__❄عيون_الجليد❄__

37

الحلقة37:
وقفت عند باب الدوش..فتحتها بلعقل..خرجت راصي بلعقل نحوس عليه..تنهدت براحة وقت ملقيتوش..كملت دزيت الباب..خرجت و انا نضحك..رميت المنشفة لي نشفت بيها شعري عالسرير..قربت لاكوافوز..مشطت شعري..و رديتو للور..شديت لاماش تاعي بمساك باش مترجعش تقلقني..رفدت قرعة الريحة رمشيت منها عليا..هبطت الروب شوية..من غير شي قصيرة بزاف..قربت للقجر تاع سبابط..فتحتو نحوس فيه..طاحت عيني على كلاكات تاع تويتي..غوز..مناسبة معا الروب لي لابستها..جبدتها..لسبتها و نزلت لتحت..اول ما لحقت لاخر الدروج ضرتني ريحتو..و لحقني صوتو..ابتسامة ترسمت على وجهي..قلبي حسيتو رفرف وقت عرفو مزالو هنا..زربت بخطواتي للكوزينة..اول ما وصلت للباب طاحت عيني عليها..محاولتش نتلفت ليه..مشي قادرة نشوف فيه بعد لي صرا مقبيل..متكية عالبوطاجي تحكي معاه..تبسمتلي تحكي..
وردية: ارواحي يا روحي ارواحي نعمرلك حتى نتي راني دايرة سباغيتي
من الفرحة سفقت بيديا من غير ما نحس..جريت ليها بستها من خدها..
انا: ميررررسي نموووت فيك
شدتني من خدودي تضحك..
وردية: يخليك ليا..اقعدي تاكلي
تبسمتلها..بعدت عليها جبدت الكرسي قعدت..طاحت عيني فعينو..قلبي دق بالقاوي..كحركة لا ارادية عديت لساني على شفافي..حسيت بعينيه تركزو على شفافي اكثر..يشوف معايا بعينين مضيقين و نظرة غرييبة خلات قلبي يضرب اكثر و شبه ابتسامة على وجهو وترتني اكثر و اكثر..نزلت راصي..نلعب بصوابعي فوق الطابل..نظراتو حسيتهم قاعدين يخترقو فيا..وجهي نحس فيه راح يطرطق مالسخانة..شوية و تحط الطبسي قدامي..طلعت راصي ليها..
انا: ميرسي
وردية: بالصحة..
انا: عيشك
وردية: رايحة نرقد انا..خليكم نتوما تاكلو
عينيا وساعو..قلبي دق بالقاوي..محسيتش لروحي كيفاه شديتلها يدها حكيت..
انا: لالا خليك هنا متروحيش تعيشي
عقدت حواجبها..تلفتت ليه..تشوف معاها..و رجعت شافت معايا تضحك..عرفتو عمللها كاش جاست..تلفت ليه بالزربة عاقدة حواجبي..بلعت ريقي و انا نشوف فيه منزل راصو لطبسي ياكل اما عينيه عليا..غمزلي..خلاني نبلع ريقي للمرة الالف..قلبي يدق بالقاوي..غرقت فنظرة عينيه لثواني..و مافقت غير وقت جبدت يدها من يدي..تلفت ليها بالزربة..لحقت توصل للباب..
انا: خاااالتي
دارت ليا عينيه مدمعين بالضحك..عملتلي بيدها باي باي و راحت..رمشت عينيا شحال من مرة..نحاول نستوعب الموقف لي راني فيه..وحدي معاه..و هو حالف فيا مالصباح..تي حتى مشي قادرة نشوف فيه بعد لي صرا مقبيل و لكلام لي قلتو..غمضت عينيا بقوة و رجعت فتحتهم..رجعت تلفت لطبسيا من غير ما نشوف فيه..نزلت راصي ناكل..نسمع فصوت انفاسو..طلعت عينيا ليه بلعقل..عضيت شفتي و انا نشوف معاه..متكي بيديه عالطابل و يشوف معايا..حطيت الفرشيطة من يدي..تبسمتلو بتبهليل..نسقسي فيه..
انا: واش كاين ؟ علاه راك تشوف فيا هاكا ؟
هشام: واش دخلك
عقدت حواجبي..تكيت لتالي..مقابلاتو..
انا: تشوف فيا و تقولي واش دخلك ؟
هشام: ممممم
عوجت فمي..قلبت عينيا منو..رجعت نزلت راصي ناكل..اول ما وصلت اللقمة لفمي رجع حكى..
هشام: فيرا
طلعت راصي ليه بالزربة..نبرة صوتو هزتني مالداخل..عمري ما سمعت اسمي من عندو بهاد الطريقة..اول مرة يهدرو هكا..قلبي ضرب بالقاوي بين ضلوعي..
انا: و وي
محكاش..مردليش..جيست يشوف معايا..للحظات حسيتو سرح..رجعت هزيتلو براصي نسأل فيه..غمض عينيه و رجع فتحهم..دنى الكرسي للور..وقف و انا نتبع فيه بعينيا..دار عالطابلة يقرب جيهتي..يقربلي من غير ما تنزل عينو من عيني..حط يدو عالطابلة قدامي..جا من مورايا..بلعت ريقي بالسيف وقت حط يدو الثانية على يميني..رجع حاصرني بين يديه و انا قاعدة و عاطياتو بالظهر..نفسو نسمع فيه قاوي..يتنفس بالقاوي كيف الثور الهايج..كبست بيديا على طرف الطابل..لسقت فيها نحاول نبعد عليه..
انا: ه هشام و واش راك دير
مردليش..نزل عليا اكثر حتى وليت نحس فنفسو فرقبتي..جسمي قشعر..مبقيتش نحس برجليا..جاب ربي قاعدة..نسمع فيه يحكي فودني..بصوت هادي عاللخر
هشام: شافية مقبيل كي بستيني من خدي ؟
هزيتلو براصي ايه بالزربة..ضحك..رفد يدو يبعد فشعري..رعشة سرات فبدني كامل من صوابعو لي قاعدين يدغدغو فرقبتي..بعدلي شعري على جنب..يحكي فودني..
انا: حبيت نرجع ندي بوستي..اما على طريقتي..
عينيا وساعو..عارفة لي راح يعملو..قبل ما نلحق نحكي..قبل ما نلحق نقوم ولا نبعد..ما حسيت غير بيدو لي تحط على فمي باش نعيطش..و سنانو لي تغرسو فرقبتي..عينيا خرجو..عضني بكامل قوتو..وليت نفرفط فهاداك الكرسي و هو حاكمني بين يديه..وجعني..وجعني بزااااف..محسيتش لروحي كيفاه كنت نخبش فيه باش يطلق اما وااالو..شوية و جبد روحو شوية..نزل يدو من فمي..نزقوية
نزلها لكرشي حضني بزوج يدين مالتالي..راصو باقي فرقبتو..نفسو يحرق فيا..نااار قاعدة نحس فيها..قلبي يخبط بالقاوي..الدنيا دارت بيا..الدوخة لعبت عليا من هاد الاحساس لي قاعدة نحس فيه..تكيت راصي على كتفو..رفد يديا حطيتهم على يديه لي لافهم على كرشي..
انا: بعد هشااام بعععد معاادش تحكي معاااايا
مردليش..اما حسيت بشفافو لي تحطو بلاصة العضة..باسني بلعقل..بدني تكهرب..لكلام وحل فحلقي..طلع راصو بلعقل..باسني من شعري..ضوت أنفاسو الهادية..خلاونينرتاح..نرتاح مالداخل تاعي..غمضت عينيا براحة..نستمتع بهاد اللحظات..نستمتع بهاد لوجيعة لحلوة كأنها احسن حاجة صراتلي..نسمتع بريحتو لي قاعدة نستنشق فيها..نستمتع بلمساتو لي طيرني لسابع سماء..
فثواني..منعرف كيفاه ولا وعلاه..تعدات بين عينيا هاديك الليلة وقت تخلى على مهمتو جرتي..تعدات بين عينيا نظرة رجالو..و اللحظة لي طاح فيها سلاحو عالارض و هزيمتو..فثواني رجعت تفكرت هاداك الاحساس و هاداك العجز و هااك عذاي الضمير..معلاباليش كيفاه دزيتو و نضت نجري..معلاباليشكيفاه بعدت عليه هادوك الخطوات و خليت قلبي بين يديه..تلفت ليه نشوف معاه..عاقد حواجبو..مصدوم..وجهو حمر..عروق رقبتو بارزين..مفهمتش ادا مالزعاف ولا من حاجة وحدوخرا..و ملحقتش حتى نركز معا حالتو..كلش قاعد يدور فراصي هو صوت لي عملو سلاحو هاديك الليلة وقت طاح من يدو بسبتي..قرب خطوة مني..يحاول يفهم..رفدت يدي بالزربة فوجهو..هزيتلو براصي لالا..
انا: م متقربش هشام مت متقربش
هشام: فيرا واش صراااالك ### واااش بيك
انا: معادش تقرب ليا تعيش..خليني تعيش..خليني..متلحقنيش خليني نرتاااح هشام تعيش
بلع ريقو..يدي لي كانت فالسماء نزلت بلعقل..غمض عينيه و رجع فتحهم كأنو قاعد يستوعب فلي نقول فيه..رجع شاف معايا..نظرة هزت عروشي مالداخل..و جابت قلبي مفتت عالارض..نظرة قهرتني..لوم..قهر..حزن..دمااار اا قلبي دمااااار..نظرتو دمااار ليااا..يمكن متخلقتس اصلا كلمات تقدر توصفها..مقدرتش نصبر كتر..مقدرتش نتحمل كتر..ثواني تحت نظراتو كانت كافية انها تحطمني..مقدرتش..تلفت بالزربة..طلعت هادوك الدروج الدرجة بعشرة..اعطيني غير نبعد..نبعد من تحت قصفو الجوي..من تحت نيرانو..نجري و دموعي شلال..نجري و نسمع فصوتي يتفتت لداخل..
دخلت و خبطت الباب بكامل قوتي..حطيت يديا على فمي نكتم فشهقاتي..قربت لسرير..قعدت على طرفو..نبكي بالشهقة..معادش حسيت بقلبي..وجيعة ياسين
جيهتو..وجيعة قهر..وجيعة حب من طرف واحد..وجيعة حب محرم..غرقت فدموعي..غرقت فوجيعتي و فقهري و قنظرة عينيه لي تحفرت داخلي..مهما عشت..مهما حييت عمري ما نقدر ننساها..ولا راح تتنحى من بالي..
قطع سلسلة افكاري و كبوابيسي صوت التيليفون..تلفت ليه عاقدة حواجبي..منعرف شكون قاعد يعيط فهاد الوقت..رفدت يديا نمسح و نعاود فدموعي..عديت يديا على وجهي نهدي فروحي و نحاول نحبس شهقاتي..خذيت نفس طويل..رميت يدي ليه..رفدت من غير ما نشوف شكون..
انا: الو
رشيد: يا اهلا بعيون الجليد
قلبي دق بالقاوي..قلبي ضرب ضربة وحدة سمعت صوتو..منعرف علاه عيطلي..كيما منعرفش منين جاب رقمي..وقفت بالزربة من بلاصتي..صوتو..متأكدة صوتو مستحيل نغلط فيه..حافظاتو معا اني سمعتو مرة وحدة فليلة الحفلة..انا ترسخ فيا و مستحيل نخربط فيه..بلعت ريقي بالسيف نحكي..
انا: واش تسحقك من عندي ؟
رشيد: هاك ظهرتي حتى نتي متحبيش المقدمات..نحبك دك تفتحيلي عقلك و تسمعي ليراح نقولو من غير ما تقاطعيني..
بلعت ريقي..قلبي نحس فيه راح يخرج مبلاصتو..نستنى فلي راح يقولو..نستنى فلي جاي و قلبي عاصر عليا..كمل يحكي..
رشيد: ماليوم و طلع الاوامر راح تديهم من عندي انا..و طبعا من غير ما يعرف هشام..راح تكملي الخدمة معاه و تبقاي على تواصل معايا
من غير ما نفكر..من غير ما نكمل نسمع كلامو..كلامو لي صدمني و معرفتش واش هدفو منو..حكيت بلا تفكير حتى..
انا: مستحييييل..انااا مستحييل نقبل نآذي هشام و لا حتى نخدم معا واحد غيرو
رشيد: و شكون قالك راح تأذيه ؟؟
انا: قتلك لاااا
اعصابي بداو يتلفو..مفهمتش واش صرالي اما كللمو و نبرة صوتو دخلوني فالحيط..حسيت مخي راح يتحرق..السخانة طلعتلي فثواني..و كمل عليا صوت ضحكتو..ضحكتو لي حسيتها ترن فراصي و تضرب فمخي لداخل..كمل يحكي..
رسيد: على اساس انتي مسي قاعدة تأذي فيه دك !! هكا بهاد البساطة نتي رفضتي عرضي !! معناها كلام ياسين كامل صحيح..متعتك كاملة تحسيها وقت توقفي فطريق الناس..فكرتك تبدلتي اما الظاهر كنت غالط طول عمرك حمل ثقيل و مراحش تتبدلي..راح تبقاي عائق فطريق هشام حتى تجيبي اخرتو كيما جبتي اخرة يشفافوكلامو لي قالو بعد كلمة ياسين مبقيتس سمعتو..مسمعتوش خاطر مخي تقفل..طرافي بردو معا كل حرف سمعتو من عندو "راح تبقاي عائق فطريق هشام حتى تجيبي اخرتو كيما جبتي اخرة ياسين"..دموعي نزلو..نزلو اكثر و اكثر..الدنيا ظلامت فوجهي..مفقتش واش كنت ندير..معلاباليش كيلاه رميت التيليفون على طول يدي..جملتو تتعاود فراصي..نسمع فيه يعيييط يعييط بهاادوك الكلمات فودني..الدوخة لعبت عليا..حطيت يديا على ودنيا..نحااول نقطع صوتو من ودني..نعيط بكامل قوتي معا اني مشي قاعدة نسمع فصوتي..
انا: اسسسسسسسكت اسسسكت معاااادش تهدر اسسسكت
نزلت يديا بلعقل..نتنفس بالسيف..النفس نحسو تغلق عليا..معادش بقيييت نتنفس انا..معادش قدرت ناخذ نفس..نسمع فجملتو فكل بلاصة..فكل بلاصة قاااعدة نسمع فيهاا..كلش جا على يدي كسرتو..كلش جا على عيني كسرتو من غير ما نفيق على روحي..نحس فراااصي تقيل..و صوتو يتعاود فراصي..حبست فبلاصتي..على صوتو و هو يعيطلي..
هشام: ف فيرا
تلفت ليه..نتنفس بالقاوي..عيني طلحت معا عينيه..حسيتو مكوانسيي فبلاصتو..فمو محلول شطر من الصدمة. " راح تبقاي عائق فطريق هشام"..هزيتلو براصي لالا..نحاول نبعد هاد الهدرة من راصي..ولا واحد راح يفهمني..ولا واحد يقدر يحس بيا..مكاش لي راح يحس بلي قاعدة نحس فيه..ابشع احساس انك تحس روحك عائق عالنار لي تحبهم..راصي راح يطرق..وااش قصدو..واش قصدرو بكلمة جبتي نهاايتو واااش قصدو واااش درت اناا..نفس تغلق عليا..وليت نتنفس بالقاوي..صوتي محبش يخرج..مقدرتش نخرجو..مقدرتش نحكي..جسيت نشوف معاه..<<منيش عااائق..منيش عاائق فطريق حتى حدد..معاادش تعاود هاد الكلمة..معااادش تقوولها مبقيتش قادؤة نزيد نسمعها مرة وحدوخرا>>..حبيتنعيط..حبيت نقول لكلام هادا..حبيت نقولو فوجهم كامل..امل مقدرتش..مقدرتش راصي نحس فيه راح يطرق بالوجيعة..دمرت..دمروني..مخلاوش فيا..استغلوني لدرجة انهم سلبو مني حتى ثقتي بنفسي..سلبو مني كلش..حطمولي حياتي و انا مدرتلهم والو..مخلاوش فيا..غمضت عينيا بقوة و رجعت فتحتهم..صورتو تضببت بين عينيا..اخر صورة..و اخر اسم خرج من بين شفافي هو اسمو حبي..و روحي..و نفسي..و حبيبي..و كلش بقالي..رجليا ترخفو..و بدني تهد..تهديت بعد ما شفت صورتو اخر واحد..حسيت ببدني لي خبط الارض..اما هاد المرة الخبطة كانت اقوى..اقوى ملي قبلها و اقوى من وجعي..حسيت بالارض الباردة لي لقفتني..سمعت اسمي لي خرج من شفافو
سمعتو وقت عيط بإسمي..و تخلط صوتو معا الصوت لي قاعدة نسمع فيه..حبيت نردلو..حبيت نوض نحضنو..حبيت نهديه و نطمنو..اما مقدرتش..خانتني قوتي و خاني بدني..عينيا تغمضو..و ستسلمت لضعفي..و خليتو من مورايا..
★★★