__❄عيون_الجليد❄__

36

الحلقة36:
بقيت واقفة غاديكا..نستنى فيه يوصلي..مقدرتش نتزحزح مبلاصتي..جيست نستنى فيه..بخطوات قلال رجع فوجهي..طلعت راصي ليه..طاحت عيني فعينو..عينيا دارو على وجهو كامل..لحيتو لي زادت اكثر..ملامحو لي زيانت اكثر و اكثر..رجعت تركزت بعينيا فعينيه..توحشتو..توحشتو برشا..كنت حابة نعنقو..نحضنو و نشبع منو..اما كلام مهدي محبش يطلع من راصي..و صورتو معاها ماتنحاتش من بين عينيا..صوتو خرج بغش..بزعاف..لاز على سنانو..يحكي فوجهي..
هشام: ### شكنت تعمل معا اكا ###
طلعت حواجبي..ضميت يديا لصدري..نحاول نبرد اعصابي..و نطلع صوتي ببرود..
انا: بربي !! تحكي بجد ياخي ؟
قبل ما نكمل كلامي..محسيت غير بيدو لي شدتني من يدي بكامل قوتو..عينيا وساعو..دزني عالحيط غاديكا..و جا فوجهي..حصرني بجهامتو..واقف كيف الحيط قدامي..يحكي بصوت ناقص اما باين فيه الغش..
انا: ####### بيا !! حاسبتني نفدلك معا ###
طلعت راصي ليه..نحاول قد ما نقدر نغطي خوفي و وحشي..تكيت عالحيط..نحكي..
انا:بالله قولي برك شمدخلك فيا انت !! نمشي وين نحب و معا لي نحب
عروق رقبتو تكبسو اكثر ماهم مكبوسين..عرفتو وصل لتوب متاعو وقت غمض عينيه بقوة و رجع فتحهم..قبل ما يرجع يحكي..قصيت عليه كيف طلعت على طراطش صوابعي لعندو..كبست عالشوميز تاعو بزوج يدين..وجهي رجع معا وجهو..عينيا تركزو معايا اكثر..حكيت ببرود..
انا: ادا جاي تحاسبني معناها حتى انا راح نحابسك..
طلع حاجبو بتڨوعير..كملت نحكي..
انا: شكنت تعمل معاها سي هشام !! اه جاوب ! شكنت تعمل معاها جمعة كاملة ؟ عاجبك الحال فاحضانها ؟
عينيه حسيتهم دارو على وجهي كامل..كل انش من وجهي حسيت بعينيه جازو عليه..كيما زادا حسيت بيديه لي شدوني من جنابي..كبس عليا يحكي..
هشام: منين تجيب فهاد الهدرات ###
تبسمت على جنب نحكي..
انا: علاه شبيني مقلتش الحقيقة ؟ بربي كذبت عليك انا ! مكنتش معاها جمعة كاملة ؟
هشام: شكون خبرك !!
انا: شيهمك انتا فشكون خبرني ! المهم معندكش الحق تحاسبني م..
قبل ما نكمل لي قاعدة نقول فيه..حسيت بيدو لي تلفت على خصري..لزني ليه اكثر حتى مولاتش مسافة بيناتنا..
هشام: معادش تقول معندكش الحق و راسك و نعاود نسمعها الكلمة هاذي منك الا ما نهدلك فمك
انا: بربي !! باش تهدلي فمي !! خفتك برشااااا
طلع حاجبو مصدوم..تبسمت على جنب..حطيت يدي على خدو نحكي..
انا: و رااسك يا روحي و و تزيد تقرب ليها ولا حتى تزيد معاها نهار تحت سقف واحد..الا ما نهد الدنيا فوق راسك و هاني حذرتك..
عينيه وسعو..مالصدمة يدو تلقائيا ترخفت من خصري..قربت اكثر طبعت بوسة بالزربة على لحيتو..ملي شفتو خاطري فيا..جبدت روحي بالزربة عليه..خليتو يشوف معايا هكاك..و يرمش فعينيه كأنو يحاول يستوعب لي قلتو و لي عملتو..ضحكت على جنب..تلفت بالزربة..عطيتو بالظهر..داخلة لدار نجري قبل ما يلحقني..منعرفش منين جاتني هاديك الجرأة..و هاديك القوة باش نحكي..كيما منعرفش كيفاه بستو..جيست كنت حابة عليها..وقفت عند الباب ندق..تلفت مورايا..عينيا وساعو و انا نشوف فيه يقرب جيهتي..رجعت تلفت للباب..وليت ندق بقوة..نسمع فصوتها تعيط مالداخل..شوية و تنتحت..
وردية: شبيييك ا بنتي قريب هديتها شصااير
انا: حتى شي خليني ندخل احسن ما تنهد الدار علينا
بعدت من طريقي من غير ما تفهم..طلعت نجري..نسمع فيها تحكي..
وردية: يااا بنتي رااو ثوور هايج هرب مالمزرعة الا ما نروحو فيها ليوم جبتي اخرتني ااا هاملة
ضحكت و انا نجري لبيتي..عرفتها تحكي عليه..دخلت بالزربة..و سكرت الباب من مورايا..رميت صاكي عالسرير..نحيت الفاست حتى هي..و قعدت على طرف السرير نحي فكونفارسي..تهزيت و تنفظت على صوت الباب لي يدق بالقاوي..بلعت ريقي بالسيف نسمع فيه يحكي..
هشام: افتحي.. افتحي ## البااب
انا: برا على روحك هشام مراحش نفتح
خبط الباب بكامل قوتو..قلبي تهز و تحط مالداخل..
هشام: افتتتتحي احسن ما نكسرو
تنهدت نهدي فروحي..نطمن فروحي..عارفة مراحش يلحق يكسرو..رفدت روحي مالسرير..قربت للخزانة..فتحتها نفركس على حاجة نلبسها..
هشام: متفتحييييش ### ؟؟
نفخت بالقاوي..جبظت اول روب دار جات على يدي..تلفت داخلة لدوش..نحكي فرد وقت
انا: هأة..روح من هنا
عينيا خرجو و انا نشوف فبوانيي الباب لي طار..فمي تحل من الصدمة..مستنيتوش باش يكسرها..متوقعتهاش منو..من غير ما نفكر ثانية..جريت لدوش..دخلت بالزربة..اول ما جيت نغلقها حط يدو..تكيت عليها نحاول نغلقها..نحكي فرد وقت..
انا: هشااااام فاااش تعمل امممشي من هنااا
مردليش..دزها بكامل قوتو حتى رجعت للور بخطوات..على شوية كنت راح نطيح..الروب طاحت من يدي و انا نشوف معاه..قرب مني..رجعت لتالي..كل خطوة يقربها شيرتي نعمل كيفها للور..حتى وليت تحت المرش..ظهري حسيت بيه وقت لسق الحيط..معادش عندي وين نروح..غلق عليا النفس ببدنو لي وقف قدامي..سنتمترات قلال بيناتنا..نزل راصو ليا..نفسو سخون فوجهي..
هشام: هبلت ياخي ؟ شتصرفات لفروخة متاع ودني هادو ؟
انا: معجبوكش تصرفاتي ؟ هوكا ليديا قدامك برا لعندها اكيد باش يعجبوك تصرفاتها هي..ماو انا نتصرف كيف لفراخ اما هي باين فيها كبيرة
طلع حاجبو يحكي..
هشام: عندك الحق هي تصارفاتها تاع كبار
كبست على يديا..نهدي فروحي..عينيا تعمرو بالدموع..قلبي وجعني..بلعت ريقي بالسيف..ضحك..لز روحو ليا اكثر..قلبي عصر عليا من ضحكتو..حسيتو قاعد يستهزئ بيا..رفدت يديا بالسيف حطيتهم على صدرو..ندز فيه لتالي..
انا: شبييك تضحك كي هاكا..هاياا برا لعندها شمزال تعمل هنا
رفد يدو لوجهي..رفد خصلة من شعري و انا مركزة معاه..يلعب بيها بين صبعتيه..يحكي فرد وقت..
هشام: هأة..يعجبوني تصرفات الفروخة اكثر..
ضحك..غزلني اكثر ماني مغزلة..حسيتو قاعد ينبز فيا..رفدت يدي نطرتلو شعري من بين صبعتيه نحكي..
انا: برا على روحك هشام اخرج من هنا..
فثواني ملامحو تبدلو..الضحكة تمحات من وجهو..لسق فيا اكثر..شدني من فكي من غير ما يكبس عليا..طلع وجهي لعندو..يحكي و يلز على كل حرف يخرج منو..
هشام: ### معاادش نلقاااك معا اكا #### و الا نحلفك الا ما نفرجك فيه و هاني حذرتك..
رفدت يدي حطيتها فوق يدو..غرست دفارتيا فيها..نطرتهالو..
انا: متحاسبنيش و انا تعمل لي تحب عليه..وقت تبعدها عليها انتا ساعتها ارواح امرني نبعد عليه..
ضرب الحيط قدامي بكامل قوتو..تهزيت و تنفظت..غمضت عينيا بقوة و رجعت فتحتهم..نسمع فيه يحكي..
هشام: شمدخل ### انتي فيها هاني نحكي عليك علاه تجبد ف ### هي
منعرفش كيفاه..معلاباليش منين جبدت هاديك القوة كاملة..شديتو من فكو..طلعت على طراطس صوابعي نحكي بين شفافو..نعاود فنفس ابكلام لي قالهولي هاديك المرة..
انا: انتا متاعي..متاعي انا..ولا وحدة عندها الحق تقرب ليك..ليا انا و برك..و راسك غير نقتلك ادا قربت ليك وحدة..تفهم ؟؟ جاوبي قاعد تفهم فلي نقول فيه سي هشام الرا...
قبل ما نلحق نكمل..قص عليا كيف حط شفافو على شفافي..عينيا وساعو..دزني للحيط و لسق فيا اكثر..قص عليا بوسة وصلتني برشا كلام..و برشا احاسيس..وصلتني لي حاب يقولو بالقدا..لفيت يديا على رقبتو..شديتو من شعرو كحركة لا ارادية..ما جبد روحو غير وقت تقطع النفس علينا بزوج..جبد روحو يتنفس بالقاوي و يضحك..حط جبهتو على جبهتي..باقي مغمض عينيه و يتنفس فوجهي..رجليا ترخفو..يمكن لوكان مكنتش متحكية عالحيط راني طحت من زمان..نسمع فيه يحكي..بصوت مبحوح..
هشام: شرايك فجوابي ؟ تعتقدي فهمت ؟ فهمتك تهديدك ؟
غمضت عينيا..وجهي نحس فيه راح يطرطق بالحشمة..هزيتلو براصي ايه بالزربة..سمعتو وقت ضحك..ضحك هاديك الضحكة لي صوتها برك يدني للحياة و يخلقني من جديد..ما حسيت غير وقت جبد روحو عليا و فتح الماء..سوطيت فبلاصتي نعيط..
انا: ااااااه هشااام شعملت
ضحك و هو عند الباب..معرفتش كيفاه لحق يبعد..يحكي و باقي يضحك..
هشام: هادا عقاب النار لي شعلتيها فيا
انا: بربي فااش تحكي انو نار ؟ شعملتلك اناااا
هشام: اسكتي احسن
رميت يدي للسبالة غلقتها..هبطت راصي نشوف معا روحي..نقطر بالماء..كيف الفلوس بالضبط..طلعت راصي ليه..باقي يضحك..
انا: اخرررررج هشااااام اخررررج
الضحكة لي كانت فوجهو تمحات..تكى عالباب هزني و حطني..نظرتو عراتني..فحظات تملكني الخوف من نظرتو لي تبدلت..قلبي دق بالقاوي..
انا: ش شبيك
رجع حكى بصوت كلو جدية..
هشام: سخفتني حالتك..تحبي نجي نعاونك تنحي دبشك ؟
انا: هشااااااام
هشام: متعيطش احسن ما نلحق ليك
انا: باهي اخرج
هشام: متأكدة !
انا: هشام منيش قاعدة نفدلك معاك اخرج
هشام: باهي هاني خارج اما مترجعش تعيطلي من بعد و تندم
انا: مراحش نعيطلك تهنى اخرج دك
ضحك على جنب..فتح الباب..عطاني بالظهر و خرج..نفخت بالقاوي..رفدت يدي نحي فدبشي..تي حالتي تبدهلت..نحيتو بالقطعة..رجعت فتحت السبالة..تنهدت تحت الماء..رفدت يدي حطيتها على شفافي..غمضت عينيا نتبسم وحدي..مزلت نحس بيه..مزلت نحس بنفسو..نعشقو..الراجل هادا انا نعشقو..معادش نقدر نصبر اكثر..معادش نقدر على بعدو اكثر من هكا..معادش نتحمل اكثر من هكا..يزي..اكهو..هو متاعي وحدي..
★★★