الحلقة2:
لثواني كان الصمت فيهم سيد الموقف..عينيها متنحاوش من عينيه..عوج فمو..رفد يديه حطهم على صدرها دفعها لتالي..دخل و غلق الباب..حركتو صدمتها..نزلت يديها تشوف معا البلاصة لي قاسها..و رجعت شاف معاه بالسيف..وقف هو عند الباب..
فيرا: و واش ت تسحق من عندي
هشام: همم هادا سؤال مليح
قرب للكرسي تاع الطابلة هاديك ترمى عليه..ضيقت عينيها..زربت ليه..وقفت قدامو سوا سوا..تحكي بصوت هي تضن فيه يخوف و دايرة فبالها قاعدة تهدد فيه..اما هو فحاكم ضحكتو بالسيف على صوتها لي خرج برعشة خوف..
فيرا: بواش من حق تدخل داري بهاد الطريقة و انا مسمحتلكش..واش تسحق من عننندي
طلع عينيه ليها..كبس ملامحو..حكى بكل بساطة كأنو حاجة نورمال
هشام: راح تخدمي معايا
بلعت ريقها..راصها حبس من هاد المخلوق لي قدامها..كبست روحها شوية..
فيرا: ثانكيو منيش حابة نخدم فالوقت الحالي تقدر تروح
ضحك بإستهزاء من فهامتها الثقيلة..كمل يحكي..
هشام: منيش نسقسي فيك..راني نقولك
خبط بيدها الطابل قدامها..
فيرا: ياااخي نتا مهبووول ؟ شكوون نتا اصلااا
مزاد فالكلام حتى حرف..خرج صور. و وراق من جيبو..رماهم قدامها..شافت فيهم و رجعت شافت فيه..
فيرا: واش هادا !!
هشام: تصاور تاع انسان تعرفيه مليح..و عقد العمل تاعو معانا بكامل القوانين
عقدت حواجبها..مستغربة..كمل يحكي..
هشام: شووووفيهم
تهزت و تنفظت على عيطتو..رفدتهم بالزربة بين يديها..عينيها وساعو..و هي تشوف فتصاور ياسين..تصاورو و هو يخدم..تصاورو رافد سلاح..تصاورو و هو يقتل..و هو يهرب..و هو يدروڨي و يشرب..و هو معا بنات حتى..طاحو من يدها وحدة وحدة..مشي مصدقة لي تشوف فيه..لدرجة انو كدبت عينيها..رفدت هاديك الوثيقة تقرا فيها..يديها يرعشو..تقرا و الدموع مضببينلها الرؤية..كمل هو يحكي
أنت تقرأ
__❄عيون_الجليد❄__
Action#منقولة __❄عيون_الجليد❄__ معروف عن المافيا الايطالية ان تنظيمها بالرُتب..و لكل عضو رتبته الخاصة و من بين اهم قوانين المافيا الايطاليا🔪😱ان العميل اذا مات تتولى مهامه زوجته😈🔥..و تعرف بعدها بإسم عيون_الجليد❄💣✌.. 🌸انطلاقا من ها...
