ရုံးခန်းထဲ၌ ဂျောင်းဂုမှာ Laptop ကိုသဲကြီးမဲကြီး စိုက်ကြည့်ရင်း သူ့မျက်နှာဟာ အလိုမကျစွာ ခက်ထန်နေသည် ။ သူက Laptop ကိုကြည့်လိုက် ၊ ဖုန်းကို ကြည့်လိုက်ဖြင့် တစ်ယောက်တည်း ယောက်ယက်ခတ်နေသည် ။
| SUGA ဟာ သရုပ်ဆောင်အဖြစ် စတင် ပွဲဦးထွက်တော့မည်ဟု HJ Entertainment က အတည်ပြုခဲ့သည် |
ထိုသတင်းကို အခေါက်ခေါက်၊အခါခါ ဖတ်ကြည့်ပြီးနောက် သူ့မှာ သဘောမကျစွာ မျက်နှာကို ရှုံမဲ့ထားမိတော့သည် ။ သရုပ်
ဆောင်မည်ဆိုကတည်းက ဇာတ်ကောင်အဖြစ်ပါဝင်လာသည့်အမျိုးသမီးတွေနှင့် ထိတွေ့ဆက်ဆံရတော့မည်ဖြစ်သည် ။ ပြီးနောက် ဇာတ်လမ်း ၊ ဇာတ်ကွက်အတိုင်း အ
သားချင်းထိတွေ့မှုတွေက ပါဝင်လာမည်ဖြစ်သည် ။ ထိုအခါ၌ သူ့မှာ ယွန်းဂီကို အား
ပေးချင်သည့်တိုင် ထိုကဲ့သို့အပြုအမှုတွေကြောင့် အင်မတန်မှကို စိတ်အနှောင့်အယှက်ဖြစ်ရလိမ့်မည်ပင် ။
ထို့ကြောင့် သူက ထိုကိစ္စနဲ့ပတ်သက်ပြီး အ
သေးစိတ်သိချင်တာကြောင့် ယွန်းဂီအား
မေးမြန်းရန် ဖုန်းဆက်လိုက်သည် ။
" ဟယ်လ်ို ယွန်းဂီ Hyung...ကျွန်တော် သတင်းဖတ်ပြီးပြီ ။ Hyungက တကယ်ပဲ ရုပ်ရှင်ရိုက်တော့မှာလား "
ယွန်းဂီက ရွှင်မြူးလျက် ဖြေကြားလာသည် ။
" ဒါပေါ့ ။ အတွေ့အကြုံသစ် ရတယ်လေ ။ "
ဂျောင်းဂုက သဘောမကျစွာ နှာရှုံလိုက်သည် ။
" ဟွန့် ကျွန်တော်က မရိုက်စေချင်ဘူး "
" မင်းက ဘာလို့ မရိုက်စေချင်ရတာလဲ "
သူ့မှာ ယွန်းဂီရဲ့အမေးကို မည်သို့ ပြန်ဖြေရမည်မှန်း မသိပါချေ ။
" ဟို ဟို ဘာမှမဟုတ်တော့ဘူး ။ Hyung သဘောကျရင် ပြီးတာပါပဲ "
" ငါလည်း ကမ်းလှမ်းလာလို့ အတွေ့အကြုံရအောင် ရိုက်ကြည့်တာပါ ။ နောက်ဆို ရိုက်ချင်မှလည်း ရိုက်ဖြစ်မှာ "
" ဒါဆိုလည်း မရိုက်ဖြစ်မယ့်အတူ အခုလည်း မရိုက်နဲ့လေ "
ယွန်းဂီက ရယ်သွမ်းလျက် ဆိုလာသည် ။
" ဟားဟား...မင်းကတော့လေ ။ စကားကို အထအနကောက်တယ် ။ အဲ့တော့ ဒီကိစ္စမေးချင်လို့ ဖုန်းဆက်တာပေါ့လေ ။"
YOU ARE READING
Please Love Me
Fanfictionမပြီးပြည့်စုံတဲ့ကိုယ့်ကို ချစ်ပေးနိုင်မလား ။ အရာအားလုံးက မင်းနဲ့စတင်လာခဲ့တာကြောင့် မင်းနဲ့ပဲ အဆုံးသတ်ချင်မိတယ် ။ မၿပီးျပၫ့္စံုတဲ့ကိုယ့္ကို ခ်စ္ေပးႏိုင္မလား ။ အရာအားလံုးက မင္းနဲ႔စတင္လာခဲ့တာေၾကာင့္ မင္းနဲ႔ပဲ အဆံုးသတ္ခ်င္မိတယ္ ။
