နံနက်ခင်းစောစောမှစကာ အချိုရည်ကြော်ငြာကို တစ်ပိုင်းရိုက်ပြီးသည့်နောက် ယွန်းဂီမှာ အားအင်မရှိသလိုပင် နုံးချိသွားရသည် ။ ညဥ့်နက်မှ အိမ်ပြန်ရောက်ပြီး နံနက်အစောကြီးထရတာကြောင့် အိပ်ရေးမဝသလို စိတ်လည်း သိပ်မကြည်လင်ပေ ။
ထိုင်ခုံမှာထိုင်ချလိုက်ပြီး ဆော့ဂျင်ပေးလာသည့် ရေဘူးကို ယူသောက်လိုက်သည် ။ ထို့နောက် ဆော့ဂျင်က အလိုက်တသိပင် ပျားလိမ္မော်သီးကို အခွံခွာပေးပြီး ယွန်းဂီလက်ထဲသို့ ထည့်ပေးလာသည် ။
ယွန်းဂီက တစ်စိပ်စားလိုက်ပြီး ကျေးဇူးတင်စကားဆိုလိုက်သည် ။
" ကျေးဇူး Hyung "
ပျားလိမ္မော်သီးသုံးလုံး ကုန်သွားချိန်မှာတော့ နောက်တစ်ပိုင်းရိုက်ဖို့ ဒါရိုက်တာဆီက လှမ်းခေါ်သံကြောင့် ယွန်းဂီမှာ ထိုင်နေရာကနေ အားမရှိစွာ ကုန်းထလိုက်ပြီး ရိုက်ကွင်းနေရာသို့ ခပ်သွက်သွက်လေး သွားလိုက်လေသည် ။
ကြီးမားလှသည့်အခန်းကျယ်ကြီးအတွင်း၌
ဝတ်စုံပြည့်ဝတ်ထားသည့် ယောက်ျား ၊ မိန်းမတို့အပြည့်ဖြင့် အစည်းအဝေး ကျင်းပနေသည် ။
ဂျောင်းဂုက ပြောလာသမျှအကြံပေးချက်များကို ဂရုတစိုက်နားထောင်ကာ မေးလာသမျှ မေးခွန်းတိုင်းကို တိတိကျကျအဖြေပြန်ပေးရင်းဖြင့် အစည်းအဝေးမှာ ပြီးခါနီးအချိန်ပင် ရှိလေပြီ ဖြစ်သည် ။
" brandအတွက် modelကို ဘယ်သူနဲ့ရိုက်ရင် အဆင်ပြေမလဲ "
သူ့မေးခွန်းကို အကုန်လုံးက စဥ်းစားတွေးတောနေဟန် ရှိသည် ။ ထို့နောက် မိန်းကလေးတစ်ယောက်က စကားစပြောလာသည် ။
" Model အနေနဲ့ SUGAနဲ့ ကြော်ငြာရင် အဆင်ပြေမယ်ထင်တယ် ။ သူက နာမည်ကြီးအဆိုတော်ဆိုတော့ brandကိုပိုကြော်ငြာပြီးသားဖြစ်မယ်ထင်တယ် "
" သူဆိုရင်တော့ အဆင်ပြေပါတယ် ။ နောက် ဘယ်သူ အကြံပေးချင်သေးလဲ "
ထိုစဥ် ယောက်ျားလေးတစ်ယောက်က စကားဆိုလာသည် ။
" RM ကလည်း အခုတလော နာမည်ကြီးနေတဲ့ rapperလေ ။ သူနဲ့ ရိုက်လည်း အဆင်ပြေမယ်ထင်တယ် ။"
YOU ARE READING
Please Love Me
Fanfictionမပြီးပြည့်စုံတဲ့ကိုယ့်ကို ချစ်ပေးနိုင်မလား ။ အရာအားလုံးက မင်းနဲ့စတင်လာခဲ့တာကြောင့် မင်းနဲ့ပဲ အဆုံးသတ်ချင်မိတယ် ။ မၿပီးျပၫ့္စံုတဲ့ကိုယ့္ကို ခ်စ္ေပးႏိုင္မလား ။ အရာအားလံုးက မင္းနဲ႔စတင္လာခဲ့တာေၾကာင့္ မင္းနဲ႔ပဲ အဆံုးသတ္ခ်င္မိတယ္ ။
