البارون

❤❤البارت السادس ❤❤

#البارون كۣۗہرآر آلَعۣۗہرآقۣۗہيۣۗہ🐆.ۦ𓆩"̯🤞😐"̯𓆪.tt
كون يمك..
ماريد هواي أطلب بس أشمك
بس أطشك بين إدية
وأرجع بكُل حُب ألمـك🤍🤍
********
غيداء
...
حتى وإن أخطأنا وتمادينا بالخطأ لن نصل إلى أن نجرح أهالينا لأن تربيتهم خلقت في ذواتنا حدود كلما ننجرف للخطأ خطوة نبتعد الف خطوة...
...أنا اعرف بأن كل معروف اقدمه للناس لن يأتي منهم فيما بعد ولن يقدموه لي هذه حقيقه ولكن الحقيقه الالطف انه على الأغلب البشر ينكرون معروفك ولكن الله وحده الله الذي سيحتفظ بكل ماهو جميل قدمته لغيرك وسيقدمه لك في وقت من الأوقات كل معروف سيرجع لك ليس من نفس الأشخاص ولكن من ناس سخرهم الله لك...
...
الارتباط بشخص يختلف عنك جذريا هو العيش بحياتين وتجربه كل شي لأنك بالطبع تكره مايحبه وتحب مايكرهه وهو كذلك وبمرور الوقت ستضطر أن تجرب كل مايحبه حتى وإن كنت تكرهه وذلك بسبب الحب أغلب الأمور التي نكرهها سنحبها فيما بعد والشريك هو صاحب الفضل ستكتشف كل شي الاضداد تتجاذب...
بعد مشكلة خليل انخبصنا ونسيت موضوع بابا واصلا هو مامهتم لأي واحد من عدنا مر أسبوع خليل سووله عمليه بس حالته بعدها مامستقرة وامي تنام وياه بالمستشفى وبابا مخلصها بياته برى البيت ومنتهز الفرصه إخوتي الباقين كلمن ملتهي بحياته وزهير زوجته متقبل يروح
= يوم تعاي رجعي وياي للبيت ارتاحي شوي
- لا واخوج منو يبقى يمه
= ماعليه شي صارلج أسبوع يمه لانايمه زين ولا ماكله حتى سبح مسابحه شني السالفة يا أمي
كامت تبجي وهي مريضه سدرها مقبط ومنشولة شكد انقهرت عليها مريت عليها من طلعت من الجامعه البيت وحشه محد بيه وزهير ومرته مخلصينها طلعات ومايفكرون باحد كلت لامي اني أبقى يم أخوي وانتي روحي كم ساعه سبحي وتعاي من لحيت عليها الا اقتنعت بالكوة وراحت خابرت بابا
= الو ها يابه شلونك
- شلونكم بابا
= موزينين
- شبيكم
= شنو شبينا عدنا ولد مكسر وبالمستشفى ولا زلمه ويانه بس اني وامي نفرفر بالمستشفى وحدنا إسبوع كامل إحنا بايتين يمه وانت وباقي إخوتي كل واحد عايش حياته شنو سالفتكم امي مريضه اني دوامي بالكوة اروحله وفاتتني كومه دروس أروح الصبح للبيت بس ابدل واروح للكليه وتالي أرجع للمستشفى أبقى وي امي ميصير هيج
- رايح اتونس اني غير اشتغل وبعدين زهير وين
= حاير بست الحسن
- اهدي هسة انتي شكو متوترة
= الايده بالنار مومثل الايده بالمي
- هسة فد ساعه زمان واجي
من الصبح طالعه ولالكمه ماكله بس شربت قهوة أعصابي كابة للستار من التعب والإرهاق ومن غير ضغوط الدراسة وضروفنا ماكدرت أشوف امي بهالحالة والباقين متونسين ميصير هيج مو وضعيه هاي حاولت اهدأ اباوع لخليل استعاد وعيه صحت للدكتور وكال حالته زينه مستقرة وهم راح يسووله تحاليل واشعه وطلب مني أجيب علاج انطاني ورقه مكتوب بيها إسم العلاج وكالي روحي للصيدلة سألت الممرضين يدلوني بمكان الصيدلة لأن غيروا مكانها وشفت زيدان سلمت عليه
= مرحبا
- مراحب شلونج غيداء
= الحمد لله بخير وأنتم شلونكم عسى ماشر ليش بالمستشفى
- لا ماكو شي بس جبت زيد علمود ايده البارحه شوي اذته ومابيه شي عادي
= اها
- محتاجه شي إنتي
- لا
= مبين عليج تعبانه خليني اساعدج بأي شي زين شنو هاي الورقه
- علاج الدكتور كالي جيبيه من الصيدلة
= اني أعرف مكان الصيدلة تعالي وياي
- ماكو داعي
زيدان أشترى العلاج وعلى حسابه جان غالي واني مجايبة فلوس شلون فشلة
= والله حرجتني مااعرف شلون اشكرك
- شسويت اني متكوليلي
= اخرتك هسة شي أكيد زيد ينتظرك
- لا الوالد اخذه بسيارته اني رجعت علمود فد شغلة
= شكرا مرة ثانية
- ولو تدللين
شكد مؤدب خجول وأخلاقه عالية هنيال التاخذه مر وقت واجه بابا
- السلام عليكم
=وعليكم السلام
- امج وين
= بالبيت شنو حرام ترتاح
- خوش شوكت ترجع
= ماترجع خابرته قبل لاتجي انت كلتلها بابا اليوم يبقى يم خليل وهي قبلت واني هم تعبانه وحروح بيباي
أخذت جنطتي وطلعت بابا انصدم بس لازم اسوي هيج رجعت للبيت لكيت امي نايمه عالكرسي كعدتها ونيمتها بغرفتها سودا عليا شكد تعبانه ومهمومه امي اني هم سبحت واكلت ونمت
*********
رشيد
مواصفاتي ضخم واسمر من الصغر ابين أكبر من عمري عصبي وبسرعه يكدر أي شخص يستفزني بس بنفس الوقت كلش كلبي طيب كان وليس الآن من طفولتي كنت الولد المنبوذ بعائلتي أبوي علاقته بيا موزينه بس امي الله يرحمها تحبني وتهتم بيا ومن اجه زيدان عالدنيا مافرقت بيناتنا بس أبوي فرق وحسيته يهتم بزيدان أكثر مني بس ماهمني لأن امي كانت مهتمه بيا كلش ومعوضتني من حرمان والدي كنت راعي مشاكل من صغري كل يوم أضرب واحد سواء من الجيران أو واحد من المدرسة ويوميه فاصليني ومرات توصل للعشائر لأن هواي اذيت ناس ومن كبرت سنه على سنه تزيد مشاكلي ويزيد العنف والشر إلي بداخلي ومن اجه زيد تغير حالي للاسوء لأن تغيرت حياتي من وراه او بالأحرى تحطمت زيد أول ماجابته امي كان مريض وامي وابوي انطوه كل اهتمامهم وامي تجاهلتني ونستني وضلت تنام بالمستشفى علمود زيد زيدان هم كان صغير بس محبوب على عكسي عمي وزوجته أخذوه يمهم واهتموا بيه على ما امي تطلع من المستشفى واني نبذني الجميع بسبب مشاكلي وعنفي وكلها كانت تكرهني سواء اكو سبب أو لا وبمرحلة كنت اني محتاج إهتمام كنت صغير وبصف أول ابتدائي محد مهتم باكلي ولا بشربي وحدي بالبيت مرات أرجع من المدرسة الكى أكل بارد وأكله مصرف محد ينطيني ومحد يسأل عني أبوي استغل فرصه انو محد بالبيت وكام يجيب نسوان كنت اباوع عليه يجي سكران مينتبه لوجودي هواي شفت أشياء مجان لازم أشوفها بهذا عمري وكمت اجرب الأشياء الاشوفها وبعمر المراهقة صرت مااسيطر على نفسي اسوي عادات سيئة وحرام واتحارش ببنات الناس وكل يوم مشكلة بس لأن أبوي ضابط هذا شفعلي بهواي أمور زيد طلع من المستشفى امي حاولت ترجع علاقتها بيا مثل قبل بس اني مااهتميت وحقدت على زيد حقد ماله نهاية ونهايته موت واحد من عدنا الإهتمام الي كنت اشوفه لزيد محد بيوم اهتم بيا مثله انقهر وابجي بالسر بس مابينت هالشي وزيد كبر وصار بالمدرسة وامي تأخذه وابوي يجيبه ويحيرون شيسووله حاولت اتجاوز هالمرحلة وقنعت نفسي انو مرحلة مراهقه وتعدي إلى أن اجت أول حب بحياتي مو درر لا كالعادة كنت أمشي وي جماعتي وشفت سيارة ناس محملين اغراض ومتوجهين لشارعنا ولمحت بنية تقريبا كانت بعمري ضليت مركز عالسيارة حتى أشوفها زين من نزلت باوعتلي وابتسمت يمكن أول مرة اسويها رحت ساعدتهم ونزلت أغراضهم حتى المجمدة شلتها وحدي من كد الحماس هي تباوعلي واني هم وواحد يبتسم للثاني اجه أبوها وخرب علينا اللحظه
= عمي محتاجين شي اني بالخدمة
- لا عمي مشكور تعبناك
كنت أريد حجه وسبب حتى ادخل بيتهم وانطيها رقمي رحت لامي كلتلها حظري صينيه غدا خلدزها لجيرانا طبعا هي فرحت تحب هيج أمور أخذت الصينيه ودكيت الباب طلعتلي انطيتها رقمي من جوى الصينيه هي حطته بصدرها وضحكت اني غمزتلها ورحت أبوها صاحلي خفت عبالي كشفنا بس همزين راد يشكرني إحساس الفرح كان ماينوصف بالنسبه إلي مرت أيام ماتكدر تخابرني وكنت منتظرتها تخابر بس ماكو عرفت انو عدها ٥ إخوان وهي البنت الوحيدة وأمها ميته كنت حاير ليش ماخابرت وفكرة تأخذني وفكرة تجيبني وبيوم راقبت بيتهم الصبح أخوتها كلهم طلعوا للشغل وحتى أبوها بس أخوها صغير بكد زيد كان دكيت الباب هي طلعتلي كبل دخلت وسديت الباب قبل ليشوفنا أحد
= عزاا شتريد
- ليش ماخابرتي
= عفية اطلع لايجي واحد من إخوتي
- ماطلع كولي ليش ماخابرتي
= ماعندي وقت والله اطلع أخوي نايم لايكعد ويفضحنا
طلعت وانتظرتها تخابرني ودك عليا رقم غريب عرفته رقمها وبدت علاقتنا يوم عن يوم تطور وتعلقنا ببعض كلش وكانت نيتي زواج وياها لأن بس الله يعلم حبي وغيرتي عليها شلون فتحت الموضوع وي امي وفرحت وحاجت أبوي بس رفض كال بعده صغير وطايش كم يوم ويطلكها تعاركت وي أبوي وامي من شافتني صادق بعلاقتي قنعته وخطبوها إلي بس أهلها رفضوا لأن إبن عمها يريدها توسلت بابوها بس يطيني ياها والله العظيم أحبها بس ماقبل كنت بس علمودها متحكم بتهوري وعصبيتي بس من شفت رفضهم المستمر رحت هددت إبن عمها ودفعتله فلوس وكلتله تتزوج غيرها وبأسرع وقت هو طلع جبان وسوى كل شي طلبته منه ابو حبيبتي من شاف إبن عمها تزوج وافق على زواجها مني وقرينا الفاتحه بهالمرحلة اني كمت مااسيطر على شهوتي وصرت اروحلها للبيت من أهلها يطلعون ونسوي الي مالازم يصير واستمرينا شهر عالوضع هذا وراها بفترة حددوا موعد الخطوبة وقبل يومين زيد ارتكب جريمه دمار حياتي وحياة حبيبتي أخوها الصغير جان يداوم وي زيد و٢٤ ساعه يتعاركون وبيوم رجعوا سوى من المدرسة وتعاركوا بنص الشارع وزيد دفعه وصار جوة التريلة كل شي صار كدام ابو حبيبتي وصارت مشاكل مالها نهاية وأولها بتهم مستحيل ينطوها إلي خابرتني وكالتلي هي حامل تعقدت الأمور فوك ماهي متعقدة كانت تخابرني بالسر وتبجي أتذكر كل صرخه منها وكل دمعه وكلها بسبب زيد أهلها قتلو عمي الله يرحمه وهم انتقلوا لغير مكان وأخذوا الموبايل منها وكسروه حتى متخابرني بس هي تخابرني من اي موبايل تبجي تخاف أهلها يكشفون حملها اني من شفت الأمور متعقدة مالكيت حل غير انو أخذها وننهزم اتفقت وياها بس هي تعقدت نفسيتها تخابرني تبجي وتريد تنتحر خوفي ارتباكي كل الاحاسيس الجهنمية الي كنت احس بيها كانت نار وتحرك بيا عالبطيء اتفقت وياها كالتلي على مكانها ورحت بس كل خطوة امشيها اني كلبي احسه موبمكانه من خوفي عليها من وصلت للبيت شفت ناس متجمهرة كدام البيت الي كالتلي عليه ومن دخلت شفتها مذبوحه والدم تارس الغرفه أصعب عقاب خوف قهر موت مامصدك أي شي أهلها عايفيها ومنهزمين الانجماد الي حسيته بجسمي كفيل انو اكون أحد الموتى لزمتها ضليت أصرخ اديا كلها دم صارت ابوس بيها اتوسلت بيها ردتها بس تفتح عيونها والله العظيم اخذها وانهزم ليش تخاف اني وياها ماعفتها ماضحكت عليها والله العظيم حبيتها من كل كلبي ليش عافتني ليش الله عاقبني بهاي الطريقه ليش مااخذ روحي جنت حاضنها وأصرخ والدم صار بكل ملابسي الناس حاولو يوخروني منها بس ماكدروا
*********
درر
مر أسبوع
كعدت من الصبح متحمسه كلش اليوم أشوف حبيب كلبي خابرته من الصبح وكالي منتظرج كشخت دروسي كلها محظرتها بفضل أستاذ ضياء كل الدروس هو يدزها إلي اوف وأخيرا راح اداوم هو شنو الي مخليني احب المدرسة غير رفوعتي وليداتي شكد أحبه بشرتي تعبانه سويت تقشير وحمام بخار وسكراب وتدليك وحركات شوي كحل ومسكارا طلعت فلة صبغت اضافري وخالفت اليوم احصلي رزالة من الأساتذة بعد ماجهزت طلعت شفت رفعت من بعيد ابتسملي يمه كلبي إلا شوي جان ركضتله بالشارع بس خفت لأن زيدان بعده مطالع رشيد من البارحه مو بالبيت وزيد نايم وعمي راح للشغل بس زيدان يطلع هيج وقت أول مشافني رفعت فرح كلش لزم إيدي وباسها ورحنا طول الطريق اباوعله رحنا لمكاننا المعتاد باسني بكصتي وبخدي
_هههه شبسرعه وجههج يصير أحمر هيج
= رفعت استحي لتحرجني
حضنته حيل وغمضت عيوني ارتاح من اسوي هيج كل العواطف الي فقدتها هو عوضني عن كل شي
_ يلا تأخرنا خلوصلج لمدرستج واروح للشغل
= ما
_ يلا تأخرنا خلنروح
= ما بعدني مشتاقتلك
_ اهم شي دراستج مبقى شي لامتحانات نصف السنه
= مالي خلك ادرس
_ اني ادرسج
= صدك؟
_والله
= بس شلون يعني
_ عادي العصر اخذج لأي مكان منتزه أو حديقه مبيها ناس هواي
= وشكول لأهلي
_ أدرس يم صديقتي
= أوك تحمست كلش
وصلني للمدرسه وراح لشغله قبل لا أدخل للمدرسة حبيت اشتري قهوة بارده احب أشربها بالبريك حتى اصحصح اشتريتها ردت اطلع انصدمت بيا بنيه كل القهوة تبدت على صدريتي قميصي وشالي وفوكاها كالتلي
- عمى حتى عمى
= لا بشرفج ترا اني الي صدريتي توسخت وانتي الي صدمتيني
- إنتي منعنعه تريديني مثلج
= لا والله
- وعلة من الله
= لج بابا إنتي بنية امشي على كيفج ميركضون وراج خير شكو تدفرين دفر وشغلة ثانية عيب الغلط والتجاوز هذا انتي متشوفين نفسج شكبرج شكدج موعيب عليج استحي على نفسج
= انتي وحده غبية وفاهية وتتنغوصين وتتدلعين وتمشين على كيف بس علمود تجذبين نظر الولد
- عالاقل مو مثل غيري اجذبهم بمفاتني البس ضيق ومخصر بس علمود ابين اعضائي
= شنو قصدج ها
- قصدي واضح
= إنتي سافلة ومتستحين
- شكو انفعلتي الا إذا إنتي صدك هيج نيتج بعد الله أعلم
شو من كلتلها هيج هي كمشتني وجرتني من شالي وضربتني راجدي وبهالاثناء شافنا أستاذ ضياء اني من قوة الراجدي دمعت أستاذ ضياء صارن عيونه بكصته من العصبية لأن كل شي صار كدامه بباب الكافتيريا رحنا للادارة
- ماما درر احجي شصار ليش هيج
= ست اني طلعت من الكافتيريا وهي انصدمت بيا ومثل متشوفين شلون صدريتي توسخت وهذا الصفار الي بقميصي وشالي هي بدل متعتذر كالتلي عمى حتى عمى
- ليش ماما عنود بعدج ممداومه هذا أول يوم الج تداومين بيه اختج وابوج كل شوي مخابريني يوصوني عليج موعيب ياابنتي انتي كبيرة موصغيرة
_ ست كذابة اني ماغلطت عليها
- كافي عيب يلا تصالحن وروحوا للصف لأن نص الدرس ضاع عليكم وبعد مااريد أسمع هيج لغاوي بمدرستي عيب بناتي يلا عنود بوسي زميلتج
باستني الحقيرة وداست على رجليا عبالك فيل شكبرها رحت لقاعتي واشوفها وراي
= خير شكو وين
- لشعبتي
= حتى هنا لحكتيني
- مو المدرسة بس الج ساعه السودا إلي صرت وياج بنفس القاعه باجر أجيب أختي تنقلني لغير شعبه
= أي والله تسوين فضل
- اكولج إنتي صدك أدب سز وحقيرة كلش كرهتج
= على أساس اني متت عليج احترمي نفسج ووخري مني مالي خلك ناس مثلج
- هو انتي شنو شايفه نفسج لا جمال لاجسم لا شي خركه
= حتى الفاظج عوجه صدك جذب وبعدين الجمال والجسم خليته الج عالاقل جسمي مناسب وحلو مومال وحده متزوجه وكل شي بيها كبير مثل بعض الناس
- انتي شنو قصدج
عفتها وكمت اضحك عليها طول الدوام تباوعلي بغضب وتخزرني اني أحاول اعيش كل لحظه بحياتي بونسة وضحك ومندمجه بدراستي كل الأساتذة سألوني عالحمار الي بخدي بس اني أسكت كنت مركزة على دروسي لحد الدرس الأخير عدنا English اجانا أستاذ ضياء من شاف هاي الاسمها عنود شكد كرهت هالاسم من وراها ضاج وكاللها
- باجر أريد ولي امرج ضروري
هي نظرتلي بغضب
من خلص الدوام حجيت وي الأستاذ
= أستاذ ماكو داعي عنود تجيب ولي أمرها
- لا اكو داعي حتى ماتدمادى بعد
= صدكني ماراح تتمادى كل شي صار بلحظه غضب عادي تصير هالسوالف بين البنات
- درر إنتي لتدخلين وبعدين خدج شلون صار
لزمني من حنكي اني تضايقت وابتعدت
= مع السلامة حروح
هفف هذا شبيه أول مطلعت شفت حبي لزم إيدي بس وخرت منه بسرعه مااعرف ليش إحساس غريب فجأه اجاني
- شبيج قلبي
= مبيا شي
شاف خدي لزم وجهي بلهفه وخوف دفعته تذكرت أستاذ ضياء هم لزمني كرهت فكرةيكدر أي شخص يلزمني عادي وتذكرت كلام عنود من كالتلي تجذبين نظر الولد كلش تضايقت من نفسي لأن ممنتبهه لهيج أمور أستاذ ضياء منو سمحله يلزمني اني السبب خليته ياخذ فكرة عني انو كل شي عادي واني فد وحده منفتحه نسيت أخلاقي تربيتي أهلي وعمتي ماتو بس المفروض تربيتهم متموت لازم اسوي اعتبار لعمي وولد عمي رغم كل شي ذولي أهلي وسندي بالحياة حتى رفعت شكد ميكون حبنا قوي وصادق ونيتنا زواج المفروض مانتعود عالحرام كنت غافلة عن هواي أمور كان من زمان لازم اخلي حدود بأي علاقة من علاقاتي
= رفعت بعد لتلزمني
_ أوك بس ليش
= حرام ميجوز اني مومرتك حتى يحل تلزمني اني مجرد حبيبتك لا أكثر كل شي بيناتنا محرم جاي أحس بذنب عظيم متندمه وضميري ديأنبني خنت ثقة أهلي وحتى عمتي الربتني مااحترمت تربيتها ولا خليت لأحد اعتبار شلون سويت هيج عيب كل شي بيناتنا غلط وميصير إذا واحد عرف راح انفضح وتتشوه سمعتي عبالك عايشة باوروبا لدرجه حبيتك حب ماخلاني اميز الصح من الغلط أطلع وياك وتوصلني كل يوم للمدرسة الله لحد الان ساترني لأول مرة احس نفسي بنية موزينه توني وعيت على اخطائي
_ ليش جاي تكولين هذا الكلام بعد ٣سنوات من علاقتنا
= ماادري بس هذا الصح رفعت
_ ترا اني بأي لحظه مستعد اتزوجج بأي وقت تردين بس ضروفج خوفج كل مانعنا
كمت ابجي
_ لتبجين الله كريم أمنيتي أعرف انفصام الشخصية العندج هذا متكوليلي شتردين
= انت بس تعاتب بيا
_ هسة شسوي أعقد عليج حتى تهدأين وتبطلين المناحه هاي
= حضرتك تستهزئ بيا مو
_اوف منج ومن خبالج كوليلي خدج شبيه
= تعاركت اليوم
_ عفيه بنيتي سباعيةصايرة شقاوة شنو وين كاعده بنت ال،،، شلون تضربج هيج شنو ماوراج أحد
= اهدأ هاي شبيك مصار شي
_ شنو مصار شي لعد خدج مزورك ليش شنو من ايد ايدها بنت ال،،،،
= لك كافي مسبه
_ اشتكي للادارة
= حبيبي المديرة حجت وياها وخلص كل شي عادي
_ لج لتخبليني شنو عادي شلون تتجرأ إنتي شنو واكفتلها ليش مضربتيها
= مااكدر اضربها
_ الي يأذيج اذيه ردي كل شي لتضلين المظلومه دايما
= حبيبي سمعتها كلام مسموم خليتها الدوام كله ضايجه ليضل بالك ترا اني درر موهينه
_ درر اني مااتحمل هيج اضل واكف مجتف وكل شي مااسوي باجر اجي وياج للمدرسة واشتكي عليها هاي الس،،،،
= عزاا تخبلت أنت شنو تكوللهم أول سؤال حيسالوك منو انت شتقربلها ماكو داعي عمري أنت
_ لتسكتين إذا حاجتج بعد الزميها شبعيها دك
= هههه اهدأ كافي لتصير عصبي هيج
_ قلبي فاير صاير نار
= يلا خلنروح حبي لتصير حساس هيج وتكبر الموضوع
_ انجبي لا اضربج على خدج الثاني ازوركه الج
= ههه زعل
_ القصه مو قصه حساس بس هذا اسمه تجاوز لأن شافتج فقيرة وإنتي انطيتيها مجال
= يعني شلون راح نبقى شهر نحجي بهاي الهويشه وحده رعنه تريدني أصير مثلها كافي حبي لخاطري
_ انجبي زعلان منج أصلا
= ليش شسويت بعد
_ سالفة العيب والحرام شنو هاي
= خلنتمشى واسولفلك
_ سولفي درر إنتي معندج ثقه بيا
= عندي ثقه بيك أكثر من روحي والله
_ عندج شك لو واحد بالمية اني أضحك عليج لو نيتي سيئة
= لا
_ مرتاحه وياي لو لا
= أكيد شتحجي أنت الوحيد إلي مااخاف منه وثقتي بيك مالها حدود أأمنلك أكثر من ولد عمي أنت بس إلي خايف عليا ومهتم بيا مايوم حسيتك غريب عني حتى من تلزمني مااخاف ولاشي بس
_ بس شنو
= ماادري خلص أنسى
_ أكو شي شاغل بالج بس متكولين لأن تخافين من ردة فعلي
= ماكو شي حياتي
_ أوك خلنروح
بالبيت أول مدخلت شفت زيد توه كاعد من النوم
- درر جوعان
= لحظه بس اغير ملابسي
- أوك
= شلون صرت
- زين أحسن من قبل
طلع جكارة
=بعدك مامتريك ليش تدخن على ريقك
- عادي
= موزين على صحتك
- طز اكولج وين أبوي ليش محد بالبيت
= البيت هذا من ماتت عمتي محد كام يلفي عليه
- هه إحنا انتهينا بعد ماننجمع أبد
= لتكول هيج الله كريم شتحب اسويلك ريوك
- أي شي
= بيض سلق زين
- بكيفج
غيرت ملابسي وسلقت بيض وسويت شاي خليت الصينية بغرفته
- تعالي اكلي وياي
= لا مااريد
لزم أيدي وخرتها وخزرته
- إلى متى درر
= تاليها ياربي
- ليش متحبيني شتردين اسويلج
= زيد ليش مجاي تستوعب اني مااحبك أنت بالنسبة إلي أخ وابن عم لااقل ولااكثر
- احبج والله
= عيش حياتك بعدك صغير لتضل متعلق بأمل كاذب
- مااكدر
= لتحرجني أكثر من هيج
طلعت من غرفته
*********

... يتبع