သူက မျက်လုံးတွေကို ပြန်လည်ဖွင့်ကြည့်လိုက်တော့ အဖြူရောင်မျက်နှာကျက်ကြီးကို
ဦးစွာ မြင်တွေ့လိုက်ရသည် ။ ထို့နောက် သူ့လက်ဖဝါးမှာ တစ်စုံတစ်ယောက်ရဲ့ တင်းကြပ်စွာ ဆုပ်ကိုင်ထားခြင်းခံနေရသည် ။ ယွန်းဂီမှာ ခေါင်းလေးကိုစောင်းငဲ့ရင်း ဘေးဖက်သို့ ကြည့်ရှုလိုက်သည် ။
ဂျောင်းဂုမှာ မျက်လုံးလေးတွေဝိုင်းစက်လျက် သူ့ကို အံ့သြစွာကြည့်နေပြီး တဆက်တည်းမှာပင် ဝမ်းသာအားရသည့်အသံဖြင့် စကားဆိုလာသည် ။
" Hyung...သတိရပြီလား ။ "
" အင်း ။ "
ယွန်းဂီက လေသံတိုးလေးဖြင့် ပြန်ဖြေလိုက်ပြီး ထဟန်ပြင်လိုက်စဥ် ဂျောင်းဂုက သူ့အား ဖေးမပေးလာသည် ။
သူက ခေါင်းအုံးကို ကျောမှီလိုက်ပြီး ဂျောင်းဂုကို အမေးရှိလိုက်သည် ။
" ဒါနဲ့ ဘာလို့ ဆေးရုံရောက်နေတာလဲ "
" ဆေးလွန်သွားပြီး သတိလစ်သွားလို့လေ ။ ဂျင် Hyungက ဆေးရုံကို ခေါ်လာပေးတာ "
" အဲ့လိုလား ။ ငါ တစ်လုံးတည်းပို သောက်လိုက်တာကို "
သူ့စကားကြောင့် ဂျောင်းဂုမှာ သဘောမကျဟန် နှာမှုတ်လာလေသည် ။
" ဟွန့် Hyungက ဘာဖြစ်လို့ ကိုယ့်သဘောနဲ့ကိုယ် ဆေးကိုပိုသောက်ရတာလဲ ။ ဆရာဝန်နဲ့တိုင်ပင်မှပေါ့ ။ Hyungကြောင့် အခု ကျွန်
တော်ရော ၊ ဂျင် Hyungရော ဘယ်လောက်တောင် စိတ်ပူသွားရသလဲဆိုတာ သိရဲ့လား ။ "
သူ့အား ဆူပူကြိမ်းမောင်းလာတာကြောင့် ယွန်းဂီမှာ အူလည်လည်ပုံစံလေးဖြင့်သာ တုံ့ပြန်လိုက်သည် ။
ထို့နောက် ဂျောင်းဂုက ဖုန်းထုတ်လိုက်ပြီး ညစာသွားဝယ်သည့် ဆော့ဂျင်ကို ဆက်သွယ်လိုက်သည် ။ ယွန်းဂီ အိပ်ပျော်နေချိန်၌ သူတို့နှစ်ယောက်မှာ လွယ်လင့်တကူ ဖုန်းဆက်နိုင်အောင် ဖုန်းနံပါတ်လဲလှယ်ထားခဲ့ခြင်း ဖြစ်သည် ။
" ဟယ်လို ဂျင် Hyung ။ ယွန်းဂီ Hyungနိုးလာပြီ ။ Hyung အခု ဘယ်မှာလဲ "
တစ်ဖက်မှဆော့ဂျင်မှာ ဝမ်းသာသည့်အသံဖြင့် ဆိုလာသည် ။
BẠN ĐANG ĐỌC
Please Love Me
Fanfictionမပြီးပြည့်စုံတဲ့ကိုယ့်ကို ချစ်ပေးနိုင်မလား ။ အရာအားလုံးက မင်းနဲ့စတင်လာခဲ့တာကြောင့် မင်းနဲ့ပဲ အဆုံးသတ်ချင်မိတယ် ။ မၿပီးျပၫ့္စံုတဲ့ကိုယ့္ကို ခ်စ္ေပးႏိုင္မလား ။ အရာအားလံုးက မင္းနဲ႔စတင္လာခဲ့တာေၾကာင့္ မင္းနဲ႔ပဲ အဆံုးသတ္ခ်င္မိတယ္ ။
