موت
ضياء-: وتريدين نلتقي فوكاها طبعاً مستحيل إذا زوجج يعرفج تخونينه وياي يذبحج بلا رحمه شلون تخاطرين شنو متخافين إنتي
عنود-: أحبك هم جبروني أتزوج واني زوجي مااحبه ولا اطيقه هههه بس هو يعشقني خطية ومدللني هههه وعباله أحبه واني تزوجته بس علمودك
بعدها مامكملة وحظرتها من كل البرامج
وهم رجعت بقيت شهر كامل قافل جهازي
بسببها
لأن ماكو فايدة من الحجي
لو شنو ماراح احجي تبقى عنود هي هي
اختفت فترة من فتحت فوتي لكيت إتصالات قديمه منها
ارتاحيت كم شهر
عبالي فقدت الأمل مني
اني بقيت بحياتي البائسة
هه امي قطعت كل علاقاتها بخوالي لأن يحجون علية
يكوللها إنتي تشتغلين وابنج كاعد
ابنج عار
ابنج فضحنا علمود مرة شسوى بحاله
وغيره وغيره
امي تصرف علية
بالعمر الي مفروض اني اصرف عليها ومااخليها تشتغل بهذا العمر
مرت الأيام كلمن عاش حياته وعرفت درر صار عدها ولد
وكنت باليوم أموت ألف موته
كنت متحطم
حالي حال الميت
كنت عالة على امي
عنود باللحظه الي اني فكرت إنه نستني
رجعت واتصلت
عنود-: شلونك حبيبي مشتاقتلك يعمري أنت آسفه كل هاي الفترة مختفية عنك بس موبيدي
اني ساكت واسمعلها
عنود-: صاروا عندي ثنين ولد توأم تمنيتهم منك تمنيت أنت أبوهم كلش حابة يصير عندي طفل وأنت أبوه
ضياء أحبك ماناوي تجيني تعال مشتاقتلك ومتلهفه لكل شي بيك زوجي يروح عنده خفارة هو ضابط ومو دايماً يمي تعال انتظرك
بقيت ساكت هاي من كل عقلها
سديت الخط
دزتلي صورها
وتسويلي اغراءات
وطول اليل تبقى تسولف وياي سوالف رجال ومرته
شكد كنت قرفان من حياتي
واتسائل معقولة أوصل لمرحلة اعصي ربي واسوي علاقه بوحده متزوجه
وبقينا علاقتنا سرية إتصالات فقط ونفتح كام
بالأيام الي زوجها يروح لدوامه
ومن يرجع تمسح كل البرامج لأن مايقبل
ضلت تلح علية تعال وتعال أريد طفل منك
اني كنت خايف
بلة زوجها اجه فجأة
وبلة أبوها عرف وهو سبق وإن هددني أبتعد عن بنته وهي عزباء شحال لمن تزوجت
وخوفي من رب العالمين كان قليل
لأن كل مرة أخطأ والعصيان والكفر كام يمشي بدمي
كدرت عنود تضللني باغراءاتها
ومااتحملت
وصفتلي مكان بيتهم
واجيتها باليل
قضيت ليلة كاملة للصبح وياها
نسيت مبادئي ديني أخلاقي
كل شي نسيت
وخسرت خسارة ما من وراها خسارة
شكد دنيئ بني آدم
شهوة حيوانية تعميه
تعودت وكل فترة اروحلها
مناه لمن كالتلي إنه هي حامل مني
ضربتها راجدي وطلعت
شكد قرفت منها
لأن فرحانه هي حامل من عشيقها
حسيت الوضع صار خطر
وفكرت منو زوجها
ناسي اسألها الي أعرفه هي كالتلي ضابط
بقت تلح كالعادة اجيها بس من عرفت هي حامل
دافع بداخلي يكولي اتوقف عن الشي الجاي تسويه
صرت اكرهها كره العمى
كلش كرهتها
ومن كد ماضغطت علية ولحت بالاتصالات
رحتلها والنار تاكل بكلبي
دخلتني لغرفه نومها هي وزوجها
لهاي الدرجه وصلت بينا الدناءة وكمية القرف للأسف
أول مادخلت شفت صورة مكلوبة
من سألتها كالت صورتي اني وزوجي
من شفتها تمنيت لو مختفي من الوجود ارحملي
زوج عنود ليث صديقي
طلعت أركض من البيت
اني شسويت بنفسي
ليث ماغيره
لو شنو ماكان بيني وبينه يبقى صديقي
خنته !!
مر كم يوم
خابرتني عنود تبجي برعب حقيقي
عنود-: ليث لللليث كشفني شاف التصوير شافك من دخلت للبيت كل التسجيلات بيده
خخابر بابا
انقطع الخط
آخر كلمات من عنود ومن بعدها كل شي ماعرفت عنها
اني قررت أروح لعمامي
لأن ليث ماطول عرف راح يقتلني
واني بالطريق بسيارتي طبكت علية سيارة مضللة
قدت بسرعه كبيرة
وطك التاير بسبب طلقه من صاحب السيارة إلي لحكتني
وماعرفت منو صاحبها لحد الان
هذا الحادث الكارثي الي صار
كلمن شاف السيارة كال مستحيل يطلع منها حي
السيارة صارت علج
انكطع اصبع من أصابع أيدي
وانبترن رجليا الإثنين
ووجهي تشوه تشوهات دائمية
خوالي عرفوا بالحادث وماتنازلوا وزاروني
بس عمامي وكفوا وياي
واخذوني وياهم وحتى امي كالولها تعالي بورث أخونا نبنيلكم بيت وتكعدون بيه
خوالي كدروا ياخذون المدرسة من امي وهواي استغلوها للأسف
كلش حقدوا علينا وبالذات من عرفوا بفضيحة علاقتي بعنود
سبع أشهر بالمستشفى نايم
ومن سابع المستحيلات إني أعيش
هيج أمي كالتلي من فتحت عيوني بعد الحادث
لكيت نفسي بغير محافظه وبغير مكان
وكل أحداث حياتي اتذكرها بوضوح
ومن ابرزها درر
سألت عن عنود
ام ضياء-: أوف يا إبني ولو العتب مايفيد
عنود احتركت وماتت
ضياء-: شنو !؟؟؟ شلون منو حركها
ام ضياء-: اهدأ ومااعرف أكثر من هيج الي عرفته ماتت وبس والناس كلمن يحجي بكيفه ناس تكول هي من جابت ابنها الثالث حركت روحها وناس تكول أبوها من عرف بفضيحتها هو الحركها
وهواي حجي
ضياء-: ليث من عرف شسوى بيها
ام ضياء-: ماسوالها شي خابر أبوها وكاله عنها أخذ أولاده وكال بس تجيب إبني الي ببطنها اطلكها والله يسامحها على خيانتها
ومن جابت أخذ الولد واختفى ورى فترة كالوا انتحرت على ولدها تريدهم لأن اخذوهم غصب عنها
واكو بعض الناس كالو أبوها حركها من كالتله ماانطي إبني الي ببطني لليث
لأنه إبن ضياء مو إبنه
بقيت مصدوم إذا ليث كان هادىء وما سوالها شي من عرف بخيانتها لعد منو الي كان سبب بالحادث مالتي
أكو بعض الألغاز تبقى ويانا للموت مانعرف نحلها أبد
انقهرت على عنود والأكثر من هذا
إبني وين!؟
إذا اريد أطالب بيه شلون !!؟؟
رغم هاي المشاكل
اني بالي يم درر
حتى رقمها بقيت محتفظ بيه
خابرتها
ضياء -: الو درر اني ضياء تتذكريني؟
ماكو جواب!!!!
سديت الخط
وكمت ادز رسايل
شرحتلها كل شي صار وياي من عافتني
حسيت نفسي ارتاحيت من حجيتلها همي
كنت منتظر منها جواب
تشوف الرسايل وماتجاوب
أخير شي سجلت بصمه
ضياء-: بعدني احبج واحبببج للأبد
اتصلت
شكد فرحت من سمعت صوتها
كانت عصبية وتغلط وتكول كذاب
ضياء-: هذا الصار اني متندم على كل شي
درر-: الله لايوفقك حسبي الله ونعم الوكيل بيك شنو من بشر انت كم واحد بواحد خسر حياته من وراك
وهسة جاي تكولي ندمان أنت جاي تستدرجني حتى اخون زوجي بس والله لو تموت مااسمحلك حسبي الله ونعم الوكيل
ضياء-: والله اتصلت بيج بس علمود اطمئن لا أقل ولا أكثر اني بيا حال لو تشوفين حالي
درر-: هه تقنعني إنك مسوي حادث والله مااصدق
دزيتلها صورتي واني كاعد بكرسي متحرك ماعندي رجلين ووجهي مشوه ومرعب بحيث أربعه وعشرين ساعه محبوس بين أربع حيطان مااشوف اي بشر لأن الأطفال بس يشوفوني يضلون يبجون
من دزيتلها صورتي صرخت صرخه
وبعد أختفى صوتها
ضليت بقلق لو مخليها تغلط ولا داز صورتي بهالحالة
أيام عدت اتصل ومحد يجاوب
وبالاخير ادك والكاه مغلق
مر كم يوم
واتصلت درر
ضياء-: الو درر
رفعت-: ليش تتصل شنو الرايده ماكفاك السويته
أرحم نفسك
شوف عاقبتك وين جنت ووين صرت
لك و الله استحي احجي واغلط عليك
لا انت بعمري وأعرف اتفاهم وياك
ضياء-: فهمتني غلط اني آسف وأعتذر عن كل إساءة سببتها الكم
لاتسيء فهمي أرجوك
انطيني فرصه وحده عالاقل أكفر عن اخطائي
اترجاك سامحني
رفعت-: هه اسامحك؟
منو كال نفس كل مرة جاي تتحايل وتلعب العابك ومؤامرتك السخيفه
ضياء-: أنت ماتعرف شنو حالي اني تبهذلت خسرت كل شي
احجي ببحه صوت باكية ومختنك صوتي يادوب ينسمع
رفعت-: من ورى حضرة جنابك ومن ورى الصورة الي دزيتها وحاولت تستدرج عطف درر بيها
درر جان ماتت من وراك
أفرح وارتاح
جان استحيت شلون تدز هيج صورة ومتوقع نصدق بيك
ضياء-: شنو ماتصدق أفتح كاميرا وشوف بعينك
اني والله ماقصدي شي
بس ردت اكوللها واقنعها إنه متندم وماعندي شي بس اريد اطلب السماح منكم كلكم
********
درر
الله كتبلي عمر جديد
وصلت للموت
بس الله نقذني
انصدمت صدمه جبيرة بضياء لحد الرعب والهلع
مامتوقعه راح تكون عاقبته سيئة لهاي الدرجه
ومن سولفلي عن خيانته لصديقه قرفت روحي شلون كدروا
الي عرفته منه عنود احتركت ولحد هذي اللحظه محد يعرف منو حركها
والناس تحجي أشكال
استحيت اسأل ترانيم بس جان واضح عليها القهر والحزن لاختها
محد يعرف بهاي الخيانه
من طلعت من المستشفى والله رزقني ببنوته
تالي التعب والمشقه
ردت أنظف حياتي
كبرت وأريد أعيش حياتي بأمان واستقرار
مالازم تبقى أي شفرة مجهولة
بعد شهرين من ولادتي
حاولت احجي وي رفعت وافهمه كل شي من الألف للياء
لأن كلما احجي وياه بهذا الموضوع يكولي اني عندي ثقة بيج كاملة ونسيت كل شي
اني مااريده ينسى اني أريده يعرف الحقيقة وكل ظروفي
درر -: رفعت صرت أم جهالك الثلاثة وانت ابو بيتي
اريد أعيش وياك العمر كله ومااريدك تزعل مني ولا أزعل منك
رفعت-: الله لا يحرمني منج ولا من أطفالي الله يديمكم الي طول العمر
درر-: أليوم اني ناوية اكولك كل شي واريدك تفهم
اني اعرفك واثق مني بس مااريد تبقى بشك
الصور والمقاطع الي أعرفه راشد الله يرحمه هو صورهن الي من جنت بالفندق وجان فاهم الموضوع غلط
اني صحيح رحت وي ضياء بس كلمن بغرفه وبقى بالفندق يوم واحد وراح وبعد ماشفته ولاتقربلي
وكل الحجي الي كاله الك كذب وإذا تريد خابره وهو راح يعترفلك بكل شي
رفعت-: ماكو داعي
هذا ضياء واحد مريض نفسي
ومتأكد مليون بالمية هو اختلق كل هذا الكلام حتى يخرب علاقتنا وكان عباله اتركج ومن اتركج تروحيله
حبيبتي إحنا كبرنا ووعينا على هواي أمور
اني مو رفعت القديم تغيرت وفهمت
درر-: صدكني باللحظه الي فكرت اتزوج ضياء جنت ميته وماعندي اي حل وراشد هو كالي مايريدج
رفعت-: اففف الله يرحمه ويغفرله الصار صار بعد
حاولي تنسين
إحنا هسة مسؤؤلين امام الله بتربية أطفالنا بعيداً عن هاي الأمور
درر-: شفت موبايلي شوف محادثات ضياء
شفت شنو مسوي وشنو كانت عاقبته
موشماته بس انصدمت بعدالة رب العالمين
رفعت-: الله يثبتنا على الطريق الصحيح
شكد كنت ممتنه لربي لأن رزقني هيج زوج صالح
رجال شهم وكد المسؤؤلية
وكد الوعد وكد حجايته مثقف وواعي
يوم عن يوم اكتشف صفات برفعت تخبل
ولاحظته من كبر وبعد ماصار دكتور واشتغل بالمستشفى
كلش تغير وكام يتفاهم وياي بهدوء وعقلانية يوعيني إذا خطأت
ويعلمني شلون أتعامل مع الأطفال
الحمد لله لأن إختياري كان صحيح وماتسرعت وتزوجت ضياء
الله صدك يحبني ووفقني بزواجي
والكل حاسدني
ومحد يعرف شكد تعبت وعانيت حتى وصلت للي اني بيه
قررت اكسر السيمكارت واتخلص من شخص إسمه ضياء بس قبلها طلب مني يعتذر من كل شخص سببله اذى
كنت رافضه هالشي وبصراحه كنت حاقدة عليه
بس رفعت وافق يحجي وياه وسامحه
ضياء بكل حياته ما فادني بس بشغلة وحده
خبر رفعت بكل شي
وقسمله إنه كل الكلام الهابط الي كاله عني والي شوه سمعتي بيه
كان كذب وافتراء
رفعت تعاطف وياه وبالذات من عرف عنده ولد غير شرعي
أستغفر الله العظيم
شنو من عاقبة ياربي
ارحمنا للحمام يا الله
رفعت سامحه
ضياء بقى يتوسل بية اسامحه
وبالكوة رفعت قنعني وسامحته
اما زيدان ماكدر يسامحه وعاند
ردنا نختم صفحته بس هو طلب من رفعت طلب
ماعرفنا شلون نتصرف وياه
درر-: رفعت انت ماتعرفه هذا شنو لك هذا الشر بعيانه شنو من كل عقلك تريد تنفذه الشي اليطلبه منك
رفعت-: وعد مني بس هاي وينتهي كل شي
نروح لبيت ليث نسلم عليهم
زيارة عادية
درر-: أستغفر الله انت ناوي تخبلني شنو إحنا شعلينا
رفعت-: ضياء لا حول ولا قوة وطلب بس صورة لابنه الي عمره وحياته ماشايفه
اني بس اصوره وادزله صورة إبنه وينتهي كل شي
جاي اوعدج
درر-: أوك اني بصراحه قبل فترة ردت اكولك حتى أروح ازور ام ليث لأن مريضه كلش وسائلة علية
تواصلت وي بناتها والي عرفته إنه من سامعه بخيانه عنود كلش مرضانه ومقهورة على أبنها
حقها اوف الله يسامحج عنود ويغرفلج ذنوبج
رفعت-: ام عنود وين صفى بيها الدهر
درر-: سألت ترانيم تكول بالمستشفى نايمه من سامعه بموت بنتها مامتحملة اني ماقاهرني غير ترانيم كلش مقهورة على اختها وعلى أبوها
مع إنه المشكلة محد يعرف بيها غير كم واحد بس تبقى هظيمه وفضيحه بالنسبة الهم
رفعت-: حبيبتي هسة احنا نسوي الي علينا باجر نروح لبيت ليث نسلم ونأدي الواجب لأن احتمال يسافر
وبعد مانشوفه
درر-: هفف أوك بس علمودك ومنها اشوف ام ليث المرة وكفت وياي بيوم من الأيام
ثاني يوم خابرنا ليث
وانطانا عنوان بيتهم رحنا زرناهم
وشفت ثلاث أطفال
إثنين منهم توأم وواحد بعده صغير حسيته إبن ضياء
كلش ضجت بالكوة اباوع عالطفل
لأن ملامحه تشبه ملامح ضياء
الله يساعد ليث شلون كدر يربي طفل موشرعي
ناتج عن خيانه وزنا زوجته مع صديقه
أستغفر الله العظيم
رفعت صوّر الأطفال
وعرف يميز إبن ضياء لأن هو كايله عمره
سلمت على ام ليث وبستها براسها
المرة منتهية والكبر هدها
ماتحجي بس تباوع بعيونها
ليث كال ماابقى هنا أسافر
إحنا ودعناهم ورحنا
ماصارت روحه علينا
شبعنا قهر كل المشاعر انجمعت
منها قهرنا على ليث ومنها على ام ليث
والاضرب من هذا كله
إبن ضياء الي كل شي مايعرف
وراح يربيه ليث
هاي الدنيا وناسها والله تحير
كل شي توقعت بس مااتوقعت نهاية عنود وضياء تنتهي بهالفضيحه هاي
مرت الأيام عشنا حياتنا بين حلوة ومرة
ركزنا على تربية أولادنا وبس
رفعت بعد مادز صورة إلطفل لضياء
حظره
وكانت ردة فعل ضياء
تقهر بمعنى الكلمه
ما ادري انقهر عليه لو أشفق
رفعت إتصل بيه من دزله الصورة وضياء ماحجى اي كلمه بس اكتفى بالبجي
اني يم رفعت جنت كاعده وهو خلا الموبايل على اذني سمعت البجي
هاي كانت آخر شي وانختم كل شي يخص ضياء
وماعرفنا عنه اي شي ليوم الله هذا
هالة بقت نفس الغيرة والحقد
وماعرفت الدنيا ماتدوم لأحد
مات أبنها بحادث بسيارة
وصارت بيها حالة نفسية بقت يمنا أيام وتالي عمتها خابرتنا كالت إذا ماترجع للبيت نزوّج أمير
ونطلكها
هالة مااهتمت مااعرف تغيرت أو لا بس من كعدت ببيت اهلها طول الوقت ساكته
تالي اجاها رجلها كال اني احبها ومااكدر أتزوج غيرها
ورجعت وياه
وعوضهم على الله
مشت الحياة مثل ماهي
نجتمع جمعه وخميس
هالة تغيرت مومثل قبل تحجي وتغلط وتتجاوز
عادي تجي تسلم وتروح واغلب الأوقات ساكته وهادئة
جانت تدخل بكل شي وتسوي المستحيل بس حتى تصير مشكلة بيني وبين رفعت أو وي عمي وعمتي
بس ماكدرت تخربنا الحمد لله
مااعرف سكوتها هو تغيرها للافضل أو مجرد فقدان امل إنه ماتكدر تخربنا تعبت من النفاق
كل الي اكدر اكوله الله يهديها واني لا اكرهها ولاعندي شي وياها
الله يهديها ويهدي الجميع
منتظر وزوجته كافين خيرهم شرهم
بس بأخير فترة لاحظت زوجه منتظر تحاول تتقرب مني وتلاطفني بكلامها
واني استقبلت محاولاتها بصدر رحب
ماحبيت افشلها
وصرنا حبايب
كل الي فهمته من حياتي وكل المتاعب الي صارت
إنه اني كلش ممتنه لرب العالمين
لأن خلاني أوصل لهيج مرحلة
ألف الحمد لله والشكر
********
رفعت
تصالحت اني ودرر
رحت لشغلي وهي كل شي مابيها
الظهر كل شوي اخابرها اتطمن
صارت تقريباً الساعه ب١٢ وقت رجعه الأطفال من الروضة
خابرتها هم اتطمن عليها وهم اسألها على نور ووردة
هذا روتين متعود عليه حتى لو مو حامل
اتصلت بيها ماكو متجاوب
انشغل بالي
اتصلت مرة ثانية
مشغول!
إنتظرت ورى شوي اتصلت
فتحت خط
رفعت-: الو حبيبتي
نور-: بابا بابا تعال بسرعه ماما تبجي حيل وكالتلي خابر أبوك
بابا نونو يريد يجي
رفعت-: امك وين
يبجي ومتوتر بالكوة افتهمت عليه
رفعت-: بابا نور أبقى يم امك ولا تبجي إبني انت جبير
نور-: وردة هم تبجي
رفعت-" يلا اني جاي
سديت الخط
مو موعد ولادتها هسة!
وصلت للبيت صوت صراخها واصل لسابع جار
اني متعود كلما يصير موعد ولادتها
تفضح المنطقه بالصريخ
نور ووردة يصرخون وي صرختها
شلون تبهذلت وتوترت
رفعت-: يلا حبيبتي بس أهدي ابوس ايدج مو والله انشهرنا الجيران كلهم واكفين اصطفاف بالباب
درر-: الله لا يوفقك رفعت شسويت بيا عاااااا
رفعت-: اسكتي اطفالج يبجون يمعودة
شلتها بالكوة ملختني تمليخ جلبت بشعري
خرب
ونور واخته يبجون واصروا الا نروح وياكم
المهم صعدنا كلنا بالسيارة
وصار الصراخ والبجي ماله والي
نزلتها من السيارة كعدت بالكاع تصرخ من الوجع
رفعت-" كومي حبيبتي انفضحنا
الدكاترة كاموا يرزلون بية يكولون قلقتوا المرضى
طبعا من دخلنا للمستشفى
الكل دخل إنذار
درر مو صوت عليها من تطلك عبالك جرس إسعافات
لعبت بحالي لعب وانوب جهالي حرت وين اوديهم
درر-: رفعت دير بالك على جهالي إذا اموت امانه بركبتك مو تضربهم الله عليك
رفعت-: اش لاتحجين هيج هسة تجيبين وتطلعين بخير وسلامه الي ولجهالج
درر-: رفعت سامحني إذا شفت محادثات ضياء بموبايلي سامحني والله هو خابرني ومن وراه صارت عندي ولادة مبكرة سامحني والله ماعندي شي وياه اخذ الموبايل وفتشه وشوف صورته
رفعت-: عندي ثقة بيج والله العظيم خلص أنسي كل شي ولتخافين
درر-: الوجع موتنييييي رفعت
دخلناها لصالة الولادة وبقيت منتظرها أربع ساعات
أهلي رجعوا من النجف خابروني الجيران مخبريهم
بقى واحد ماعرف مرتي عدها ولادة
الا شوي جان انتشر خبر عاجل بالأخبار
اجت امي
صار اليل ودرر بعدها تطلك
بالبداية كالولنا احتمال عملية قيصرية
بس نحاول وياها بلكي تجيب طبيعي
اجة زيدان أخذ نور ووردة
الكل قلقان الموبايل احترك علية اتصالات غلقته
وبس أفكر بكلامها ليش كالتلي دير بالك على جهالي
الا توترني
احفظها لي يا رب
لاتحرمني منها يا الله
لاتفرق بين المحبين
نور ووردة كل شوي يخابروني
من بين الكل بس هم أرد عليهم
يبجون على امهم
حقهم
إذا اني رجال شكبرني واحسها امي مو مرتي
غابت شكم يوم صرت عبالك طفل مشرد حتى ملابسي ماكمت أعرف البسهن
خلال ساعات الإنتظار
اجت على بالي كل ذكرياتي وياها
من تزعل من تضحك من تبجي
من تنكد علية
كل شي بيها حلو
تذكرت من أول ماتعرفت عليها
كل شي وياها بدا بصدفة
كانت أحلى صدفة بحياتي بل كانت كل حياتي
شلون اشوفها طفلتي وبنفس الوقت احسها مثل امي
اوف يادرر
بعد طول الإنتظار
جابت درر بنية
وسميناها قمر
كلش فرحنا
أكثر شي فرحني من درر كامت بصحه وسلامه
ألف الحمد لله والشكر
رب العالمين عوضنا عن كل شي
وقررنا نستمر بحياتنا سوى
درر طلبت مني أشوف جهازها أكثر من مرة بس اني منحتها الثقه الكاملة ومستحيل بعد اشك بالمرة الي صانتني وصانت أهل واطفالي كل هاي السنين
مرت أيام
ودرر كالتلي ضياء يتصل ومااجاوبه
شوفتني صورته شلون متشوه
حالته تصعب عالكافر
خابرني وأعتذر مني وراد يخابر حتى زيدان
بس زيدان كال بس تجيبون طاري هذا الحقير نتخارب
من بعد اعتذار ضياء
درر كالت لهنا ولازم نطوي صفحه الأستاذ ضياء للأبد
غيرت السيمكارت مالتها
وانتهى شخص إسمه ضياء
أهلي اخذتهم للحج والعمرة
درر هي كالتلي تفكر بيهم أكثر مني
كلمن كرس حياته لعائلته
منتظر مستمر بشغله كل اسبوع يجينا هو ومرته
علاقتهم سطحية بس مامأذين أحد
زيدان علاقتنا تطورت بيه
صرت أعتبره اخ وصديق مقرب الي كلش
لدرجه إذا درر تزعل مني واني الغلطان يوكف وياي مو وياها
شخصيته نفس شخصيتي صرنا أصدقاء مقربين
هالة أبنها الجبير سوى حادث ومات
جان استوه راجع من المدرسة
كلش اتأذت وبقت عدنا خمس أشهر
بالكوات رجعت لعيالها
كل يوم ينقلوها للمستشفى
ولهنا إنتهت قصتنا
🌹🌹🌹🌹🌹🌹🌹🌹🌹
كتبولي بالتعليقات عجبتكم القصة
