وأنه وحدي
لا چفوف التشريني
ولا عيون التشتهيني
ولا شفاف الغنت اسمي
وحدي وحدي
بابي سكته
وعيني ع الحيطان سكته
وحشه الحيطان تكتل
وليل المتانين ينتاكت بردّ .
كۣۗہرآر آلَعۣۗہرآقۣۗہيۣۗہ🐆.ۦ𓆩“̯🤞😐“̯𓆪.tt
*********
...الحمد لله على نعمه الكتمان هي رزق لصاحب الكرامه والذي يعتز بنفسه الكتمان يمنعنا من قول اوجاعنا لأي شخص حتى لانشعر بثقلنا عليه ولا بعبأ الإستماع الكتمان يجعلنا أقوياء لابحاجه لشخص يسمعنا ويشعر بالملل غير مهتم لحديثنا حتى وإن كان مهتماً بنا سيمل مع الوقت لايوجد شخص لديه القدرة الهائلة لسماع ثرثرات اوجاعنا الهائمه من الآن أكبر واعتزل الفضفضة واكتفي بالكتمان ...
...هل يكفي الحزن هل هو ضماد أو علاج لماذا نرتاده في الحزن غرق في أعماقِ بحر هائج لايغركم ...
...بعد رحيلك هل شعرت بآلامي واوجاعي في كل ليلة ابكيك كطفل صغير بتتُ أرى الدنيا مظلمه لانور ولا ضياء كل شيء انطفئ ...
...لا أملك سوى دموعي عند فقدك قُل ماذا أهديك لترجع ...
...هناك موت وقتل لنفسك وروحك لايعني الدفن تحت التراب هناك دفن تحت واقع مؤلم وقاسي تقتل نفسك بطريقة تجعلك مفارقاً للحياة ...
...عندما نشتاق لشخص ما نتمنى لو كانت كل الوجوه من حولنا تحمل ملامحه !...
درر
المديرة ": درر مثل ماتعرفين قواعد مدرستنا صعبة وصارمه والكل يتمنى يدرس بيها
درر": نعم ست
المديرة": أغلب الطالبات إذا مادفعوا الفلوس بالوقت المحدد نمنعهم من الدوام
درر": نعم ست افتهمت
المديرة": حاولي هالفترة تخافظين على الفاظج وإلا مثل ماتعرفين شكوى وحده وتنفصل أي طالبة أهم شي سمعه المدرسة ومانريد من ضمن طالباتنا بنت وحده تخرب هاي السمعه والمرحلة المتطورة الي وصلنالها بعد تعب طويل
درر" عادي اسالج سؤال
المديرة ": تفضلي اسألي بسرعه لأن عندي شغل وماكو مجال أضيع وقتي
درر": يوم من الأيام سمعتيني أو شفتيني غلطت او سويت شي موزين بالمدرسة كل الاشاعات هذي كذب وكلها طلعت عليا من اجت عنود للمدرسة
المديرة ": روحي ماما
طلعت ميته قهر وفوكاها دايخه شوكت أموت وأخلص رحت للمغاسل أغسل وجهي لأن بجيت وبلكي اصحصح خلصت طلعت بالساحه كعدت وحدي أريد أرتاح ماممتعبني غير التفكير برفعت والشوك موتني أريد أشوفه
...ضمني من التعب يمك ...
...أمس تانيت منك جم رسالة شوك...
... وازيحك من رفيف الروح ماتنزاح من بالي...
... مصابين بحب البعيدين مبتلين بفقر اللقاء...
... دادة انت هوسة خوف داخل روحي الخوافة...
... البعض من كثرة مانشتاق إليهم نتمنى لو أننا لم نلتقي بهم...
... تمسك بيدي لاتعطيني لأحد ...
... كانو يرونك في عيناي والآن في هالاتي ...
*********
... نعم أخاف عليك ِ واحبكِ واريدك ِ...
... انتِ املي والمي وامالي وتألمي...
... أنا المكان الذي لا يؤذيكِ...
... ربما الوطن ليس أرض ربما انتِ...
... انتِ جزءاً مني والشيء الأبدي في قلبي انت ِ بمثابة الناس جميعاً...
... من لا يحارب من أجل الشيء الذي يحبه لايستحقه...
... سأحب كل شي يكون بيننا وإن كان لاشيء...
رفعت
راشد '" مراح تحجي شصاير وياك
رفعت": إبن عمها شافني ارتاحيت
راشد"" يعني هو الضاربك
رفعت ": عرفت شبيا يلا روح وفك مني ياخه ترا مالي خلك روحي
راشد ": طبعا أنت تدور المشاكل دوارة من البداية كلتلك ماكو داعي تاخذها وتجيبها يمعود احنا مو بأمريكا ادري بيك تحبها بس مو معناها تخاطر بنفسك وتروح لمنطقتهم تحجي وياها
رفعت": بعد انكشفنا هاي هي هسة اني خايف يسوي بيها شي خابرتني طمنتني بس فجأة الخط سدته بوجهي أخاف شافوا موبايلها الف فكرة وفكرة ببالي
راشد ": شراح تسوي
رفعت ": ماادري ماادري
راشد "" لاتسوي بنفسك هيج تعال حط لوجهك شي لايورم
رفعت": هسة الله أعلم شصار بدرر احس راح أموت من التفكير
راشد ": مابيدك شي شتسويلها لعد
رفعت"" تكدر تطيني فلوس حتلو ١٠٠ الف عسى ما ٥٠ بس مساعده وباقرب وقت ارجعهن راح أجمع فلوس شلون ماكان واتزوجها لازم
راشد ": بس اهدأ وفكر زين إذا عالفلوس شكد ماتريد انطيك بس يمعود دير بالك ولاتتطور وي هاي العالم ترا مايخافون من الله ناس عدهم المي مثل شربه المي
رفعت:: شسوي كولي راشد
راشد ": هذا الدكتور مو انطاك رقمه وكالك تعال
رفعت:: أي
راشد": روحله بلكي يعينك يوظفك عنده ناس أغنياء ذولي يطلع منهم شي
رفعت ": اروحلهم العصر أشوف شيريد مني
راشد": لاتفكر هواي الله كريم ان شاء الله تكون من نصيبك
مر ساعات النهار العصر سبحت ولبست تيشيرت نيلي وقمصلة عادية وبنطرون نيلي
هالة": الا هاي القمصلة تلبسها مو حلوة
رفعت:: معليج
هالة": اجيبلك من منتظر عنده ملابس حلوة
رفعت": لا مااريد
هالة": بكيفك بس وجهك شبيه
غلست أعرف أختي سوسه وكل شي تحجي لأمي هم زين أمي نايمه وماشافتني
رحت لنفس العنوان الي كالي عليه الدكتور لبيته البيت مثل القصر كبير فتحوا البوابة الأمامية استقبلني رجال جبير بالعمر
رفعت": السلام عليكم
- وعليكم السلام تفضل إبني منو أنت
رفعت:؛ الدكتور محمد موجود
- اي موجود منو اكوله
رفعت": هو يعرفني
- دقيقة بس
راح الرجال ورجع
- تفضل بالحديقه
الحديقه تخبل كبيرةكلش كلها ورود وأشجار خضرة وثييل أكو كراسي ومكان للكعده حلو مرتب ومسبح ومرجوحه كعدت جابولي قهوة
الدكتور محمد- السلام عليكم
رفعت" وعليكم السلام شلونك دكتور
- بخير والحمد لله تفضل عزيزي أشرب قهوتك لاتبرد
شربت القهوة
رفعت" دكتور انت كلت عن شغل
- اي نعم بصراحه اني سألت عنك وعرفت كم معلومه عنك اني بطبعي اي إنسان يشتغل عندي لازم أعرف عنه عن كل شي لأن أهم شي الثقه
= ان شاء الله أكون عند حسن ظنك
-" الشغلة الاريدك بيها تكون حارس لبيتي لأن الحارس القديم تقدم بالعمر وطلب يتقاعد
= اها
- البيت كبير ويحتاجله حارس شغله زين وكذلك انتباهه
تناقشنا وكالي لازم تستلم شغلك من باجر والراتب كلش زين فرحت لو اكدر اكول لدرر اوف ردت اطلع شافني الطفل حفيده شكد محبوب وحلو عيونه زرق ومدبدب كفشته شكرة يخبل
أنغام ": تعال ماما مثنى لتوكع إبني
محمد": هلا بحفيدي
الدكتور شال الطفل بس هو جان يركض عليا يريدني اشيله الدكتور انطاني ياه
رفعت": فدوة للخدود لا تطلع باردة حبيبي
أنغام ": شالع كلبي مامصدك نفسه يمشي
رفعت:؛ شنو إسمك
أنغام "" مثنى. بعده نطقه ضعيف
رفعت ": اها
بوست الطفل ورجعت للبيت
*********
... الشفة العطشت بطاريك بيها شكم فرات يعيش...
... واغار أن يقترب أحد لقلبك أكثر مني...
ضياء
اجتني مرام للمطعم
مرام": مرحبا
ضياء"" مراحب
مرام": من شوكت تشرب جكاير
ضياء ": من اليوم
مرام ": شكو قلقتني
ضياء ": إنتي مرة كلتيلي حبيتي شخص وخانج موصحيح
مرام": ا أي شذكرك وبعدين شنو جاب هاي السيرة
ضياء ": نفس شعورج أحس
مرام ": شنو صاير وياك انت عندك علاقه الي أعرفه أنت منفصل وحالياً سنكل
ضياء ": مرام حبيتها تعرفين شنو حبيتها مااعرف شلون وليش وشوكت فجأة لكيت نفسي أفكر بيها ماتطلع من بالي أبد كل شي اسويه يذكرني بيها بكل بنية أشوفها هي اني هذا الكلام إلي جاي اكوله هسة قبل إذا صديقي يكولي هيج أضحك عليه
مرام ": أوف بعدك اششايف من الحب
ضياء ": إنتي الوحيدة إلي راح تحسين بيا
مرام ": اني يمك احجي كل شي بكلبك حبي
ضياء ": أحس حبي الها غلط مااعرف عنها شي كل إلي اعرفه احبها واريدها شوكت أنساها
مرام": ليش ماتعترف وتخلص شنو العائق
ضياء:: أكو عائق كبير
مرام": منو هاي البنت يعني احتمال توافق بيك يجوز تحبك أنت ماتعرف يجوز منتظرتك يجوز أنت أملها الوحيد تريد تعوض حياتها بيك
ضياء ":أدري راح تنصدمين و راح تكولين ماكو شخص بعمري بهالطيش والتهور والجرأة بصراحه احب طالبة
مرام:: شنوو؟
ضياء ": توقعت إذا إنتي هيج انصدمتي لعد هي أمي المجتمع شنو راح تكون ردة فعلهم
مرام:؛ من رخصتك أروح
ضياء": وين؟
مرام ضاجت كلش وراحت معقولة لهاي الدرجه استحقرتني رجعت للبيت أريد افتح الموضوع وي امي مااريد اخسر حبي ولو مهما كان الثمن هواي ناس تزوجوا وكانت بيناتهم فروقات لحد فرق السما عن الأرض شنو راح يصير إذا حبيت طالبتي واتزوجتها على سنه الله ورسوله من كثرة التفكير راسي وجعني شربت بندول مافاد لزمت فوني كلت بلكي انشغل من التفكير اتصلت بمرام ليش كامت بسرعه إحنا حتى ممكملين كلامنا ماردت على اتصالاتي دزيتلها مسج عالواتساب
ضياء': مرام آسف لأن ازعجتج بأموري الشخصية جدا أعتذر
شافت الرسالة بس ماردت دخلت للحمام سبحت بمي بارد ماادري ليش احس حرارة بجسمي قوية شسورت شعري ونمت من التعب دك فوني مااعرف شكد مر وقت واني نايم بس مكدرت حتى أفتح عيوني فتحت خط بدون مااعرف منو
- الو ها ضياء الو
ضياء: منو؟
- نسيت عمك كله من ورى امك وخوالك
= ها عمو شلونك أعذرني ماانتبهت
- شلونك يابعد عمك امورك احوالك ان شاء الله طيب
= الحمد لله شنو سبب الإتصال المفاجىء
- انت ناسي عندك أهل عمام ماتسال علينا لاتكول وين راحوا ماتو تكتلو شمالك عمي كاطع بينا شني شبينا نبزز لو خوالك معلمينك عالنكريزي مدري شيسمونه مسوين ارواحهم مثقفين وخلوك تنكلب علينا عمي ماتكلولي شمالكم شايلين خشومتكم علينا شني مانعرف نقرا مانعرف تكتب
= عمي اعذرني مشغول ومالحكت
- عمي تعال الحكلنا جدك مريض ويجالع البارحه سأل عليك يريد يشوفك
= شبيه مريض
- اي تعال شوفه
= عمي مشغول مااكدر
- شنهي سالفتك عمي اكولك جدك مريض تعال شوفه تحجي صدك جذب أنت
= الله كريم بسيطه
-بعد.عمك استعجل موش تبطي
= مااخليك بأمل جيتي يعني احتمال مااجي
سد الموبايل بوجهي اني ماجان ناقصني غير جدي يتمرض طلعت بالصالة شفت امي
ضياء ': مساء الخير
- هلو امي تعال
=: اشوفج كاعده هنا
- شوي تعبانه
= شبيج اخذي إجازة إذا تعبانه
- مااكدر
= اكولج يوم من شوي خابرني عمي
- اي شيريد
= جدي مريض وطالب يشوفني
- بصراحه صارلك هواي مارايحلهم وكلما اكولك روح بالعطل تكولي بعدين وتخلص الإجازات بالسليمانية
= يوم تعرفين بيئتهم ماتعجبني وكلامهم عنج وعن خوالي
- ماما حتلو يبقون عمامك
= أخير مرة رحتلهم جدي يريدني أعيش يمهم ولعلمج كلما أروح يكولولي تعال يمنا نسلمك الخيط والمخيط يعني الأراضي والبساتين كل شي من ورث أبوي الله يرحمه بس بشرط أعيش هناك
- اها هيج واني عبالي غلسوا عالورث
= هم تقريباً يريدون يغلسون ولهذا السبب حطوا شرط جيتي وعيشتي يمهم لأن يعرفون اني مستحيل أروح وأعيش بمكان مابيه مصلحتي أروح هناك المن
- ماما ماعليك بيهم والورث خليه الهم انت معايز
= ان شاء الله
- لازم تروح
= عندي شغل اني مفارغ
- يوم يومين وتعال وإذا كلش باجر روح من الصبح وأرجع بنفس اليوم
= الله كريم
ثاني يوم رحت من الصبح ووصلت بسرعه خابرتهم استقبلوني بالكراج ... يتبع
