Wreck The Game (COMPLETED)

Chapter 51

Please follow @beeyotchupdated on twitter for real time tweet if any story got updated. Thank you.

#WTG51 Chapter 51

"Please tell me that you know that Assia's in your condo."

Tumingin ako kay Shanelle. Kung ako lang ang masusunod, bibigyan ko ng lecture sa 'self-worth' 'tong babae na 'to. Pero wala rin namang sense. Matalino si Shanelle—choice niya talaga na sila ni Vito kahit... ayan.

Ewan ko ba.

Ayoko rin magjudge kasi mahirap naman talaga ma-inlove—di mo alam kung hanggang saan aabot ang katangahan mo, sa totoo lang.

"Alam ko," sabi ko.

"And?"

"Ano'ng and?"

"You're okay with that?"

Tumango ako. Nasa isa ako sa mga bahay ni Nikolai. Totoo naman sinabi ni gago na hindi naman siya naghirap. May pera pa rin siya. Marami pala siyang investment sa business pati mga stocks sa kung anu-anong kumpanya. Dividends pa lang 'dun, mabubuhay na kami. Kaya 'di ko talaga gets pag-e-emote nung isang 'yun nung sinabi niya sa akin na igigive-up niya iyong trust fund niya... na hanggang ngayon ay hindi ko pa rin alam kung magkaano. At parang ayoko na ring alamin dahil baka bangungutin ako. Ayokong manghinayang nang sobra kapag nalaman ko kasi tao pa rin naman ako!

"Oofferan kita ng pagkain, pero walang pagkain dito," sabi ko sa kanya. Leche din talaga 'yang si Nikolai, e! Sasabihin sa akin na 'wag akong lumabas dito kung hindi importante. Bawal din ako magpa-deliver. Gusto ata niya mamatay ako sa gutom.

"How are you so okay?"

"Kasi... si Assia 'yon?" sabi ko kay Shanelle na medyo naguguluhan. Kasi sa mga kwento sa akin ni Nikolai, sobrang ka-close nilang tatlong bugok si Assia. So, hindi na rin ako nagulat nung gusto ni Nikolai na tumulong.

Besides, wala na nga siyang magawa sa kaso nung nanay niya...

Kung wala rin siyang gagawin dito, sure ako na last straw na 'yon.

"I know but—"

"Kain na lang tayo," sabi ko kasi ayoko na 'tong pag-usapan. Kahit na 'pumayag' naman ako sa gagawin ni Nikolai, syempre nag-aalala pa rin ako. Mga Villamontes iyong kalaban nila sa kaso...

Minsan akala mo alam mo na 'yung hangganan ng kasamaan ng mga tao... pero minsan, mabibigla ka pa rin, e. Sa hangganan ng gagawin ng mga mayayaman para mapanatili ang yaman sa kanila.

Totoo talaga iyong eat the rich.

Kaya lang feel ko iba ang pagkaka-intindi ko.

"Shanelle," sabi ko dahil kanina ko pa pinipigilan, pero iyong ekspresyon talaga sa mukha niya... Tsk.

"Yes?" sagot niya habang parang tanga na hina-halu-halo iyong kape niya. Kaninan pa niya ginagawa 'yon. Hindi na ako magugulat kung maging dalgona iyong iniinom niya.

"Wag kang magalit sa akin, okay? Or magalit ka. Bahala ka; malaki ka na," sabi ko sa kanya. "Bakit kayo ni Vito?"

Nakikita ko naman silang magkasama. Minsan sabay pa kaming kumakain na apat. Okay naman sila. Masaya naman. Pero alam mo 'yon? May mali talaga, e.

Ayoko naman tanungin si Vito kasi nakaka-banas din talaga kausap minsan iyong isang 'yon. Silang tatlong magkakaibigan, actually. Minsan hindi mo na lang maintindihan kung paano gumagana iyong utak nila. Kung ano ba iyong deciding factor sa mga desisyon nila.

"Why?"

"Obviously mahal niya si Assia."

"I know," mabilis na sagot niya.