ကားမောင်းနေရင်း ဆော့ဂျင်မှာ စိတ်ကိုမထိန်းချုပ်နိုင်စွာပင် ယွန်းဂီအား စတင်ဆူငေါက်လာလေတော့သည် ။
" ယွန်းဂီ မင်း အဲ့ဒါ ဘာလုပ်တာလဲ "
" ဘာလုပ်လို့လဲ "
ယွန်းဂီက နားမလည်စွာ ခွန်းတုံ့ပြန်လိုက်သည် ။
" မင်း ဂျွန်ဂျောင်းဂုကို ဖုန်းနံပါတ်ပေးလိုက်တဲ့ကိစ္စကို ပြောနေတာ ။ ပြဿနာတွေတက်မှာ မစိုးရိမ်ဘူးလား "
" ဘာပြဿနာလဲ "
" သူကနေတဆင့် တခြားသူတွေက မင်းနံပါတ်ကို သိသွားခဲ့ရင် မလိုလားအပ်တဲ့ပြဿနာတွေ တက်မှာကိုပေါ့ဟ "
" မတက်ပါဘူး Hyungရဲ့ ။ ဂျောင်းဂုက ယုံကြည်လို့ရပါတယ် "
ဆော့ဂျင်မှာ ယွန်းဂီစကားကြောင့် သွေးဆောင့်တက်သွားသလို ခံစားလိုက်ရသည် ။
" ဘယ်နားကများ သူက ယုံကြည်စရာကောင်းနေလို့လဲ ။ အခုမှ ပထမဆုံးတွေ့ဖူးတဲ့လူကို မင်း အရမ်းယုံမနေနဲ့ "
" သူ့မျက်လုံးတွေက ရိုးသားတယ်လို့ ခံစားမိလို့ပါ "
ယွန်းဂီရဲ့မခိုင်လုံသည့်အကြောင်းပြချက်ကြောင့် ဆော့ဂျင်မှာ ရွဲ့စောင်း ရယ်လိုက်မိသည် ။
" အဟား...မျက်လုံးတွေက ရိုးသားတယ် ဟုတ်လား ။ ငါတော့ သူ့ရဲ့မျက်လုံးတွေက အရမ်းပြူးတယ်လို့ပဲ ခံစားရတယ် "
ယွန်းဂီက ဆော့ဂျင်ရဲ့စကားကို လက်မခံသလို နှာမှုတ်လိုက်ပြီး ပြန်ပြောလိုက်သည် ။
" ဟွန့် ပြူးတာမဟုတ်ပါဘူး ။ မျက်လုံးတွေက ကြီးကြီးဝိုင်းဝိုင်းလေးတွေ ဖြစ်နေလို့ပါ "
" ပြီးတော့ မင်းကို အင်္ကျီညှိပေးတုန်းကလည်း သူနဲ့မဆိုင်ပဲ ဝင်ပါသေးတယ် ။ သူဌေးက သူဌေးနေရာနေပါလား ။ ဘေးနားမှာ ဒီဇိုင်းနာတစ်ယောက်လုံး ရှိနေတာ ။ အဲ့အပြုအမှုတွေက မဟုတ်သေးဘူးနော် ယွန်းဂီ "
" Hyung...အဲ့ဒါ သူဆွဲထားတဲ့ဒီဇိုင်းမို့လို့ သူကိုယ်တိုင် လာညှိပေးတာပါ ။ Hyung သိပ်မတွေးပါနဲ့ ။
ဆော့ဂျင်မှာ ယွန်းဂီက ထိုဂျွန်ဂျောင်းဂုကို ကာကွယ်နေသည်ဟု ခံစားရတာကြောင့် သက်ပြင်းသာ ချလိုက်သည် ။
ESTÁS LEYENDO
Please Love Me
Fanficမပြီးပြည့်စုံတဲ့ကိုယ့်ကို ချစ်ပေးနိုင်မလား ။ အရာအားလုံးက မင်းနဲ့စတင်လာခဲ့တာကြောင့် မင်းနဲ့ပဲ အဆုံးသတ်ချင်မိတယ် ။ မၿပီးျပၫ့္စံုတဲ့ကိုယ့္ကို ခ်စ္ေပးႏိုင္မလား ။ အရာအားလံုးက မင္းနဲ႔စတင္လာခဲ့တာေၾကာင့္ မင္းနဲ႔ပဲ အဆံုးသတ္ခ်င္မိတယ္ ။
