__❄عيون_الجليد❄__

03

لحلقة3:
دخل لدار..طلع هادوك الدروج بزوج خطوات..اول ما سمعت الباب تفتح راحتلو تجري..تمسح فيديها..قربت للخر تاع الدروج..تعيطلو..
وردية: هشااام..هشااام
مرجعش ليها..حكى ملفوق..
هشام: رااني جاي
دخل للبيتو..جبد الفاليز..طم كامل حوايجو..و دوزانو..غلقها و هبط..طلعت راصها على صوت خطواتو..تبسمت و هي تشوف فيها..شايد فاليز فيد و اليد ثانية فجيبو..لابس سروال بونتا شوفي پاج..شوميز بيضا مكبوسة على بدنو..فاست كلاسيك ماغون..طرابور ماغون..شعرو على عينيه..
ضحكت..قربت ليه..
وردية: خمووس على وليدي الله يبعد عليك العين
تبسملها..قرب ليها حط الفاليز فالارض..باسها من راصها..
وردية: حليت مشكل مرت ياسين ؟
قلب عينيه..فهماتو..نزلت عينيها للفاليز..حكات بحزن..
وردية: يعني رايح ليها ؟
هشام: وليت مسؤول عليها
هزتلو براصها بحزن..
وردية: ربي معاك..و رد بالك على روحك عيش ولدي..
تبسملها..رجع باسها..رفد الفاليز فيدوو خرج..عطاها لشوفور..حطها فطونوبيل..قرب هو لطونوبيل لي راهي فيها..فتح الباب..عينيه ضياقو وقت شافها..طايحة عالكرسي..شعرها مبعتر على وجها..نزل بعينيه لرجليها بتصوير بطئ لرجليها..لفخذتيها العريانيين بعدما طلعت الروب كتر..بلع ريقو..هز راصو يمين و يسار يبعد فالافكار لي جاوه..نفخ بالقاوي..نزل عليها شوية..يبعد فشعرها على وجها..نزل بيدو حطها على خصرها..يهز فيها..
هشام: ااي..نووضي
طاحت يدها لي كانت عالكرسي فلهواء..نقخ بالقاوي عدا يدو على وجهو..عرفها فاقدة الوعي و محاسة لوالو..شدها من كتفها جبدها ليه بلعقل..جات على صدرو..حط يدو تحت فخذها..رفدها فحضنو..خرج بيها..خدها على كتفو طري و سخون..نفسها يحرق هادي فرقبتو خلى جسمو يقشعر..كبس عليها اكثر فحضنو من غير ما يحس..يمشي و راصو فالسماء..تقول مراهو رافد والو..جسمها مولاش يبان قدام كتافو لعراض و جسمو المخدوم..فتحلو واحد مرجالو باب الفيراري النواغ..حطها بلعقل..تكالها راصها..و جبد روحو وقف..
_بوس تحب نتبعوك ؟
هشام: واش ميتبعني..و بالاااكو على الدار في غيابي..مدام وردية متعتبش الدار وحدها فهمت ؟
_امرك بوس
عطالو المفاتح فيدو..داهم و ركب..شاف معاها شوية..عدا يدو على شعرو بغزول..خبط الفولون..تمتم
هشام: محسووب ناقصني غير ### نتي ### زهري
رجع تلفت لطريق..ديمارا طاااير مخلي لغبار موراه..شايد طريق لجبل..

يسوق و مرة على مرة يرمي عينو ليها يتفقدها..عقد حواجبو وقت شافها مفاقتش..فتح التاقة جيهتها و زاد فالفيتاس..الريحمطيرة شعرها..و هو ولا على بالو..
تفتح فعينيها و ترجع تغلق..راصها يطبل ملبكاء لي بكاتو..غمضت عينيها بقوة..عملت ڨريماز بوجها..تقاوم فالريح..دارت بالسيف للجيهة الثانية تحاول تتحكم فشرعا الطاير..شاف فيها بطرف عينو..طلع البلار من جيهتو..فتحت عينيها بالشوية..تشوف معاه بعينين حمورا جمر..تتفكر بلعقل لي صرا..فثواني رجع شريط كامل واش صرا لذاكرتها..بلعت ريقها..شافت فالطريق و رجعت شافت فيه..
فيرا: و وين ر رايحين
هشام: ياااا ### صووتك منسحقش نسمعوو
زمت شفافها بخوف..رجعت لتالي..دورت وجها لتاقة..عينيها رجعو دمعو..عضت على لسانها مالداخل تمنع فيهم..رجعت غمضتهم..مشي حابة تشوف الطريق..مشي حابة تحفظ حتى شبر..مشي حابة تعرف وين رايحة..الحاجة الوحيدة لي حابة عليها هي تحبس وجيعة القلب هادي و يخف هاد الحريق لي شاعل فيها..الحاجة الوحيدة لي حابتها هي تنسى انو ياسين خرج قاتل..حاابة تنسسسى تصاورو معاا النسااء..و تصاور جرائمو لي متنحاوش من بين عينيها ماللحظة لي شافتهم فيها..
ماحست غير وقت حبس..شافت معاه بالزربة و رجعت شافت برا..
هشام: اهبطي
قال كلمتو و هبط..خرج الفاليز تاعو..رفدت يدها ترعش فتحت الباب..بقات تشوف معا رجليها فالارض..الوحل تحتها متقدرش تهبط..و هي حفيانة..كمشت رجليها..الروب طلعت كتر..طلعت راصها ليه..لقاتو دخل و رجع خرج..عاقد حواجبو يشوف فيها..من ملامحو يبانو غير عينيه يلمعو فالظلام..قرب ليها..بلعت ريقها..بزوج خطوات كان واقف قدامها..نزل راصو لجليها يشوف فيها..طلع حواجبو
فيرا: م مقدرتش
نفخ بالقاوي..نحنى ليها..طلعت يديها لسماء كي الطفلة الصغيرة
شدها من خصرها..غرس صبعتيه فيها..جسمها قشعر..من لمسة يدو الحديدية..غرست دفرتيها فكتفو..غمض عينيه بقوة..من جيخة خاطر وجعاتو و من جيهة اخرى..باش يتحكم فبدنو لي غلى وقت مس لحمها الطري..رفدها لسماء تقول رافد ريشة فيدو..رجع بخطوة للور..حطها قدامو بعيد عالوحل لي كان تحتها.. طلعت راصها ليه..ڨحرلها و عطاها بالظهر رايح لدار..نفخت بالقاوي..لحقاتو تتكعبر تجري على طراف صوابعها..شعرها يتراقص معاها..
★★★