လပေါင်းများစွာကြာမြင့်သည့် World Tour အား အောင်အောင်မြင်မြင်ကျင်းပပြီးစီးခဲ့ပြီး
သည့်နောက် အမိမြေ ဆိုးလ်သို့ ထွက်ခွာလာခဲ့ပေတော့သည် ။ မနက် နှစ်နာရီ၌ ယွန်းဂီ စီးနင်းလာသည့်လေယာဥ်မှာ အင်ချွန်းလေ
ဆိပ်သို့ ဆိုက်ရောက်လာခဲ့ပေသည် ။ ယွန်းဂီမှာ မန်နေဂျာအစ်ကိုနှင့်အတူ သူ့တိုက်ခန်းရှိရာသို့ ပြန်လာခဲ့ပြီး မန်နေဂျာအစ်ကိုထွက်သွားသည်နှင့် သူက ကိုယ်ပိုင်ကားဖြင့် ဂျောင်းဂုရဲ့အိမ်သို့ ထွက်လာခဲ့သည် ။ ယွန်းဂီမှာ သူပြန်ရောက်ပြီ ဖြစ်ကြောင်းကို ဂျောင်းဂုအား ကြိုတင်ပြောပြထားခဲ့ချင်းမရှိပါချေ ။ ထို့ကြောင့်ပင် သူ့စိတ်ထဲ၌ ထိုကောင်လေး
အံ့သြသွားမည့်ပုံစံလေးအား စိတ်ကူးမိရင်း
သဘောတကျရှိနေမိတော့သည် ။
အိမ်ထဲသို့ရောက်သောအခါ မီးအမှောင်ချထားတာကြောင့် တစ်အိမ်လုံး မှောင်မည်းနေသည်ပင် ။ အမှောင်ထဲ၌ပင် ယွန်းဂီမှာ သွက်လက်တက်ကြွစွာဖြင့် အခန်းရှေ့သို့သွားရောက်လိုက်ပြီး တံခါးခေါက်ခြင်းမပြုဘဲ အိပ်ခန်းတံခါးအား ဖြေးညှင်းစွာ ဖွင့်လိုက်လေသည် ။ အခန်းထဲ၌ မှိန်ပျသောအလင်းရောင်တချို့လင်းလက်နေပြီး ကုတင်
ပေါ်တွင် နှစ်ချိုက်စွာဖြင့် အိပ်မောကျနေသည့်ဂျောင်းဂုအား တွေ့လိုက်ရသည် ။ ထိုပုံရိပ်
လေးကြောင့် ယွန်းဂီမှာ စိတ်သက်သာရာရ
သလိုမျိုး ပြုံးလိုက်ပြီးနောက် သူက အခန်းထဲကနေ ထွက်လာလိုက်သည် ။
ယွန်းဂီမှာ အပြင်ဖက် သန့်စင်ခန်း၌ ကိုယ်လက်သန့်စင်လိုက်ပြီး တိတ်တဆိတ်ဖြင့် အိပ်ခန်းထဲသို့ ပြန်လာလိုက်သည် ။ ထို့
နောက် သူက ဂျောင်းဂု ခြုံလွှားထားသည့်စောင်ပုံကြားထဲသို့တိုးဝင်လိုက်ကာ ထိုကောင်လေးအား တင်းကြပ်စွာဖြင့် ပွေ့ဖက်လိုက်တော့သည် ။ လအတော်ကြာခွဲခွာခဲ့ရတာကြောင့် အလွမ်းတွေမှာ ဖော်ပြလို့မရအောင် ကြီးမားလွန်းနေပြီဖြစ်သည် ။ ယွန်းဂီမှာ ဂျောင်းဂုရဲ့ရင်ခွင်ထဲသို့ ခေါင်းတိုးဝင်လိုက်သောအခါ ထိုကောင်လေး၏ ကိုယ်သင်းနံ့ဖျော့ဖျော့လေးက သူ့နှာသီးဝတွင် လာရောက်ရစ်သိုင်းလာပေသည် ။ သူက ပို
၍တင်းကြပ်စွာဖြင့် ပွေ့ဖက်လိုက်တော့သည် ။
VOUS LISEZ
Please Love Me
Fanfictionမပြီးပြည့်စုံတဲ့ကိုယ့်ကို ချစ်ပေးနိုင်မလား ။ အရာအားလုံးက မင်းနဲ့စတင်လာခဲ့တာကြောင့် မင်းနဲ့ပဲ အဆုံးသတ်ချင်မိတယ် ။ မၿပီးျပၫ့္စံုတဲ့ကိုယ့္ကို ခ်စ္ေပးႏိုင္မလား ။ အရာအားလံုးက မင္းနဲ႔စတင္လာခဲ့တာေၾကာင့္ မင္းနဲ႔ပဲ အဆံုးသတ္ခ်င္မိတယ္ ။
