#البارون
انا #لچموا...
گلبي بحچآيات"
حتى بنومتي يصلن'💔
.
.
كۣۗہرآر آلَعۣۗہرآقۣۗہيۣۗہ🐆.ۦ𓆩“̯🤞😐“̯𓆪.tt
...شعر فصحى:
بكل بساطه لا يحقُ لكَ أن تنكسر و تميل ،
لأنّ ثمةَ من يتَّكئ عليك !👥👥👥👥
صُنِ النَّفسَ وَاحمِلْها عَلى مَا يزينُها
تَعشْ سَالمًا والقَولُ فيكَ جَمِيلُ
ولا تُرينَّ النَّاسَ إلَّا تَجمُّلًا
نَبا بِكَ دَهرٌ أو جَفاكَ خَليلُ
وإنْ ضاقَ رِزقُ اليَومِ فَاصبِر إلى غَدٍ
عَسَى نكبَاتُ الدَّهرِ عَنكَ تَزولُ
علي بن أبي طالب...
...#نزار_قباني...
...وما حبها إلا تمكن في الحشا
وأورث في الأكباد منه سعير .
#قيس..
...🎸🎶
دعيني..
أقولُكِ ما بين نفسي وبيني..
وما بينَ أهداب عيني، وعيني..
دعيني..
أقولكِ بالرمزِ، إن كنتِ لا تثقينَ بضوء القمرْ..
دعيني أقولُكِ بالبَرْقِ،
أو برَذَاذ المَطَرْ..
#نزار_قباني...
رفعت
مابقى للعرس بس يومين كاره نفسي والشكوك مالية دماغي معقولة بايعه نفسها وجاي تستر نفسها بهذا الزواج معقولة
الدكتور انطاني إجازة
ام رفعت-: تعال تريك
غسلت وجهي ولبست أريد أروح للمطعم متجنب كعدة البيت
لكيت بس مرت منتظر
كعدت وعيني تبحث عنها بكل مكان وين راحت هاي
ام رفعت-: وين درر ليش مااجت وياج
- هسة تجي بس تسبح
تريكت بسرعه ورحت لبيت منتظر
سمعت صوت المي من الحمام بعدها يعني
طلعت من شافتني صرخت
رفعت-: ووجع
شعرها ينكط مي
رفعت-: أريد احجي وياج وبعدين ليش تطلعين بلا حجاب وين كاعده ببيت الخلفوج وهيج ماخذة راحتج
درر-: وإذا البيت فارغ محد بيه وطلعت من الحمام نسيت شالي
رفعت-: ههه هو اني ويامن احجي ياريت لو بس عالحجاب إنتي بايعه ومخلصه
درر-: ليش تجرحني كلامك سجاجين بكلبي ترا ماكلفت نفسك تسال عني حتى أفهم مني تالي أحكم
رفعت-: ليش خنتيني
درر-: ماخنتك راشد وهالة كالولي تزوج وعافج وكلما اخابرهم واخابر على جهازك محد يجاوبني كنت بموقف محتاجه أي أحد وياي احتاجيتك أنت ماتعرف شنو صار وياي شنو عانيت
رفعت-: مايبرر خيانتج أبد
درر-: ماخنتك والله العظيم
رفعت-: منو كال ماخنتي شنو هذا المقطع
درر-: يعني لو شنو مااحجيلك ماتصدكني مو صحيح
رفعت': طبعا ومامستعد أتزوج وحده مامتأكدة منها إذا
درر-: كمل ليش سكتت رفعت بس افهمني حاول حبيبي اني درر تعرفني أكثر من روحك
رفعت-: لا تحاولين ماكو فايدة كل شي محفور بدماغي وحتلو كلتي بس كان اتفاق زواج بيناتكم ماصار ماراح أقتنع
درر-: رفعت جاي تقهرني بكلامك والله
رفعت'؛ كم مرة باسج ولزمج سولفتوا واحتمال تطورت علاقتكم بما أنه حاجزلج غرفه بفندق ولمدة إسبوع وحب منه ماسيطر وإنتي عادي عندج بما إنه لااهل ولا أي شخص يحكمج اخذي راحتج لأن محد يحاسبج منين تخافين
هي تبجي وتتوسل بيا
درر-: والله ماخنتك والله صدكني
لزمت أيدي
درر-: وروح امي وابوي وروح زيد محد متقربلي
رفعت-: إذا مو ضياء شي أكيد غيره ومن واحد لواحد لأن ضياء يجوز مل أو أخذ اليريده وعافج وصديقه هم أخذ وشمروج مثل الجلب عدنا
درر-: ماتصدكني مو
فتحت سحابة ثوبها وسدت الباب
درر-: شنو تريد تتأكد؟
رفعت-: أي اتأكد
فتحت دكمه قميصي ومتردد هي تباوعلي وتبجي ترجف
نظراتي باردة وبالمقابل هي نظراتها كلها خوف وانكسار وخذلان
حيرة توترت أكثر منها خايف إكتشف خيانتها وقلبي يكول لا مو خاينه ونقية
لكن عقلي يكول شي ثاني ويعرضلي كل التفاصيل والأدلة على خيانتها مثل الصور والمقاطع وشوفتي الها وي ولد غريب كل هذي الادلة تبرهن إنه هي خاينه
بس قلبي كان المسيطر
حرت بين أمرين إذا سويت الاريده بس حتى أرتاح ويرتاح بالي من الهم هذا وتطلع شريفه راح اكسر خاطرها وتدمر نفسيتها
وإذا طلعت العكس فاني الي راح اتدمر
رفعت-: اسوي الشي برضاتج مو غصب عنج
درر-: ماادري
أدري غلط بس اريد أرتاح من التفكير تعبت
واكفه كبالي شفايفها ترجف شعرها واكع على جتافها
رفعت-؛ روحي من كدامي
درر-: بعدك تحبني
رفعت-: لا مااحبج وخري لتصيرين كبالي مااريد اشوفج
درر-: أنت اجيتني
خليت شال عليها
رفعت-: غطي نفسج
درر-: تحبني
رفعت-: لا
ردت اطلع لزمت أيدي
درر-: رفعت محتاجتك
حضنتني صكيت بمكاني
حاضنتني وتبجي بحركه ولا كأنه استوني مسحت بكرامتها الكاع وحجيت على شرفها لمن مامليت
درر-: أحبك حتلو متحبني وحتلو تكرهني أحبك من زمان و راح أبقى أحبك لحد مااموت اني عاذرتك حتلو حجيت عليا ميخالف مستعدة أكون خدامه ببيت أهلك بس لاتحرمني منك الله يخليك
حاضنتني بكل قوتها ابعدها ماتوخر تبجي أحس نفسي ضعفت كدامها
درر -: لتعوفني شتريد اسويلك شتطلب مني اني حاضرة
رفعت-؛ مااريدج اطلعي من حياتي
درر-: لا فدوة لاتكول هيج رفعت
بقت حاضنتني ومجلبة بقميصي
رفعت-: شبيج وخري
درر-: خليني
رفعت-؛ لعد نزعي
رأسا وخرت مني
درر-: شنو
رفعت -: مو كلتي شتريد اسويلك
سمعنا صوت صوفي يصيح درر لأن تأخرت
درر-: حروح
رفعت-: لاتحلمين اتزوجج قبل لا أعرف حقيقتج
*********
...
...ولكن.. ماذا ينفع العتب الآن..
بعد أن أصبحت علاقتنا كبرتقالةٍ شاحبة،
سقطت في البحر..
#نزار_قباني...
...
و كم كرِهَتْ هذه المراتِ الأُخَر في حياتها ، و كم تمنَتْ لو نزعتْ قلبَها من بين ضلوعِها لتعطيَه إياه _ بعد كل مرةٍ أخرى _ لعلها تنساه أو تتوقفُ عن حبه !!
لكن ، كيف تنساه و هو حبّها الأول ؟؟ ذلك الحب " الكذبة " التي كذبناها فصدقناها حتى كاد أن يقضي علينا ؟؟
كيف تنساه و كل ما فيها له : عيناها ، شعرها ، صوتها ، قلبها ، عقلها .. أو بالأحرى قلبها الثاني !
فلطالما شكَّتْ بأن في جمجمتها قلبٌ آخر يَدْعمُ حبه !!!!
#نزار_قباني...
......انا لست آسفه عليك لكن علي قلبي الوفي
قلبي الذي لم تعرف
يا من علي جسر الدموع تركتني
ودعوت واحدة إليك ونسيتني
#نزار_قباني...
درر
رفعت كارهني واني بعدني أحبه
اتهرب منه وهو نظراته تخوف مراقب كل تحركاتي ويريد ياخذني قبل الزواج انكسر كلبي جرحني بكلامه
مابيدي حل غير اتهرب منه لحد ليلة العرس
مابقى شي للعرس زينب ومرت منتظر يشتغلن يرتبن بالبيت وهالة شادة وياي تسمعني كلام مسموم ومعاندة ماتشتغل أي شي بالبيت أمها تعاركت وياها بس هي وكحه ولسانها طويل عمتي اخذتني للحافوفة ومناك تشتريلي اي فستان
حفت بس حواجبي شلون ماكان ماتعرف ومو خوش حافوفة مرة جبيرة وماتشوف استحيت اكوللها وجهي ماحفيتي عمتي اشترتلي قطع قماش ألوان وخلتهن عند الخياطه اخذتني للسوك اشترلي نيشان بسيط وفستان مثل الثوب ماعجبني أبد عريض عليا
بس بعدين كالتلي رايحين نأجر بدلة وصالون شوي فرحت ولو كانت فرحتي مزيفه
اجرنا صالون وبدلة تالي رجعنا للبيت
رفعت تعارك وياي لأن من طلعت ماكلتله
مرت منتظر من شافت وجهي كالت حفافتيش هاي حفتني من جديد حفافه مرتبة وسوت جسمي
هههه وبس تتغزل بيا تكولي رفعت راح ياكلج وميخليج تنامين اني استحي وأبقى ساكته
العصر رفعت بغرفتنا اني ماداخلتلها بس عمتي رتبتها لأن مابقى شي للعرس سمعتها تكوله
ام رفعت-: يمه رفعت أطلع خلي الغرفه نظيفه
جان رفعت نايم عالجرباية يلعب بموبايله ويفلس حب ويشمر بالكاع سوى الغرفه حاوية
عمتي طردته بالشقى وكرصته من جتفه وكاموا يضحكون هو هم حضن أمه حيل خنكها كامت تصيح عليه اني شفتهم وكمت أضحك باوعلي صفح وخزرني كالي شكو
شلون فشلني
زينب جانت بشهرها وعدها وجع كلش قوي من الصبح العصر بعد ماكدرت تتحمل اخذها رفعت وراحت وياهم عمتي وبتها بقت يمي كلش عاقله ومؤدبة تلعب وي صوفي
تاخروا خابرتهم ام مصطفى( زوجه منتظر) بالطريق
وزينب بعدها مو هسة موعد ولادتها
باليل اجه منتظر من الشغل تعشينا وكملنا رحت بس
ماكنت حابة وضعي وبديت أغار من زينب أخاف تحط عينها على رفعت هي ٣٤ساعه كدامه اني الله شاهد ماشفت شي من البنية هادئة وماتحجي هواي علاقتي بيها رسمية سلام وعليكم السلام بس يبقى إحساس موحلو لأن أبوه من زمان كاله تزوجها زاد توتري وتفكيري
خلص اليل بس ياريت همي خلص وياه
بقى يوم واحد للعرس عمتي عزمت بس الجيران هالة تخبث عليا وتشمر حجي واني ساكتتلها
الصبح ام مصطفى كالتلي مايصير تجين وياي لبيت عيالج مايصلح بقيت بالبيت وبس صوفي وأخته وياي
رفعت اجاني جنت اغسل مواعين بالمطبخ اختنكت من الشال خليته على اجتافي والأطفال كاعدين يرسمون يمي وهو دخل علينا
رفعت-: ليش مالابسة حجاب
درر-: محد بالبيت
هو سكت بقى حاير يريد يسوي مشكلة شلون ماكان ومايكدر لأن صوفي يفتهم الكلام جبير وبقى يباوع علينا صافن
وإحنا نتناكر مثل الأطفال
رفعت-: اغسلي المواعين زين
درر-: لا والله هههه
رفعت-: ومرض
درر-: رفعت ترا صوفي يباوعلنا كافي
رفعت-: خلصي وتعاي وراي
درر-: وين؟
رفعت-: خلصي وتعاي
درر-: مااجي وروح رجاءا
خزرني بقيت اباوعله
درر-: شبيك
ضل ساكت انطى فلوس لصوفي كاله روح اشتري انت واختك
من طلعوا جرني من ايدي ووو
...يتبع
سؤال البارت/ شنو تتوقعون رفعت راح يبقى كاره درر لو يتغير؟
*******************************************
#البارون
