#البارون
*********
...برائحه الصندل الذكرية حول ظهور الخيول..انتظرها
بسبع وسائد محشوة بالسحاب الخفيف.. انتظرها
بنار البخور النسائي ملء المكان..انتظرها
فأن اقبلت بعد موعدها.. فأنتظرها
ولا تجفل الطير فوق جدائلها.. وانتظرها
لتجلس مرتاحه.. كالحديقه في أوج زينتها لترفع عن ساقها ثوبها غيمه.. غيمه
وانتظرها..
وخذها إلى شرفه لترى قمراً غارقاً في الحنين
وقدم لها الماء قبل النبيذ
انتظرها إلى أن يقول لك اليل .. لم يبقى غيركما في الوجود ...
... تحدث إليها كما يتحدث ناي إلى وترٍخائفٍ في الكمان كأنكما شاهدان على مايعد غدٌ لكما...
..." لا يمكن لأحد أن يفهمك حين يكون الماء في يدك والجفاف في صدرك، حين تكون النجاة في جسدك والغرق في قلبك، حين يكون النور من حولك والظلمة فيك."...
ضياء
طلعت من البيت مااعرف وين اتجه اسوق بسيارتي وامشي بلا هدف أدخن عيوني غوشت أخير فترة نوم ماانام أكثر شي ٤ ساعات باليوم ومن غير التفكير إلي دمرني بنص اليل لكيت نفسي متوجه لمنطقه درر وكفت سيارتي من بعيد اباوع لبيتها واصل لمرحلة ماجاي أفهم نفسي ولا أحد كادر يفهمني خلص اليل واني مامغمض جفن مر اليوم واني بالسيارة افتر من مكان لمكان وماداومت فولت بانزين امي تتصل ومااجاوبها يوم كامل بلا اكل لحد ماصار اليل عيوني غوشت لأن تعبان ومانايم اسوق وغفيت ع الاستيرن هدوء وتخيلات ماميزت الواقع من الحلم لحد ماحدثت الضجه الكبيرة وصار وياي حادث كنت شبه واعي إسعاف وناس التمت من بين كل هالضوضاء اسمع همس غريب وهادئ حاولت افهم شنو الي جاي يصير وياي غمض عيوني أول خيال صادفني درر وبعد ماحسيت بشي لكيت نفسي بالمستشفى الم فضيع بكل أجزاء جسمي خدر برجلي ايدي ماتتحرك بالكوة فتحت عيوني مااعرف بيش الساعه الدنيا ليل لو نهار شنو صار مااتذكر كل إلي اتذكره خيال درر وهذا الهمس الهادىء بصوتها
- ماما ضياء الحمد لله على سلامتك ابني والله العظيم قلقتني عليك
ضياء-" شنو صار
*********
...والآن أشهد أن حضوركِ موت وأن غيابكِ موتان.
- محمود درويش...
...انّني أذكر أو لا أذكر
العمر تبخّر في محطات القطارات
وفي خطوتها.
كان شيئا يشبه الحبّ
هواء يتكسّر بين وجهين غريبين ،
_ محمود درويش...
...وهي الأولى. أنا الأول كنّا. لم نكن
جاء الشتاء دون أن تقتلني...
دون أن تبكي وتضحك.
_ محمود درويش...
درر
كمت أصرخ بصوت عالي كلش زيد بدأ يضربني ودفعني عالحايط انضرب راسي بالشباك حسيت حرارة براسي دم طلع
درر": زيد شبيييك عوفني عوفنييييي
أسمع باب بيتنا يدك الجيران يصيحون فزعوا من الأصوات
درر": زيد وخررر
زيد ساكت ومغيب عن كل شي من كثرة الأصوات الاسمعها أقوى صوت جان صوت رشيد دخل علينا والشر يتطاير من عيونه تضارب هو وزيد اجوي الجيران من صراخي رشيد رفع سلاحها وكال اي واحد يتدخل بيني وبين زيد اعبي الرصاص براسه الجيران كلهم طلعوا رشيد سد الباب وقفله قفل لزم زيد موته من الضرب بالكاع وهو فوكاها يضربه على وجهه زيد ماقاوم فقد الوعي خشمه وحلكه كله دم وجهه رشيد ايد تنزف وماعافه اصرخ اتوسل بيه مايفيد حاولت بس ابعده شوي عن زيد دفعني ركضت لغرفه زيد خابرت عمي
درر": عمييي الحك عليا الحكلي فدوة زيددد راح يموته رشيد الحك بسرعه
ابجي واشهك بالكوات من كلامي المتقاطع بالموبايل كدر يفهم شفت زيد وجهه كله دم رأسه ينزف من كد ماضربه بالكاع كمت الطم على وجهي ورجليا لك زييددد كوم فدوة خويييية كوووم لك رشيد شسويت تعال اخذه للمستشفى راح يمووووت فدوة رشيد ابوس ايدك
لا حياة لمن تنادي طلع من البيت ولا كأنما شي صاير اجه عمي
- كله منج انتي
درر":: عمي والله اا
أخذ زيد للمستشفى
- أي شي يصير بيه راح انفيج من على وجه الكرة الأرضية امشي من كدامي اطلع برا بيتي مااريد أشوف وجههج
الجيران هدأوا خليل راح وي زيد للمستشفى للعصر اجه عمي وحده اعصابه منهارة ويبجي من شافني جرني
- شعندج بالبيت إني شكلتلج طلعي برا طلعييييي
درر": عمي بس طمني على زيد فدوة اروحلك
- طلعييي برا
جرني وطلعني بالشاارع وسد الباب بوجهي
وين أروح
وين امشي
ماعندي مكان يأويني بالدنيا بس عمي عندي
مامستوعبه شي ليش عمي طردني
درر": عمو افتح الباب كولي وين اروح
اتوسل وابجي بالباب والرايح والجاي يباوعلي الجيران كلهم طلعوا على صوتي نظرات شفقه من الكل
درر"؛ عمو الله يخليك وين اروووووح اقتلني ولاتخليني حايرة بروحي هيج
كعدت بالكاع ابجي مكسور خاطري بعدني بملابس المدرسه دايخه راسي ينزف دم وطلع حتى من الشال
اجت ام غيداء اخذتني لبيتها
درر": خالة فدوة اروحلج احجي وي عمي
ام غيداء: اهدأي حبيبي تعاي خلي اضمد راسج
غيداء ": كافي لا تبجين مو كطعتيه لكلبي اوف
درر": لج غيداء عمي طردني مايريدني بالشارع هسة اني وين اروح لا اب ولا ام شسوي بروحي
غيداء ": كولي يا الله الله كريم
درر؛ غيداء فدوة خابري خليل
غيداء ": لتخافين زيد مابيه شي من شوي خابرت خليل مناه لباجر يطلعوه من المستشفى
صارت لل١ بليل ومانايمه على أمل يجي واحد يكولي رجعي لبيت عمج بس محد اجه بس خليل يباوعلي بغضب غيداء كعدتني بغرفتها علمود ارتاح سمعت خليل يحجي عليا
غيداء ؛، اش شبيك لاتسمعك
خليل:؛ أي ويطبها مرض وإذا سمعت شنو حاجي شي غلط اني كله من وراها كم مشكلة بمشكلة صارت
غيداء :؛ هي شعليها ليش ماتعتب على صديقك
الناس الها الظاهر من عرفوا سبب المشكلة اني كلها كامت تحجي عليا والجيران بدأوا يألفون حكايات خيالية مر اليل اني مانمت بس متغطية ومسوية نفسي نايمه حتى أعرف أهل غيداء شيحجون
الصبح رحت للمطعم اليشتغل بيه رفعت
شافني واكفه بالباب حجى وي صديقه وطلعلي
رفعت:؛ شبيج
اكتفيت بالبجي
درر": رفعت اخذني يمك
رفعت ": احجييي شبيج
حجيتله كل شي
صار عصبي وحارت الدنيا بيه
رفعت": شلووون ببيت جيرانكم كاعدة
درر:؛ وين أروح لعد
رفعت": راح اجيب أهلي اليوم
درر": لا تجيبهم تصير مشاكل
رفعت:؛ شلون يعني ابقى حاط أيدي على خدي مثل النسوان وأبقى منتظرج
درر:؛ لاتجون هالفترة رفعت والله تصير مشاكل انتظر من أرجع لبيت عمي ومن ابن عمي يطلع من المستشفى بلكي عمي يوافق لأن هو ماطول طردني من البيت شي اكيد اي شخص يتقدملي راح يوافق
رفعت:؛ هم عوزها مايوافق
درر:؛ ان شاء الله
وصلني للمدرسة سمعت الطالبات يكولن أستاذ ضياء مسوي حادث والمدرسة كلها مخبوصة عنود من سمعت من البنات صرخت صريخ ولا صاير ولا داير فكيت عيوني تالي تخربطت خابروا أهلها اجو اخذوها معقولة تحبه!؟
خلص الدوام ابو الخط مااجاني لأن محد منطيه فلوس هذا الشي يمكن لصالحي لكيت رفعت منتظرني بيده علاكه
درر:؛ شنو هذا
رفعت:؛ أي سلمي عالاقل تعالي اكلي وجهج صاير مثل الكركم
درر:؛ خلرجع للبيت
رفعت:؛ عرفت راح تكولين هيج
درر:؛ تعبانه والله ومنايمه
رفعت:؛ اليوم إذا مارجعتي لبيت عمج خابريني
درر:؛ ان شاء الله أرجع
رفعت:؛ هاي الاغراض الج
درر:؛ شنو؟
رفعت؛؛ من توصلين للبيت شوفيهم
وصلت لمنطقتنا بيت عمي بابهم مقفول
رحت لبيت ام أيمن
درر:؛ ماكو أخبار عنهم
ام ايمن:: حبيبتي هاي مفاتيح البيت عمج الصبح اجه وانطانياهن
درر:؛ صدك؟ يعني عمي بنفسه كالج انطيها المفاتيح
ام أيمن ": أي والله
درر:؛ مشكورة خالة على كل شي
أخذت المفاتيح ودخلت للبيت نظفته كله للظهر اجه عمي وزيد والحمد لله زيد كل شي مابيه بس وجهه مورم من الضرب
سويتلهم غدا بس عمي مايحجي وياي
دزيت رسالة لرفعت وطمنته
تذكرت العلاكه شنو الاغراض؟
عطر رجالي شميته هذا نفس العطر الي يستخدمه هو حلويات وعلبتين نوتيلا و٥٠ الف!
يا الله شكد عيب
ال٥٠ الف رشيت عليها من عطره وضميتهن وي الذهب مالتي الي مرت عمي انطتني ياه الذكرى الوحيدة من امي هذا الذهب معتزة بيه ومرت عمي قبل لاتموت بفترة اشترتلي تراجي محتفظه بيه وال٥٠ الف اعتبرتها ذهب من رفعت وحتى العطر ضميت بصندوق الذهب
راسلته
درر:: شنو هاي الفلوس بلة
رفعت:؛ معليج
درر:؛ ماراح اصرفهن ابد
رفعت:؛ هههه ليش
درر:؛ ماراح تفهم ليش بعدين اكولك
رفعت:؛ اشتريت عطر الي بس ضاع شو مالكيتي بالاغراض
درر:: ها عطر؟ اي موجود بس ماانطيه صار الي
رفعت؛، لج بابا عطر رجالي شنو الج
درر:؛ ميخالف احتفظ بيه كهدية منك
رفعت:؛ تحيريني مرات بتصرفاتج
درر ؛، لأن أحبك والشخص اليحب كل شي يسوي وكل تصرفاته تكون غير منطقية وغريبة هههه فيعني اني معذورة
بقينا ندردش نساني كل همومي ومشاكلي ولا كأنما صاير وياي شي
مرت أيام زيد تشافى تماما وعمي انطاه فلوس وكاله سافر سوي كل شي التحبه وزيد قرر يروح هو وخليل يتونسون بأربيل زيدان كل فترة يخابرنا ويتطمن علينا رشيد اجه للبيت عمي حاول يتناقش وياه بهدوء حتى مايخسره لأن رشيد عصبي ومتهور بس هو تجاهل كل الكلام ومافاد شي البرود والقسوة مسيطرة عليه لدرجه لو كل الأخطاء يسويها يعتبر نفسه ممسوي شي وضميره ميت
من شفت الوضع مستقر رشيد مو دايما بالبيت وزيد طالع برحلة يتونس تفاهمت وي رفعت يجيب أهله يخطبني عسى ولعل عمي ويوافق وأخلص من كل المشاكل
قبل لا أروح للمدرسة تمشينا اني ورفعت
درر:؛ حبيبي اني فهمتك الوضع كله وبعد أنت يمك
رفعت:، خلص اليوم اجيب أبوي وكرايبي كلهم حتى بسرعه يتم كل شي وماتصير جرجرة
درر:؛ ان شاء الله رفعت ونخلص عالاقل خاتمه ذنوبنا توبة وزواج
رفعت:؛ مابقى شي وتصيرين حلالي بس مو تهملين دراستج على ابو اني راح اتزوج لا حبيبتي اني اريدج تكملين حتلو تزوجنا
درر": يا عمري أنت ممكن اسألك سؤال
رفعت:؛ شنو
درر:؛ هالايام مو على بعضك شصار عدكم بالبيت
رفعت:؛ بنت عمي..... الخ
سولفلي كل قصتها
درر"؛ اوف خطية البنت يتيمه وجهالها هم تيتموا
رفعت"؛ واخوها ماكو أي تواصل وياه مختفي
درر:؛ وانت شنو المضوجك حبيبي يعني قصدي بس هيج لو اكو شي بعد اني مااعرفه
رفعت"؛ بصراحه اي
درر؛، شنو
رفعت:؛ أبوي يريدني اتزوجها
درر؛، شنووو
...كسروكَ، كم كسروكَ كي يقفوا على ساقيك عرشاً،
وتقاسموك وأنكروك وخبَّأوك وأنشأوا ليديكَ جيشاً،
حطوكَ في حجرٍ وقالوا: لا تُسَلِّم، ورموك في بئر،
وقالوا: لا تُسَلِّم، وأطلْتَ حربَكَ، يا ابن أمِّي، ألفَ
عام ٍ ألفَ عام ٍ ألفَ عام ٍ في النهار ِ، فأنكروكَ لأنهم
لا يعرفون سوى الخطابة والفرار، هم يسرقون الآن
جلدكْ، فاحذرْ ملامحهم وغمدكْ، كم كنت وحدك،
يا ابن أمِّي، يا ابن أكثر منْ أبٍ، كم كنت وحدكْ.
_ محمود درويش...
... يتبع
