#البارون
البارت ٣٠
💮😘
*********
ضياء
رجعت من عمامي رحت للفندق لأن إتصل بدرر حاظرتني وليث خارج نطاق التغطية وكل حساباته غالقهن حسيت أكو شي خابرني ليث من رقم غير رقمه القديم كالي درر تزوجت وسد الخط وبعد مافهمت شي
دورت عليها اختفت كأنما الكاع انشكت وبلعتها ليث سافر ومااعرف عنه شي اني اعرف شلون أتصرف وياه والا احاسبه على هاي عملته ومشتكي للشرطه عليا ومطلوب إلقاء القبض
خابروني خوالي لأن الشرطه كل يوم تجيهم امي من سامعه بهالاخبار متخربطه ومتمرضه كلش وناقليها للمستشفى هاي الضروف قيدتني وماخلتني اكدر أدور على درر كلش حقدت على ليث ماتوقعته يغدرني بهالطريقه خوالي تعاركوا وياي وحملوني ذنب مرض امي
رحت للمستشفى شفت امي كلش مريضه خوالي زعلانين مني حتى ماسلموا عليا امي من شافتني بجت ماتكدر تحجي سألت الدكتور عن حالتها كالي موزينه فقراتها بحاجه لعملية وإذا ماصارت العملية بأسرع وقت ممكن راح تنشل وتبقى طول عمرها على كرسي متحرك
ضياء-: دكتور والعملية نكدر نسويها هنا
- بصراحة لا وحتى وان كدرنا فامكانيات النجاح ضئيلة جدا انصحك تسافر للهند لأن التأخير مو بصالحكم ابداً
ضياء-: ان شاء الله دكتور
خوالي من شافوني اجيت كل واحد راح لبيته ومحد قبل ينطيني فلوس للسفر ورث أبوي الي كنت ناوي أشتري بيه بيت لدرر جمعته وبعت كل شي عندي وحتى البيت رهنته بس رغم كل شي اني بالي يم درر
عندي صديق ساعدني وكدر يجيبلي رقم رفعت ماكنت اتمنى يعيش وياها بسعادة لأن خطف سعادتي مني خابرته بيوم عرسه وسمعته كلام صعب على أي رجال يتحمله
ردت احسسه بقهر مثل القهر الي اني عايش بيه
بقيت بالهند ٦ أشهر خوالي كالو ممنوع ترجع الا إحنا نكولك ومن خلصت فلوسي هم دزولي
********
درر
من فتحت باب غرفتي شفت هالة
درر-: محتاجه شي؟
هالة-: كاعدة بغرفه أخوي أوك
درر-: ليش اني كلتلج اطلعي هاي غرفتي كلتلج محتاجه شي
هالة-: لا مامحتاجه يلاا طلعي وسدي الباب لا تزعجيني
بالكوة صبرت نفسي عيب من عمي وعمتي مااتعارك وي بتهم الزعطوطه
من شافتني ارتب بملابس رفعت هي كامت تخبث وتلعب بمكياجي الحمر كلهن كسرتهن الباودر وكعته بالكاع واني ساكته اباوعلها من كامت مانظفت وراها اي شي عافت كل شي بمكانه نامت عالجرباية وبدت مي عالمخده وهم سكتت تريد تسوي مشكلة بأي طريقه بس ماتعرف شلون
درر-: مخدة رفعت هاي هسة شينشفها
هالة-: لا تسوين نفسج الزوجه المطيعه أصلا رفعت يكرهج على شنو باقية هنا ماعندج كرامه
درر-: عندي كرامه بس ماعندي أهل وسند حتى اعوف اخوج واروحلهم ولو إنتي ماراح تفهمين كلامي
هالة-: خلينا الفهم الج عيوني هو انتي لو بيج خير مو من واحد لواحد خلف الله على أخوي ستر عليج مو حباً بيج بس لأن يخاف الله وإنتي يتيمه راد يكسب أجر
درر-: هالة مااسمحلج تتجاوزين عليا وتحجين كلام صاعد نازل وماله اي أساس خليني محترمتج أحسن
دخل رفعت ركضتله هالة سوت روحها تبجي
هالة-: تعال شوف مرتك تغلط عليا
درر-: والله كذابة ماغلطت
هالة-: والله تغلط وتسب دخلت لغرفتها وطردتني تقبلها انت رفعت
رفعت صدكها وضربني راجدي كدامها وهي كامت تضحك بحقارة وطلعت
درر-: صدكتها حتى ماسمعتني
هو لزمني من شعري
رفعت-: شو انتي ماخذة حجم أكبر من حجمج لا عبالج راح اوكف وياج غصباً ماعليج تتحملينها حتلو هي غلطانه
درر-: شمسويتلك حتى هيج تكرهني
رفعت-: هه شنو ماسويتي المثلج الحرق قليل بحقها
دفعني وطلع
مليت وتعبت من البجي
العصر اجوي خطار وعمتي صاحتلي سلمت وكعدت شوي انوب راحو
ام رفعت-: شبيج ضايجه
درر-: عمه هالة من اجيت لحد الان تخبث عليا أريد اعرف شبيها وياي
ام رفعت-: مرة ثانية لا تشكين الي ولرفعت اخذي حقج بايدج إنتي وياها اتفاهمي وبيا طريقه تشوفينها مناسبة للتفاهم هالة بنتي أعرفها مايفيد وياها إذا اجيتي شكيتيلي لو شكيتي لرفعت صيري سباعية وعرفي تصرفي لازم تميزين شوكت تنطشين وشوكت تخلين حد لكل شخص يعاديج مرات التطنيش حل قوي وقاسي واحيانا لا فإنتي ميزي
درر': ماطول انطيتيني الصلاحية اني أعرف شلون أتصرف لأن بصراحه هالة حتى تعاملها وياكم ماعاجبني باجر عكبه تتزوج هم تبقى هيج
ام رفعت-: اي والله هالة شالعه كلبي
درر-: الله كريم تتغير
كاعدين اني وعمتي كالتلي صبيلي جاي صبيته واجيت شفت زينب جوة الدرج واكفه تتلوة من الوجع رأساً صحت لعمتي منتظر راح أجر سيارة انطيت العباية لعمتي واخذوها للمستشفى بتها نطت من البجي كعدتها يمي بالكوة سكتت دزيت صوفي للأسواق اشترالها حلويات ومن رجع انطيته الف اله ولاخته راح يشتري وامه عاطت بيه اجه مكسور خاطره ورجعلي الالف ماحبيت التصرف هذا شلت بت زينب ولعبتها كمت ادغدغ بيها وشوي سكتت عمي واكف بالباب متوتر رفعت طالع وي أصدقائه مايدري وهالة نايمه
خابرتني عمتي كالت زينب جابت حظريلها مكان
ام مصطفى كنست البيت وراحت لبيتها ماتحجي وياي
بقيت بس اني رتبت البيت وسويت عشا اجه رفعت
كلتله ماصدك راح لام مصطفى سالها
باليل وصلوا عمتي اجت عصبية
ام رفعت-: وين هاي العوبة بنتي
درر-: شكو
ام رفعت-: اخابرها وماترد
درر-: نايمه
ام رفعت-: من الظهر ولهسا بعدها مطموره؟ ومخليتها وتشتغلين وحدج؟ طلعتي مابيج خير
درر-: عمه ماكدرت اكعدها بت زينب تبجي
ام رفعت-: اني اعلمها
راحت كعدتها بالكفخات
زينب تعبانه كلش ووصتني على بتها كالتلي ديري بالج عليها عود يعني البسها واوكلها واني الحمد لله ماقصرت
بقيت ايدي بيد عمتي اساعدها بكل شي وهي علمتني على هواي شغلات علاقتي بيها صارت قوية خلال فترة قصيرة وهذا الشي خلى ام مصطفى تضوج مني وما تجي هواي أغلب الأوقات تبقى كاعدة ببيتها
ام رفعت-: يلا درة روحي نامي وارتاحي تعبتي اليوم
درر-: بس اغسل المواعين
ام رفعت-: لا هالة تغسلهن غصبا ماعليها موبس أكل ونوم
درر-: خوش يلا تصبحون على خير
رحت لغرفتي لكيت رفعت نايم عالجرباية يكلب بالبلازما من شافني تجاهل
طلعت ثوب أريد أسبح سبحت ونشفت شعري بالغلط حطيت المنشفه على الجرباية شمرها بالكاع
رفعت-: لتخلين اشيائج الوسخه على جربايتي
درر-: هي مو بس منشفتي منشفتك هم
كمزلي جرني من شعري حيل اذاني جان مبلل
رفعت-: لسانج هذا اطلعه واكصه الج فهمتي؟
درر-: ااه شعري عوفه شبيك
رفعت-: حقيرة يلا ولي من كدامي مااريد أشوف خلقتج
درر-: وين أروح
رفعت-: انخمدي نامي
لفيت نفسي بالبطانية وردت أنام بس ماكدرت ضايجه وبعد وقت طلعت موبايلي مابيه نت مااعرف الرمز
فكرت إذا كلت لرفعت شي أكيد مايقبل
كمت فتحت الباب
رفعت-: وين؟
درر-: لعمتي
رفعت-: وبهذا البس المشلتح ورجليج كلهن طالعات
درر-: عادي محد بالبيت
رفعت-: المن طالعه بهاليل هسة نامت امي
درر-: أريد الرمز
رفعت-: لا والله
درر-: ضايجه وأنت متقبل اباوع وياك عالبلازما
رفعت-: ها
درر-: والله كلتلي ماريد اشوف خلقتج وغطيت وجهي بالبطانية
رفعت-: جيبي موبايلج أصلا منو كال أقبل تلزمين موبايل بايدج
درر-:هو شبيه هاك شوفه
بقيت كاعده انتظره شوكت يحطلي الرمز حتى اكنك
وهو يفتش بموبايلي بلكي يلكاله شي حتى يكوم يكتلني يدور المشاكل وياي دوارة
رفعت-: هاج وممنوع اي برنامج تنزلين غير ذني وكل حساباتج عندي خوش
درر-: خوش عادي اكنك
رفعت-: أي
تغطيت بالبطانية وكعدت اكنك أشياء مضحكه
وكل شوي رفعت شامر عليا الريمونت لأن صوت ضحكي عالي
درر-: هههههههه
رفعت-: ووجع حتى وجع بحلكج تسكتين لو شلون
درر-: سكتت سكتت والله
بقيت خانكه ضحكتي هههه شهالعيشة واتكلب
رفعت فجأة رفع البطانية مني
درر-: شكو
رفعه '؛ تعاي
واشرلي بعينه عالجرباية فهمت شيريد الخوف سيطر عليا
بس رغم كل شي كانت عندي رغبة اكسب حبه مو علمود شي بس لأن أحبه
رفعت-: ريحيني
درر-: صار
دلكت ظهره واجتافه سويتله مساج وهو مااتحمل لزمني ووو
بقى للصبح
خلص وكام يباوع عليا باستصغار واحتقار شرب جكارة
رفعت-: تعاي دلكي رجليا
درر-: بس البس
رفعت-: تعاي بلا لبس
استحيت هو كاعد عالجرباية ويدخن دلكت رجليه وبالجكارة حرك ركبتي صرخت
رفعت-: اشش كملي تدليك ماعليج شي هذا جسمج مال حرق
كمت اشهك دفرني وراح يسبح لبست ثوبي شفت موبايله ضاوية الشاشة إتصال من
أنغام!!؟؟
...يتبع
**********************************
#البارون
# البارت ٣١
*********
درر
كنت أقنع نفسي وأدعي ربي ينطيني القوة والصبر حتى اكدر أتحمل رفعت أول سبب لأني أحبه والثاني لأن ماعندي غيره وحتى إذا أكو اني مااكدر اعوفه
حرك ركبتي بالجكارة شاغت روحي من الألم
وشفت جهازه وحده تدك عليه إسمها أنغام منو هاي
طلع من الحمام شافني لازمه موبايله
رفعت-: منو سمحلج تلزمين موبايلي
درر-: منو هاي
رفعت-: معليج كومي حضريلي ريوك بسرعه
حضرتله ريوك حطيت الصينية كدامه لزمني من أيدي حيل
رفعت-: شنوهذا
ويأشر لثوبي
درر-: شنو
رفعت-: صدرج كله طالع ماتشوفين إنتي ليش متنتبهين على نفسج الاتك والست،،، شنو انتي من بشر
درر-: والله ماانتبهت نسيت الدكمه مفتوحه
رفعت-: الله يطيح حظج يا أدب سز
درر-: اصبلك بعد جاي
رفعت-: أي
كمل ريوكه
رفعت-: جيبي قميصي الأسود
درر-: صار
لبسته قميصه وسديت الدكم حتى جواريبه اني لبستهن اله هو واكفلي ويباوعلي ومركز بعيوني
درر-: مشط شعرك قبل لاتطلع
رفعت-: مالي خلك
درر -: لحظه
جبت مشط وسبريه مشطتله ورشيتله شوي سبريه
اجيت ابوسه بس تراجعت
راح لشغله اني رجعت نمت شوي مر وقت وكعدت
شفت عمتي صبحت عليها بستها براسها
ام رفعت-" حروح للسوك رايدة شي
درر-: لاعمه سلامتج
ام رفعت-: يمه درة مااوصيج زينب من تكعد ريكيها زين البارحه مانامت أبنها اليل كله كاعد ويرضع محتاجه مداراه واكو دجاجه سوي مركه وتمن بعد حيلي
درر-: صار
ام رفعت-: عمج ياكل كله سلك لو هالة هنا جان كلتلها بس ولت للمدرسة
درر-: أي عمه اسلكله بيض واشويله طماطه
ام رفعت-: اي عفية يلا اني رايحه
درر-: الله وياج
عزلت البيت سويت ريوك لزينب وسويت غدا اجت عمتي باستني براسي من شافت شغلي معدل ونفذت كل شي كالته إلي بالحرف الواحد ام مصطفى اجت سلمت وكعدت شوي وراحت عبالك غريبة وخطار كلتلها ابقي تغدي ماقبلت كالتلي البيت مومثل قبل محد يرحب بينا وخلت وراحت شسويلها كلت لعمتي كالتلي عوفيها هي حامل ومشوشة
تغدينا اجه منتظر تغدا يمنا بس ام مصطفى مااجت استحيت منها جهزت إلها صينية وكلت لعمتي تاخذها إلها خطية هي حامل وتتعب هالة رجعت من المدرسة شمرت ملابسها بالحمام وكالتلي غسليهن باجر اريدهن مغسولات ومكويات مالي خلك اتعارك وياها
ورى الغدا غسلت المواعين وكل واحد راح لغرفته ونامو الظهرية بقيت بس اني منتظرة رفعت شوي واجه تعبان كلش
درر-: الله يساعدك
مارد عليا
نزعته ملابسه حتى حذائه وجواريبه جهزتله الحمام
دخل وصاحلي
رفعت- تعاي وينج
درر ': ها
اخذتله المنشفه عبالي يريدها
رفعت-: تعالي ليفي ظهري
شوي استحيت بس ليفت ظهره شفته تعبان غسلت شعره ونشفته اله
صبيتله غدا وتغدا
اني كعدت اباوع عالبلازما
رفعت-: جيبيلي مي
درر-: أي
كل شوي يكومني يريدني بس اكول شي منتظرني بس ازل شوي بس ماانطيته مجال
********
ضياء
رجعت من السفر خوالي كالو انتقل ببيت غير بيتك
أجرت بيت امي صحتها شوي زينه بس ماتمشي على كرسي متحرك ولازم عملية ثانية خوالي دزولها مرة جبيرة تداريها اني كعدت بلا شغل فلوس ماعندي بعت البيت وفلوسه خلصت عالايجارات المدرسة صارت بقيادة خوالي وماينطوني فلوس منها بس لعلاج امي ومصرفها فقط واني مااكدر اشتغل ولا أطلع من البيت لأن الشرطه تلقي القبض عليا
نفسيتي متحطمه إحباط في إحباط كنت بحاجه لشخص حقيقي مالكيت غير مرام هي الوحيدة الي تفهمني بس المشاكل إلي صارت شي أكيد حتغيرها ويصير حاجز اتصلت بيها
ضياء-: الو شلونج مرام
مرام-: ضياء؟
ضياء-: أي حبيت اتطمن عليج اتمنى المشاكل الصارت ماتأثر على صداقتنا
مرام-: شلونك
ضياء-: بحاجتج
مرام-: بشنو اكدر أساعدك
ضياء-: يصير نلتقي بس مو بمكان عام
مرام-: يعني انت تعرف إذا أهلي عرفوا بيا على تواصل بيك ماراح يقبلون لأن أنت حتى مافكرت تسال عن عنود شنو صار بيها من بعدك
ضياء-: آسف بس والله موبيدي
مرام-" اني الشي المتأكده منه الشخص الي عفت عنود علموده هو هم تركك وبهذلك
ضياء-: اني غلطان وماجاي اتوب من غلطي وصدكيني لو ينعاد الزمن هم راح اكرر الغلطه لأن الحب موبيدي شي خارج عن سيطرتي اريدج تساعديني
مرام-: أوك نلتقي
التقينا بمكان هادئ وبسيط سلمت عليها كلش متغيرة مومثل قبل كانت إذا تشوفني بنظراتها لهفه وانتظار هسة مااشوف غير البرود والقسوة سولفتلها كل شي صار وياي
مرام-: يعني هذا الكلام مو مال شاب بعمرك المراهق يستصعب يسوي هيج أنت ماجاي تستوعب الخطأ السويته بسبب انانيتك لحد هاي اللحظه الي جاي أشوفه انت حاير بس بنفسك وتفكيرك بس بدرر حتى حزن لحالةامك ماكو وعنود الي حبتك ماسالت عنها ومافكرت شنو صار وياها من بعد رفضك الها
ضياء-: لا تظلميني
مرام-: انت تظلم ماتنظلم حتى درر الي على أساس تحبها شوف شنو سويت بحياتها دمرت عائلتها وكنت سبب بقتل شاب بريء كل هذا بس حتى ترتاح وتأخذ درر مو لأن تحبها بس لأنك اناني وفوك ماتتصور نصيحه مني راجع نفسك
ضياء -: كوني وياي لأن ماجاي أعرف أتصرف محتاج شخص يساندني
مرام : بعد الي سويته منو تتوقع يوكف وياك شي أكيد الكل راح يتخلى عنك بس راح أحاول أساعدك وراح اوكف وياك
رجعت صداقتنا اني ومرام اتصالات ولقاءات بس هي كانت تتكلم وياي بضمن الصداقه فقط لاغير يمكن كانت قبل عدها مشاعر تجاهي بس اختفت
حسيت تجاها بارتياح ومودة بس موحب ولا جاب ذرة شعور من الي حسيته تجاه درر
فكرت أسوي علاقة حب وياها بلكي تكدر تنسيني درر
خابرتني كالت راح تجي لبيتنا تشوف امي
اجت هي وزوجه أبوها لأن صديقه امي ابو مرام مايعرف لأن حاقد عليا وزعلان من خوالي
كنت بغرفتي طلعت سلمت عليهم وبنظرات عيني كدرت اكول لمرام تجي وراي
كعدنا بالبلكونه وسولفنا اني بديت انظرلها نظرات موزينه اباوع لجسمها لأن لبسها ضيق وحلوة رشيقه دايما انيقه واني كنت محتاج صارلي هواي ممعاشر والي بعمري كلهم متزوجين
هي كامت بحركه مفاجئة مني لزمتها من خصرها وبستها
ضربتني راجدي حيل ضاجت مني رادت تروح لزمتها من ايدها
مرام-: عوف أيدي
ضياء-: آسف
مرام-: انت صدك متستحي على نفسك
ضياء-؛ بس اهدأي اني أعتذر صارلي هواي المحلج بحبي
مرام-؛ ههه ياحب هذا ضياء شبيك أصحى
ضياء-: اني معجب بيج مرام
مرام-: وتريد تجر وياي علاقه حب كاذبة وماوراها لازواج ولاشي الهدف منها إني اعوضك عن غياب درر عنك اني مو بدل ضياء كافي تلعب بمشاعر البنات حرام
عليك
ضياء-: بس احبج منو كال مااتزوجج بس إنتي تشوفين ضروفي
مرام-: لتكذب كنت محترمك أو يمكن شفقانه عليك بس هسة كلش نزلت من عيني ماتوقعتك تستغل صداقتنا لرغباتك الدنيئة مع الأسف
عافتني وطلعت كلامها هزني هز حيل صغرت أمام نفسي
بقيت كاعد بالبيت لا شغل ولا عمل
باليل خابرتني عنود تبجي
عنود-: ضياء أحبك والله ليش عفتني
ضياء-: اني آسف عنود خلص انسيني وعيشي حياتج
عنود-: مااكدر من عفتني اني تركت المدرسة وكل حياتي واكفه وكل يوم ناقليني للمستشفى تدري كم مرة حاولت انتحر بس لأني أحبك
ضياء-: اني ماافيدج بشي ولا راح اكدر احبج ومااعرف أكذب عليج
عنود-: ليش ماتحبني شنو البيها مابيا اني احلى منها وعندي أهل أغنياء كل شي عندي ليش تحبها ماتحبني
ضياء-: عنود أصلا زواجي منج غلط إنتي بعدج صغيرة اكبري واتزوجي واحد بعمرج أحسن
عنود-: مااكدر خلينا بعلاقة حتلو ماتتزوجني عادي بس لا تعوفني خليك وياي كل شي تريد وشنو محتاج اني البيلك
ضياء-: لاتنتظرين مني شي
عنود-: مو مشكلة
رجعت بعلاقة وي عنود كانت علاقه مزيفه مبنية على شهوات فقط مني وهي كانت مراهقة متهورة وغبية كل يوم نسهر للصبح تحير شنو تلبسلي تدزلي صور
مريحتني كلش من هاي الناحية
وكامت ماتتحمل تكون علاقتنا محدودة بس بالموبايل طلبت مني اجي لبيتهم
ضياء-: شلون اجي لبيتكم من كل عقلج إنتي شجاي تحجين لج بابا إذا ابوج يعرف غير يذبحج ويذبحني
عنود-: أبوي ماله علاقة مايعرف هو ماعايش ويانا بس اني وامي بالبيت
ضياء-: وشنو تكولين لامج
عنود-: عادي اكولها راح أرجع للمدرسة اداوم بس بشرط ضياء هو المدرس الخصوصي الي يدرسني غير هيج ماارجع للمدرسة
ضياء-: ماراح تقبل
عنود-: تقبل اني من إتصل بيك تعال ونتفاهم ومنها هم تحصل فلوس وتجي اريحك نستمتع شوي حبيبي
ضياء-: أوك
عنود-؛ أحبك حبيبي وعمري وقلبي وكل شي أنت أوف شوكت تجي شنو تحب البسلك
ضياء-: بكيفج
عنود-: أحمر أدري بيك تحب هاللون
ضياء-: عنود إنتي مقتنعه بالشي الي جاي تسوينه
عنود-: أي أنت حبيبي ومستعدة كل شي اسويلك حتى انسيك عنود وتحبني يعمري
ضياء-: تعرفين كلش زين بعدني ماناسي درر وماراح أنساها صدكيني
عنود-: ملييييت من درر وين مااروح درر يادرر شوكت أخلص منها
ضياء-: إذا ماتريدين علاقتنا تخرب بعد لا تجيبين إسمها على لسانج
عنود-: أوك
خابرتني ثاني يوم ورحت كنت متردد
... يتبع
