နွေရာသီသို့ ကူးပြောင်းလာပြီ ဖြစ်တာကြောင့် ရာသီဥတုက ပူပြင်းအိုက်စပ်နေသည် ။ နွေ
မှာဖူးပွင့်သည့် ပန်းပွင့်လေးတွေအလယ်မှာ လိပ်ပြာလေး အချို့ဟာ လူးလာခေါက်ပြန် ပျံသန်းနေပြီး နေရောင်ခြည်တောက်တောက်ကလည်း လောကတစ်ခွင်လုံးကို ကျိန်းစက်စူးရှစွာ ဖြာကျနေလေသည် ။
လက်ထဲ၌ ကတ်ထူစက္ကူပုံး တစ်ပုံးကို သယ်ယူထားပြီး အိမ်ထဲဝင်လာသည့်ဆော့ဂျင်ကို ယွန်းဂီက သိလိုစိတ်ဖြင့် မေးလိုက်သည် ။
" Hyung...အဲ့ဒါ ဘာတွေလဲ "
ဆော့ဂျင်က စက္ကူပုံးကို အောက်သို့ချလိုက်ပြီး ကျောဆန့်လျက် စကားဆိုလာသည် ။
" ဂျွန်ဂျောင်းဂု ပို့လိုက်တာ ။ အသီီးတွေလေ ။ "
" အသီးတွေ ဟုတ်လား ။ "
စက္ကူပုံးရဲ့ဘေးမှာ ကပ်ထားသည့် ဆိုင်နာမည်နှင့် အသီးအနှံပုံလေးကို မြင်တွေ့လိုက်ရတော့မှ ယွန်းဂီမှာ သေချာ နားလည်သွားတော့သည် ။
သူက ဖွင့်ကြည့်လိုက်တော့ အထဲ၌ ဖရဲသီးတစ်လုံး ၊ သခွားမွှေးသီးနှစ်လုံးနှင့် သရက်သီး အချို့ကို တွေ့လိုက်ရသည် ။
ဆော့ဂျင်က ထိုအရာကို မြင်တော့ အံ့သြစွာ ဆိုလာသည် ။
" ဝါး ဂျွန်ဂျောင်းဂုတို့ကတော့ သူဌေးသားလို့ မပြောရဘူး ။ ဒီလောက် စျေးကြီးတဲ့သရက်သီးကို အများကြီး ပို့လိုက်တယ် "
" အများကြီးပဲ ။ ကျွန်တော် တစ်ယောက်တည်း ကုန်မှာ မဟုတ်ဘူး ။ Hyung လည်း တစ်ဝက်ယူသွားလေ "
" မယူချင်ပါဘူး ။ ငါ့ကို ပေးတာမှ မဟုတ်တာ ။ "
ယွန်းဂီက ဘာမှပြန်မပြောတော့ဘဲ ဂျောင်းဂုဆီကို ဖုန်းဆက်လိုက်သည် ။
" ဂျောင်းဂု ( အာ )..."
" Hyung...အသီးတွေ ပို့လိုက်တာ ရောက်ပြီလား "
" ရောက်ပြီ ။ မင်းကတော့လေ...ငါ့ကို ဘာမှလည်းမပြောဘူး ။ အသီးတွေကလည်း အများကြီးပဲ "
ဂျောင်းဂုက ရယ်သွမ်းလျက် ဆိုလာသည် ။
" Hyungကို စားစေချင်လို့လေ ။ နွေရာသီဆိုတော့ ရာသီဥတုက တအားပူတယ် မဟုတ်လား "
YOU ARE READING
Please Love Me
Fanfictionမပြီးပြည့်စုံတဲ့ကိုယ့်ကို ချစ်ပေးနိုင်မလား ။ အရာအားလုံးက မင်းနဲ့စတင်လာခဲ့တာကြောင့် မင်းနဲ့ပဲ အဆုံးသတ်ချင်မိတယ် ။ မၿပီးျပၫ့္စံုတဲ့ကိုယ့္ကို ခ်စ္ေပးႏိုင္မလား ။ အရာအားလံုးက မင္းနဲ႔စတင္လာခဲ့တာေၾကာင့္ မင္းနဲ႔ပဲ အဆံုးသတ္ခ်င္မိတယ္ ။
