البارون

❤❤البارت الاول❤❤

#البارون
قصه جديده بعنوان
♡♡♡أبقى معي للأبد( أستاذي العاشق )♡♡♡

... أيا نجمتي المضيئة...
... كنت في وهم وحلم انكِ لي وها أنا عاجزا عن استبدال الياء بالهاء( لي) ...
- حبيبتك إلي جاي تشتغل ليل ونهار علمود تتزوجها وتامنلها عيشة مثل ماهي تريد خانتك يصاحبي وي معلمها
.... نظرات غضب وحيرة واحتراق ينفي كل هذا الكلام .....
... وهل الضرب والشجار سينفي هذا...
********
ضياء
...امتلأت كل أركان حياتي خيرا إلا أنني انظر للركن الهادى البعيد من حياتي فاجده خاليا...
عمري ٣٧ سنة بشرتي سمرة شعري أسود وعيوني سود جسمي معضل مطلق امي مديرة إعدادية بنات أهلية وبيها اساتذة كبار أصغر واحد عمره ٤٥سنة وكذلك المدرسات اتعينت بهواي مدارس للبنات وطبعي احب البنات الصغار كلش وجنت مااحب اتلاعب بأي بنت بمكان شغلي رغم الاغراءات والأشياء الي اشوفها من الطالبات بس رافض كل شي بس المدير من يشوف البنات مركزات عليا لأني أستاذ شاب ميقبل وانجبر انقل لغير مدرسة وانقلت لمدرسة أولاد وجنت كل يوم بمنطقة وكل منطقة اروحلها اتعرف على بنات اشكال وألوان متونس عالاخير بس ضلت بنفسي اصادق بنية صغيرة وشفت بنية حلوة وأهم شي عندي متكون من المدرسة بعدها تازة صادقتها من بعيد لبعيد أشوفها لأن المنطقه شعبية وتخوف لحد ما ام البنية كشفتها وكالت لابوها واجه حاجاني وطلع ابو أحد الطلاب العندي جان عصبي كلش وجايب سلاحه انهزمت منه واتصلت بأمي اني يتيم الأب وعمامي ناس أرياف ومن زمان عافونا لأن امي مقبلت تتزوج حماها علمود تربيني وقررت وحدها تتكفل بمسؤؤليتي هالحجي جان من عمري ٥ سنوات وبعدين امي كملت دراستها وتعبت وخوالي ناس أغنياء هما ساعدوها ووصلوها لهاي المرحلة وعمامي طول هاي السنوات ماانطونا فلس وحتى ورث أبوي غلسوا عليه امي مثقفة وكلبها طيب كل سنه تكولي روح شوف اجدادك هما بالأرياف عاداتهم اقرف منها بالكوت انجبر اروحلهم
،،،، بعد مااتصلت بأمي كالعادة خوالي هما الي نقذوني من الموقف مو جديدة عليهم وابو البنية يريدني اتزوجها هههه هو اني اتزوجت شهر مليت منها المهم دفعوله فلوس مااعرف شنو وسدو حلكه كلما انتقل لمكان اشتغل بيه تصير نفس السالفة رغم مااني ماحب اخطأ بشغلي وكل الاعيبي خارج الشغل بس بأخير فترة طلعت عليا سمعه موحلوة بسبب الطالبات الي ماانطيتهن مجال راحن اشتكن انو اني اتحرش بيهن وتم رفضي من كل المدارس سواء للولد او للبنات امي كالت مابيها مجال الا اشتغل بالاعدادية مالتها وجانت مترددة وماراضية نهائيا بس بالاخير اشتغلت هذي الإعدادية جنت قبل كل فترة اجي اشوف امي بيها البنات بيها مايهتمن من يشوفني لأن أصغر وحده تحبلها ضابط يعني مااشوف اغراءات أو شي ثاني كلهن عدهن حبيب وكلهن غنيات يعني الي تحبه مالي عينها وزايد داومت أول يوم كل شي مشى عادي وماكو أي شيء مرت أيام كلش ملل وروتين هواي بنات مصادقهن يدكن على زواج كلهن حظرتهن لأن مليت منهن كلهن ماكو وحده عاجبتني وصلت مرحلة موشبع ملل من كل الأشكال كمت اي بنية شكره وعيونها خضر اتجنبها لأن مليت من هالنوعية عبالي البنت الحلوة كلش ماراح تخليني املّ بس كلهن نفس الشي شهر وميعجبني اي شي بيهن تصير حالها حال امي جربت كل البنات الأشكال الأعمار أنواع الجمال بس لحد الان ماوحده حركت بداخل مشاعري شي كلهن نفس الشخصية ونفس الإحساس احسه وياهن إعجاب ويختفي بسرعه
يوم جديد امي كعدتني الصبح
- ماما ضياء اكعد راح الوقت تأخرنا
= صار يوم
- ضياء ابني خلص بسرعه وتعالي للغرفه عندي حجي وياك ضروري
=روحي وهسة اني جايج
سبحت وشسورت شعري تعطرت خلال ٥ دقائق
بست رأس امي وايدها
=ست الحبايب اميمتي حبيبتي
- ماما ضياء تعرف اني طول عمري مخليتك براحتك وعلى كل مشكلة تسويها اسامحك واكول ميخالف بس ابني انت كبرت وتعرف مكان الشغل خط أحمر ومااريد يطلع كلام موزين عليك ولا ع المدرسة مالتنا
=على امرج
امي عدها سيارة واني همات
= تعالي بسيارتي يوم أحسن
- لا ماما عندي شغله أريد أروح اخلصها قبل لااروح
= أوك حروح قبلج لعد
- ديربالك امي
= إنتي هم
رحت بلا ريوك متعود اكل بمطعم امي متلحك تسوي ريوك بأوقات الدوام واصلا متعرف تطبخ اني مرات بالعطل اسوي ريوك لأن احب الطبخ
،،،، الشارع ازدحام تأخرت عالدوام متعود أروح لمطعم أحبه بس غيرت طريقي للمدرسة لأن مراح الحك اكو كافتيريا قريبة من المدرسه بقت ٥ دقايق للدوام دخلت للكافتيريا مابيها بس بنية ومن لبسها مبينه طالبة عدنا مشفت وجهها طلبت من النادل يجيبلي عصير وكيكه شي خفيف وصحي أحب اهتم بصحتي ماادخن ولا اي شي
مهتم بمظهري وجسمي أهم شي عندي
- عصير وكيكه وبيض
- بعد تريد شي
- لا شكرا
فتحت فوني خابرت صديقي البنية كامت من مكانها مشفت وجهها جانت مدنكه تسوي بسوارها مااعرف شنو فاتت من طاولتي ممنتبهه ووكع جهازي بالكاع
-اوف لا راح الجهاز
= اسفه مجنت منتبهه
شفت وجهها جانت حلوة مزيونه جمالها كلش غريب يعني من تباوع الها تريد تضل سنوات تباوع بيها وتتأمل وتبقى حاير تكتشف الجمال شنو هذا تتمعن ورغم كل هذا تبقى عينك ممتشبعه ابد
=اخذه اصلحه لو انطيك فلوس تصليحه ليش متجاوب
بقيت صافن وهي تحجي تالي انتبهت
- شنو
= صارلي شكد احجي وياك
- بيش الساعه
= تأخرت كلش حروح
...لاالوم حاسدا يحسدكٍ...
راحت تركض مستعجلة وسوارها لكيته بالعصير نسته من اصطدمت بيدي ووكع موبايلي سوارها الي جانت تركبه وكع بالعصير بدون متنتبه شي بداخلى احتار شي مختلف مسحت السوار بالكلنكس وشفته بيه حرفين كلش مميز هالسوار شميت ريحته بيه عطر مراح حتى من وكع بالعصير خليته بمحفظتي جهازي انكسرت شاشته امي بعدها مواصلة رحت للكلاس اول درسين خلصن وبس صافن احس بتعب لأن ممتريك زين امي خلصت شغلها ورجعت للمدرسة
= ليش موبايلك مغلق ضل بالي يمك
طلعت الموبايل خليته كدامها
- شوفه عينج
= شكسره
بالإدارة جنت اني وامي دخلت علينا نفسها البنية الي شفتها بالمطعم باوعتلي مصدومه واني هم طلعت طالبه عدنا ممتاز
= ست عدنا هالدرس English ورحت لأستاذ طالب يكول المدرسة كعدت تقاعد واجه أستاذ جديد
- اي صحيح بالضبط
= ست وينه تأخر طار نص الدرس وبصراحه إحنا نريد أستاذ يشرح زين مو شلون ماكان يعنى موشاب توه متعين وميفهم شي نريد أستاذ أو ست جبيرة حبابة ست فدوة
= تالي وي لسانج درر شلون بيج إنتي روح ضياء اخذها وكفيني شرها حتاكلني
= ست وين
= الأستاذ ضياء يصير مدرس English الجديد موتتعبوه
= عزاا
- هههه شبيج
= اسفه أستاذ
= يلا تأخرت ضياء
- أوك ست رايح
بالمدرسة امي اسميها ست واتعامل وياها كمديرة وبس رحت وي درر عرفت إسمها
=أستاذ انطيني جهازك اصلحه واذا تريد باجر اجيب فلوس التصليح
- نجبي
هي سكتت بالكلاس عيني بس عليها هاكد تتحرك وكلش ذكية
- بلا صوت بنات
= أستاذ عيد الشرح مفتهمت
- لو منتبهه عليا مثل باقي الطالبات جان افتهمتي
= منتبهه والله
- كافي اكعدي بلا حركه حعيد علمودج أخير مرة
شرحت وخلص الدرس جان ممتع لأول مرة اشرح واكون متونس حتى راسي ماصدع غريب! بالبريك صافن مدري شبيا اجاني أستاذ ويانا بالمدرسة معروف بحكمته وبذكائه بشرح الدروس شافني صافن حتى من دخل ماانتبهت عليه
- صفنتك مال واحد عاشك
= ههه لا وين
- بعدين يبين كل شي
كعد الأستاذ يصحح بالأوراق الي بيده هو مدرس لغه عربية وشاعر باللغه الفصحى وعنده كتب ومؤلفات إنسان راقي كلش جان يدور ببالي هواي أسئلة عميقة مومال اسألها لامي ولا حتى لصديق أو لخوالي كل شخص علاقتي بيه مختلفه ومتاكد إذا سألت سؤال راح كل شخص ينطيني جواب مختلف حسب شخصيته وتجاربه جنت متردد اسأله ومستحي بس بداخلي إحساس قوي هو الشخص الوحيد الي راح ينطيني الجواب الصحيح بس موهسة اسأله بالوقت المناسب كل شي بوقته حلو خلص الدوام ورجعت للبيت نسيت ادز موبايلي للمصلح كلما اشوف موبايلي أتذكرها وابتسم فرح خفيف بداخلي حتى الموقف من اذكره أحسه مميز ارتاحيت والعصر رحت للجم ومناك للمصلح صلحته أصدقائي خابروني باليل رحتلهم تعشيت وياهم يسولفون وياي واني بس صافن كل ساعه واحد يكولي شوف ذيج البنت حتعجبك بس بالي مويمهم نهائيا
= ضياءءءءءء
- شكو شبيك خير
= صار ساعه نحجي وياك وين بالك
- ماكو شي حروح تعبان
= موخالي انت
رجعت للبيت عقلي ميوكف من التفكير بيها ليش صورتها متروح من بالي
*******
... الحب يوجد حيث يلتقي الألم بالمغفرة...
درر
عمري ١٩ سنه صف خامس إعدادي تاركه سنتين بسبب وفاه مرت عمتي مواصفاتي عيوني كبار وبيهن لون رموشي طوال خشمي صغير ناعم وحلكي مرسوم رشيقه وجسمي مغري بطريقه غريبة لأن مااملك المحاسن الجبيرة ناعمه بس طويلة شعري جوزي مرت عمي صارله ٣ سنوات من ماتت عمي ضربها بالحايط وضلت تنزف لحد ماماتت كدام عيني انسجن بس طلع لأن هو ضابط جبير ومعروف والقضية سدوها على انه عمتي وكعت من الدرج وانشك رأسها اني أعيش وي عمي الوحيد أهلي ماتو من جان عمري ٥ سنوات بابا ضابط وانقتل وامي ماتت وراه لأن مريضه وماتحملت القهر وفراق والدي لأن متزوجين عن حب وتعذبوا الا انجمعوا خوالي مااعرفهم ولاشايفتهم لأن أهل امي تبروا منها من تزوجت الي تحبه مرت عمتي هي الي ربتني واهتمت بيا هي جانت صديقه امي الله يرحمها بقيت بالبيت بس اني وعمي وعنده ٣ أولاد اصغر واحد بعمري والجبير يشتغل وي ابوه والوسطاني محد يعرف شنو شغله من الصغر اني وياهم مثل إخواني اعتبرهم بس من كبروا حليت بعينهم والجبير وابن عمي الصغير يريدوني وكلما جابو طاري زواجي يتعاركون وواحد يكول للثاني اني اخذها الوسطاني اعرفه يحب وحده ودايم يكوللها اخذج غصبا عن الكل الظاهر اكو عارض جبير يمنعهم يتزوجون عمي رجال سكير وكل شي حرام يسويه اختلاس أموال وغيره هواي وهواي كل يوم يجي باليل سكران يتهجم عليا يضربني لو الحك اقفل الباب لو واحد من ولد عمي إذا موجودين يلزمه ويساعدني عمي علاقته بيا نص ونص بس هو محارمني من شي وموفرلي كل شي دراسة أهلية وملابس وكل شي لأن بابا عنده أملاك قبل ليموت خلاهن بإسمي ومن غير الرواتب يعني من الناحية المادية مرتاحه بس كعدتي ببيت عمي موزينه ولد عمي يتحارشون بيا الجبير صار مثل أبوه يشرب ويجي للبيت سكران وبيا ساعه يغتص... والصغير نفس الحالة يكب...ل ويشرب هواي أمور ويجيني باليل فاقد اني أخاف واقفل غرفتي ابن عمي الوسط علاقتي بيه موكلش قوية بس يساعدني مرات وهو أغلب الأحيان موبالبيت الشي الوحيد المصبرني حبيبي وسندي بالحياة بكل هاي الدنيا ماراح الكا شخص مثله يحبني ويحترمني شكد مااحجي عنه وامدحه ماراح اكدر اوصف حنيته واهتمامه تعرفت عليه من الفيس صدفه قبل ٣ سنوات جنت تعبانه ومحبوسه بغرفتي متكئبه لأن مرت عمي ماتت
معتزلة من الناس ومن كل شي تركت دراستي بذاك الوقت لازمه فوني اكنك اكلب بالستوريات دخلي واحد عالخاص مو أول مرة بس هذا شو دازلي مقطع مال عرس ومبين عائلي دزلي بالغلط ومسح المقطع هذا شبيه دخلت لصفحته شفت صوره كلش بسيط وحلو شكد ضليت اباوع لصوره وكلما أطلع من صفحته أرجع وابقى اباوع لصوره لحد ماحفظت كل صوره ومااعرف ليش بس شو ارتاح من اباوع بعيونه زين شلون هي صورة عقلي صدع من هالشي شمرت الموبايل هاي شبيا تخبلت نمت الصبح موبايلي بس يدك فتحت خط بدون مااعرف منو عيوني مورمه من السهر والموبايل
= الو
- لج درر لحكيلي
صوت بنية تبجي
= منو يمعودة وليش تبجين
-لج اني بت جيرانكم غيداء
= ها غيداء توني كاعده من النوم شكو شبيج تبجين
- ولج مصيبة لحكيلي عزا بعيني أهلي راح يذبحوني من وراه
= حبيبج الخ.. مو
- اي
= زين اهدي وتعاي اشرحيلي شصاير
- هسة اجيج
كعدت غسلت وجهي
ولبست تراك شعري كفشه مالي خلك امشط اجتني غيداء مورم وجهها من البجي غيداء تصير بت جيرانا أهلها ناس فقرة وخوش ناس هواي واسوني بممات مرت عمي ووكفوا وياي
- درر فدوة ساعديني ماعندي غيرج والله العظيم
= تعاي واحجي شصاير
- شوفي هو كالي نطلع كلتله مااكدر أطلع وياك زعل وكام ميحاجيني كلما يطلب مني شي أرفض لأن أخاف وأخير فترة كالي راح اجي اخطبج بس تعاي وياي نروح لامي تريد تشوفج وتتعرف عليج كلتله مستحيل أروح وياك لاي مكان صار عصبي وعافني اسبوع ميحجي وياي اخابره ميرد لحد مالحيت عليه كلش ورجعنا سوى كالي والله اخطبج بس لازم امي تشوفج متقبل تجي تخطب وهي مشايفتج واتصورنا اني وياه وكالي حشوفهن لامي ورى ٣ أيام كلتله وين امك وليش مترد كالي مااخطبج وكام يطلب مني شغلات موزينه ويريد صور اليا بلا ملابس وكالي دزيلي حتى اجي اخطبج اني من كد ماضغط عليا دزيتله وكلما اكوله تعال اخطبني يتجاهلني لحد ما بالكليه تعاركت وياه وهو هددني كالي انشر صورج والبارحه كالي من نطلع من الجامعه اروح وياه لشقه لو ينشر الصور كوليلي شسوي
= يبوي هسة شلون باجر تروحين وياه
- مادري شسوي
= زين اهدي خلنفكر ونشوف حل
- ماكو حل انتحر احسلي ولااجيب العار لاهلي ادري بيه حتلو رحت وياه راح يصور كل شي و يجمع عليا أشياء حتى كلما يريد شي يهددني ويضل يجرني للغلط من باجر اشمر نفسي على سيارة وأخلص من كل شي
= اكلي تبن وانجبي جاي اكولج نلكا حل قابل انتي اول وحده مهددج ولد
- شسوي كولي
= باجر أروح وياج الجامعه
- شتسوين
= ماادري بس مراح اخليج وحدج روحي هسة اهلج لايشكون بشي
راحت وجنت مقهورة عليها كلش مااعرف شسوي دخلت عالفيس ادور على هيج قضايا هواي شفت بس اغلبها تتطلب شرطه واكو هكر وهالسوالف بس متفيد صار اليل ولد عمي بالبيت الجبير من ماتت أمه طلع من البيت والثاني انقهر بس عادي تاقلم والثالث مشى ورى اصدقاء السوء وعلموه عالشرب والجكاير ومشى بهالطريق وبعده لحد الان اجه سكران يدك عليا قفلت الباب هو داخ وراح يتقيأ بالحمام اجاه اخوج سبحه ونيمه بغرفته وعمي جان بهالوقت بالسجن وابنه الجبير يمشي بقضيته حاولت أنام بس مكدرت بصفحتي ماكو أحد فارغه دخلت الماسنجر فارغ بس لكيت الولد الي دزلي مقطع بالغلط نشط الآن مدري شلون دزيتله هلو هو مجاوب ولاشاف الرسالة استحيت ومسحتها تالي شافها وكالي ليش مسحتي الرسالة
كلتله بالغلط كال خوش ردت أنام باوعت لصوره ورجعت راسلته وهم كتبت هلو شافها ومارد كلتله ليش ماترد كالي عبالي بالغلط اني ضحكت وهو هم
= ممكن طلب
- اطلبي
= انت ولد يعني يمكن تعرف بهيج سوالف
- مثليش
= يعني بصراحه من ولد يهدد بنية شتسوي
- من مهددج عندج حبيب إنتي
= موهذا موضوعنا
- دازتله صور من يانوع
= هاي شبيك انت
- من عصبيتج مبينه دازتله صور بلا ملابس
= انجب واحترم نفسك
- اي مبينه لهذا تلفين وتدورين
= ماتحترم نفسك انت شلون تحجي شي ممتاكد منه
- لعد احجي
= وانت منو علمود احجيلك بلة
- انتي البديتي بالحجي مواني ترا
= أوك اسفه عالازعاج
سديت جهازي ونمت وضليت اتكلب جوة البطانية سمعت موبايلي يدك فتحته لكيت رسايل هواي من الولد
= شتريد ؟
- لتنامين بدون حل ولتجازفين بحياتج
= وانت شعليك
- ميخالف اسمعي الكلام
= معليك
- ماشي معليا
= عادي اثق بيك معندي شخص احجي وياه
- ههه احجي
سولفتله كل شي
- زين اني أعرف اهكر بلكي بس بالحساب مالته الصور ومن يتهكر كل شي يروح
= لا مصورها بموبايله يعني الصور موبس بالحساب مالته
- والحل؟
= مادري
- لحد الان متعرفين أسمي
= ولاانت
- أسمي رفعت وإنتي
= درر
ثاني يوم الصبح بسرعه جهزت نفسي وطلعت من غرفتي مالكيت بس إبن عمي الوسط
- وين؟
= حطلع وي غيداء اتريك وياها بالمطعم
- ديري بالج ولتتاخرين
=رواد وين؟
- بعده نايم بغرفته احتمال هالفترة يطلع ابوي
= أي
- درر ممكن سؤال
= شنو
- ابوي متعمد يقتل امي لو مجان يقصد
= افف زيدان رجاءا لتذكرني بالحادثة بالكوات تجاوزت القصه
- أوك بعدين نسولف
= يلا باي
- محتاجه شي؟
= لا
غيداء جانت منتظرتني وميته من الخوف
= صباح الخير
- صباح النور درر فدوة شراح نسوي
= اش حتفضحينا بالمنطقه امشي لكيت حل
- شنو؟
= شوفي يعني هو مااعتقد حيعجبج بس لازم نجازف ومابيدنا غير هالحل
- يمعودة احجي
= تعرفت على ولد بالفيس ومن سولفتله عنج انقهر وكال حساعدجن
- شيسوي يعني يطلعلنا من الموبايل
= لج شوفي كال انتظرني بكفتيريا ونشوف شراح يكولنا
- عندج ثقة بيه
= بصراحه اني البارحه اتعرفت عليه ومااعرف عنه هواي بس مرتاحلته كلش
- يارب ميخيب ظنا
= ان شاء الله
- شلون حنعرفه هو شايفج
= لا بس انطيته إسم الكافتيريا ومن يوصل الله كريم اني شايفته اعرفه
-أوك
وصلنا للكافتيريا كعدنا مكدرنا نخلي لكمه بحلوكنا من التوتر ربع ساعه دخل رفعت شو احس كلبي صار طبلة
= لج غيداء شوفي اجه
- وينه؟
= ذاك
- هذا الفاك حلكه يضحك للرايح والجاي
= ومرض هاي شبيج بحال تعيبين عالولد
- اي متشوفين شلون مبين فطير وكلش بسيط مومال عركات شلون حيساعدنا بلة مالكيتي غير هذا
= دنجبي نجبي منو غيره عارض علينا مساعده موزين من الولد كال اشوفلجن حل
- شوفيه اجانا انتي دازتله صورتج شو يباوعلج
= لا والله حتى مسامع صوتي
_ مرحبا
= مراحب
_ درر؟
= اي شلون عرفتني
_ ماادري حسيت
- فدوة خوية دخيل الله ودخيلك ساعدنا
_ ان شاء الله الي اكدر عليه اسويه بس اهدي
= شراح نسوي
_ انتي أبقي وياي درر وإنتي روحيله وحدج ولتخافين احنا مراح نعوفج بس حنراقبج من بعيد
= وتالي
_ صديقي بالشرطه وبهاي منطقتكم يشتغل وهواي مارة عليه هيج سوالف يحلها بدون ميوصل أي خبر لأهل البنية يعني بلا فضايح
= أوك يلا نروح