#البارون
*********
...شعر فصحى:
وأنا الذي تركَ الوداعَ تعمُّدًا
من ذا يطيقُ مرارةَ التوديعِ !
- ابن الوردي
صغيرٌ يطلبُ الكِبرا .. وشيخٌ ود لو صَغُرا
وخالٍ يشتهي عملا ً.. وذو عملٍ به ضَجِرا
ورب المال في تعب .. وفي تعب من افتقرا
وذو الأولاد مهمومٌ .. وطالبهم قد انفطرا
يا مَن رَحَلتُمْ وروحي بَعدَكُمْ ظَمِئَتْ
مَن لي سِواكُمْ بماءِ الوَصلِ يرويها
أمسَتْ عُهودُكُمُ الْخَضراءُ يابِسَةً
مثل الهَشيمِ ورِيحُ الهَجرِ تذريها...
رفعت
بعد الحدث الصار أول ماوعيت سألتهم عن درر وصدموني بكلامهم معقولة درر تتزوج ومنو شي أكيد جبروها مرت أيام محد يخليني اطلع لأن صحتي منتكسه فد نوب إلى أن تشافيت بس تعبان ومامتقبل كلام راشد أريد أروح أشوفها احتمال تكون محتاجتني رحت لبيت عمها جازفت أهلي لو يدرون جان ماخلوني اطلع باب الغرفة من وصلت للمنطقه الناس كلها تحجي بالمشكلة الصارت وكل شخص يحجي بكيفه ناس تكول الأب قتل إبنه وناس تكول الاجوي يخطبون هم قتلوه بس أكثر شي الحجي كان على درر ولد شاب فشر عليها ماكدرت امسك أعصابي وتعاركت وياه تضاربنا شوي دخت وولد ساعدوني
كان هدفي أروح أشوف درر ووين ماكانت تكون ومستعد اتحمل العواقب دكيت الباب طلعلي طفل صغير!
بايعين البيت سألت الناس المشترينه مايعرفون شي
دكيت باب أهل صديقتها دايما تسولفلي عنها أعرفها
فتحتلي الباب مرة كبيرة بالعمر
رفعت-: السلام عليكم
ام غيداء-: وعليكم السلام
رفعت-: آسف عالازعاج بس رايد اسأل عن درر شنو تعرفون عنها وين راحت
ام غيداء-؛ ليش بلة أنت منو حبيبها الحادي عشر الثاني عشر درر طلعت أهلها تبرو منها بقت يمنا فترة خلصتها يومية وي واحد لحد ما عافت البيت وماندري عنها
رفعت-: حجية إنتي متأكدة من حجيج هذا خاف مشتبهة شنو هذا الكلام
ام غيداء-: كلتلك العندي مو ردت تعرف بكيفك تصدك ماتصدك مشكلتك ماجان ناقصني غيرك
ركعت الباب بوجهي اني جمدت مااصدك والله أحس نفسي بحلم مزعج
رحت للمطعم الي اشتغل بيه الكل سلموا عليا والمدير فرح من شافني راشد توتر حسيته ضام عليا شي
رفعت-: شبيك شارد مني من دخلت للمطعم وانت كمت تتهرب شكو
راشد-: ماكو شي
رفعت-: راشد اني تعبان كلش وأنت أكثر شخص تعرف بحالتي ماجاي أنام ليلي التفكير موتني بين مصدك وبين مامستوعب الحجيته الي
راشد -: أنساها البنت تزوجت بعد ماتفيدك
رفعت-؛ كولي شلون عرفت ريحني اريد اتأكد بنفسي عالاقل افقد الامل وانساها انت مو تريدني أنساها ساعدني
راشد-: أخاف عليك ترا الخيانه مو هينه وانت وضعك صحتك ماتتحمل ارتاح وأنسى كل شي ولا كأنما تعرف بنية بهذا الإسم
رفعت-: صدك تحجي أنت درر هي حياتي خلصت عمري كله اشتغل علمود اتزوجها تالي تكولي أنساها وعيش حياتك مااكدر الا دليل اشوف بعيني
راشد-: بس بشرط توعدني ما تفقد اعصابك
رفعت-: أنت جاي تلعبببب باعصااابي خلصني شعندك
راشد-: اهدأ راح اشوفك مقاطع وصور الها وي العافتك والنستك علموده
رفعت-؛ منو؟
راشد-: نفسه المدرس مالتها حبيبتك إلي جاي تشتغل ليل ونهار علمودها بخانتك وي معلمها يصاحبي
اخذت الموبايل من أيده شفت صورها وياه حاط أيده على وجهها كاعدين سوى وفيديو كايدها من ايدها نزلو من السيارة ودخلوا لفندق وكومه صور الهم
رفعت-: شنووو هذااا انت كذاااب أدري بيك
راشد-: تعال خلنتفاهم برا نصي صوتك لتفضحنا
رفعت-: راشد شنو هذا
راشد-: حاجزين أسبوع بالفندق وحدهم والي عرفته بعدهم مامتزوجين بس يطلعون سوى
احس الدنيا كامت تفتر بيا كعدت حطيت أيدي على راسي أحاول استوعب شلون صار هيج شلون درر تسوي هيج بنفسها وبيا
راشد أخذني للبيت بقيت يوم كامل كاعد على نار بدي الزمها اعاتبها أريد أفهم ليش هيج سوت
راشد حاول ينسيني بس بعديش اني تدمرت تحطمت شخصيتي ٢٤ساعه أعصابي نار اي شخص يحاجيني أريد اكله انعزلت من أهلي اكلي قليل نوم بس ٣ ساعات وبالكوة أشرب علاج ومهدئات الا اغفى شوي باكيت الجكاير يادوب يكفيني الصبح باليوم ثلاث بواكيت أشرب
حتى راشد تعاركت وياه كلتله أريد إسم الفندق مايقبل يخاف من المشاكل
رحت للمدرسة الي كانت تدرس بيها درر سألتهم عنها كالو انفصلت من زمان وضياء ممداوم حاولت اسحب كلام من الحارس رجال فقير وعلى نياته كالي صايرة مشاكل بينه وبين أمه وخواله وراح لعمامه بالجنوب
معقولة درر راحت وياه؟وينها؟
راشد خابرني كالي انطيك عنوان فندق بس بلا مشاكل رحت اني وياه الفندق غالي ومعروف سألنا بس محد انطانا أي معلومه تالي رشيت واحد وانطيته فلوس اني اعرف إسمها الثلاثي بس صار تشابه بالأسماء واكو بنت نفس إسمها الولد كال عادي آخذك تتأكد بس لازم تحجز حتلو بالكذب علمود من يشوفونك بالتصوير ماتصير مشاكل حجزت ورحت لغرفتها راشد بقى منتظرتي كل شوي يدك
أول مافتحت الباب انصدمت كبل طبيت وسديت الباب
من شافتني بسرعه نزلت دمعتها كلش متغير شكلها وجهها نحلان صايرة سمرة ضعفانه كلش
درر-؛ رفعت؟ شجابك أنت مو عفتني وتزو
رفعت-: انصدمتي مو اخذتي راحتج وبينتي على حقيقتج الوسخه يا بلا شرف
درر-: احترم نفسك فوك السويته بيا جاي
ماكملت كلامها ضربتها راجدي وكعت بالكاع
رفعت-: تخونيني ياحقيرررررة
درر-: شتحجي أنت الخنتني بالبداية وتخليت عني
رفعت-: طلعتي ماتسوين تعبي كرهت نفسي من وراج
لزمتها من شعرها
درر-: رفعت شبييييك عوفني أطلع برا الظاهر انت تخبلت عوفيييي
رفعت-: مااعوفج وشتسوين
درر-: اطلع ترا والله اخابر ضياء
رفعت-: هههه ضياء
درر-: عالاقل ماعافني بالوقت الي كل الناس عافتني وتخلت عني واولهم أنت
خنكتها من نطقت باسمه
رفعت-: خنتيني وياه كم مرة طلعتي وياه وتونستي الله أعلم يمكن من زمان علاقتكم
وجهها صار أحمر تضرب على صدري
أخير شي عفتها كامت تكح قوي الشيطان يوسوسلي اقتلها اباوع لماعون الفواكه والسكينه بصفه هي هم شافتها ركضت عليها
درر-: أطلع والله اموتك
لزمت السكينه منها وشمرتها بالكاع
درر-: شتريد مني أطلع عوفنيييي
رفعت-: لاتصرخين اشش
حطيت أيدي على حلكهابقيت لازمها تدفع بيا بس اني مقيدها
رفعت-: اش اش بلا صوت أهدي اني هم حبيبج والي عليج حق لو بس ضياء حلال يشبع منج وبلاش بس عليا جنتي تبيعين ثكل وشرف مبيوع
درر-: اني اشرف منكم كلكم لا أنت ولا ضياء ولا الأكبر منكم يكدر يشوه سمعتي ويستغلني
رفعت-: هههههه اني الوحيد الغبي الي مصدك بيج ومنخدع هههه الناس كلها تحجي عن اخلاقج الزفت واني من كل عقلي أدور عليج بس حتى اتطمن
درر-: حتى أنت صدكت كلام الناس روح كاااافي أطلع من حياتي
رفعت-: مو بالسهولة عبالج اعوفج هيج والله الا اموتج بايديا واعاقبج على كل تعب ووجع جاس روحي
خنكتها والشر بداخلي تزايد قوة دفعتني اخنكها أريد انهي حياتها بلكي ينتهي عذابي وانتقم منها على خيانتها إلي حطمت كبريائي وغدرت رجولتي استغفلتني واستحقرتني زاد حقدي وكرهي
*********
...شعر فصحى:
تَاللهِ إنَّ الشوقَ يفعل دَهره
بالجسمِ ما لا تَفعلُ الأسقامُ!
- البُحتريُّ
"ضُمِّيهِ حُبَّاً بِحَقِّ اللهِ ضُمِّيهِ
بَرْدٌ هُوَ الشَّوْقُ فَاسْتَدْفِي وَدَفِّيهِ
لَا تَتْرُكِيهِ عَلَى أَعْتَابِ لَهْفَتِهِ
يَكَادُ يَهْوِي صَرِيعَاً مِنْ أَمَانِيهِ
طَالَتْ بِهِ شَقْوَةُ الأَيَّامِ فَابْتَسِمِي
فَلَيْسَ شَيْئاً سِوَى عَيْنَيْكِ يَشْفِيهِ"
يَفْدِيكِ مشتاقٌ إليكِ فهل تُرَى
تَفْدِينَهُ لو فيكِ ما يُخْفِيهِ؟
صُوْني بَقِيَّتَهُ التي أَزهقتِها
وصِلِيهِ، أو مَنِّيهِ، أو خَلِّيهِ
#فواز_اللعبون...
درر
شفت نظرات الإنتصار بعين ضياء والفرحه واضحه
ضياء-: اريحج وتريحيني
درر-: وين حنروح
ضياء-: للفندق بعد ماتروحين لجيرانكم من هاللحظه حياتنا حتبلش سوى اني وياج وبس انسي كل شي وحبيني
لزم أيدي وصعدنا بالسيارة اني مستسلمه للامر الواقع وين أروح ماعندي أحد
وصلنا للفندق هو طول الطريق لازم أيدي ويبوس بيها وفرحان مشغل أغاني رومنسية اني أدنى إحساس ومشاعر ماعندي تجاهه مثل الجليد بااردة وبس اباوع بعيوني
ضياء-: احببببببج
راد يتقرب يبوسني ابتعدت ووخرت أيده
ردد-: لا رجاءا
ضياء-: آسف
وكف السيارة بنص الطريق
درر-: ليش وكفنا هنا
ضياء-: خلنتزوج اخذج ونعقد هسة
درر-: لا طبعا
ضياء-: ليش
درر-: انطيني مجال بس يوم واحد
ضياء-: شنو يوم واحد إنتي تضحكين عليا أريد افتهم فهميني
درر-: محتاجه أفكر شوي وهذا من حقي
ضياء-: بس يوم واحد مااكدر أنتظر أكثر من هيج
وصلنا للفندق حجز غرفتين
ضياء-: أي شي تحتاجيه تخابريني
درر-: أريد احجي وياك بموضوع مهم
ضياء-: أكيد
كعدنا بمطعم الفندق
ضياء-: شنو اطلبلج أكل شنو تحبين
درر-: مااريد أي شي
ضياء-: ليش مااشوفج سعيدة ومرتاحه وياي ممكن أعرف السبب
درر-: ليش هو بس سبب
ضياء-: إنتي شنو تردين بالضبط منو مثلي سوالج هيج أهلي عافوني علمودج بكل شي ضحيت بس في سبيل اسعدج واتزوجج ومو بس هاي منو يقبل يتزوج وحده عدها علاقه سابقه
درر-" محد ضربك على إيدك وكالك عوف خطوبتك وتعال كل شي سويته بس علمودك أنت ماسويت شي علمودي انت كل سويته وراح تسويه فقط الك حتى تحصلني وترتاح تكسب سعادتك مو سعادتي
ضياء-: درر اني احبج ليش تعامليني بهالبرود
درر-: وإذا تحبني مو معناها أحبك وإذا تحبني وتمن عليا بكل شي تسويه فالاحسن ننهي كل شي هسة
ضياء-: آسف حقج عليا حبيبتي
حط ايده على اكتافي
متذكرة كل شي أحس ومانسيت شلون كان كرهي لهذا الشي
ضياء-: لو أخلص عمري كله اباوعلج مااشبع نظر منج عيونج مثل الغرق
درر-" مااحب المبالغه
ضياء-: احبج
جر نفس وبقى صافن عليا
درر-: راح نبقى هيج بالفندق
ضياء-: لا
درر-: لعد
ضياء-: حبيبتي اني بعت سيارتي وتداينت كم فلس من ليث صديقي أريد اشتري شقه واسجلها باسمج وان شاء الله نتزوج والكا شغل ومااحتاج لامي ولا أي شخص
درر-: عندك فلوس تشتري شقه لولا
ضياء-: لا الفلوس ناقصه بس ليضل بالج خابرت عمي وحروح أخذ حصتي من ورث الوالد الله يرحمه واتطمني الشغل يتدبر ادرس خصوصي كل شي أسوي
درر-: شوكت تروح لعمامك
ضياء-: من باجر ان شاء الله مااكدر اخذج وياي راح تبقين هنا واوصي ليث كل يوم يجي يشوف احتياجاتج واني اخابرج وأبقى على تواصل
درر': أوك
ضياء ' تخافين؟
درر-: أي أخاف
ضياء-: ماراح اتأخر
درر-: خوفي يطلع إبن عمي من السجن محد يعرفه مثلي اني
ضياء-: ليش شيسوي يعني رشيد ممكن يقتل أي شخص لو بس إذا سكران ومو بوعيه
درر-: منين تعرف إسمه رشيد
ضياء-: ها
درر-: أنت تعرفه؟
ضياء-: لا
توتر وحاول يغير الموضوع
باليل كل واحد راح لغرفته لزمت فوني سويت حساب غير حسابي وخابرت راشد اريد أعرف أخبار رفعت
راشد-: منو؟
درر-: اني درر الله يخليك لا تحظرني
راشد-: إنتي ماتفهمين شكو شتريدين الولد مايريدج كااافي تضحكين عليه مشاعر الناس مولعبه جان استحيتي
درر-: بس لحظه افهمني
حظرني قبل لااحجي أي شي
...أين الــذين إذا مــرّوا بذاكـرتـي
أنسى مــرارة آلامــي فأبـتسـمُ
لم يبق منهم سوى ذكرى تراودني
وتشعل الشوق في روحي فيضطرمُ
- سعود الشمري...
...يتبع
هل وجع الحب يؤدي إلى القتل؟
رفعت يقتلها؟
